رابطة ملاك ارمادا

[الطرشي]

..

بيض الله وجهك

[رمادان]

دايم على الموعد اخوي ارمادا LE وشكرا على المعلومه الله يوفقنا وياك وانشالله بأشوف في المعارض والصالات واديكم خبر

[ارمااداا LE]

بيض الله وجهك

الله يحييك اخوي الطرشي

الله يوفقنا واياك ومن يقرا

هلااا بك

دايم على الموعد اخوي ارمادا LE وشكرا على المعلومه الله يوفقنا وياك وانشالله بأشوف في المعارض والصالات واديكم خبر

الله يحييك اخوي رمادان

الله يسهل امرنا وامرك ومن يقرا

وبانتظار جديدك .. هلااا بك

[ابوعلي ارمادا]

[QUOTE=ارمادجي11;7791768]

ا

لعذر والسموحه اخوي

شفت بداية ردك وكلمة ((((مشكور)))) ولا كملت الباقي على ان الموضوع خلاص
على العموم في الوكالة سائل للشي هذا شبيه باللي عند محطات البتزين .. لي موعد مع الصيانه اذا تبغى اشوف وارد لك خبر.

اكرر اسفي .

هلا وغلا اخوي ارمادجي


وديت السيارة لميكانيكي وفحص لي البواجي لقاها مكربنه وبعد ماسالت الوكالة عن سعرها لقيت الواحد 66 ريال قلت للميكانيكي انها غاليه قال ماعليك أنظفها لك وبتمشيك ثلاث شهور لأن تو فيه عمر بس مكربنه نظفها وغسلها وبعدها طلع الموتر زي الوكالة عزم قوي ماشاء الله ولا فيها تفتفه ومشكور على حرصك

[ال-رايق]

[QUOTE=ابوعلي ارمادا;7877156]

هلا وغلا اخوي ارمادجي


وديت السيارة لميكانيكي وفحص لي البواجي لقاها مكربنه وبعد ماسالت الوكالة عن سعرها لقيت الواحد 66 ريال قلت للميكانيكي انها غاليه قال ماعليك أنظفها لك وبتمشيك ثلاث شهور لأن تو فيه عمر بس مكربنه نظفها وغسلها وبعدها طلع الموتر زي الوكالة عزم قوي ماشاء الله ولا فيها تفتفه ومشكور على حرصك

الله يبشرك بالخير
كويس ماهي من حاجة داخلية تبغى فك --و اذا كربون اشوى من غيره مثل الزيت -والحقيقة اشغال وكسل ماخلتني اروح اشيك على السيارة لكن الله يسهل..
زانت علومك.تحياتي

[ابو جمااانة]

السلام عليكم ورحمة الله وبركاته :
حيالله الاخوان جميع كلن باسمه :
ماودي اطول عليكم .......
ودي ادخل بالموضوع على طول ...
هذا سلمكم الله اليوم طلعت لطرف النفود حولنا وقلت اجرب الدبل ولو انه ما فيه داعي اشغله بس قلت خل اجربه لان ما حصل لي اشغله من فكيت الموتر الا مرتين ...
المهم اللي صار ان الدبل الثقيل ما شبك لييين دقيت ريوس ثم تقدمت شوي ....
الامر الثاني : يوم طفيت الدبل كله صارت لمبة الدبل تأشر ( يعني ترى الدبل ما فصل ) يوم مشيت شوي طفت اللمبه.... على فكرة ( اللمبة هي الاربع كفرات اللي بالشاشة ) مهوب 4wd
هل هذا طبيعي والا فيه مشكلة
لان فحص الوكالة حل وقته ولا ودي اقول لهم شي يحوسون الموتر علي وهو ما فيه شي
فيه ملاحظة ثانية (بحكم اني جديد على استخدام الدبل ) هل الدبل الثقيل تغييراته تكون ورى بعض بسرعة ...وهل المفروض ما تتعدى السرعة بالثقيل 40 لفترة زائدة عن الحاجة
وشكرا للجميع

[المغترب 2]

أسعد الله مساءكم جميعا بكل خير ..
الفزعة يا إخوان . عندي أرمادا 2008 .. وأصبح جهاز الانذار ينطلق بدون سبب ..
وسبب لي الاحراج خصوصا في أوقات متأخرة من الليل .. كيف استطيع ايقافه أو إعادة برمجته . ولكم جزيل الشكر . ودمتم في حفظ الله .

