رابطة ملاك ارمادا

[turkiq]

اخوي ارمادا 2007
ما شفت التشليح؟؟
واقتراح اخر .. شوف المواقع الامريكية ... ترى بعض القطع عندهم رخيصة.
اول موقع دخلته على السريع عندهم الدينمو ب 1250 ريال

http://www.mynissanpartstore.com/par...layCatalogid=0

شوف مواقع اخرى وبتحصل ان شاء الله ارخص

[armada2007]

اخوي ارمادا 2007
ما شفت التشليح؟؟
واقتراح اخر .. شوف المواقع الامريكية ... ترى بعض القطع عندهم رخيصة.
اول موقع دخلته على السريع عندهم الدينمو ب 1250 ريال

http://www.mynissanpartstore.com/par...layCatalogid=0

شوف مواقع اخرى وبتحصل ان شاء الله ارخص

مشكور اخوي turkiq بيض الله وجهك الموقع جدااا ممتاز والله وبيفيد في امور كثيره
بس لو طلبت الدينمو من الموقع بياخذ وقت لحد مايوصل وانا عندي سفريه ومستعجل على الموتر الليوم بمر وبشتري الدنمو وبطابقه مع الاصلي
وباوافيكم بالاخبار للافاده ولاكن الموقع جدا ممتاز واقل تكلفه للقطع والاكسسوارات من هنا .....

[turkiq]

العفو اخوي ..


بالمناسبة اشتريت مساعدين امامية معروفة من امريكا واخذت بالضبط 7 ايام من لحظة الطلب الي لحظة استلامها .. واعتبرها مدة ممتازة .. بس باقي ما ركبتها .. ان شاء الله بكرة

[ارمااداا LE]

بخصوص مشكلتي مع القزوز حصل التالي:

رحت لورشة في صناعية العاصمة (الدائري الغربي -شراع المدينة)
ورشة الشباب سابقاً (مركز علي) عند ابوحسن
بصراحة أغلي الورش اللي رحت لهم ارسلوني له
وخليت السيارة عنده من بعد العشاء حتى صباح اليوم اللي يليه
والنتيحة كانت للاسف يقول فيه تنسيم في (القزوز) يعني اذا تبغى الصوت يروح
لازم تغير قزوز ويقول عادي لو خليته ان شاء الله ما يأثر طبعاً قلت له ايش السبب
قال ممكن يكون
وصل مويا للقزوز لان هذي النوعية حقت الارمادا تتأثر من المويا والقزوز ساخنة
قلت الظاهر من الامطار اللي جت في السنة الماضية واللي قبل لاني مشيت في كباري ملينة مويا
وفي حال اني باحاول اغير احتمال اغير عند الثنيان اللي في مخرج18 عشان يقول بيجيب
قزوز شبيه لقزوز الوكالة وبسعر ارخص
هذا كل اللي عند للحظة وشكراً للجميع

الله يسهل امرنا وامرك اخوي ahz00

لكن ما سألته وين التنسيم بالضبط .. هل التنسيم بحلق القزوز او المواسير نفسها ؟
وكيف قرر التغيير بدون اصلاح .. لانه يقول ما يأثر ؟ اتوقع ان الوضع بسيط وممكن يتصلح بلحام كهرب ..

طيب هل سألت كم التفصيل .. فيه مركز الصفدي والمميز قريت عنهم مره ..
بالصناعيه مخرج 18 يمكن اوفر سعر من الجديد

عموما الله يوفقنا واياك ..
وننتظر اخر العلوم

[ارمااداا LE]

بالمناسبة اشتريت مساعدين امامية معروفة من امريكا واخذت بالضبط 7 ايام من لحظة
الطلب الي لحظة استلامها .. واعتبرها مدة ممتازة .. بس باقي ما ركبتها .. ان شاء الله بكرة

حيااك الله اخوي تركي ..
ما شاء الله مبروك .. بس ولا عليك امر نبي تفاصيل
كيف طريقة الطلب .. وش النوع .. وكم السعر مع الشحن
وانطباعك عنها بعد التركيب ..

لا هنت ..

[turkiq]

حيااك الله اخوي تركي ..
ما شاء الله مبروك .. بس ولا عليك امر نبي تفاصيل
كيف طريقة الطلب .. وش النوع .. وكم السعر مع الشحن
وانطباعك عنها بعد التركيب ..

لا هنت ..

