رابطة ملاك ارمادا

**ال-رايق** · 29/01/2012, 04:57 PM

المشاركة الأصلية كتبت بواسطة turkiq

ابقاك الله اخوي ارمادجي .. ومنورة بأهلها دايماً
يعلم الله اني ما قصدت اعقب على كلامك .. انا بس شفتكم تتكلمون عن الدبل
ومباشرة تذكرت هالمعلومة اللي سبق وقريتها في الكتلوج وكتبتها قلت انبه الجميع ..
ولا الله يجزاك خير انت من اعمدة الرابطة استفدت ولا زلنا نستفيد منك

كنت احسب ان قير الارمادا تيبترونك مثل التايتان نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

العفو/اخوي تركي
ها تصدق ما يوم عشقت الدبل الثقيل حق الارمادا وابروح اشغله لو في الشارع عشان اكون واضح بالصورة ويوم اقول الارمادا يختلف ما معناه اني اعرف ,,اسمع ان فيه اختلاف وبعد ماقلت الله يسلمك ان فيه زر .مخصص للسحب طرى علي الاختلاف وحبيت فقط ما هو اعلم ((فقط احذّر وابدأ بنفسي)).
أما يوم اقول مديل 85 والله وانت بتصدقني ابي أعلمك اني كنت امتلك النيسان القديم من باب المزح والاقلاع عبرخيال الذكرى --ولو تدري ايامها مافيه الا صوالين--جموس- والجيوب قليلة فعلا فقط التايوتا اللي يسمونه المصندق وصاروا ربعي يسموني الزيدي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

--لكن مايشفع له الا ان كفراته كانت كبار والجنوط مصبوغة بأبيض ورفارف امجنّحة وياسلام سلّم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

--وعزم مع الطعوس وخفيف فعلا
وانا من تلاميذك جعلك تسلم’’’’’’’’’’

**ارمادا موقف** · 01/02/2012, 08:24 AM

شباب عندي اسئله عن الارمادا

س1 : طريقه تغيير زيت القير حق الارمادا شلون اغيره ووين وكم اسعارهم
هل الوكاله افضل ولا حقين البناشر ؟؟ العيال يقولون الارمادا قير رياضي ومدري وش بعد

وكم مده تغيير زيت القير ؟؟ 70 الف ولا 90 الف ولا كم

س2: وش افضل لزيت المكينه سوبر جي تي ولا كاسترول الاخضر ؟؟

ارمادا حقتي 2008

**الأسطول** · 01/02/2012, 10:11 AM

المشاركة الأصلية كتبت بواسطة ارمادا موقف

شباب عندي اسئله عن الارمادا

س1 : طريقه تغيير زيت القير حق الارمادا شلون اغيره ووين وكم اسعارهم
هل الوكاله افضل ولا حقين البناشر ؟؟ العيال يقولون الارمادا قير رياضي ومدري وش بعد

وكم مده تغيير زيت القير ؟؟ 70 الف ولا 90 الف ولا كم

س2: وش افضل لزيت المكينه سوبر جي تي ولا كاسترول الاخضر ؟؟

ارمادا حقتي 2008

بالنسبة للسؤال الأول فهو محير جداً جداً جداً

حيث على حسب إطلاعي على المنتديات وعلى حسب أقوال مهندسي الوكالة وجدت من يقول يغير زيت القير عند 100 ألف كيلو ومنهم من يقول بأنه لايغير فقط يزاد عليه إذا كان ناقص

وبحثت ووجدت كتاب الصيانة لفني نيسان مكتوب بأنه يفحص بشكل دوري ويزاد إذا كان ناقص وإذا وجد فيه شوائب وقطع صغيرة سوداء فيدل على وجود خراب في القير ويحتاج إلى إصلاح

هذا ماوجدت ويخص زيت القير والله أعلم

أما بالنسبة للسؤال الثاني فأرى بأن لزوجة 10-30W أفضل

**ال-رايق** · 01/02/2012, 12:25 PM

المشاركة الأصلية كتبت بواسطة ارمادا موقف

شباب عندي اسئله عن الارمادا

س1 : طريقه تغيير زيت القير حق الارمادا شلون اغيره ووين وكم اسعارهم
هل الوكاله افضل ولا حقين البناشر ؟؟ العيال يقولون الارمادا قير رياضي ومدري وش بعد

