رابطة ملاك ارمادا

[ارمااداا LE]

الأرمادا 2010 موجود الوكاله قيمته 175 للفل كامل .. وأنا لقيته بمعرض الرياض نسيت اسم المعرض بـ 165 فل كامل مسوين عليه عرض

والله كويس اللي شرينا قبل ..! انا ماخذه بـ 158
يعني يمدينا نبيع بمكسب

[pateeka]

شباب حبيت اسال كم يكتب لكم الكمبيوتر من كيلومتر لما تعبون البنزين فل ؟

لان البدايه كان يكتب فوق 500 كلم والحين اقل من 500؟

[أرمادا]

^^

ان شاء الله بفلل الموتر وارد لك خبر .. لاني ما انتبه للمقياس حق الكيلوات ..

[N-xterra]

مرحبا شباب

للأسف كنا طالعين طلعة وغرز واحد من الشباب وكنت لما اسحبة القير على الثقيل وموتر الرجال ناشب نشبة مو طبيعية وموترة ثقيل
الوارد اني متلت موتره أكثر من 6 مرات والغلطة اني كنت أظرب بريك بسرعة قبل توقف الكفرات عن الدوران
يعني تحصلني ظارب بريك والآر بي إم مازال على 3 وكانت عشان مايجلس موتري على الأرض - لأنه كان يوقف بنفس المكان والكفرات تدور

ما علينا

الوارد ان كارونة الدفرنس الأمامي انطلقت من مكانها وكسرت القواعد اللي هي ماسكتها وبالتالي تكسرت تروس البنيون!!!

يعني الدفرنس حاليا محتاج توظيب - لأني دورت في التشليح وما حصلت دفرنس أمامي - حصلت واحد وكان مكسور من النص ويبغاني أشتريه ب 1500 ريااااال!!!

التوظيب ما أدري كم راح يكلف بس توقعاتي بحدود 2800 ريال مع شغل اليد وراح أعتمد قرار التوظيب إذا كانت قواعد الكارونة تنباع لحالها بدون جرم الدفرنس كامل لأنها مع جرم الدفرنس نكون خلاص وصلنا لمسألة دفرنس كامل

وش راي الشباب ؟؟؟

هل هنالك حلول أخرى؟؟

[أرمادا]

الله يعووضك .. ان شاء الله الاخوان يفيدونك .

[أرمادا]

شباب حبيت اسال كم يكتب لكم الكمبيوتر من كيلومتر لما تعبون البنزين فل ؟

لان البدايه كان يكتب فوق 500 كلم والحين اقل من 500؟

^^

ان شاء الله بفلل الموتر وارد لك خبر .. لاني ما انتبه للمقياس حق الكيلوات ..

فللت الموتر قبل شوي طلع عندي بالعداد 484 ..

[ارمااداا LE]

شباب حبيت اسال كم يكتب لكم الكمبيوتر من كيلومتر لما تعبون البنزين فل ؟

لان البدايه كان يكتب فوق 500 كلم والحين اقل من 500؟

السلام عليكم .. غالبا ما يطلع عندي 524 او 530

اتوقع حسب الكميه .. ممكن ان العامل يعبي فل بس باقي فضاوه لوجود هواء

بجرب هاليومين واعطيكم خبر ..

[ارمااداا LE]

مرحبا شباب

للأسف كنا طالعين طلعة وغرز واحد من الشباب وكنت لما اسحبة القير على الثقيل وموتر الرجال ناشب نشبة مو طبيعية وموترة ثقيل
الوارد اني متلت موتره أكثر من 6 مرات والغلطة اني كنت أظرب بريك بسرعة قبل توقف الكفرات عن الدوران
يعني تحصلني ظارب بريك والآر بي إم مازال على 3 وكانت عشان مايجلس موتري على الأرض - لأنه كان يوقف بنفس المكان والكفرات تدور

ما علينا

الوارد ان كارونة الدفرنس الأمامي انطلقت من مكانها وكسرت القواعد اللي هي ماسكتها وبالتالي تكسرت تروس البنيون!!!

يعني الدفرنس حاليا محتاج توظيب - لأني دورت في التشليح وما حصلت دفرنس أمامي - حصلت واحد وكان مكسور من النص ويبغاني أشتريه ب 1500 ريااااال!!!

التوظيب ما أدري كم راح يكلف بس توقعاتي بحدود 2800 ريال مع شغل اليد وراح أعتمد قرار التوظيب إذا كانت قواعد الكارونة تنباع لحالها بدون جرم الدفرنس كامل لأنها مع جرم الدفرنس نكون خلاص وصلنا لمسألة دفرنس كامل

وش راي الشباب ؟؟؟

هل هنالك حلول أخرى؟؟

هلا بك اخوي اكستيرا .. سلامات والله يعوضك خير .. والله مالي علم بالاسعار

وهونها وتهون باذن الله .. وعطنا آخر الاخبار لا هنت

[ارمااداا LE]

فللت الموتر قبل شوي طلع عندي بالعداد 484 ..

