رابطة ملاك ارمادا

[Dr.Banned]

اخواني ...باركوا لي ...رفعت سيارتي الارمادا من الامام والخلف
والان احس نفسي "كنج" وفي العلالي وانا اسوق الارمادا

ناوي انزل تقرير خفيف وبسيط ..عن الترفيعة ومدعومة ببعض الصور
شو الاحسن انزله هنا او في موضوع مستقل ؟؟؟

والسموحة

الف مبروك

نزلها في موضوع مستقل ونزل لنا رابط الموضوع هنا بكذا الكل راح يستفيد

ومشكور مقدمآ

صيانة 40 الف وش الممكن تغيره بالوكالة ( الحمراني )

اغلبها فحص وتشييك وسرق درآهم على اشياء مافحصوها اصلا

كل الوكالات تبالغ في الصيانه يغيرون لك فحمات وفلاتر وجلد وهي سليمه ومافيها عيب

السلام عليكم ورحمة الله وبركاته

كيف حالكم أخواني ..

عندي إستفسار .. أنا رحت للوكالة وعندي أرمادا 2006 .. علشان أشيك على مروحة المكيف

كان فيها صوت وقت ما تشتغل .. ومنها تركيب فلتر مكيف واللذي منه

المهم كلمني المهندس وقال لي فيه عندك مشكلة في القزوز .. وتكلفتها حدود 10 الاف ريال

.. قلت والله إلي أدفع 10 الاف ولا ندري وش الطبخه

قلت له خل السيارة .. وما يحتاج بعدين نفصحها ..

وش رايكم يقول إن فيه صوت وقت تشغيل السيارة في الصباح وهو بسبب القزوز ..

فما أدري وش رأيكم

وش هي الورش الي نعتمد عليها بالرياض .. ونقدر نروح لهم ونفحص ونركب ونغير

بلا هالوكالة أتوقع ما عندهم إلا شفط الفلوس .. الله يفكنا من الحمراني .. ووكالته

اي مروحه بالظبط

فيه مروحه ميكانيكيه وهذي نادر تخرب وما اتوقع انها تخرب اصلا

وفيه المروحه الصغيره الكهربائيه ونفس الشي نادر خرابها

فلتر المكيف يجي قطعتين داخل الكرتون وسعرها كلها 50 ريال وسبقت ونزلت لها صوره انا في هذا الموضوع دورها

الاقزوست معروف في الارمادا الشكل القديم ضعيف وينشعر اذا جاته مويه وهو حار

السعر في الوكاله 10 الاف لأنهم يركبون لك اقزوست كامل

لآكن الخلل عاده يكون في الهيدرز لحالها وتقدر تبدلها بهيدرز رياضيه تعطي الموتر اداء افضل وسعرها رخيص

فيه شخص معلن عنها للبيع هيدرز رياضيه في هذا الموضوع قبل اسبوعين تقريبا وسعرهم 3500 القطعتين كامله

اول شيء رح لمحل شكامين وخله يشوف لك التنسيم من وين بالظبط

[ارمااداا LE]

فكيت ازمه والله

ربي يعطيك الف عاافيه

من فتره ادور مثل هالصوره ولا حصلت

وافي يا خبيرنا

الله يعافيك اخوي الدكتور
ما عليك زود ومن يقراا تسلم

عيار الزيت بعد تنقيص ربع علبه تقريبا

الموتر فيه حاليا 6.7 لتر




الوكاله صارت من جنبهآ اجل 7 لتر مره وحده حسبي الله عليهم مره واجد

اتوقع ان الكاتلوج صحيح يوم يكتبون 6.5 لأن المعيار راح يكون في النص تماما اذا عبيت 6.5 لتر

لا هنت على هالمعلومه .. وعلى فكره الحرفين L و H هي مجرد رمز تعريف للكميه
يعني ما لها صله بالقياس هي بس اشاره لتسمية النقطه ..
لكن هناك من يظن ان التعبية لابد تصل للحرف وهو بذلك تعدى النقطه !

جزاك الله خير ومن يقراا

[ارمااداا LE]

صيانة 40 الف وش الممكن تغيره بالوكالة ( الحمراني )

هلااا بك اخوي هاوي ..

