رابطة ملاك ارمادا

[ال-رايق]

مع الشكر لك ياأخوي ارمادجي
عندي علم انه في باب السوق بس كيف ابرمجه

1---القير يكون على وضعP
2---السويتش على وضع ON
3-تضبط اللي تبي من كرسي الى مراية الى دعاسة.
4--ترجع السويتش الى اي وضع عدا ON
5--- تضغط على زر SET , وتنتظر 5ثواني
6--تضغط على زر1 او 2
7--تشوف زر مفتاح الذاكرة يؤشر انتظر 5ثواني بعدها يكون تخزن

[سحابه]

عافاك الله
ارماداجي11
ايش الاخطاء الموجوده في الموديلات السابقة ل 2009

تهمني الاسعار ياأخوان

[ابوعلي ارمادا]

عندي لمبة الحساس دائماً مولعه على off ولاتطفى وشلون اطفيه لكي يشتغل انذار الحساس

[أبو أفنان]

وعليكم السلام ورحمة الله وبركاته وحياك الله اخونا/ابو افنان
هذي ماسمعناها لأن القصد فيها السلامه فقط الصوت ممكن..اما الشاشة فاذا الواحد مايخلي الحربكة والحثربة ممكن يطلع بنتيجة لكن احذر من اللي ماله داعي كما يحذر الزعاق من مربعانية هالسنة,,لأن بيني وبينك كل السيارة تنكلوجيا قصدي-- تكنو--
واذا المسألة أفنان ركبها هي وامها ورى والقزار((تظليلة3)) وانت يكفي بتلتهي في الجوال وشوارعنا اللي لعبت في سياراتنا بالمطاب والحفور(((غيرت مساعدات السيارة تحت الضمان بسبب مطب في شارع بدر بن عبدالعزيز عند ماكدونالدز الله يهد حيل من حطه)))

يعطيك ألف عافية أخوي - ارمادجي

أولاً أشكرك على ردك السريع

ثانياً لا ياعزيزي هذي موجود وفيه واحد عارضها في موقع مستعمل هي توصيلة أسلاك بس والمشكلة انه بمدينة الرياض .

ثالثاً بخصوص السلامة الي الجميع يدعيها وخصوصاً الشركة بأن السائق ممكن يلتهي عن الطريق عند مشاهدة الدي في دي والكل يعرف بأن السائق مثل الأخطبوب يشاهد الطريق ويشاهد شاشة النفقيشن ويخاصم الأولاد وبيده سيجارة ويأكل وجبة خفيفة وكثر من الأمر الي ماتخفى على الجميع ، طبعاً هذا في طريق السفر .

وأخيراً أشكرك وأشكر جميع من أطلع على موضوعي ولكم تحياتي

[ارمااداا LE]

السلام عليكم جميعاً ... كيف حال الشبيبة ؟

الشباب اللي جربوا السيارة في البر ... هل في خوف من خروج المخدات الهوائية (AIR BAGS)
فجأة ... واذا خروجها وارد اثناء السير بها في البر والتطعيس .. هل هناك طريقة لفصلها مؤقتاً؟؟

وعليكم السلام ورحمة الله وبركاته
حيااك الله اخوي تركي
وبخصوص سؤالك ما جربت وما ظنيت اجرب مراقي صعبه بس بالهداوه ما فيه الا الخير بإذن الله
اسمع انهم يفصلون افياش او فيوزات لكن ما شفت .. هالحين بالديره ونقول يا دهينه لا تنكبين وشلون البر
رحت الثمامه يوم المطر الثلاثاء وشفت انواع السيارات ومن ضمنها ارمادا ولا اعتقد ان الموضوع دارج
وشفت ناس مكسرين سياراتهم تقول جايتهم بلاش سبحان الله وسيارات جديده وغاليه وعافلينها !
وفيه ناس معهم خرده ومرهم هذولي يحق لهم مهما طار الموتر ما يتعدى 30 الف
لكن الجدد مثل الهمرات والافالنش وغيرها بصراحه جور وفسقه اللهم عافنا!
والله انا عندي ددسن دبل ولكن ما يوم طعست ولا كلفت عليه مره ما غير اتفرج
اذا براسك هوا طق لك موتر مستعمل ددسن ولا هايلوكس وطيح اللي براسك وما تخسر فيه