ابقاك الله اخوي ..
ابشر .. ما طلبت شي
خلني بس اركبها واعطيكم السالفة من A-Z

[ارمااداا LE]

السلام عليكم ورحمة الله وبركاته ...
اسعد الله مسائكم جميعا يااخوان عندي صوت طلع امام المحرك وولعت لمبة البطاريه وبدت تفضا البطاريه وديته للصيانه قالو لازم دنمو جديد
وسعره 1740 علما موديل الموتر 2007 فقلت للصيانه حاولو تغيرو القطع الداخليه قال ماينفع في الارمادا لازم
تركب جديد .
فحبيت من الاخوان الي مرت عليهم هالمشكله يفيدوني يمكن الفني يبي يريح عمره ويركب جديد وماعليه من احد واذا كلامه
صحيح وش رايكم بالتشليح ينفع ولا نكع الدراهم وربك يعوضنا وجزاكم الله خير ....

وعليكم السلام ورحمة الله وبركاته
حياك الله اخوي armada2007
ما سألت ورشه غير الصيانه يمكن يصلحونه .. يمكن رمان متكسر ينفك ويغيرونه وبعدين ينكبس
وان لقيت تشليح موتر جديد وسعر كويس نص المبلغ او يزود شوي افضل

الله يسهل امرنا وامرك ومن يقراا
وننتظر اخر العلوم لا هنت ..

[ارمااداا LE]

ابقاك الله اخوي ..
ابشر .. ما طلبت شي
خلني بس اركبها واعطيكم السالفة من A-Z

الله يسهل امرك اخوي تركي
كلك ذوق .. تسلم

[armada2007]

السلام عليكم ورحمة الله وبركاته ...
اشكرك اخوي ارمادا le علي الافاده ولايهونون الاخوان ....
بقلكم على الجديد وعسا الاخوان يستفيد من الي مريت فيه وللاسف فعلا نحن شعب ( مضحوووك علينا ) والسبب هو الاتي :-
سبق وبلغتكم انو صار صوت بجهة الدنمو وفضيت البطاريه والخ ..... وديته للضمان طبعا سيارتي من الكفاح وهي امريكيه
ضمان الصالات كلكم عارفينه مايشمل الا المكينه والقير والدفرنس فقط طبعا كلموني الصيانه وقالو القطعه 1740 ونزلت استفسار هنا بالوقع ورد اخونا turkiq وافادني بموقع امريكي يوفر قطع وكان سعره 1250 واتوقع مع الشحن وفي موقع اخر قريب من السعر واكيد فيه مواقع كثير عشان مااطول عليكم تفاجأت بالصيانه يقولو غلطنا وعطيناك سعر غلط والسعر هوو 2650 طبعا رفعو ضغطي شوي واخذت الدنمو ورحت لكهربائي اعرفه وكشف عليه قال لازم يستبدل رحت للحمراني ولقيت سعره 2250 ولاكن يختلف في الشكل الخارجي يعني مخارج المسامير وهذي تفيد الوكيل انه ماينضر بالقطع الي تجي من امريكا وحاطين له مواصفات عشان يصلخ خلق الله بالاسعار وياخذ فايده تتجاوز 100% علما ان الدنمو وبقية القطع جميعها بما فيها المحرك والقير والدفرنس نفس المواصفات الامريكيه مغيرين فقط الجرم او مخارج
المسامير بعد ما افادني اخوي ارمادا le جزاه الله خير اروح التشاليح ورحت ومالقيت ارمادا نهائيا وهذي شغله مفرحه بان الموتر ولله الحمد بعد الله قليل حوادث واعطال مقارنه بالغير من الدفع الرباعي ومحزنه لي مالقيت طلبي المهم لقيت واحد يقول بيجيبه من الرياض بسعر 2250 انا حبيت افيد الاخوان هنا بان القطع نقدر نطلبها من مواقع معتمده ومعروفه بامريكا واليابان وغيره وبتكون اقل من سعر الوكيل بكثير ومايقارب نصف السعر وخل الوكيل يهش ذبان لقطعه والناس تقول قطع الارمادا غاليه والعيب في الوكيل وفي عدم اهتمام حماية المستهلك المهم لفلفت ولقيت ابن حلال دلني علي محل يستورد قطع من برى شبه جديده ونفس الاصلي بالضبط ولقيت ولله الحمد اخر قطعه فكها لي من محرك كامل للارمادا وشيكناه وجدناه جديد اخذته 800 ريال ووديته للصيانه وكانهم انصدمو كيف ومن وين جبته وغدا بستلم السياره والمحل جدا ممتاز (المركز الفضي ) الخضريه بالدمام عسى الاخوان يستفيدو منه وكنت ناوي اطلب القطعه من برى ولاكن الله يسر ولقيت والحمد لله علي كل حال طولت عليكم يااخوان ولاكن عشان تعم الفايده للجميع وشكرااااااااا للجميع ....

[ارمااداا LE]

وعليكم السلام ورحمة الله وبركاته

حياك الله اخوي ارمادا 2007 ..