الصيانه مجرد تشييك على الزيوت .. وفحص ما فيه
اقصد فحص بدون طلب .. يعني يكون تلقائي ومجدول
يغيرون زيت ويقولك امسك الباب .. الا في حال عندك مشكله

انت تعرف موترك شغال ما فيه شي وماشي صح لا تحرص
خذ فلتر هوا وفلتر زيت من الوكاله وغير الزيت برا ابرك من الزحمه والانتظار

انا موتري انتهى ضمانه وما جيتهم الا مره وحده بس عشان اصلاح الولاعه
وليومك ما شفتهم .. وانت مخير طبعا .. الله يسهل امرك ومن يقراا

[ارمااداا LE]

السلام عليكم ورحمة الله وبركاته

كيف حالكم أخواني ..

عندي إستفسار .. أنا رحت للوكالة وعندي أرمادا 2006 .. علشان أشيك على مروحة المكيف

كان فيها صوت وقت ما تشتغل .. ومنها تركيب فلتر مكيف واللذي منه

المهم كلمني المهندس وقال لي فيه عندك مشكلة في القزوز .. وتكلفتها حدود 10 الاف ريال

.. قلت والله إلي أدفع 10 الاف ولا ندري وش الطبخه

قلت له خل السيارة .. وما يحتاج بعدين نفصحها ..

وش رايكم يقول إن فيه صوت وقت تشغيل السيارة في الصباح وهو بسبب القزوز ..

فما أدري وش رأيكم

وش هي الورش الي نعتمد عليها بالرياض .. ونقدر نروح لهم ونفحص ونركب ونغير

بلا هالوكالة أتوقع ما عندهم إلا شفط الفلوس .. الله يفكنا من الحمراني .. ووكالته

وعليكم السلام ورحمة الله وبركاته
حياك الله اخوي nma125

مروحة المكيف هذي تكون تحت الدرج لها مكان بعيد عن الطبلون يعني مسامير
الغطاء حقها بلحالها اتوقع مسمارين وكلبسين وبعدين ثلاث براغي وتطلع ..
دينمو صغير ونظامها مثل الشفاط المنزلي ..

واللي يخربها عدم وجود فلتر مكيف .. وتلقاها مليانه غبار وتلقاه متكدس وبكذا يسوي فضاوه
في العمود ويبدا يطلع صوت قرقره ويزود مع الوقت .. قيمتها لا اعلم بالضبط
بس اتوقع في حدود 700 ريال .. ان حصل ولقيت مستعمل بالميتين وحولها غيرها
لا تاخذ تجاري ما لها عمر ..

بخصوص القزوز .. مثل ما ذكر اخونا الدكتور
اذا بتغير عندك الهدرز المعروض بالصفحه السابقه سعر معقول وجهتين
يعني فك وركب ..

اما اذا هو تنسيم بس .. غير وجه من الجهتين .. ويروح الصوت
واللي يساعد في ضعف راس القزوز دبات التلوث احتمال كبير تكون شبه مسكره عندك
وشيلتها اريح للموتر ..

بالنسبه للورش .. انا انصحك تروح ورشة ابو ابراهيم الثنيان
متخصصين نيسان .. شغل نظيف .. سعر معقول واقل من السوق .. عن تجربه

الله يوفقنا واياك ومن يقراا

[ارمااداا LE]

اخواني ...باركوا لي ...رفعت سيارتي الارمادا من الامام والخلف
والان احس نفسي "كنج" وفي العلالي وانا اسوق الارمادا

ناوي انزل تقرير خفيف وبسيط ..عن الترفيعة ومدعومة ببعض الصور
شو الاحسن انزله هنا او في موضوع مستقل ؟؟؟

والسموحة

مبروووك مبروووك اخوي عيناوي

الله يوفقنا واياك ومن يقراا وتستاهل العلالي

والتقرير خله نسختين اذا امكن داخل وخارج الرابطه

وبانتظار جديدك .. هلااا بك

[nma125]

اي مروحه بالظبط

فيه مروحه ميكانيكيه وهذي نادر تخرب وما اتوقع انها تخرب اصلا

وفيه المروحه الصغيره الكهربائيه ونفس الشي نادر خرابها

فلتر المكيف يجي قطعتين داخل الكرتون وسعرها كلها 50 ريال وسبقت ونزلت لها صوره انا في هذا الموضوع دورها