وكم مده تغيير زيت القير ؟؟ 70 الف ولا 90 الف ولا كم

س2: وش افضل لزيت المكينه سوبر جي تي ولا كاسترول الاخضر ؟؟

ارمادا حقتي 2008

حياك الله اخونا/أرمادا موقف((ولا ادري الموقف انت كعضوية بالمنتدى ’’ ولا السيارة موقفة--مخزّنة-)) نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

على العموم أخونا /الاسطول كفّى ووفّى برده..وعندي اضافة:
1- قير الارمادا مختوم يعني لازم وكالة وحكاية البنشرجية احط اذني واذنيك 4 اذا تجيهم ,,انت معك ارمادا ..تعرف وش معنى هالكلمة ((اذا كان يحوسون السيارات العادية ويحطون زيت درجته ما ادري ويزيدون وتفقيع صوف وما الى ذلك وتجيهم بسيارة انا ياللي لنا باع طويل في انواع السيارات--من رياضية وصحراوية غالية رخيصة - ندربي روسنا لحد الان ماعرفنا ولو اذانينا طوال صرقعنا بهن .. من جد لاتعدى الوكالة الا لناس 100% وانت على روسهم.
والتغيير او بمعنى صح الاهتمام بالزيت مطلب اساسي للقير والدبلات ..لكن المشكلة حكمونا بالنظام التالي ..والمدة حسب الممشى ومنطقتك وهل انت راع بر وطعوس او من ربع((انّ انّ)) لين مايفصل القير الا واهل الحارة سامعينه فلازم تأكد-(من60000-100000) وفيه كشف اولي --بعد تشغيل السيارة امش مسافة قليلة والمس القير الغير ملامس لحاجة حارة مثل الشكمان--فاذا هو حار حرارة غير طبيعية فالزيت ياناقص او مادته منعدمة ..عدا ملاحظة التغييرات والنتعات القوية.
2--الزيت زي كلام الاسطول اهم شي لزوجة 10-30 او 10-40 والافضل حق الوكالة كل 5000 انا والله اوصله 7000 لكن يفرق في الحر والخطوط الطويلة واذا طول مع الفلتر.

**ارمادا موقف** · 01/02/2012, 07:25 PM

ههههه لا يعني موقف مخزن هههه

يعطيكم العافيه يعني اغير زيت القير في الوكاله وبس

والله اني خايف مرره على القير صراحه 90 الف كثيره
لاني سمعت ان قير الارمادا ما يتوضب الا في الوكااله بمبلغ 27 الف ><

ما ادري هل هذا الكلام صحيح ؟؟

.

القير عندي الحمدالله ما عليه ملاحظات لكن الاحتياط واجب

**ال-رايق** · 01/02/2012, 07:53 PM

المشاركة الأصلية كتبت بواسطة ارمادا موقف

ههههه لا يعني موقف مخزن هههه

يعطيكم العافيه يعني اغير زيت القير في الوكاله وبس

والله اني خايف مرره على القير صراحه 90 الف كثيره
لاني سمعت ان قير الارمادا ما يتوضب الا في الوكااله بمبلغ 27 الف ><

ما ادري هل هذا الكلام صحيح ؟؟

.

القير عندي الحمدالله ما عليه ملاحظات لكن الاحتياط واجب

والله بكيفك ’’لكن الوكالة ماعندهم شغل اول ..تغيير زيت..مثل ماقال اخونا الاسطول يكشفون عليه فقط رح لهم وخل غيرهم على الاقل لو حصل شي لاسمح الله تحجهم ولا الورش بيتعبونك والامور عوافي ولو طول وانت ممشاك عليه عدال لاتشيل همه.
وان جد جديد عطنا علومك عشان الكل يستفيد
تحياتي

**ارمااداا LE** · 03/02/2012, 12:12 AM

السلام عليكم ..

