رابطة ملاك ارمادا

[ال-رايق]

السلام عليكم ورحمة الله وبركاته تحيه طيبه للجميع أنا من عشاق الأرمادا من كثر ما شفت وسمعت عن هذه السياره وودي اشتري ارمادا ال اي موديل 2010 بس استخدام امريكي لان اخويه هناك يقول سيارات نظيفه ومشيها قليل وسعرها اقل من هنا لكن المشكله ان فيه ناس قالو ان الاستخدام الامريكي يختلف عن السعودي هل هذا صحيح ويقولو ان مكينة الاستخدام الامريكي فيها حساسات زياده ليس لها قطع غيار في السعوديه هل هذا الكلام صحيح افيدونا الله يجزاكم خير

حياك الله بين اخوانك,,,,,,,,,,,,,,,,,
وهرج اخونا ابوجماانه على متمه :::::بالنسبة للاستخدام الامريكي كثير جربوه ماعندهم مشكلة وانت لو ترجع للمشاركات هذي بتلقى غيرك معهم امريكي فقط تصفح على رابطنا هذا ومن ضمنهم اخونا تركي مع العلم ان اللي معه ونيت الارمادا ولايختلف .
تحياتي

[رمادان]

شكرًا لك يااخ ارمادجي ١١ والله يعطيكم العافيه

[ارمااداا LE]

هلا وغلا بعميد الرابطة ارمااداا LE

ولا يهون العضيد ارمادجي11

كلكم بركة جزاكم الله خير وبقية الأعضاء ومن يقرأ

مرحبااا الف اخوي الاسطول

المهلي ما يولي الله يرفع قدرك ويثيبك

وما عليك زود ومن يقرا ونا عود من حزمه
والبركه فيكم وكل الاعضاء الله يعطيهم العافيه ويوفقنا واياكم في الدارين

سلمت

أجل ماجاز لكم اقتراحي هذا:

أشوف ماحد جاب طاريه

بخصوص اقتراحك والله ما سفهناه وجايز وفكره ممتازه وكلن حسب حاجته

بالنسبه لي انا اشوف انها مناسبه للريمونت حق الدي في دي
وشنطة سيديات مثل هذي

وبالنسبه للمناديل وغيرها
انا فصلت مخابي على المراتب ونافعتني ووفرت لي
اماكن كثيره ونا طرحتها في هالمشاركه ادناه لعل الكل يستفيد

السلااام عليكم ..

حياا الله الحضووور كله ..

امس كملت تفصيل جيوب ومخابي للأرمادا والتكلفه الاجماليه 500 ريال .. جلد

وهذي الصور ممكن احد يستفيد من الفكره موب شرط ارمادا تمشي على عدة انواع من المواتر :

هلااا بكم ..

هلااا بك اخوي الاسطول
وكل الحضور ..

[ارمااداا LE]

حي الله عمدتنا وان شاء الله الأمور تمام.

هلااا وغلااا اخوي ابو مهند
الله يحييك ويبقيك والامور طيبه يمال الغناة

ونا معك على الخط الثاني بس يمكن ما فطنت لي
تراي لابس البدري شخلنا الهبوب فالضلع وغمارة الددسن ثلج

وهنا يالله الجنه الارمادا دافيه

مرحباا الف

[saaher]

السلام عليكم ياجماعة لقيت عندنا في الكويت انفنتي ارمادا 2008 ماشي 14الف وشرايكم اخذه مع اني ماجربت الارمادا شورو علي يالربع

تحياتي للجميع

[ارمااداا LE]

وعليكم السلام ورحمة الله وبركاته

حيااك الله اخوي ساهر

انفنتي وارمادا نفس الشي مكانيكيا والبودي عدا الوجه واصطبات خلفيه والعلامه تختلف
ومن الداخل نفس الارمادا عدا تغيير الشعار وساعه الانفنتي المعروفه .. مثل ما تقول شفر وجمس

الانتشار في الارمادا اكثر فقط لا غير

الممشى المذكور قليل واتوقع سعره يتعدا الـ 90 بالراحه عندنا .. وانت قارن وشف اللي يناسبك
بخصوص الموتر بإذن الله طيب ومريح وقليل اعطال ..