الاقزوست معروف في الارمادا الشكل القديم ضعيف وينشعر اذا جاته مويه وهو حار

السعر في الوكاله 10 الاف لأنهم يركبون لك اقزوست كامل

لآكن الخلل عاده يكون في الهيدرز لحالها وتقدر تبدلها بهيدرز رياضيه تعطي الموتر اداء افضل وسعرها رخيص

فيه شخص معلن عنها للبيع هيدرز رياضيه في هذا الموضوع قبل اسبوعين تقريبا وسعرهم 3500 القطعتين كامله

اول شيء رح لمحل شكامين وخله يشوف لك التنسيم من وين بالظبط

هلا وغلا والله بك أخوي د.بندر ..
الله يعطيك العافية .. المروحه إلي أقصدها لما أشغل المكيف .. ثم فتره كذا تشتغل
أتوقع مع الحرارة .. هذي إلي لها صوت .. ومزعج لذلك قلت أشيك عليه

الفلتر إطلعنا عليه والحمدلله ما دام تركيبه سهل نفك ونركب ..وبدون أي مشاكل

وبخصوص القزوز .. والله الوكالة مشكلة تغير كامل .. وضرب في السعر

بس بنمر محل للشكامين ونشوف وش يقول وأي تركيبات وتغيرات بنعطيك خبر أول ..

والله يعطيك العافيه وما قصرت والله

وشاكر ومقدر يا غالي .. ونردها لك بالأفراح ..

===========

وعليكم السلام ورحمة الله وبركاته
حياك الله اخوي nma125

مروحة المكيف هذي تكون تحت الدرج لها مكان بعيد عن الطبلون يعني مسامير
الغطاء حقها بلحالها اتوقع مسمارين وكلبسين وبعدين ثلاث براغي وتطلع ..
دينمو صغير ونظامها مثل الشفاط المنزلي ..

واللي يخربها عدم وجود فلتر مكيف .. وتلقاها مليانه غبار وتلقاه متكدس وبكذا يسوي فضاوه
في العمود ويبدا يطلع صوت قرقره ويزود مع الوقت .. قيمتها لا اعلم بالضبط
بس اتوقع في حدود 700 ريال .. ان حصل ولقيت مستعمل بالميتين وحولها غيرها
لا تاخذ تجاري ما لها عمر ..

بخصوص القزوز .. مثل ما ذكر اخونا الدكتور
اذا بتغير عندك الهدرز المعروض بالصفحه السابقه سعر معقول وجهتين
يعني فك وركب ..

اما اذا هو تنسيم بس .. غير وجه من الجهتين .. ويروح الصوت
واللي يساعد في ضعف راس القزوز دبات التلوث احتمال كبير تكون شبه مسكره عندك
وشيلتها اريح للموتر ..

بالنسبه للورش .. انا انصحك تروح ورشة ابو ابراهيم الثنيان
متخصصين نيسان .. شغل نظيف .. سعر معقول واقل من السوق .. عن تجربه

الله يوفقنا واياك ومن يقراا

هلا وغلا والله أخوي أرمادا LE ..
الله يحيك يا رب .. والله يا غالي .. أنا أتوقع مثل ما ذكرت للدكتور
الصوت من المروحه الأمامية إلي تشتغل وقت تشغيل المكيف
وتطلع صوت قوي على العموم هو تشييك فقط .. وإن شاء الله ما فيه مشاكل

الفلتر الحمدلله عرفنا مكانه .. وهو مركب قبل .. من الوكالة بس ما سبق شفت تركيبه

وفكه كيف ؟ بس رجعنا للصفحات وشيكت عليه وكله 100 % ..

.. بخصوص القزوز بنشوف محل الشكامين .. ونتأكد بالأول .. ثم نرجع للشباب هنا ..

وأيضا دبات التلوث .. نشوفها لا تكون مسكره وكاتمه ع السياره الحين ..