الله يوفقنا واياك ومن يقراا

عندي ارمادا و بسبب وجود مفتاح للصندوق الموجود بين المقاعد الأمامية

أصبحت اسخدمة لحفظ الجوال و الكامرة و الأشياء الثمينة
و كذلك النقود
و حدثت الكارثة يوم الأحد الماضي 2 محرم توقفت أمام احد المساجد في جدة لصلاة الظهر
و عند خروجي و جدت القزز للباب الخلفي اليمين مكسور
و غطاء الصندوق قد كسر و سرق مبلغ كبير كنت احتفظ بة
السارق لم يفتح الباب – دخل و خرج من الشباك المكسور – حتى لا تنطلق صفارة الإنذار
اعتقد انة لا يعمل لم اجربه بعد
الله بعوض بالخير

نصيحتي للشباب لا احد يحط أي شي في السيارة حتى لا تتكرر المأساة

أتمنى للجميع الأمن و السلامة و إن لا يصيبهم مكروه

وعليكم السلام ورحمة الله وبركاته
حياك الله اخوي عبدالعزيز .. بارك الله فيك ولك
وجزاك الله خير على النصيحه .. والله يعوض عليك

هلااا بك ..

[ارمااداا LE]

ياأخوان
إن شاء الله ناوي اقتني ارمادا
وحبيت اجمع معلومات عنها
اي الفئات المرغوب
الاسعار
2008
2009
كم تسوى ولكم جزيل الشكر.

وعليكم السلام ورحمة الله وبركاته
حياك الله اخوي سحابه

بخصوص الموتر ممتاز عملي وقليل اعطال وقطع غيار مناسبه جدا

بخصوص الاسعار .. صعب تحديدها
الموتر يعتمد سعره على الموصفات .. الميكانيكا .. الكهرب .. الممشى .. السمكره
انا شفت اعلان 2008 ماشي 16 الف SE بدون دبل وفتحه يسام بـ100 والحد 110
وشفت آخر 2008 ماشي 70 se دبل يسام بـ90 والحد 95

الظروف تختلف من شخص الى آخر والموتر كذلك يختلف من حيث الاستعمال ووضعه الحالي

وممكن تحصل بـ 60 الف وانت ماشي .. طبعا المرغوب الفل اللي هو LE

أسأل الله سبحانه لك التوفيق ومن يقراا

[ارمااداا LE]

السلام عليكم ورحمه الله وبركاته


اخواني الاعزاء

أسعد الله أوقاتكم بكل خير


سمعت ان بعض الاخوان قام بتشغيل الشاشه الاماميه للسائق اثناء القياده في وضع دي في دي مع العلم انه يتشغل فقط عند الوقوف والضغط على السايد اما في حاله السياره تمشي تطفي الشاشه الاماميه ويصير الشاشه الخلفيه فقط هي الي شغاله ياليت اذا فيه طريقه من تشغيل الشاشتين بنفس الوقت واكون لكم من الشاكرين لاني سمعت انه شغلت برمجه عند بعض المحالات فياليت الي يعرف مكان يوصفلي اياه او يعطيني اسم المحل ورقمه واكون شاكر ومقدر بس يكون في جدة .

ملاحظة : رحت للوكالة وأفادوني بأنهم حاولو لكذا عميل بتشغيل الشاشة ولم يستطيعوا

وعليكم السلام ورحمة الله وبركاته
حياك الله اخوي ابو افنان ..