حياا الله الحضور كله

سبق وان شريت كعكات او لفت كت 1 انش من مدة تقريبا ستة شهور او اكثر عن طريق اخونا ابوفهد
بمبلغ 650 او 700 نسيت بالضبط ولا فضيت اركبهن الا هاليومين ..
وتم التركيب ولله الحمد عند ورشة الثنيان بمبلغ 160 ريال

وهذا شكل الكعكات :

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

طبعا اقرب شي للارض في الموتر هي الدعاسات الجانبيه وانتم بكرامه
وهذي صور للايضاح :

هذا الجزء تحت الباب الامامي وتشوفون الجركل ما يدخل

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

وهذا الجزء تحت الباب الخلفي والجركل داخل وفيه مسافه حول 1 سنتيمتر

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

الآن لاحظوا الفرق

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صار الفرق 5 سنتيمتر حتى الحطب اللي ورا الموتر بين اكثر من الصوره الاولى

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

وهذا من الخلف كان الفرق 1 سم الان صار الفرق اكثر من 2 سنتيمتر

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

وهنا منظر عام .. ممكن تقارنون الصوره بمواتركم
الارتفاع ليس بالكثير ولاهو باين وملفت للنظر

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

الاستفاده من هالعمليه وهي المطلب الاساسي اوجزها حسب استعمالي ومنظوري الشخصي

ولاهي فرض على احد ..

انما هي مشاركه وتبادل معلومات وتجارب .. غير ضاره باذن الله ونا حريص على هالشي جدا

1- سبحان الله اختفى المهابد عند المطبات الصناعيه ..
وكنت افكر بمساعدات اقوى الآن ألغيت الفكره تماما ..

2- المطبات العاديه بسبب رداءة الطرق عندنا والمفاجئه خفت بشكل ملفت

3- البريك صار اكثر توازن واقل حده ! من اول الموتر يجي على وجهه الآن ثابت

4- الدركسون صار اخف شوي اثناء السير ببطيء .. اما أثناء السرعه مع ملف
مثل وانت طالع مع مخرج ما تحس الموتر يميل او ينصل (ما عرفت اترجمها نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

)
تحسه ياخذ الملف بمرونه اكثر وثبات اكثر

5- الارتفاع سحب الموتر من الخلف ايضا .. يعني مثل ما تشوفون من خلال الوطايات
ارتفعت من الجزء الامامي 5 سم والخلفي 3 سم تقريبا

ونا مركب بالونات يعني ممكن اعوض النزول بنفخة هوا وانتهينا ..
الآن المسافه عن الارض من الجزء الامامي للوطايات 32 سم والجزء الخلفي 30 سم
المسافه عن الارض من اللحيه تحت الصدام الامامي 35 سم

6- بامكانك تدخل البر باطمئنان اكثر وما تخاف يضرب وجه الموتر (وهذا لم يتم تجربته)

7- الموتر احسه اصلب من اول وكأنك راكب جيب مرتفع وثابت

هذا ما عندي .. اتمنى اني وفقت بتوصيل المعلومه والفائده للجميع
والنقد مسمووووووووووووح لا احد يجامل .. تراه بدون رسوم

الله يحييكم ويوفقنا واياكم ومن يقراا

**ال-رايق** · 03/02/2012, 04:13 AM

عاش اخوي /ارمااداا’’’’’’’’’....يوووووه ياخوي تعودنا على مصطلحات الربع عاش - صح لسانك ..كلها زينه
أقصد بالمبارك الله يتمّها على خير--ومشكور على الاجتهاد اللي عودتنا عليه الله يوفقك.وتقرير وافي من وافي..وانا من المعارضين للترهيم لكن شكلك بتسحّبنا لين نسوي مثلك(هماك تقول خذوا راحتكم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

) ومافيه مشكل انت عمدتنا..على العموم اريد اسألك هسّع عيني :
1-هل فيه تلحيم وقص ولصق ..احذف الاخيرة.؟
2- هل ناظرت العمود والقير او الشيالات تغيرت من مكانها؟ مثلا -جعّص - ترجمتها (ارتفع من الامام ) وعارف انك تعرفها’’وترجمة كلمتك مع الملاف --انصل =انجعف بدون مايطيح نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

شي من هالقبيل
-----------أما حكاية التغيرات والفوائد:
1-بالنسبة للشكل تمام ماشينته الا صار له رزة -ماهي ورى-قدام ...ايه لاتمسكها علي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

.
2- اخوك راح البر كذا مرة وطفشت من حكاية الرمل اللي يضرب في بطن السيارة واعتقد انه من الوطايات اللي تحط الرجلين عليها -تكرمون- واعتقد ان المسألة هذا حلها
2- كذلك ملاحظ اذا راقي مرتفع (عقم مثلا) وماخذه على جنب يطلع عندي صوت في رفرف يسار تقول يحك -وهنا يمكن حل المشكلة.
شغل عدل الله يجزاك بالخير

وتصبح على خير نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**ارمااداا LE** · 03/02/2012, 09:46 PM

هلااا وغلااا اخوي ابومهند .. ومن قال يعيش ويسلم

والله يبارك فيك والشكر لله سبحانه .. وخذ راحتك دوم البساط احمدي على ما قالوا

ج1- ما لك لوا ومن يقرا .. ما فيه غير فك وربط مسامير فقط لا غير

ج2- نعم ناظرت عن قرب ما شفت تغير ابد

وبخصوص تعليقك رح بفالك لا يهمك وما عنك غطا ..

