رابطة ملاك ارمادا

[ال-رايق]

السلام عليكم :::::
اخوي /ارمااداا ولا يهونون الاخوان - عز الله انك كفّيت ووفّيت -الله يوفقك,, بس ليتك تشوف الصور بالروابط في موضوعي رقم 3 هل هي مثل مساعدات مواتركم الله يحط بها البركة؟
وكذلك لمبة الاءشعار الخاصة بهواء الكفرات كانت قبل الحادثة مضيئة لأني منزل الهوا ل32 والآن طافية تعتقد الحساس جاه شيء او الزيت اعماه الله ينور دروبكم
وشكرااااا,,,,,

[ارمااداا LE]

السلام عليكم :::::
اخوي /ارمااداا ولا يهونون الاخوان - عز الله انك كفّيت ووفّيت -الله يوفقك,, بس ليتك تشوف الصور بالروابط في موضوعي رقم 3 هل هي مثل مساعدات مواتركم الله يحط بها البركة؟
وكذلك لمبة الاءشعار الخاصة بهواء الكفرات كانت قبل الحادثة مضيئة لأني منزل الهوا ل32 والآن طافية تعتقد الحساس جاه شيء او الزيت اعماه الله ينور دروبكم
وشكرااااا,,,,,

وعليكم السلااام ورحمة الله وبركااته
حيااك الله اخوي ارمادجي ..

بخصوص الحساس ما اعتقد جاه شي لانه في بطن الجنط على البلف من داخل .. يعني بعيد
وحتى لو افترضنا انك منسم ومع المطب دق الجنط في الكفر ما راح يلمسه ..

عموما تقدر تتأكد نسم أي كفر وشف اذا ولعت معناها الامور طيبه ..

انا اللمبه تولع عندي 29 الى 30 .. والكفر بارد
لان اذا مشى الكفر احتر وزاد ضغطه .. يعني لو فيه 30 بارد .. بعد ما تمشي يبدأ يزود
الى 10% يعني يوصل 33 الى 34 ..


اما المساعد ما اشوف اختلاف .. حتى رقم 44 موجود عندي
شف هذي صورك ::











وهذي صورة المساعد اللي عندي
ما أشوف اختلاف ابد ::






لا يهمك ولا تفكر الامر بسيط ..
انت لا منك رحت الوكاله بيفحصون ويصلحون كلش ..
فالك طيب بإذن الله ..

هلااا بك ..

[armada2007]

الف مبروك والله يعطيك خيره ويكفيك شره
واسمح لي اخوي اسألك سؤال ما خليت صاحب ارمادا الا و سألته

كيف تقيم راحة الارمادا وعزل الصوت مقارنة باليوكون ؟

هلافيك اخوي تركي انا استخدمت ا ليوكن والان معي ارمادا بكل صراحه افخم واقوى من اليوكن والتاهو من ناحية تنسيم الهوى فيه صوت التنسيم اذا وصلت سرعة السياره 130 وزياده واعتقد في له حل بتغيير الربلات وكنت بسال الاخوان وسالتني ماشاء الله عليك انا الموتر توي شاريه ماكمل شهر معي وماشريت الا لمن سالت مستخدمي الارمادا سواء بالنت او الي قابلتهم يمدحون كثير فيه والحمد لله الموتر يستاهل التعب ولا يتقارن باليوكن والتاهو نهائيا خاصه اذا كامل المواصفات موتر تثق فيه بصراحه ولك تحياتي ........

[armada2007]

وعليكم السلااام ورحمة الله وبركااته
حيااك الله اخوي armada2007 ..

مبروووك الموتر والله يعطيك خيره ويكفيك شره .. وياا هلااا بك في الرابطه

انا شفت موضوعك بخصوص النفقيشن وكنت ابرد عليك بس لقيتك حاضر هنا ..
والساعه المباركه تواجدك معنا ..



مشكلتك هذي سلمك الله لابد تغير السي دي ويشتغل عندك بإذن الله ..
يااا اما تشتري من الوكاله واعتقد يتراوح سعره ما بين 150 الى 200 ريال ..

او انك تشوف واحد معه ارمادا وتنسخ منه السيدي ما يكلف 5 الى عشره ريال ..