[ال-رايق]

السلام عليكم ورحمة الله وبركاته :
حيالله الاخوان جميع كلن باسمه :
ماودي اطول عليكم .......
ودي ادخل بالموضوع على طول ...
هذا سلمكم الله اليوم طلعت لطرف النفود حولنا وقلت اجرب الدبل ولو انه ما فيه داعي اشغله بس قلت خل اجربه لان ما حصل لي اشغله من فكيت الموتر الا مرتين ...
المهم اللي صار ان الدبل الثقيل ما شبك لييين دقيت ريوس ثم تقدمت شوي ....
الامر الثاني : يوم طفيت الدبل كله صارت لمبة الدبل تأشر ( يعني ترى الدبل ما فصل ) يوم مشيت شوي طفت اللمبه.... على فكرة ( اللمبة هي الاربع كفرات اللي بالشاشة ) مهوب 4wd
هل هذا طبيعي والا فيه مشكلة
لان فحص الوكالة حل وقته ولا ودي اقول لهم شي يحوسون الموتر علي وهو ما فيه شي
فيه ملاحظة ثانية (بحكم اني جديد على استخدام الدبل ) هل الدبل الثقيل تغييراته تكون ورى بعض بسرعة ...وهل المفروض ما تتعدى السرعة بالثقيل 40 لفترة زائدة عن الحاجة
وشكرا للجميع

حياك الله يابوجمانه:
--أخوي حكاية الدبل ماشبك الا بالريوس هذي ماصارت--ممكن مايفصل الا ترجع ريوس ثم تقدم ..وهكذا ’’اذكرها في الدبل العادي--والارمادا ما اعتقد تتكرر والسبب اذا ماخاب ظني انك تاركه ماعشقته فترة .. المفروض كل شهر تعشق كل الدبلات مسافة 200 متر او اكثر بدون سرعة لو في الشارع اللي عندك مهو لازم رمل اهم شي يتحرك الزيت -حاول الان تعشقه ولا تجور عليه.يمكن على طول يلقم ..واذا موسوس من شي انزل تحت السيارة والمس الدبلات اذا زيوتها ناقصه تصير حارة بالمرة’’خلك من الحرارة العادية.
--واللمبة تمتلي خانات الكفرات الاربع اذا معشق-وللتأكد ان الدبل مافصل يبين في الصوت وكذلك اذا وقفت ولفيت لفة الكفر تثقل ومع الكسرة القوية ينتع
--الدبل الثقيل لازم توقف الموتر وقوف كامل سواء الدبل عادي او زي الارمادا اتوماتيك توقفه توقيف كامل وتأكد ان الموتر ريح مرة ماهو توقف على طول وتعشق وانتبه تعشق او تفصله وانت ماشي والمروحة صوتها قوي لحظات لين يريح وافصله..اما الخفيف عشقه وافصله وهو يمشي
--لاتجور على الدبل الثقيل وتعدمه او تسحب سيارات وتنتعهم نتع --اذا كان النتع يعدم العادي فالاولى انك ترفق بالاوتو اضعاف رفقك بالعادي ..واذا غرزت لاتحسبه عادي تقدم بسرعة وترجع بسرعة وماغير((ان أن)) لا المواتر هذي حساسة ماتسوى ..وبالنسبة الخفيف لايتعدى80 والثقيل نصفها40 وان طعتني لاتطعس بموترك الا عند الضرورة مثلا تبي تاصل محل بعيد بعيالك عن الناس فقط ’’خصوصا الحر انتبه وبالذات اذا شفت حرارة السيارة والقير قامت مرة حاول تبرد وتبرح .تحياتي
---

[ابو جمااانة]