انصحك تستخير ثم تجرب الموتر على الطبيعه .. اذا ارتحت منه خذه والله يوفقك

اسأل قطع الغيار عن اشياء استهلاكيه مثل فحمات ، سير مكينه ، فلاتر ، وقارنها بسعر قطع لموتر من شركه آخرى وشف الفرق

وان شاء الله الاخوان ما يقصرون وكلن يطرح شوره للفايده

أسأل الله لنا ولك التوفيق

[ال-رايق]

هلااا وغلااا اخوي ابو مهند
الله يحييك ويبقيك والامور طيبه يمال الغناة

ونا معك على الخط الثاني بس يمكن ما فطنت لي
تراي لابس البدري شخلنا الهبوب فالضلع وغمارة الددسن ثلج

وهنا يالله الجنه الارمادا دافيه

مرحباا الف

كلنا لك دفى جعل عمرك طويل ,,,,واثاريك تسبر الربع بالضلع’’لكن قل لي عسى لون البدري ما هو ابيض انت والله من هذيك الغيبة خاف انك....
على العموم الله يحييك على ارض الواقع ولنا الشرف وانت بزيارتك صاحب المعروف.
تسلم

[ارمااداا LE]

الله يبقيك اخوي ابو مهند
كفو يمال اليسر وما بيننا جمايل الله يعز شانك ويجمل حالك

وبعدين هو فيه بدري ابيض ؟! شكلك ناوي تورطنا
النفس خضرا بس القلب ما يقوى هالحين الغنيمات نسامرهن كل وحده باسمها كيف عاد بن آدم

انا قصدي ابو فيصل وابو محمد ما خلو مكان في حريملاء ما قالوا ازبنه عجزت
وكل هالمده ما صادت معي الا رمعتين غطوا على سوق الاسهم

الله يثيبك ومن يقراا
سلمت ..

[الطرشي]

السلام عليكم
اخواني الكرام كم سعر الارمادا 2012 جديد في الرياض
وهل يجي فئات وكم سرندل وهل السيارة فيها عيوب تذكر
تراني صااااااااامل جدا ومعجبتني سكبة السيارة من الخارج
ياليت احد يفيدني .

[ارمااداا LE]

وعليكم السلام ورحمة الله وبركاته

حياك الله اخوي الطرشي

والله ودي افيدك بالاسعار بس ما عندي علم
ان شاء الله احد الاخوان يزودنا بالمعلومه ..

بالنسبه للفئات فيه 3 فئات طبعا 8 سلندر
والعيوب اتكلم عن موتري ما شفت شي ولله الحمد والمنه
والرابطه قدامك تقدر تاخذ فكره بموجب المشاركات وتتعرف اكثر على الموتر

وهذا رابط نيسان الشرق الاوسط / ارمادا .. راح يفيدك اكثر

http://nissan-me.com/ar/web/models/A...home/hpage.htm


هلااا بك ..

[رمادان]

ياشباب مساكم الله بالخير فيه احد عنده ارمادا استخدام امريكي هل تختلف مكينة الاستخدام عن السعودي وهل فيه اختلاف بين الاستخدام والسعودي لأني سمعت ان الاستخدام امريكي مكينته فيها حساسات زياده مافيه لها قطع غيار في السعوديه افيدونا الله يعافيكم لأني ابغى اشتري استخدام امريكي. لان سعره اقل ابغى نصيحتكم أخونا ارمادجي ماقصر بس ابغى كلام أكيد وسلامتكم

[ابوعلي ارمادا]