او تنزل السيدي من النت ..

ولكن تعريب .. او ان المعلومات باللغه العربية .. ما شفت ولا أظن تمشي والله أعلم ..

على العموم العناوين سهله وواضحه يعني حتى لو انك مبتديء باللغه راح تفك الخط ..

الله يسهل امرناا وامرك ومن يقرااا ..

بيض الله وجهك اخوي والله يبارك فيك وجزاك الله خير على الرد باخذ بنصيحتك انشاء الله بس فيه ناس يقولو مايشتغل الا على السيدي حق بلاده والسيدي مسحوب من امريكا وطبعا يقولو ماتتنزل عليه خرائط الخليج لابد من سيدي يقبله النضام حق الشاشه واذا على كلامه اغير جهاز dvd بسيطه راح اجرب وبعطيكم النتيجه وانشاء يقبل السستم مع اني خايف يحوس الكمبيوتر عندي بس لازم الاقي حل بمشيئة الله وببلغ الاخوان الي يعانون من هالمشكله باذن الله والي يسبقنا بالحل لايبخل علينا ودمتم جميعا

[الأسطول]

السلام عليكم ورحمة الله وبركاته جميعا وأخص بالسلام على شعلة الرابطة بسم الله ما شاء الله
الأخ ارمااداا LE

وأحب أقول لك أني أحبك في الله لما وجدت من مثابرتك في الرد والترحيب لكل من يدخل الرابطة منذ إفتتاح الموضوع وإلى الآن
ولا يهونون البقية
الله يثيبك ويجزاك خير على المجهود اللي تقوم به

[الأسطول]

السلام عليكم جميعا
ومشكووور أخوي ارمادااLE على حسن التفاعل وسرعة الرد..لكن أرجو الافادة هل ابدل المساعدات ضمن الصيانة ال5000 حيث ان العداد الان - 4700 وللمعلومية شاريها منذ شهر ومع انني نيساني قديم وجربت سيارات عديدة الا انني استغرب الحادثة ولا ودي شي يكرهني في الارمادا وهل امشي عليها حيث انها واقفة الان والزيوت تحت كل كفر من الداخل (نقعة دائرية بقطر 15سم)
ودمتم,,,,,,,,,

أخوي ارمادجي وعليكم السلام

على حسب حالة سيارتك التي وصفتها بأنها موديل 2010 وبأنك شريتها منذ شهر فإحتمال بسبب مدة التخزين الطويلة ربما تصل إلى سنة ونصف هي التي تسببت بفقدان المساعدات المرونة الكافية وأدت إلى إنفقاعها
أنظر إلى تاريخ الإنتاج موجود على باب السائق لأن موديلات 2010 تصنع بداية من شهر 9 من سنة 2009 على حد علمي

وعلى ضوئها طالب بتغيير المساعدات على الضمان
والله الموفق

[سهم الامل]

السلام عليكم .. عساكم بخير وصحه

الاخ ارمادا le

مشكووووووور ع الموضوع ... الاكثر من رائع

من شهر تقريبا شرينا سيارة ارمادا 2006

ومن وقتها وانا اتابع هالموضوع .. من اول صفحه

حبيت اسالكم عن الدي في دي ... العلبه الي يتركب فيها السيديات مفقوده عندي وين احصلها فيه

وشكرا

[راعي الرباعي]

اخوي الهوى جنوبي ... والله ما اعرف وش علاقة سلك الجلنط مع خرط الهوبات !!
انتبه من ذا الميكانيكي اللي قالك اخرط .

والاخوان اللي يستفسرون عن ارمادا 2011 فعلا نزل قبل ايام وشفته في الوكالة سعر الفل دفع رباعي 174000
والمتغير الجنوط صارت كروم بلمعة والالوان المتوفرة حتى الان اسود وعودي ورمادي فقط .. وعرض ال50% 50% بعدهم ماطبقوه على 2011 يقول الموظف يمكن خلال اسبوعين اوثلاثة بيطبقونه وبحسب كلامه معاد فيه 2010.