.. بخصوص ورشة أبو براهيم الثيان وين موقعها في الرياض علشان نمر عليه ونشوفه

[armada2007]

السلام عليكم

حياا الله كلن باسمه

صار لي زرقه اضطراريه هاليومين للكويت وكفرات الموتر شد بلد ولا بغيت اروح عليهن موسوس منهن مع انهن جدد

المهم واروح ادور كفرات وكلن يقول جنط 20 يجيب الله مطر !! لفيت الوكالات المعروفه ما فيه
دنلوب يوكوهاما كوبر تويو .. لقيت قوديير بس الارتفاع 50
ولقيت البرجستون والميشلان بس الاسعار هبال !! حول 1800 الكفر !!!
موديل 2012

وش السواة ؟ واروح شارع الضباب عند الموزعين واحصل 2011 الشهر الرابع

الميشلان 1050

القوديير .... حصلت ارتفاع 60 ..... 900 ريال ما عجبني شكله وكذلك ما يمدحونه

بريجستون 1120 .. عجبني شكله واخذته وصلخونا بـ 4480 يا بلاش

وش نسوي غصبن على البل تركب جاريات السفن .. ونسأل الله سبحانه الخيره والبركه

وهذي صورتهن ::











على فكره جنط 18 متوفر كفرات اللي تبي .. بس جنط 20 وارتفاع 60 وفوق صعب

اتمنى اني افدتكم في المعلومه

هلااا بكم ..

السلام عليكم .....
دائما مبدع اخونا ارمادا ولا يهون مجهود كل الاخوان .......
والله يااخوان ان كل مشاركات الاخوان لها فايده كبيره لكل ملاك الارمادا جزاكم الله خير
بالنسبه للكفرات والله ودي اغيرها وفعلا تحطمت من الاسعااار بصراحه اسعار خياليه يعني تطقم كفرات سيارتك تكلفك قيمة مكينه والله حاله بس حبيت اسالك بعد تغيير النوعيه هل تشوف انها ممتازه بعد ماركبتها ولك جزيل الشكر

[armada2007]

السلام عليكم

عندي استفسار عن مشكله صارت معي ويمكن مرت على احد الاخوان ويفيدنا بالحل .....
مشيت على الموتر بعد ماعبيت بنزين من احدى المحطات ومشيت مسافه 2 الى 3 كيلو والبريك مسحوب .
وكان الموتر ثقيل وماانتبهت الا بعد فتره طبعا المفروض المصنع يحط صوت جرس اذا البريك مسحوب بس هذي الميزه غير موجوده مع الاسف المهم تكررت مني نسيان البريك مرتين بعدها بعدها صار يطلع عندي طقه احيانا بالهووب والطقه تطلع عند وضع التعشيق على R او D طبعا اوضح صوت الطقه هي كانك تحذف حجر علي صاج المنيوم ههههههههه حلو الشرح ويختفي الصوت مع المشي يس يضهر مع التعشيق احيانا واحيانا اول ماتحرك السياره فقط .
مريت ورشه وشيك على الهوب والاقمشه وطلعت تمام على كلامه المهم ماعرف كيف يطلع المشكله حبيت اطرح المشكله يمكن مر بها احد الاخوان ويفيدنا فيها وله جزل الشكر والتقدير ......

[ارمااداا LE]

هلا وغلا والله أخوي أرمادا LE ..
الله يحيك يا رب .. والله يا غالي .. أنا أتوقع مثل ما ذكرت للدكتور
الصوت من المروحه الأمامية إلي تشتغل وقت تشغيل المكيف
وتطلع صوت قوي على العموم هو تشييك فقط .. وإن شاء الله ما فيه مشاكل

الفلتر الحمدلله عرفنا مكانه .. وهو مركب قبل .. من الوكالة بس ما سبق شفت تركيبه

وفكه كيف ؟ بس رجعنا للصفحات وشيكت عليه وكله 100 % ..

.. بخصوص القزوز بنشوف محل الشكامين .. ونتأكد بالأول .. ثم نرجع للشباب هنا ..

وأيضا دبات التلوث .. نشوفها لا تكون مسكره وكاتمه ع السياره الحين ..

.. بخصوص ورشة أبو براهيم الثيان وين موقعها في الرياض علشان نمر عليه ونشوفه

مرحباا اخوي nma125 هلااا بك ..

ممتاز واشوا انها الخارجيه .. انا كنت احسب الصوت داخل الغماره ..
على العموم كويس اننا تكلمنا عنها ومكانها وسبب خرابها ..