انا سألت عنها ولا فيها برمجه .. لابد من قطع السلك وربطه مع سلك الشاشه الخلفيه
وسمعت ولا شفت انهم يفكون الديكور ويضبطونها والقيمه 350 ريال تقريبا ..
بالنسبه لجده لا اعلم .. لكن اتوقع موجود من يسويها .. ونا لو بتاخذ برأيي لا تشبكها
لاني جربت وبغيت اصدم .. انا مركب شاشه على الددسن والعيال شغلوا فلم وانشغلت فيه
ونا مركبها للقارمن .. لكن التجاري فيه خاصية الايقاف والتشغيل اثناء السير والحركه ..

بالنسبه للسلامه .. الكلام صحيح .. لان النظر لصوره متحركه تشغلك اكثر من الثابته

أسأل الله سبحانه لك التوفيق ومن يقراا

[ارمااداا LE]

1-عندي علم أنه يوجد المفتاح في عصى النور بس مايولع الكشاف الا مع النور الكبير
2- البطارية حقت النور تعمل بس سؤالي عن رفع القزاز بالريموت مايرتفع وش الطريقة لرفع القزاز بالريموت
3- حساس الانذار الخلفي مايطلع صوت وش الحل

وعليكم السلام ورحمة الله وبركاته
حياك الله اخوي ابو علي

هل جربت تحط النور على السكن (الاصفر فقط) ؟ قدم مفتاح النور طقه الى الامام ويطفى النور الكبير ويبقى الكشاف
اتوقع انك تولع النور على اول طقه وهي الاتو OUTO ولا ؟

بالنسبه للريمونت ينزل القزاز بس ما يرفع .. هذا نظام المصنع
بس ممكن تعكسها وتصير ترفع بس مثل بعض الالماني .. لكن يبيلك كهربائي كويس
لان الكمبيوتر ما فيه الا عدد (أمر) واحد .. يا ترفع او تنزل القزاز .. عشان ما يسحب كهرب البطاريه

الحساس اذا هو شغال لابد يطلع صوت .. تأكد من دقمة قفل الصوت يمكن خربانه او يبيلها تنظيف

أسأل الله لك التوفيق ومن يقراا

[ارمااداا LE]

عندي علم انه في باب السوق بس كيف ابرمجه

هلااا بك مره اخرى اخوي ابو علي ..

اخونا ارمادجي ما قصر وعطاك العلم صحيح ..

وممكن ربط الريمونت مع وضعية الكرسي ايضا
وهالكلام موجود بالكتالوج صفحه 160 و 161

وهذي صور لو ما كان عندك كتالوج
احفظ الصور عندك وكبرها براحتك واتبع التعليمات ::










هلااا بك ومن يقراا ..

[ارماد]

السلام عليكم شباب
عندي استفسارين بسيطيتين واللي يقدر يخدمني فيهم
الاول لمبة الابرباق رقم 2 من يركب معي واحد وامشي بالسيارة تشتغل بس لما ينزل تطفي اللمبة ايش السبب مع العلم انه وهو راكب اربط الحزام ولمبة الحزام تكون شغالة ما تطفي هذا الاول
والاستفسار الثاني كيف ابرمج اسويش الكراج الللي عند الفتحة على باب الكراج عندي
نوع السيارة ارمادا 2007 وارد امريكا
واللي معه الكتالوج تبع الارمادا 2007 عربي لا يبخل علينا فيه

[..: ابو يوسف :..]

السلام عليكم ورحمة الله وبركاتة

اخواني عندي سؤال بسيط ....؟؟؟

بالنسبة للكشافات فيه احد غيرها او فيه محل يبيعها ارخص من الوكاله

او فيه شكل او نوع معين رخيص لان راعي السيارة الي قبلي الله يهديه غيرها والي موجوده الان تجاريه

وخربانه , رحت للوكاله وقال لي الاثنين سعرهم 980 ريال . ):

اتمنى اي احد عنده الاجابه او معلومه عن الكشافات يجاوبي .