انا الحقيقة كنت منتظر تعديل كبير في 2011 لكن ماصار شي لذلك بتوكل على الله واخذه بس منتظر الابيض وتطبيق عرض ال50%

سؤال ياشباب : هل يجي فل فيه كل المزايا بس بدون جلد وبدون فتحة وبدون نفيقيشن؟

يعني ابغاه دبل/ مخمل/ شاشة معلومات/دي في دي/ بلوتوث/ مثبت سرعة/ شنطة تفتح وتغلق اليا /كراسي الصف الثالث تتطبق اليا / نظام التشغيل وركوب السيارة بدون مفتاح/ الجنط الكبير.

اللي متأكد من المعلومة يعلمني تكفون ..

مشكور على مشاركتك أخوي تركي

في الحقيقة لي 3 أسابيع أتابع مع الحمراني في الرياض أبي أشتري أرمادا SE دبل
لكن ما كان عندهم الا حبتين 2010 LE فل كامل أبيض،،، و حبتين SE 2011 بدون دبل أسود

و حسب إفادة فرع العليا من يومين انها مباعة الان و لم يتبقى أي حبة على الإطلاق.
و يقول 2012 إحتمال في رمضان بس مش اكيد.

و اللي عنده معلومه كيف أحصل غي الوقت الحالي على SE دبل جديد أرجوا انه يفيدني.
و جزاكم الله خير

الرباعي

[ال-رايق]

السلام عليكم جميعـــــا
أخوي الأسطول (والنك نيم له تحيه ثانيه) ,
تاريخ الصنع -02/2010
والاستماره27/03/2011
وانشاء الله بوديها الاسبوع الجاي واخبركم وش صار,,,,,,وعلى فكره حسب خبرتي المحدوده اشوف ان المساعد قصير شوي ولا اعلم هل هو انفجار(تفقع) او ان عمود المساعد منكسر ويشفع له مثل ماقالوا الاخوان ان الموتر ثقيل حتى تلاحظ قصر المسافه من الصدام الى الباب ولو تهز الوجه تلقاه ماشاء الله ثقيل وشكرااااااا
ملاحظه(((اللي يبغى الDVDخاص بالملاحه رقم4 انسخه له على د ف دي قابل للكتابة انا مستعد اذا كان بالرياض ويقابلني)),,,,,,,,,,,,

[الأسطول]

السلام عليكم جميعـــــا
أخوي الأسطول (والنك نيم له تحيه ثانيه) ,
تاريخ الصنع -02/2010
والاستماره27/03/2011
وانشاء الله بوديها الاسبوع الجاي واخبركم وش صار,,,,,,وعلى فكره حسب خبرتي المحدوده اشوف ان المساعد قصير شوي ولا اعلم هل هو انفجار(تفقع) او ان عمود المساعد منكسر ويشفع له مثل ماقالوا الاخوان ان الموتر ثقيل حتى تلاحظ قصر المسافه من الصدام الى الباب ولو تهز الوجه تلقاه ماشاء الله ثقيل وشكرااااااا
ملاحظه(((اللي يبغى الDVDخاص بالملاحه رقم4 انسخه له على د ف دي قابل للكتابة انا مستعد اذا كان بالرياض ويقابلني)),,,,,,,,,,,,

شكراً على الإطراء

قصر المسافه من الصدام الى الباب أشوفها أحسن ميزة في السيارة من حيث زاوية الصعود في الطعوس والمناطق الوعرة وميزة زاوية الرؤية في النزول من المرتفعات فلو كان الكبوت طويل كان تبلش وصعب تشوف وش قدام الموتر من نزلة في الطعوس خاصة!

وبالتوفيق مع الوكالة والضمان

[الأسطول]

السلام عليكم .. عساكم بخير وصحه

الاخ ارمادا le

مشكووووووور ع الموضوع ... الاكثر من رائع

من شهر تقريبا شرينا سيارة ارمادا 2006

ومن وقتها وانا اتابع هالموضوع .. من اول صفحه

حبيت اسالكم عن الدي في دي ... العلبه الي يتركب فيها السيديات مفقوده عندي وين احصلها فيه

وشكرا

وعليكم السلام

على حد علمي أن موديل 2006 المسجل يكون كما بالصورة:


فإذا كان كذلك فنفس المسجل يبلع 6 سيديات من نفس فتحة السيديات الموجودة به

ولا توجد علبة أخرى لذلك

والله أعلم

[turkiq]

مشكور على مشاركتك أخوي تركي

في الحقيقة لي 3 أسابيع أتابع مع الحمراني في الرياض أبي أشتري أرمادا SE دبل
لكن ما كان عندهم الا حبتين 2010 LE فل كامل أبيض،،، و حبتين SE 2011 بدون دبل أسود

و حسب إفادة فرع العليا من يومين انها مباعة الان و لم يتبقى أي حبة على الإطلاق.
و يقول 2012 إحتمال في رمضان بس مش اكيد.