منقول للإفادة وشرايكم ياشباب

السلام عليكم ورحمة الله وبركاته ومسيتو بالخير جميع واش حالكم واحوالكم ربكم بخير ياوجيه الخير المهم حبايب قلبي اللي من الصعب ينساكم انتم أعضاء منتدى نيسان العرب في هذه الايام سلمكم الله حدثت لي مشكله بروبلم زي مايقولوا وش هي البروبلم الا وهي طبعا انا لم اغير زيت مكينة الارمادا ولأول مره الا بعد قطع 11200كم يعني حللت والديه احرقته احراق خليته يغدي فحمh: المهم نقدت على الموتر بعدة اشياء ارتفاع بسيط جدا في درجة الحراره الريس مايثبت مرة يزود نص ومرة يركد على النص المعدل الطبيعي ريس ظغط الهوا المهم ورحت اليوم وغيرت زيته ابشركم مع الفلتر وساعة رفع لي الارمادا فوق جيت وقلت خلنا نتفقد أسفل الموتر بطنه يمكن فيه شيء شيء منكسر أو منطعج وحبيت أشوف بطنه من زمان ماشفته لفت انتباهي حاجه الا وهي واير زي السلك ملفوف على بعضه ومثبت بماصورة الشكمان مع الجهتين ونشدت عنه الفلبني قال بابا هاذا واير مشتت الحراره او موزع الحراره يحاول يضيعها ويخفف من اثرها قلت زين المهم واخلص من غيار الزيت وأتوجهلك للصناعيه وأمر لك على محل تلحيم كنداسات وشكامين المهم ذكرت له القصه قال اوكيه خلينا نشيك الاول ونشوف شاف الواير وعرفه بس قالي حبيبي بالمختصر المفيد انا ابغى ألحملك ذا الواير بس ترى هو ماهو مصدر المشكله المشكله داخل بفلاتر الشكمان مواصير الشكمان وعددهن اربع الثنتين الاولات حدر المكينه على طول يقول عنهن مالها اثر لأن حجمهم صغير ولا فيها مادة السليكا جل ماده خليط عباره عن فلين مع برادة خشب وبودر والثنتين الكبار الثانيات وهم راس البرام مصدر قلق ومصدر اتيان الحراره للموتر وكتم المحرك وتسبب له حراره وظغط عالي عليه تموع لك البساتم قلت له والحل ياقلبي قال الحل نفكهن ونركب لك فلاتر مواصفات اجواء الخليج قلت كيف قال فلتر مخصص للهوا فقط مو لي امتصاص الحراره او منع التجمد زي امريكا واروبا وروسيا h:للمعلوميه للأسف اغلب المواتر المستورده من امريكا واروبا فلاترها مصحوبه معها هالماده الجالبه للحراره وذلك يتعارض مع جونا وبيئتنا والوكلاء يورده ولايدري وش اللي فيه من بللى او مواصفات تخالف مناخنا زي هالفلاتر المصيبه والقهر تجي كذا من الوكاله وخاصة جميع موتر يستورد من امريكا وحتى التايوت الاسكويا قالي الفني نفس الارمادا طيب فين دورهم ليه مايتحركون وينقذون الموقف ويقضون على المشكله قدام لاتحصل فقمت واعددت لكم هالتقرير المصور الاتي تفضلوا حياكم الله اخواني

هاذي صورة الماده الصاده او الكاتمه للهواء

وهاذي صورة اخرى لها توضيحيه

هاذي صورة واحد من الفلاتر الاثنين شد بلد ولاحظوا احتواءه على هالماده السالفة الذكر سيلكا جل!

صوره تقريبيه اخرى له

وهاذي صوره افقيه له وشكله شبيه جدا لطاحونة القهوه البرتقاليه تخبرونها ولا مو

وهاذي صوره مع ذنبه خلف

وهاذي صورة راس الفلتر الجديد المطابق لاجواء الخليج مصنع العتيبي

وهاذي صورة جماعيه للفلترين ويتم تركيبهم بشكل متوازي او لكل ماصوره

وهاذي صوره توضيحيه من الداخل تبين لك عدم احتوائهم على مادة السيلجا جل فقط فلتر مثقب للسماح للهواء بالعبور وظغطه

وهاذي صوره ماصورة الشكمان بعد قص الفلتر منه

وهاذي صورة الفلتر عقب تركيب وتلحيمه بالماصوره بواسطة الاوكسجين والمرحله الثانيه بواسطة الكهرباء