ما شاء الله مبروك .. والله انها بشاره الله يسهل امرنا وامرك ويوفقنا واياك ومن يقرا

بصراحه سعر ممتاز وجت على النيه سبحان الله

يعني افهم من كلامك بخصوص القطع ان الوكيل رافع سعر قطع غيار المواصفات الامريكي ؟

ويا ليت ولا عليك امر تلقط صوره للدنمو العطلان او الجديد عشان نشوف الفرق .. طبعا حسب استطاعتك

والله يبارك لك وان شاء الله اخر الاعطال ..

ومشكور ما قصرت على تواصلك ومتابعتك لنا لا هنت .. والكل باذن الله مستفيد

الله يعطيك العافيه ومن يقراا

[turkiq]

السلام عليكم ورحمة الله جميعا ..
طبعاً تكلمت قبل يومين عن طلبي لمساعدين من امريكا وحبيت انزل موضوع متكامل بأكبر عدد من الصور للتوضيح لكن للاسف في مشكلة في المنتدى ما عرفتها بالضبط
المهم اللي نزل معي 4 صور .. ان شاء الله فيها الخير والبركة





اولا وقبل كل شي اشكر اخونا N-Exterra
على كل توجيهاته ونصائحه .. ونعم الرجل .. لديه الكثير والكثير في مجال السيارات
ونيسان على وجه الخصوص ومنه عرفت هذه النوعية من المساعدات والتي ركبتها
مكان مساعدات الوكالة الامامية .





كلنا قد سمع عن شكوى بعض اصحاب الارمادا والتايتن
وانا احد مالكيها ولا فخر
الشكوى كانت على الاكثر في حركة مقدمة السيارة الزائدة عند دخول السيارة لطرقات غير ممهدة واشتكى البعض الاخر من اصوات "قربعة" مع المطب.

فقررت التوكل على الله وشراء المساعدين وهي من شركة مساعدات المانية الصناعة امريكية التجميع وتدعى Bilstein
ورقم القطعة F4-BE5-D185-H0

سعر المساعد الامامي الواحد 100 دولار تقريبا يعني 375 ريال

تكاليف شراء المساعدين 235 دولار = 881 ريال وتشمل تكاليف اضافية للموقع
وتكاليف الشحن السريع 137 دولار = 514 ريال
_______
المجموع 1395 ريال








هذا المساعد الجديد وهو راكب




المساعد الجديد قابل للرفع وحتى 2.5 بوصة يعني تقريباً 6 سنتميترات وشوي
لكني ما اشتريته لهذا الغرض لان التايتن مرفوع من بلده ما يحتاج
وللعلم الوضع الاصلي للمساعد عند شرائه يوافق ارتفاع التايتن الطبيعي وعند الرغبة لرفع السيارة هناك حلقة دائرية يستند عليها الطبق السفلي للياي وكل ما على الفني هو نقل هذه الحلقة للمجرى الاعلى. (كان نفسي تشوفونها على الصور )






وهنا جلد عمود التوازن شافها الفني ونصح بتغييرها











اشتريتها ... هذه الجديدة وداخلها بعض الشحم (من بلدها)
وسعر الحبة 30 ريال اصلية طبعاً










وهذي الجديدة وهي راكبة ...




يمكن تلاحظون شكل الجلدة ماهو طابق مئة في المئة على العمود وهذا لفت انتباهي في لحظتها وكلمت الفني وقلت له يفكها من جديد ويتأكد .. قال لي انها راكبة في مكانها صح
بس تصميم الجلدة ماهو دقيق ... ما اقنعني رغم ثقتي فيه لاني اتعامل معه من زمان .. وفكها قدامي وكل شي سليم ولها مثل الغطاء وبشكل معين لا يمكن يختلف وطلع كلامه سليم .. الجلدة ماهي مصممة بالشكل اللي يخليها تطبق صح على العمود

لذلك يا شباب انا استنتجت ان مشكلة الصوت اللي يعاني منه اكثر اصحاب الارمادا هو بسبب
هذي الجلدة ... اذا سمعت الصوت اول ما تسوي طال عمرك هو تغيير هالجلدتين ب 60 ريال و 50 ريال شغل يد في حوالي 10 دقايق.

وان ما ر اح الصوت ساعتها فكر في المساعدات او غيرها من اجزاء نظام التعليق




بعد التركيب :
من فضل الله المساعدات رائعة .. اهتزاز مقدمة السيارة اختفى
وشعرت بأنها في الخط السريع اصبحت اقل تأرجحاً بكثير من السابق (التارجح في العادة احدى سمات سيارات البيك اب وكل من ساق بيك اب يعرفها ولا اظن ان اصحاب الارمادا يعرفونها نظراً لاختلاف نوع التعليق بين التايتن والارمادا)

صوت القربعة عند المطب اختفى طبعاً لكني اعزوه لجلد عمود التوازن الجديدة.