حياك الله يابوجمانه:
--أخوي حكاية الدبل ماشبك الا بالريوس هذي ماصارت--ممكن مايفصل الا ترجع ريوس ثم تقدم ..وهكذا ’’اذكرها في الدبل العادي--والارمادا ما اعتقد تتكرر والسبب اذا ماخاب ظني انك تاركه ماعشقته فترة .. المفروض كل شهر تعشق كل الدبلات مسافة 200 متر او اكثر بدون سرعة لو في الشارع اللي عندك مهو لازم رمل اهم شي يتحرك الزيت -حاول الان تعشقه ولا تجور عليه.يمكن على طول يلقم ..واذا موسوس من شي انزل تحت السيارة والمس الدبلات اذا زيوتها ناقصه تصير حارة بالمرة’’خلك من الحرارة العادية.
--واللمبة تمتلي خانات الكفرات الاربع اذا معشق-وللتأكد ان الدبل مافصل يبين في الصوت وكذلك اذا وقفت ولفيت لفة الكفر تثقل ومع الكسرة القوية ينتع
--الدبل الثقيل لازم توقف الموتر وقوف كامل سواء الدبل عادي او زي الارمادا اتوماتيك توقفه توقيف كامل وتأكد ان الموتر ريح مرة ماهو توقف على طول وتعشق وانتبه تعشق او تفصله وانت ماشي والمروحة صوتها قوي لحظات لين يريح وافصله..اما الخفيف عشقه وافصله وهو يمشي
--لاتجور على الدبل الثقيل وتعدمه او تسحب سيارات وتنتعهم نتع --اذا كان النتع يعدم العادي فالاولى انك ترفق بالاوتو اضعاف رفقك بالعادي ..واذا غرزت لاتحسبه عادي تقدم بسرعة وترجع بسرعة وماغير((ان أن)) لا المواتر هذي حساسة ماتسوى ..وبالنسبة الخفيف لايتعدى80 والثقيل نصفها40 وان طعتني لاتطعس بموترك الا عند الضرورة مثلا تبي تاصل محل بعيد بعيالك عن الناس فقط ’’خصوصا الحر انتبه وبالذات اذا شفت حرارة السيارة والقير قامت مرة حاول تبرد وتبرح .تحياتي
---

بيض الله وجهك اخوي ارمادجي11
المشكلة مثل ما قلت لك ما يشبك ولا يفصل الا مريوس ومقدم شوي
وانا مستنكر من الثقيل انه يبدل بسرعة وينتع نتعة بسيطة مع كل تغييره
اتوقع انها ما كانت موجودة قبل ما الاحظ اللمبة.....
والا وشرايك انتظر ردك او اي احد من الاخوان معه 2010 فل

[ال-رايق]

بيض الله وجهك اخوي ارمادجي11
المشكلة مثل ما قلت لك ما يشبك ولا يفصل الا مريوس ومقدم شوي
وانا مستنكر من الثقيل انه يبدل بسرعة وينتع نتعة بسيطة مع كل تغييره
اتوقع انها ما كانت موجودة قبل ما الاحظ اللمبة.....
والا وشرايك انتظر ردك او اي احد من الاخوان معه 2010 فل

هلا اخوي
وضح حكاية النتعة هل هي بعد الدبل ولا اذا مشيت

[ال-رايق]

أسعد الله مساءكم جميعا بكل خير ..
الفزعة يا إخوان . عندي أرمادا 2008 .. وأصبح جهاز الانذار ينطلق بدون سبب ..
وسبب لي الاحراج خصوصا في أوقات متأخرة من الليل .. كيف استطيع ايقافه أو إعادة برمجته . ولكم جزيل الشكر . ودمتم في حفظ الله .

حياك الله اخوي :
فيه مواضيع كثيرة عن المفتاح على الصفحات هذي وياليت اقدر افيدك الا بحاجة اعتبرها زي البنادول////
تستخدم الريموت((وانت برا السيارة --تضغط اللي يفتح مع اللي يقفل في آن واحد لحظات لين تشوف الانوار اشرت))في هالحالة مايصير فيه اصوات فقط تنبيه بالانوار ويمكن بعدها يصلح ’’’على الاقل تراك بتفتك من الصوت..
------------أو تفصل اصبع البطارية الموجب لمدة 5-10 دقائق وبعدين ترجعه..
تحياتي

[المغترب 2]

حياك الله اخوي :
فيه مواضيع كثيرة عن المفتاح على الصفحات هذي وياليت اقدر افيدك الا بحاجة اعتبرها زي البنادول////
تستخدم الريموت((وانت برا السيارة --تضغط اللي يفتح مع اللي يقفل في آن واحد لحظات لين تشوف الانوار اشرت))في هالحالة مايصير فيه اصوات فقط تنبيه بالانوار ويمكن بعدها يصلح ’’’على الاقل تراك بتفتك من الصوت..
------------أو تفصل اصبع البطارية الموجب لمدة 5-10 دقائق وبعدين ترجعه..
تحياتي

الله يجزاك خير اخوي ارمادجي11 وياليت اللي عنده اضافات يفيدنا لأني جربت الطريقة اللي ذكرتها وما مشى حالها

[turkiq]

السلام عليكم ورحمة الله
كيف الشباب .. على طاري الدبل حاب اذكر موضوع قريته في الكتلوج
وهو تنبيه (مهم) انك ما تشبك الدبل الا والكفرات في وضع مستقيم يعني لا تلف الطارة ..
وتجاهل هذا الامر ممكن يتسبب في اعطال لا قدر الله.



