المشاركة الأصلية كتبت بواسطة armada2007
السلام عليكم ورحمة الله ....
اخواني الليوم غيرت زيت وسيفون للموتر وحبيت افيد الاخوان بملاحضه شراء فلتر الزيت من الوكاله او من محل قطع غيار معروف ويكون الاصلي لاني تفاجأت بوجود مقلد من الصعب على اي شخص يميز بينها او يعرف الفرق ..
انا الليوم رحت لبنشر وطلبت منه تغيير الزيت والفلتر وطلبته يوريني الفلتر لمن شفته ودققت فيه ماارتحت له وطلبت منه يفك الزيت وينتضرني اخذت الفلتر ورحت لمحل قطع غيار وطلبت فلتر اصلي وتفاجات بالفرق الكبير طبعا بعد مادققت فوجدت الفلتر المقلد من الداخل يختلف اختلاف كلي عن الاصلي وهذي مهمه لااحد يستهين فيها مع مرور الوقت تسبب مشكله للمحرك فصورت كم صوره عسى الاخوان يستفيد هناااااا واعذروني على ردائة التصوير ....
هذي الصوره انضرو الفرق بين علبة المقلد والاصلي المقلد باليمين وغامقه والاصلي باليسار ولون العلبه افتح والطباعه تختلف
الصوره الثانيه نفس الشي المقلد يمين والاصلي يسار وشوفو الفرق
الصوره الثالثه ايضا الشكل الخارجي للعلبه من جهه اخرى
الصوره الرابعه شكل الفلتر من الداخل ساطع سطوع غير طبيعي وفيه بقع االشمع او الحام
الصوره هذي ايضا شكل الفلتر من الداخل تدقق تلاقي شمع طالع شي بسيط من الداخل
الصوره الخامسه ايضا شكل الفلتر من الداخل وللمعلوميه الاصلي مايكون نحاس بلمعه من الداخل يكون لونه مطفي بدون لمعه
وهذا شكل العلبه من الخارج وماتقدر تطلع الفرق ومكتوب صناعه ياباني
طبعا بتقولون ليه ماصورت الاصلي بقلكم ليه...... وانا منسجم قاعد اصور جاني واحد من الشباب وانشغلت اسلم واسولف معاه رجعت لقيت ابو يمن الله يجزاه خير ركب الاصلي فاعذروني يااخوان ولاكن اوعدكم انزل صور للاصلي ولهذي الصور بتلاقون الفرق ...طبعا انشاء الله تكون الفروقات وضحت للاخوان لانها تبان من داخل الفلتر المقلد يكون نحاس ولونه صاطع وشمع من داخل الفلتر يعني فلم هندي والاصلي يكون بدون لمعه من الداخل وايضا فتحات الفلتر من الداخل تختلف ....
من الخارج صعبه تلاحض الفرق ودمتم سالمين جميعا لاتنسووني من دعائكم .........
رد مع اقتباس