الآن الخارجيه مكانها باين وشغلتها بسيطه
في حال تغييرها ما تكلف وممكن تركب اي مروحه موب شرط وكاله
ممكن تركب مستعمل وممكن تركب جديد من اي شركه لان المكان وسيع وسهل ..

بس ما عرفنا وشهو الصوت اللي طالع هل هو احتكاك بسبب عدم ثبات نفس المروحه
او بسبب الحامل حقها او بسبب الشبك الحامي لها .. او ان الصوت من نفس الدينمو ؟

واسعار المراوح جديد رخيص من ميتين ريال وحولها لانها مفرد وليست مزدوجه
واكيد التشليح ارخص حول النص ..

بالنسبه للقزوز اذا وصلت الى نتيجه نهائية بضرورة تغيير روس القزوز جهتين
ممكن تفصل ارخص من الوكاله .. اذا انت راعي طويله مع الموتر وما لك نيه بيع
ركب الهدرز الامريكي المعروض هنا في الصفح السابقه لك وللزمن وابرد للموتر واريح ..

بخصوص دبات التلوث وضعها بيئي بحت .. يعني شيلتها من صالح الموتر
ولو انا ما جربت ما نصحت بها .. وطبعا مجرد راي غير ملزم

بالنسبه لورشة الثنيان .. الصناعيه الثانيه مخرج 18 الدايري الشرقي باتجاه الدايري الجنوبي

وهذي صوره توضيحيه ::





الله يسهل امرنا وامرك ومن يقراا

[ارمااداا LE]

السلام عليكم .....
دائما مبدع اخونا ارمادا ولا يهون مجهود كل الاخوان .......
والله يااخوان ان كل مشاركات الاخوان لها فايده كبيره لكل ملاك الارمادا جزاكم الله خير
بالنسبه للكفرات والله ودي اغيرها وفعلا تحطمت من الاسعااار بصراحه اسعار خياليه يعني تطقم كفرات سيارتك تكلفك قيمة مكينه والله حاله بس حبيت اسالك بعد تغيير النوعيه هل تشوف انها ممتازه بعد ماركبتها ولك جزيل الشكر

وعليكم السلام ورحمة الله وبركاته

حيااك الله اخوي armada2007 وما عليك زود ومن يقراا
وحنا والاخوان الاعضاء كلهم نكمل بعض والفايده للجميع .. كلك ذوق لا هنت ...

والله صحيح كلامك بخصوص ارتفاع اسعار الكفرات .. لكن وش نسوي لابد منها ..
وانا لو ما اسافر على الموتر ما غيرتها لان المسافات محدوده داخل البلد .. لكن السفر لابد جديد ..

بخصوص البريجستون سافرت عليها ممتازه وهي اعرض شوي من الميشلان مع انها نفس الارقام

ما لاحظت اختلاف يذكر بين الميشلان والبريجستون .. طبعا افضل ضغط حسب رايي
ولا هو ملزم طبعا .. هو 30 والكفر بارد .. واكيد راح يرتفع الى 32 الى 33 مع الحركه

الميشلان .. الحراره A والاحتكاك او الالتصاق A والسرعه 114H والتآكل 500

البريجستون .. نفــــــــــــــــــــــــــــــــــــــــــــــــ ــــــــــــــــــــــــــــس الوصف .. ولكن التآكل افضل 620

الميشلان امريكي موديل 2011 = 1050 ريال وموديل 2012 = 1700 ريال

البريجستون مكسيكي موديل 11 = 1120 ريال وموديل 12 = 1800 ريال

هذا السعر التقريبي للجنط 20 انش يزود او ينقص حسب ما شفت قبل التركيب ..

الفرق ليس جوهري .. بس المنظر يختلف من ناحية عرض البريجستون وكذلك التآكل

على فكره انا بعت كفراتي المستعمله بقيمة 1650 ريال والله يبارك للي شراهن
ونا طبعا شرحت له وش اللي خلاني اغيرهن .. وهو استعماله داخل البلد

على العموم شف اللي يصلح لك وتوكل على الله .. الله يسهل امرنا وامرك ومن يقراا

[ارمااداا LE]