الله يعطيك العافيه ويجزاك خير ومن يقراا

حيااك الله وبيااك

**ابوعلي ارمادا** · 04/02/2012, 01:28 AM

هلا بشيوخ الارمادا

أبي بفتواكم لأول مرة أسافر بالارمادا 2005م استعمال امريكي رحت لطائف من يومين وقبل ما أوصل لطائف 100كيلو قام الموتر يقطع وعند تفتيش الطائف جيت اوقف طفت السيارة من نفسها وشغلت وصار الموتر طبيعي ومشيت 20كيلو ورجع يقطع وقفت السيارة لصباح واشغل الموتر طبيعي جداً ورحت للوكالة بالطائف وكشفو عليها 250 ريال.
وقالوا يبغى لك تتغير شكمانات وطرمبة بنزين وفلتر هواء.. وأنا كنت معتمي ابغى السيارة تزين وبس قلت الشكمانات امرها هين طبعاً تذكرت في المنتدى تغيير عادم البيئة قلت مو مشكلة الشكمان اشيلة لأنهم
قالوا قيمتها 6000ريال قلت غيرو الطرمبة قيمتها 1100ريال قالوا ماعندنا نطلبها من جدة بتجي بعد 5أيام قلت بجيبها أنا أسرع قالوا اذا جبتها أنت مانظمن لك التركيب قلت وش الفائدة أقعدها عندكم 5 أيام وأنا معي عائلة مستعجل عشان اروح أخذ عمره وطلعت الموتر منهم بدون فائدة .
ورحت لمركز كبير في الطائف شكمانات ولقيت مصري فاهم ماشاء الله عليه وقالي موضوعك مو طرمبة هذا من الكنداسات لازم نشيل العادم طبعاً اربع دبات وركب لي دبات خلفي لتخفيف الصوت صناعة الصقر من الدمام وغيرها لي 350ريال وطلعت السيارة وماشاء الله الموتر عزمه تغيير 200درجة ولاصوت مزعج كنه شد بلد. ورحت لمكة والسيارة طبيعية جداً وعند الرجعة ابي أرقى طريق الهدا كبست على البنزين رجع التقطيع ووقفت في الطلعة وقعدت اخبط في فلتر الهواء انظف الغبار وفصلت فيش الكتاوت اللي في قربة فلتر الهواء ورجعته والسيارة شغاله وجيت أمشي مامشت يقطع وطفت واشغل واشتغلت طبيعي وحطيت القير ب 2 وطلعت السيارة الطلعة كاملة طبيعية ماكن فيها شي ما أدري وش السالفة.
بس اللي لاحظتها في السيارة عند الدعسة أو إذا جيت تسقط او تقاوم يقطع الموتر وتطفي وتشغل يرجع طبيعي سايست الموتر وخليته بتغيراته الطبيعية مثل اذا كنت ماشي 120 وهديت ل 90 لاتدعس بقوة اخليه يمشي شوي شوي لين يرجع ل 120 وادعس ل 140 يرجع طبيعي اما اذا كبست عليه بقوة يقطع وسايسته الين رجعت لرياض والسيارة طبيعية حتى رقيت للقدية وانا ماشي 120 طبيعي ماقطع ..
وشتتوقعون منه هل هو كمبيوتر ولا من الحساس اللي في القربة عشاني فصلت ورجعته رجع طبيعي عشان لو أنه على كلام الوكالة طرمبة بنزين اللي اخبر ان الطرمبة اذا خربت ماتشتغل السيارة الا اذا بردت ولو انه طرمبة ماودتني لمكة ورجعتني لرياض كان يطفى في الطريق.

افتتتتتتتتتتتتتتوني جزاكم الله خير لأني بسافر ثاني ولا أبغاه يخوني ثانية

**الأسطول** · 04/02/2012, 10:41 AM

المشاركة الأصلية كتبت بواسطة ارمااداا LE