اخوي ارمادا اكيد باقي هوا بالخزان وما فلل مضبوط .. بكم عبيت او كم لتر ويبين عندك عبيت فل او لا ..؟

وبعدين وش صار بموضوع النفيقيشن 2010 هل من خبر ؟ سلمت

[أرمادا]

اخوي ارمادا اكيد باقي هوا بالخزان وما فلل مضبوط .. بكم عبيت او كم لتر ويبين عندك عبيت فل او لا ..؟

وبعدين وش صار بموضوع النفيقيشن 2010 هل من خبر ؟ سلمت

ايه ابلشني الهوا اللي بالخزان كل ما عبا العامل يوقف متعب الصراحه لكن مو دائما كذا بعض الاحيان .. !!

بالنسبة للنفقيشن انا متابع لنيسان أريبيا مدير الموقع معلن ان النسخه الرابع حقت 2010 عنده والا الآن ما شفنا شئ صار له شهر اول اكثر ..

مريت على تويوتا العربيه لقيتهم من زمااااااااان منزلين النسخه الجديده ، لكن وكيلنا الله يعين عليه ..


مريت على دار موجه لكن مافيه فائده يقولون ما عندنا لها تحديث لازم من الوكاله

[N-xterra]

هلا بك اخوي اكستيرا .. سلامات والله يعوضك خير .. والله مالي علم بالاسعار

وهونها وتهون باذن الله .. وعطنا آخر الاخبار لا هنت

مرحبا شباب

الظاهر موتري صاكه أحد بعين ماصلت على النبي

قبل أمس انفجر لي زيت القير اللي تحت مروحة المكينة اللي طالع من الرديتر تبع تبريد زيت القير وصار يرش على مروحة المكينة وأن عارفين عاد المروحة رشت الزيت بكل مكان بمافيها ظفيرة الموتر

صلحنا الهوز والتهريب بوقتها وصرنا ننظف الظفيرة بمنظفات واللي حصل ان الموتر انمسح برنامجه من الكمبيوتر!!! لسبب ما

السؤال هنا كيف أحمل عليه السوفتوير الجديد ومين يقدر يفيدني بهالمواضيع

تحياتي

[أرمادا]

هونها وتهون ..

رش عليها ما مقري والله يطرح بها البركه ،

أهم شئ الصحه والعافيه والحديد غيره حديد .

[N-xterra]

ايه ابلشني الهوا اللي بالخزان كل ما عبا العامل يوقف متعب الصراحه لكن مو دائما كذا بعض الاحيان .. !!

بالنسبة للهواء اللي بالخزان هذا سببه ياسيدي الفاضل غطى التانكي في ريقولتر (بلف هواء) إذا وصل الظغط داخل التانكي نسبة معينة لازم البلف يفتح ونسم الهواء المظغوط داخل التانكي

وغالبا هاذي المشكلة شائعة في سيارات الأرمادا والتايتان حسب ماذكر في الموقع الأمريكي تايتان فورمز

حلها الوحيد هو بتغيرر الإسبرنق اللي داخل عطى التانكي بواحد أقل ظغط أو تغيير غطى التانكي بغطى إكستيرا أو باث - بس ما أدري يركب أو لأ

تحياتي

[N-xterra]

مرحبا شباب

لكم مني هدية

برمجة الإيرباق ولمبة فحص المحرك ............. مني مجانا لوجة الله تعالى اللي يبي يسويهم يراسلني على الخاص وأرسل له رقمي يجيني في البيت وأبرمجهم له

برامج الأرمادا :

1- برنامج المحرك (ممكن نرفع لكم 20 حصان)
2- برنامج القير (ممكن تعدل في تواقيت التعشيق)
3- برنامج الدعسة (ممكن نزود حساسية الدعسة بحيث انه بمجرد لمسة بسيطة يكون الموتر فز - يعني يخليك تحس ان المحرك مركز تماما مع اصبع رجلك الكبير - ههههه)
4- برنامج الإرتداد العكسي للمحرك (يعني يوم ترفع رجلك عن البنص تسارع السيارة ينزل بسرعة أو ينزل شوي شوي)
5- برنامج لفتح فاصل السرعة اللي على 179 يصك ال 200 بالراحة و 220 إذا شديت عليه
6- برنامج فاصل للسرعة للخلف (للريوس)
7- برنامج ظبط حساسية رادار ظغط الإطارات

وأيضا إكتشاف الأخطاء الرقمية وتصفيرها وإستعادة ظبط للكمبيوتر Mcu



الثنتين الأولات لكم مني مجانا (غير اللي في الترقيم - اللي قبل الترقيم) ........... ببلاش بس أهم شي تكون من أعظاء الرابطة

الباقيات عاد معصي !!!! كلش بحقة

1700 ريال كلهم سوا وأعطيك معاهم جهاز يو إس بي فيه نسخة احتياطية لبنامج سيارتك الأصلي

تحياتي

[ارمااداا LE]

8
8
8
السلام عليكم مرحباا جميعا ..

تسلم اخوي N-xterra والله ما تقصر كلك ذوق لا هنت ..

بس اللي مرقم على قولتك (2 & 5 & 6) .. ما تتوقع يضر المكينه او القير مستقبلا
خاصة الفاصل وتغيير توقيت التعشيق ؟؟

بالنسبه لرقم 1 ! كيف ؟ هل يتبعها حراره او استهلاك بنزين ؟

الله يعطيك العافيه .. وما علمتنا وش صار معك بخوصوص الدفرنس حصلت ولا صلحت ؟

لا عدمنا حضورك شكرا لك ..