رابطة ملاك ارمادا

[abosara91]

السلام عليكم
عندي مشكله بالنور الايمن ما يرتفع ولا ينزل بالتماتيك هل مرت المشكله مع احد لاني مريت اكثر من كهربائي يقولون لازم الشمعه كامله
طبعا سيارتي ارمادا 2007

[abosara91]

الف مبروك الارمادا 2013
وانا قدمت طلب ابي 2013 وان شاء الله اخبركم وافككم من مشاكل موتري هههههههههه
الفرق فوق 30000 بين الموديلين
طبعا الفل كامل خلص باقي الدبل بدون فتحه واللون الابيض

[فارس العمور]

زين فيه ناس عايشه بالرابطة !!

عموماً الله يبارك فيكم جميعا

السيارة خلصت ١٠٠٠ كلم والوكالة يقولون تغيير الزيت على ٥٠٠٠ كلم

انطباعي عن السيارة جداً ممتاز من جميع النواحي واعتبرها فرصة بهذا السعر المغري مقارنة بالمنافسين حيث ان سعر السكويا بعد العرض فوق ١٤٥ الف للنصف فل وليست فل كامل !!
وسعر اليوكن والتاهو اقل نوع الي مافيه غير كامرا بالمرايه وسقيمة بعد العرض فوق ١٣٥ الف !!


الارمادا اخذته فل كامل ب ١٣٥٥٠٠ ريال بدون دبل
ومواصفاته مستحيل تحصل مثلها بهذا الحجم وهذا السعر

ومن بعض مواصفاته :
مراتب جلد فاخر وتسخين مقاعد ومقاعد متحركة الاماميه الاثنين وذاكرة مقاعد و دركسون جديد مثل الباترول فيه تحكم كامل بالشاشة والبلوتوث ومثبت سرعة وثلاث شاشات كل وحدة تقدر تشغلها لوحدها بسيدي مستقل وتحدد مخرج الصوت الي يعجبك مع وجود سماعات وايرلس وريموت للتحكم بالشاشات الخلفية ٢٠١٣ فقط
٣٦٠ حصان طعا معروفة محركات نيسان وقيورها
دعاسات متحركة و باب الشنطة اوتماتيك بالرموت يفتح ويتسكر وانت مكانك والاسيات الاخيرة ترفع وتنزل بالازرار وتعتيم للمرايه الوسطى واليسرى
وجنوط عشرين نيكل روعة ولون جديد لؤلؤي وازياك على جنب الموتر نيكل والمرايات نيكل للفل كامل وفتحة سقف وسلة علويه نيكل و الشاشة الامامية تحتوي على خرايط الخليج كاملة وباللغة العربية والانجليزية لجميع خيارات الشاشة وتوجيه صوتي عربي و بينات البنزيم ىالصيانة وملفات الفلاش والبلوتوث وووالخ
والمفتاح الذكي من نيسان وهو فعلاً ذكي !!
المراتب تقدر تسفطها كلها بشكل مستوي
حساسات لضغط الكفرات
كامرا خلفية بخطوط توجيه حسب لفة الدركسون
نظام صوتي من شركة بوز ٦ سيديات
وسائد هوائية على كامل السيارة
انظمة مكابح متطورة
اربع حساسات اماميه واربع خلفية
يقبل بنزين ٩١ و٩٥ حسب ماهو موجود بالكتلوج

المواد المصنعه منها السيارة افضل من اليوكن والتاهو والسكويا بشكل واضح وتحس السيارة متماسكة
قيادة السيارة ممتعه وخفيفة
ملاحظة : فلتر المكيف غير موجود فلازم تشتريه بحدود ٧٠ ريال وتركبه عشان بكره ماتشتكي من التكييف اذا توسخت ثلاجة المكيف

[abosara91]

1000 1000 مبروووك
والله يعطيك خيره ويكفيك شره
بس لو كملت الرصه واخذت دبل كان 100%

حتى لو ماانت صاحب بر اقل القليل بعض الخطوط السريعه لو تنزل منها غرزت
بالتووفيق
والله ابي اخذ نص الفل بس المعلومات اللي قلتها مغريه صراحه

