مطلوب سمكري جيد
أنا في الرياض
وبالنسبة للقطع ترى شحنها وقيمتها ما تقارن بسعرها هنا ..
كون المنظمات الكهربائية ما تتعدى نص كيلو
فمعناه إن شحنها على الأغلب لا يتعدى 50-80 ريال
واللي يبي أخدمه في الشراء من الخارج من عيوني .. *_*
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
مطلوب سمكري جيد
أنا في الرياض
وبالنسبة للقطع ترى شحنها وقيمتها ما تقارن بسعرها هنا ..
كون المنظمات الكهربائية ما تتعدى نص كيلو
فمعناه إن شحنها على الأغلب لا يتعدى 50-80 ريال
واللي يبي أخدمه في الشراء من الخارج من عيوني .. *_*
و أخيراً ..
شريت فلتر المكيف أصلي من أحد محلات قطع الغيار المعتمدة
ب 45 ريال .
طبعاً قبل أركبه دهنته بدهن عود كمبودي
و ليتني ما تهورت .. لأنه خانق بقوة مع هالقيض
و شريت معاه مقصين علويين أمامي و كلفنني 660 ريال
بواقع 330 ريال للواحد ..
و الموزع المعتمد للحمراني الخايس ..
قال لي فلتر المكيف 290 .. و 245 ريال بعد الخصم < احلف و قل قسم
و سلّكت له و إلا يقول لي " طلبية يا صديق .. مافي موجود .. يجي بعد ثلاثة يوم ..
بس أول حساب " .. ماشاء الله
و سألته عن المقصات الأمامية العلوية و قال " 450 بعد خصم "
طبعاً الموزع رحت له قبل 5 أيام و زين إني ما تهورت و دلني واحد على هالمحل ..
نصيحة لحد يتسرع و ترا وكالة العيسى أسعارها طيبة مقارنة بالموزعين المعتمدين
للحمراني سابقاً ..
و موفقين
أخي العزيز
للتوضيح فإن احتساب الكيلومترات اللي يمشيك ياها تانكي البنزين تعتمد على رقم آخر يحتسبه كمبيوتر السيارة وهو معدل استهلاك البنزين لكل 100 كم. وهذا المعدل يختلف حسب ممشى السيارة.
يعني داخل البلد الأرمادا عادة تستهلك من 19-20 ليتر / 100 كم
أما بالخط فإن الاستهلاك ينخفض إلى 16-18 لتر / 100 كم
وبناءا على ذلك يعدل كمبيوتر السيارة احتساب الكيلومترات اللي يمشيك ياها التانكي
في المدينة المعدل في الأرمادا من 400 - 450 كم
في الطرق السريعة المعدل من 550 - 650 كم
عندما تفصل البطارية فإن معدل الاستهلاك لكل 100 ليتر يتم تصفيره أيضا وبالتالي فإن المسافة اللي يمشيها التانكي قد تزداد مؤقتا إلى 700 كم لكن هذه المسافة تتعدل مع الوقت حسب ممشى السيارة ومعدل استهلاك البنزين لكل 100 كم
ودمتم
ليتك معلمني ان عندك مشكلة في المقصات..
كل اللي يلزمك تغير البوشات (جلد ) بس..
http://mekshat.com/vb/showthread.php...6#post10438006
هلا سعادة المهندس سعيد بيه
يالله خيرة إن شاء الله و أنت بيض الله وجهك و من يقرأ ..
لكن وينها فيه هالجلد ؟ و هل هي أصلية ؟
واحد من الشباب دلني على ورشة في الشرقية تفك
المقص و تركب له جلد على نفس المقاس و ترجعها كأنها جديدة
بس ما عندي مشوار للشرقية ولا أعرف أحد هناك ..
و هذا إعلان لهم من بعد إذن الإدارة :
http://haraj.com.sa/117454202/%D9%82...8%A7_%D8%AA_n/
و الله يعطيك العافية يا سعادة المهندس
موجودة واصلية..اخذتها من وكيل نيسان في الكويت شركة البابطين..