الخلاصة :
انصح بتغيير مساعدات الوكالة بهذه المساعدات في الحالات التالية فقط
1- ان كنت صاحب طلعات بر
2- ان كنت ترتاد طرقات مزفلته سيئة
3- ان كانت مساعدات الوكالة انتهى عمرها الافتراضي وتحتاج لاتغيير.

في غير هذه الحالات الثلاث .. لا انصح ابدا ياشباب


هذا كل ما لدي وانقل المايك لكم

[ارمااداا LE]

وعليكم السلام ورحمة الله وبركاته

حيااك الله اخوي تركي ..

ما شاء الله تبارك الله شغل مرتب ونظيف

الله يعطيك خيرهن ويمتعك بهن

واخونا ابو فهد ما يحتاج راعي فزعه ويحب يخدم الله ياجره ولا يضره وكفو شروا من يقراا

والسعر طيب ومقبول ..

وتقريرك وافي اخوي تركي الله يثيبك وان شاء الله الكل مستفيد

ومشكور وما قصرت على توثيق الصور والمتابعه لا هنت

ومثل ما تفضلت الربلات والجلد مصدر ازعاج بأغلب المواتر لان صلاحيتها محدوده

أسأل الله لنا ولك التوفيق ومن يقراا

والله يبارك لك في الموتر

ويعطيك خيره ويكفيك شره

سلمت ..

[armada2007]

السلام عليكم ...
مشكور اخونا turkiq مجهودك رائع وجزاك الله كل خير واكيد الاخوان بيستفيدو وانا اولهم .....

[armada2007]

[QUOTE=ارمااداا LE;7713063]وعليكم السلام ورحمة الله وبركاته

حياك الله اخوي ارمادا 2007 ..

ما شاء الله مبروك .. والله انها بشاره الله يسهل امرنا وامرك ويوفقنا واياك ومن يقرا

بصراحه سعر ممتاز وجت على النيه سبحان الله

يعني افهم من كلامك بخصوص القطع ان الوكيل رافع سعر قطع غيار المواصفات الامريكي ؟

ويا ليت ولا عليك امر تلقط صوره للدنمو العطلان او الجديد عشان نشوف الفرق .. طبعا حسب استطاعتك

والله يبارك لك وان شاء الله اخر الاعطال ..
سلمت اخوي ارمادا le والاخوان جميعا ..
للتوضيخ اخوي ارمادا :- الي كنت ابغا اوصله للجميع بان الامريكي والسعودي نفس القطع ولاكن ليش نقدر نطلب القطعه باقل من نصف السعر من البلد المصنع وعندنا مبالغه خياليه بقيمة القطعه تتجاوز اكثر من 100% من سعر شرائها من برى ..
وبنائاّ على طلبك تصوير الدنمو صورته ولاكن الجديد ركبوه ومالحقت على تصويره ..
بس حاولت انزله ماقبل معي يمكن لو تساعدني او احد الاخوان بتنزيل الصوره ابشرووو
اخوكم عليمي ودمتم .....

[ahz00]

الله يسهل امرنا وامرك اخوي ahz00

لكن ما سألته وين التنسيم بالضبط .. هل التنسيم بحلق القزوز او المواسير نفسها ؟
وكيف قرر التغيير بدون اصلاح .. لانه يقول ما يأثر ؟ اتوقع ان الوضع بسيط وممكن يتصلح بلحام كهرب ..

طيب هل سألت كم التفصيل .. فيه مركز الصفدي والمميز قريت عنهم مره ..
بالصناعيه مخرج 18 يمكن اوفر سعر من الجديد

عموما الله يوفقنا واياك ..
وننتظر اخر العلوم

يقول التنسيم في القزوز
بالنسبة للاصلاح : ورشة الثنيان اللي في مخرج18 يقول لي واحد كان فيه عنده نفس مشكلتي تقريباً وعملها لحام لكن خلال اسبوعين انفتح التلحيم يقول الافضل انه تغير القزوز لانه احتمال بينفك معاك التلحيم
ورحت لورشة الغروب في معارض النسيم كلمني عنهم واحد يمدحهم في النيسان
وقالوا لي لازم نتفح القزوز عشا نتأكد من المشكلة ونفس رد الثنيان
اذا تلحيم ما بيظبط معك فترة طويلة ،يعني ينصحون بالجديد
وفي الاخر سألته بخصوص الاضرار في حال عدم تغيرها لفترة طويلة
يقول حتى لو ما غيرتها ابداً بإذن الله ما راح تأثر فقط الصوت راح يكون فيه زيادة لأن الشرخ بزيد مع الوقت
شاكر ومقدر ،واتمنى ما اكون اطلت عليكم