[abosara91]

مدري تقدر تصور لنا الموتر ماشاءالله نشوفه

[سعود-77]

ماشاءالله الف مبروك الله يعطيك من خيره ويكفيك شره

[فارس العمور]

هذي الصور

[فارس العمور]

شباب بعد عناء طويل لمحاولة تشغيل الفديو على الشاشة الامامية عن طريق ذاكرة الفلاش توصلت الى الطريقة
لاحد الاخوان بمتدى نيسان
الشرح على مكسيما وينطبق تماماً على الارمادا بتجربة شخصية ناجحة
http://www.nissan-arabia.com/vb/show...8#.UnZ4P7IgGK0

اشكر صاحب الشرح

طبعا هدفي هو تشغيل الفديو من الفلاش تبين لي انه يحتاج تفعيل وتم تفعيله من الشرح
اما مقاطع الصوت فتعمل مباشرة بصيغة mp3
والفديو يعمل مباشرة باسطوانات dvd
وجميع مايحتويه الجوال من اصوات يعمل بالاقتران بالبلوتوث أضافة الى المكالمات

[سعود-77]

السلام عليكم اخواني لوتكرمتو ابي اعرف افضل طريقه للتعامل مع قير الارمادا في الزحام هل اضعه D4 او على D فقط واثناء السرعه على الطرق الطويله وجزاكم الله خير

[فارس العمور]

طبعاً على D

[أبو صالح 06]

السلام عليكم , الله يعطيكم العافية يا اخوان.
عندي ارمادا 2013 وواجهت مشكلتين ولا لقيت طريقة لحلها.
الأولى : مرتبة السواق بعد ما اطفي السيارة وافتح الباب ترجع للخلف وما عرفت كيف اوقفها
الثانية : ما عرفت كيف اعدل مهلة تشغيل النور على الوضع الآلي

ياليت اللي يعرف يبين لنا الطريقة ومشكورين .

[mjjjed]

السلام عليكم
مشاء الله لا قوة الا بالله
والله انه موتر ما اسميه الا الوحششششش انا معايه ارمادا ٢٠٠٦. LE
اطرح فيه اطلق شنب .... له معي ثلاث سنوات ولا ليه نيه اغيره الا كان اخذ ارمادا ثاني
تحياتي للجميع

[فارس العمور]

ابوصالح بخصوص مرتبة السواق انا مثلك ابغى اوقفها ماعرفت بس حسب بحثي انه اعداد كان بالشاشة يلغي حركة المرتبة لكن لم اجده بسيارتي علماً انها فل كامل ١٣
واتوقع لو تلغي ذاكرة المرتبة تنحل المشكله لكن كيف مدري

[أبو صالح 06]

ابوصالح بخصوص مرتبة السواق انا مثلك ابغى اوقفها ماعرفت بس حسب بحثي انه اعداد كان بالشاشة يلغي حركة المرتبة لكن لم اجده بسيارتي علماً انها فل كامل 13
واتوقع لو تلغي ذاكرة المرتبة تنحل المشكله لكن كيف مدري

حياك الله أخوي فارس , خيارات الضبط ناقصة اشياء كثيرة ومهمة وهذي الصورة من كاتلوج السيارة



بكرا إن شاء الله ابمر الوكالة واجيب العلم منهم.

[فارس العمور]

اشكرك ،،،
انتظر ردك ،،
مع اني لا اضن الوكالة تفهم في مثل هذي الامور
اتوقع المواقع الاجنبية افضل بس وين اللغة ):

اليوم جيت اغير الزيت لاول مرة مع السيفون لكن لم تعجبني طريقة فك السيفون لانه لازم افك الصاجة عشان اصل للسيفون وهذي الحركة مزعجة وغير عملية بتاتاً
المهم فكيت الصاجة وقصيت فتحة لتسهيل فك السيفون بدون فك الصاجة وسبق ان سويتها باكثر من سيارة هايلكس ولاند وارتحت من الفك والتركيت وريحت البنشري
وتم تحديد الجزء المقصوص بناء على بروز بالصاجة يكون خلفه مباشرة السيفون كما بالصورة