شريت الجلد من امازون وبعد ما عرفت انها موجودة عند الوكيل في الكويت ارجعتها للبايع وفكني الله من غثا وتكاليف الشحن..
بعطيك معلومة لك وللاخوان ملاك الارمادا..طقم اصلاح مجمع السكان ( الدودة ) ما توفره شركة نيسان ولا له رقم..بس تبديل الدودة كاملة بسعر حول 2400 ريال..
لقيت له طقم اصلاح في النت وشريت حبتين من شركتين مختلفتين بسعر 40 دولار للحبة..باقي عندي حبة ماخذها احتياط لا يخربه الميكانيكي وقت التركيب..اللي يحتاجه يعلمني
أجل من الكويت ..
و أنا أقول كيف الوكيل عندنا رح يبيعها لحالها
إلا كيف القطع بالكويت ؟ عساها أرخص
يقولون القطع بالإمارات رخيصة بشكل غير طبيعي ..
و بخصوص طقم الاصلاح .. معلومة طيبة من وجه أطيب
الله يجزاك خير ولو توافينا بصور لها و لمشكلتها عشان نستفيد
و من وين أخذتها ..
و الله يعطيك العافية
الله يعافيك..
ما من رخص..لكن الواحد احيانا ينجبر اذا كانت القطعة ضرورية وما يقدر يستغني عنها..
الموقع اللي شريت منه طقم الاصلاح امريكي ومعظم قطع السيارات يوفرها من عدة مصنعين..
www.rockauto.com
الشركات المصنعة لطقم الاصلاح وارقام القطع كما يلي:
1- EDELMANN Part # 9150
2- GATES Part # 348769
3- ACDELCO Part # 36348769
والاسعار من 40 - 70 دولار
ويمكن تحصلها في امازون وبسعر افضل..
http://www.amazon.com/Gates-348769-P...art+%23+348769
http://www.amazon.com/ACDelco-36-348...t+%23+36348769
http://www.amazon.com/Edelmann-9150-...+Part+%23+9150
الفزعه يا اخوان ..
غطاء الرديتر للأرمادا بلف والا بدون بلف ؟
أنا كان عندي تهريب في الغطاء من يوم شريته مستخدم
و بدلته من الموزع المعتمد طبعاً القديم و الجديد كلها بدون بلف
رحت اليوم لمحل رديترات لأن عندي القربة دايم تزيد و قالي
عندك الغطاء مهوب حق السيارة .. !
لازم يجي بلف .. حاولت اقنعه إن الغطاء ماخذه وكاله
قال لي ممكن غلطان اللي عطاك .. بكيفك بس ترا الرديتر
يودي الماء للقربة و ما يسحبه ..
رحت لمحل قطع غيار و قال لي اللي بدون اعتقد انه
للنافارا .. و بعطيك اللي فيه بلف بس ترا واحد ركبه
لنافارا و خبطت مكينته ..
شريته و ماني متطمن و ركبته ولاحظت الحرارة زادت بمقدار سِنّه
عن الربع ..
شباب وش نوع الغطاء اللي للأرمادا ؟ تكفون
..
لاحظت ان سعر غطا الراديتر لموديلات 2006-2009 اغلى من 2009-2011
مما يدل على ان هناك اختلاف في التصميم..
رقم القطعة لموديلات 2006-2009 ( 21430-7S001 )
موديلات 2009-2011 ( ZZ00A-21430 )
وفرق السعر 3 اضعاف ( القديم اغلى )..
على العموم ان بحاول اصور لك الغطا اللي عندي مع اني مغيره وقالي البايع حق نيسان باترول..لكن ما اختلف عندي شي بعد التبديل..
احتمال اللي عندك الربلة الداخلية ( للغطا ) ما تسكر زين وما تمنع خروج الماء للقربة..
الذين يشاهدون الموضوع الآن: 1 (0 من الأعضاء و 1 زائر)