و اللي عنده معلومه كيف أحصل غي الوقت الحالي على SE دبل جديد أرجوا انه يفيدني.
و جزاكم الله خير

الرباعي

اخوي .. موديل 2011 نزل قبل ايام و يمكن الموظف اللي سألته قصده 2011 .. ماهو 2012
لان 2011 توه نازل ما صار له اسبوعين كيف ينزل موديل 2012 بعد نزول 2011 بشهرين او ثلاثة !! ما تجي.

واللي كتبته انا هي افادة موظف في الحمراني جدة
كنت عنده الاسبوع الماضي وقالي ذا الكلام
اتصل على 026696690 تحويلة 607
وان شاء الله يفيدك

[ال-رايق]

السلام عليكم جميعا:::::
أخوي ارمااداا LE
أنت قلت انزّل من هوا الكفر وبعدين أشوف هل لمبة الحساس تضيء ثانية في الطبلون !! ،،،، وبسويها لكن سؤالي وابغى الجواب يعم بالفائده على الجميع لأن موضوع الشواحن ومواطير الهوا خطيرة اذا وضعت في بعض المقابس -وش الفتحه الآمنةاللي احط ماطور الهوا فيها وياليت بالصور-،،،، ،جعل ربي يحطك ومن يقرأ في أحلى صورة وأبهى حلل .

[ارمااداا LE]

بيض الله وجهك اخوي والله يبارك فيك وجزاك الله خير على الرد باخذ بنصيحتك انشاء الله بس فيه ناس يقولو مايشتغل الا على السيدي حق بلاده والسيدي مسحوب من امريكا وطبعا يقولو ماتتنزل عليه خرائط الخليج لابد من سيدي يقبله النضام حق الشاشه واذا على كلامه اغير جهاز dvd بسيطه راح اجرب وبعطيكم النتيجه وانشاء يقبل السستم مع اني خايف يحوس الكمبيوتر عندي بس لازم الاقي حل بمشيئة الله وببلغ الاخوان الي يعانون من هالمشكله باذن الله والي يسبقنا بالحل لايبخل علينا ودمتم جميعا

الله يحييك اخوي armada2007

بالنسبه للنظام اتوقع واحد في نيسان وغيرها .. حتى لو غير ارمادا .. ممكن سي دي التيما يمشي ..
لان هو مجرد جهاز GPS أهم شي يتوافق مع نوع الخريطة ..

عموما انت جرب اي سي دي من اي واحد تعرفه عنده نيسان مو شرط نوع الموتر وراح تشوفه يشتغل عادي ..

وبانتظار جديدك للاستفاده .. هلااا بك

[ارمااداا LE]

السلام عليكم ورحمة الله وبركاته جميعا وأخص بالسلام على شعلة الرابطة بسم الله ما شاء الله
الأخ ارمااداا LE

وأحب أقول لك أني أحبك في الله لما وجدت من مثابرتك في الرد والترحيب لكل من يدخل الرابطة منذ إفتتاح الموضوع وإلى الآن
ولا يهونون البقية
الله يثيبك ويجزاك خير على المجهود اللي تقوم به

وعليكم السلااام ورحمة الله وبركاااته
حيااك الله اخوي الاسطول .. وأحبك الله الذي أحببتنا فيه .. جزيت خيراا

ما عليك زود وكل الاخوان اعضاء الرابطه .. ويد وحده ما تصفق
كل ما يبدو من ايجابية وتجدد هو حصاد تكافل الجميع .. عافاكم الله ..

شااكر ومقدر تعاون جميع الاخوان ..

هلااا بكم ..