رابطة ملاك ارمادا

[أرمادا]

السلام عليكم جميعا....

ابارك لكم هذه الرابطه و اتمنا ان تحقق الفائدة للجميع

ولدي استفسار بسيط اذا ممكن.....لدي ارمادا 2005 دبل لون زيتي ماشي 100 الف (بدون فتحة) بغيت اعرف كم يسوى؟؟؟ لاني ودي اببيعه....

...ولكم مني كل الشكر...

وعليكم السلام والرحمه ..

بتكاتفنا نحقق الفائده للجميع باذن الله ..

بالنسبه للسعر ، أنا لقيت بمعرض بالنسيم بالرياض موديل 2006 جايته ضربه من جهة السائق على البيبان ما ادري ماشي أكثر من 100 الف ما اتذكر بالضبط لكن انه مسيوم بـ 66 ألف وانت عليك الحسبه .. بما أن موترك ماجاه شئ وممشاه قليل أتوقع حول هالقيمه أو مثل ما قال الاخ أرماااداا LE


وبالتوفيق ان شاء الله .. وبشرنا عاد بالبيعه

[N-xterra]

وين أخبارك يا نسان أكستيرا

مرحبا أيها الذئاب

زي ما أنتم عارفين موتري كان ميت دماغيا ودفرنس الدبل مكسور

قمنا بالتالي

1- تغيير الكربتوتر (كمبيوتر) وبعد برمجة المفتاح اشتغل لمدة 5 أيام وبعدها مات دماغيا مرة أخرى!!!

2- شرينا دفرنس كامل بعد ما اشتغل من تشاليح القصيم ب 2800 ريال وأنا راجع في الطريق وتحديدا بعد طلعة الغاط الموتر فقد الذاكرة و توقف عن العمل (فرحة الدفرنس ماتمت)

الوارد فصلنا البطارية وشبكناها مرة ثانية واشتغل الموتر طبيعي ولله الحمد وصلني للبيت وبعدها فقد الذاكرة تماما وألحين واقف قدام البيت صار له 3 أيام حتى المفتاح قبل أمس أخذته بنتي الصغير وراحت فيه ولا رجع قلبت الدنيا أدور المفتاح - تخيلوا لقيت أشياء مضيعها قبل كم سنه أدور عليها لكن المفتاح لم أعثر علييييه

ما أدري وين راحت فيه البنيه

ههههه

أشغلني ذا الموتر أنواع العواكيس سبحان الله

آخر شي قلت خله يجلس بأرضة وحاليا أستخدم كابرس صابونه قديمة عندي

تحياتي

[ارمااداا LE]

السلام عليكم ..

هلااا والله اكستيرا .. مرحبا الف ..

سلامات والشر غادي ونا اخوك .. المومن مبتلى .. والله يعوض عليك بالخير
ويا حليل البنيه ههههه الله يبلغك فيها ويصلح ويربح لنا ولك ..

بس مع ذلك ما نستغي عن تواجدك وعلمك غانم ..

حياااك الله ومن يقرااا

[ارمااداا LE]

السلام عليكم يا الله حيهم

[أرمادا]

وعليكم السلام الله يحييك

[المساجدي]

السلام عليكم الف كيفكم يا اخوان عندي استفسار

كم سعر الارمادا 2009 le فل ابشن دبل فتحة نفيقيشن مستخدم استخدام بسيط

عاجل الله يعافيكم

[أرمادا]

وعليكم السلام ورحمة الله ..


انا أشتريت الارمادا 2009 ابيض فل كامل دبل ..

ماشي 19 الف قبل 4 شهور 135 الف ريال ..


ومبروووك مقدما وأهم شئ الفحص لا تنسى تفحص السياره بالكامل كمبيوتر لا يغرك منظر السياره ولا الممشى القليل سيارات كثير تشلح وترهم .

[المساجدي]

الف شكر لك اخوي ارمادا على الرد السريع
ولا توصي حريص اليوم بنفحصه ان شاء الله تعالى
والله يكتب الي فيه خير ولاتحرمونا من دعواتكم الطيبة

[عشق الغضا]

مساء الخيرات وياهلاا .. بدكة الارماادا .
عندي سؤال بخصوص مقعد السائق كيف اجعل التشغيل منول ..

للمعلومية المديل 2006 LE

وشكرا لكم .

[أرمادا]

الف شكر لك اخوي ارمادا على الرد السريع
ولا توصي حريص اليوم بنفحصه ان شاء الله تعالى
والله يكتب الي فيه خير ولاتحرمونا من دعواتكم الطيبة

حيآآآك .. والله يوفقك ان شاء الله بالموتر الطيب

[أرمادا]

مساء الخيرات وياهلاا .. بدكة الارماادا .
عندي سؤال بخصوص مقعد السائق كيف اجعل التشغيل منول ..

للمعلومية المديل 2006 LE

وشكرا لكم .

مساك الله بالنور والرضى . هلابك أكثر ،

الصراحه ما فهمت سؤالك .. !!

ممكن تقصد انك تغير وضعيات كرسي السائق يدوي ؟

انا اعتقد ما تقدر لانه كهربائي بالكامل بجميع الوضعيات .. والاخوان ممكن يفيدونك

[ارمااداا LE]

وعليكم السلام الله يحييك

هلااا والله بالسمي .. مرحبااا الف

[ارمااداا LE]

السلام عليكم الف كيفكم يا اخوان عندي استفسار

كم سعر الارمادا 2009 le فل ابشن دبل فتحة نفيقيشن مستخدم استخدام بسيط

عاجل الله يعافيكم

وعليكم السلام ورحمة الله حياك الله المساجدي ..
واخونا ارمادا عطاك العلم .. بالتوفيق ان شاء الله .. وننتظر جديدك .. هلااا بك

[ارمااداا LE]

مساء الخيرات وياهلاا .. بدكة الارماادا .

عندي سؤال بخصوص مقعد السائق كيف اجعل التشغيل منول ..

للمعلومية المديل 2006 LE

وشكرا لكم .

هلااا والله مسااك الله بالنور اخوي عشق الغضااا ..

عندك الذاكره الله يسلمك .. اتوقع انك لازم تصفرها من زر set اللي في الباب بضغطه مطوله

والله اعلم .. بحاول اجربها وارد لك خبر ..

[م.سعيد]

مساء الخير جميعا...
اللي يسأل عن فيوز الولاعة للارمادا... فمكانه في درج القفازات في صندوق صغير

تحياتي