هاذي صورة الواير المقطوع اللي علمتكم عنه مشتت الحراره

وهاذا صورة لذيبان رفيق الدرب اللي ماقد خان

طبعا لاحظت خفة عزم الموتر غدى فلته طلقه مايحشر بالتعاشيق مايحن زي أول الله يجيرك تقل حنة وايت على طلعة نفود عشقوه بالدبل والحموله زايده الحراره والتكتكه اللي لمن وقفت وطفيت السياره تسمعها شبه اختفت مو 100% قل 90% تعتبر انجاز طيب ويذكر لصالح فلاتر الخليج الموتر لاحظت به ارتفاع في صوته خفيف سواقته عدك تسوق لك اسبيريا او جمس الظغط مره ثابت وبسرهع يتجاوب معك الزبده يالله يابابا انت وياه الحق على عمرك وعمر موترك لايشتب عليك لأحد هاللواهيب وتاكلها صح خصوصا اذا كانت جديده ولاعندك الا هي وضعك مره مايسمح للنكبات ويالله نبغى ردود وتقيمات زي العسل حلوه زيكم ياحلوين

منتدى نيسان العرب

[ابوعلي ارمادا]

ياأخوان سؤالي أين أجد صفاية البنزين في الارمادا 2005م رحت لميكانيكي قال يمكن في التانكي

وشرايكم في شيل الشخالات اللي في الكنداسة تنصحون بشيلتها ولا أخليها

[ارمااداا LE]

ياشباب مساكم الله بالخير فيه احد عنده ارمادا استخدام امريكي هل تختلف مكينة الاستخدام عن السعودي وهل فيه اختلاف بين الاستخدام والسعودي لأني سمعت ان الاستخدام امريكي مكينته فيها حساسات زياده مافيه لها قطع غيار في السعوديه افيدونا الله يعافيكم لأني ابغى اشتري استخدام امريكي. لان سعره اقل ابغى نصيحتكم أخونا ارمادجي ماقصر بس ابغى كلام أكيد وسلامتكم

وعليكم السلام ورحمة الله وبركاته
حياك الله اخوي رمادان

والله ما عندي علم بخصوص الحساسات .. ولا اظن ان فيه اختلاف

الاختلاف الظاهر للعين المجرده هو عداد السرعه تجي قراءته بالميل وليس بالكيلو
وباقي الاشياء ما اشوف فرق .. تقدر تعاين الامريكي في الصالات او المعارض
وعاين سيارات الوكيل وشف وش يطلع معك ..

اهم شي ودي تتأكد منه ان مبرد القير بلحاله لا يصير مع الراديتر ..

يبيلك سي دي حق الخرايط .. سي دي الامريكي ما يمشي عندنا

هذا اللي يحضرني .. وان شاء الله الاخوان ما يقصرون

الله يوفقنا واياك ومن يقرا ..

[ارمااداا LE]

ياأخوان سؤالي أين أجد صفاية البنزين في الارمادا 2005م رحت لميكانيكي قال يمكن في التانكي

وشرايكم في شيل الشخالات اللي في الكنداسة تنصحون بشيلتها ولا أخليها

هلا اخوي ابو علي ..

والله الصفايه لا اعلم عنها ..

بخصوص الشخالات انظر المشاركه ادناه لعلك تستفيد ::

وعليكم السلااام ورحمة الله وبركاااته

حيااك الله اخوي armada2007

تسلم على التواصل لا هنت .. وبالنسبة للمبه التحذير مضبوط كلام الفني
اذا كان الغطاا مو مسكر صح تولع .. وبالنسبه للدبات اذا ما مشبوك الحساس بتولع
واذا مشبوك بس مفرغ الشخال اللي قبله برضه تولع .. انا ما ادري وش الوضع عندك
وتقدر تبرمج الكمبيوتر ما يقرا حساس القزوز .. بس ما ادري كم يكلف سبق وسمعت
انه يكلف 200 او 300 ريال يسوي تعطيل لقراءة حساس القزوز ..

عموما انا شلت دبات التلوث اللي قدام الحساس الثنتين ..
اما الشخالات الاثنين اللي قبل الحساسات ما حركتهن خليتهن
وحطيت بدال الدبات مواسير نفس حجم الشكمان بالضبط ( تست بايب )
والحمد لله ما شفت شي المهم اني ريحت المكينه ..
يعني الهواا براحته .. ولا فيه صوت ولا ريحه
كلش تمام ولله الحمد .. التكلفه 120 ريال ..

انظر الصور الحساس قبل دبة التلوث ::




بعد القص ::






وهذي الدبتين ::






وتم تركيب المواسير وكأن شيئاا لم يكن ::









وان شاء الله الكل يستفيد ..

هلااا بكم ..

حيااك الله ..