السلام عليكم

عندي استفسار عن مشكله صارت معي ويمكن مرت على احد الاخوان ويفيدنا بالحل .....
مشيت على الموتر بعد ماعبيت بنزين من احدى المحطات ومشيت مسافه 2 الى 3 كيلو والبريك مسحوب .
وكان الموتر ثقيل وماانتبهت الا بعد فتره طبعا المفروض المصنع يحط صوت جرس اذا البريك مسحوب بس هذي الميزه غير موجوده مع الاسف المهم تكررت مني نسيان البريك مرتين بعدها بعدها صار يطلع عندي طقه احيانا بالهووب والطقه تطلع عند وضع التعشيق على R او D طبعا اوضح صوت الطقه هي كانك تحذف حجر علي صاج المنيوم ههههههههه حلو الشرح ويختفي الصوت مع المشي يس يضهر مع التعشيق احيانا واحيانا اول ماتحرك السياره فقط .
مريت ورشه وشيك على الهوب والاقمشه وطلعت تمام على كلامه المهم ماعرف كيف يطلع المشكله حبيت اطرح المشكله يمكن مر بها احد الاخوان ويفيدنا فيها وله جزل الشكر والتقدير ......

والله ما مرت علي هالحاله قبل ..

لكن تأكد من الصوت اثناء التعشيق بس بدون ما تدعس فرامل ..
شف يطلع صوت او لا ..

هل الفني شيك على الكليبرات ما فيها رخاوه مثلا ..

هل شيك على سلك الجلنط تحت الموتر يمكن في رخاوه ويبي شد ..

فيه صاجات خفيفه خلف الهوبات للحمايه والعزل عشان ما يدخل شي بين الهوب والبريك
شيك عليهن احتمال منهن الصوت لربما وحده منهن متحركه .. وممكن تشيك عليها بيدك
لا تكون لاصقه بالهوب او مو ثابته ..

هذا ما يحضرني وان شاء الله الاخوان ما يقصرون بالافاده ..

الله يوفقنا واياك ومن يقراا

[ارمادا2006]

بسم الله الرحمن الرحيم
اخواني ملاك الأسطول حقيقة اشكر الجميع على التعاون و طرح المشاكل و الحلول حتى يستفيد منها الجميع
اولاً احب ان انظم الى هذه الرابطه حيث اني معجب بما يقدمونه و تميزهم في سرعة التجاوب و التواصل
ثانياً احب ان اطرح مشكله ارقتني كثيرا ولا زلت اهوجس هل اتخلص من السيارة او احتفظ فيها
و اليكم التفاصيل
قبل الحج اتصل بي مهندس تركي وقال عندي ارمادا 2006 SE نظيفه و تصلح للعائله مكينتها يبغالها تغيير وسعرها طيب 28000 ريال
شفت السيارة و اعجبتني و استشرت و توكلت على الله و شريتها وركبت عليها مكينه نظيفه جداً
و كشخت فيها كم يوم و ازعجوني الزملاء و الأصحاب يبون يشترونها و الأولاد يقولوا لا تبيع
بدأت المشكلة في تهريب علبة الدركسون اللي تحت مع العمود حق الدركسون ما يجيله صوفه لحالها يعني علبة كامله 3900 ريال بعد الخصم
و الشئ الثاني ماء الرديتر محيرني كنت افتح الغطاء في الصباح و السيارة بارده ترجع المويه بره من قوة الضغط رجعت للمكنيكي شال البلف وقال جرب كذا و ارتاحت المويه من الضغط و لاكن لازال تجمع المويه في القربة و الرديتر شبه فاضي و القربه مليانه للآخر هل هذامشكلة والا كل السيارات كذا مع العلم ان نقص الماء بسيط جداً
ثالثا مروحة المكيف الخارجية و قفت ما عاد تشتغل رحت للكهربائي و شاف الأسلاك اللي في علبة الفيوز ذبلانة و قال السلك مقطوع جاته حراره و شبك السلك واشتغلت و الحمدلله وهذه كل السالفه
طولت عليكم ...آسف و لكن ابغى انكم تفيدوني قبل ما اتخذ خطوة و ابيع السيارة عشان ها المشكلتين
السيارة روعه و عاجبتني و ماكلفت لكن خايف من كثرة المشاكل
حفظكم الله

[turkiq]