وشكراً

[ارمااداا LE]

السلام عليكم شباب
عندي استفسارين بسيطيتين واللي يقدر يخدمني فيهم
الاول لمبة الابرباق رقم 2 من يركب معي واحد وامشي بالسيارة تشتغل بس لما ينزل تطفي اللمبة ايش السبب مع العلم انه وهو راكب اربط الحزام ولمبة الحزام تكون شغالة ما تطفي هذا الاول
والاستفسار الثاني كيف ابرمج اسويش الكراج الللي عند الفتحة على باب الكراج عندي
نوع السيارة ارمادا 2007 وارد امريكا
واللي معه الكتالوج تبع الارمادا 2007 عربي لا يبخل علينا فيه

وعليكم السلام ورحمة الله وبركاته
حياك الله اخوي ارماد

مقعد الراكب فيه مستشعرات للوزن والطول .. وهذا من متطلبات السلامه على المصانع
والكرسي مخصص للبالغين .. وكذلك لحماية الاطفال وتفادي ركوبهم في المقدمه
ويبدو ان الراكب اللي تتكلم عنه طفل تحت عشرة سنوات لذلك لا يصل للحد المطلوب
وبما ان اللمبه تطفي حين نزوله فهذا يدل على ان النظام شغال .. لكن ينذرك بعدم قبول هذا الجسم في المقدمه
حاول انت تركب وراح تشوف اللمبه تطفي .. ولا اشوف لمبة الحزام مربوطه فيه

لمبة الحزام مربوطه بكرسي السائق .. يعني لو تم ربط حزام السائق تطفي اللمبه حتى لو باقي الاحزمه لم تربط

بخصوص برمجة الريمونت مع الكراج لابد تراجع نفس الشركه هل ممكن ربطه ام لا ..
وعموما الابواب الرول لا يوجد بها هالخاصيه .. ولكنها توجد للابواب ذوات الاذرع او السحاب

قد يكون الموديلات الجديده تضمنت هالخاصيه .. والبرمجه سهله لو الجهاز يشمل هالوضع

راجع هالموضوع يمكن يفيدك اكثر ::

http://www.mekshat.com/vb/showthread.php?t=129562

[ارمااداا LE]

السلام عليكم ورحمة الله وبركاتة

اخواني عندي سؤال بسيط ....؟؟؟

بالنسبة للكشافات فيه احد غيرها او فيه محل يبيعها ارخص من الوكاله

او فيه شكل او نوع معين رخيص لان راعي السيارة الي قبلي الله يهديه غيرها والي موجوده الان تجاريه

وخربانه , رحت للوكاله وقال لي الاثنين سعرهم 980 ريال . ):

اتمنى اي احد عنده الاجابه او معلومه عن الكشافات يجاوبي .

وشكراً

وعليكم السلام ورحمة الله وبركاته
حياك الله اخوي ابو يوسف

والله سعرهم غالي .. لكن اذا تشوف انك محتاج لوجودها لازم الله يعينك وركب من الوكاله

لكن انا من رأيي ولا افرضه انك تشوف وش مشكله اللي عندك ليش خربان
ممكن لمبه وقيمتها ما تتعدى 5 ريال مع التركيب 10 ريال وانتهينا
او ما يوصلهن كهرب بسبب سلك مقطوع او مو نظيف ولا يوصل كهرب او الدقمه يبيلها تنظيف

حاول بالهين وان ما لقحت غيرهن تجاري جديد بحدود 200 مع التركيب
اهم شي لا يكون الواط عالي عشان ما يسبب حراره ومشاكل

وان شاء الله الاخوان ما يقصرون بطرح الراي .. الله يوفقنا واياك ومن يقراا

[الهوى جنوبي]

ابو يوسف الله ييسر امرك ممكن تلقى كشافات في موقع amazon او ebay وتراها ارخص وجودتها افضل من التجاري اللي عندنا واذا احتجت اي خدمه مستعد .
تحياتي للجميع

[سحابه]

بيض الله وجهك
اخونا ارمادا LE
اي الموديلات اكثر رغبة,