السلام عليكم

عندي استفسار عن مشكله صارت معي ويمكن مرت على احد الاخوان ويفيدنا بالحل .....
مشيت على الموتر بعد ماعبيت بنزين من احدى المحطات ومشيت مسافه 2 الى 3 كيلو والبريك مسحوب .
وكان الموتر ثقيل وماانتبهت الا بعد فتره طبعا المفروض المصنع يحط صوت جرس اذا البريك مسحوب بس هذي الميزه غير موجوده مع الاسف المهم تكررت مني نسيان البريك مرتين بعدها بعدها صار يطلع عندي طقه احيانا بالهووب والطقه تطلع عند وضع التعشيق على R او D طبعا اوضح صوت الطقه هي كانك تحذف حجر علي صاج المنيوم ههههههههه حلو الشرح ويختفي الصوت مع المشي يس يضهر مع التعشيق احيانا واحيانا اول ماتحرك السياره فقط .
مريت ورشه وشيك على الهوب والاقمشه وطلعت تمام على كلامه المهم ماعرف كيف يطلع المشكله حبيت اطرح المشكله يمكن مر بها احد الاخوان ويفيدنا فيها وله جزل الشكر والتقدير ......

هذي الميزة عندي في التايتن وغريبة ماهي في الارمادا عندي اول ماتمشي والبريك مربوط يعطيك تنبيه صوتي ولمبة تحذير على الطبلون

[الأسطول]

هذي الميزة عندي في التايتن وغريبة ماهي في الارمادا عندي اول ماتمشي والبريك مربوط يعطيك تنبيه صوتي ولمبة تحذير على الطبلون

السلام عليكم

في الأرمادا يعطيك تنبيه صوتي إذا ضغطت على البريك أو الجلنط في حالة أن السيارة ماشية

لكن إذا كنت واقف وساحب جلنط ومشيت ونسيت تفكه لا يعطي أي تنبيه

[الأسطول]

عيار الزيت بعد تنقيص ربع علبه تقريبا

الموتر فيه حاليا 6.7 لتر




الوكاله صارت من جنبهآ اجل 7 لتر مره وحده حسبي الله عليهم مره واجد

اتوقع ان الكاتلوج صحيح يوم يكتبون 6.5 لأن المعيار راح يكون في النص تماما اذا عبيت 6.5 لتر

من خلال متابعتي للرابطة وجدت أن كمية الزيت تختلف من سيارة لسيارة ومن موديل لموديل

وأذكر أني تجادلت مع فلبيني بورشة بترومين يغير زيت قبل كم سنة لأني أكدت عليه أنه مايعبي إلا ست علب و200 ملي لكن ضرب بكلامي عرض الحائط وعبى ست علب ونص وزيادة
فكنت متعجب وش اللي حادك تخالف كلامي فأصر بأنه على صواب وماعنده استعداد يتحمل مسؤولية خراب المكينة لأنه يطبع فاتورة بالكمبيوتر ومكتوب عليها اسم مغير الزيت "شغل شركات" فأخرجت له كتالوج السيارة وأفتح له صفحة عيار الزيت بالأنفليزي وأوريه السعة مكتوب 6 علب و 200 ملي
فطيّر عيونه ونزل على طول تحت السيارة وفك الصرة ونقص حول 400 ملي بطلب مني أنا
وقلت له مرة ثانية اسمع الكلام ولاعاد تعودها

وعموماً أنا أرى والرأي لكم بما أن السيارة ماشاء الله تبارك الله ماتنقص زيت بشكل ملحوظ فالأحوط أن يكون مستوى الزيت قريب للنقطة التي قبل الحرف H أو يكون المستوى ثلثي المعيار

يمديك تمشي بالسيارة إلى الموعد القادم لتغيير الزيت والمعيار لم يصل لنقطة L

يعني لا تحرص على أنك تعبي إلى نقطة الH

وترى نيسان وبحكم تجربتي لاتستطيع معايرة زيت مكينتها بشكل دقيق إلا بعد إيقاف السيارة لمدة أكثر من نصف ساعة

في أقل من نصف ساعة المعايرة تكون غير دقيقة

ولا تاخذ بكلام البنشري إذا عاير على طول

أنت تأكد من كمية الزيت اللي صبها في المكينة وطبق الكبوت وتوكل على الله

المعذرة طولت عليكم بالسواليف وأنا مجتهد بالموضوع قد أخطئ وقد أصيب