والشي الثاني قبل ايام خيمنا وغرزت اكثر من سيارة لناس حولنا وحاولت اطلعها ..
وعرفت ان الفرق اكبر مما قد يخطر في بالك بين انك تسحب احد وكفراتك سيارتك
مليانه وبين انك تنسمها ل 15 مثلا.


جيت ابغى اسحب شاص والكفرات مليانة ولا طلع الا بالقوة رغم ان تغريزة الشاص ما كانت كبيرة
وفي المقابل غرز راعي جمس محمل وفيه عائلة وصاحبها شكله ماله في البر ابد .. دعس الين
ما بركت السيارة على الدفرنس وتانكي البنزين .. الجمس صار معلق
ووالله شفت منظره وغسلت يدي انه يطلع .. لا انا ولا غيري بيقدر يطلعه
بس توكلت على الله وقلت خلني اخذ بكل الاسباب ..
نسمت كفرات موتري ل 15 وطلبته ينسم كفرات موتره بعد
وبرحنا قد ما نقدر من الرمل حول سيارته وشبكت الدبل
وحولت القير على الوضع العادي في الاول وشبكت وضعية القطر او السحب (Tow mode)

ودعسة خفيفة .. وانا اطالع في المراية والجمس يخرج من مكانه بأسهل من السهولة
ولا احتجت ولا لربع العزم اللي كنت اتصور اني بحتاجه ... ما شاء الله كأني اسحب عربية بليلة
وهذا من فضل الله.


الحاصل السيارة ما شاء الله فيها عزم ماهو سهل بس في هالمواقف تحتاج انك
ما تغفل عن الامور البسيطة اللي تساعدك بعد مساعدة الله

[ال-رايق]

السلام عليكم ورحمة الله
كيف الشباب .. على طاري الدبل حاب اذكر موضوع قريته في الكتلوج
وهو تنبيه (مهم) انك ما تشبك الدبل الا والكفرات في وضع مستقيم يعني لا تلف الطارة ..
وتجاهل هذا الامر ممكن يتسبب في اعطال لا قدر الله.

أخوي /تركي..اولا حياك الله ومنوّر الرابطة,,--انا ما اقصد يلف بالكفر ترى ياخوي شاري السفاري اللي معك القديم-الحليل اللي صورته في توقيعك- ب37000ريال يعني نعرف الدبل خصوصا النيسان واللي اقصده الله يسلمك كالاتي((اذا شك انه ما انفصل يبين ثقل الموتر في اللفة ومع الجور الزايد))ما اقول وقف والموتر لاف وعشق دبل.

والشي الثاني قبل ايام خيمنا وغرزت اكثر من سيارة لناس حولنا وحاولت اطلعها ..
وعرفت ان الفرق اكبر مما قد يخطر في بالك بين انك تسحب احد وكفراتك سيارتك
مليانه وبين انك تنسمها ل 15 مثلا.

--معك في ماقلته --لكن اهرب من النتع كما لو رأيت أسدا وليس بيدك بازوكة- وقصدي خل السبتة او الواير لين يشد واسحب--قلته من واقع تجربة واعدمت موتر سفاري91باب واحد بهالطريقة واكثرها لو توقع حطب ولا موتر اثقل من جيبي خصوصا الربع ..زي ما اسحبك ياتركي ابتمصّع-ماشاء الله.

جيت ابغى اسحب شاص والكفرات مليانة ولا طلع الا بالقوة رغم ان تغريزة الشاص ما كانت كبيرة
وفي المقابل غرز راعي جمس محمل وفيه عائلة وصاحبها شكله ماله في البر ابد .. دعس الين
ما بركت السيارة على الدفرنس وتانكي البنزين .. الجمس صار معلق
ووالله شفت منظره وغسلت يدي انه يطلع .. لا انا ولا غيري بيقدر يطلعه
بس توكلت على الله وقلت خلني اخذ بكل الاسباب ..
نسمت كفرات موتري ل 15 وطلبته ينسم كفرات موتره بعد
وبرحنا قد ما نقدر من الرمل حول سيارته وشبكت الدبل
وحولت القير على الوضع العادي في الاول وشبكت وضعية القطر او السحب (Tow mode)

ودعسة خفيفة .. وانا اطالع في المراية والجمس يخرج من مكانه بأسهل من السهولة
ولا احتجت ولا لربع العزم اللي كنت اتصور اني بحتاجه ... ما شاء الله كأني اسحب عربية بليلة
وهذا من فضل الله.

ايه معك واللي قلت صحيح لكن اذا اسفل الموتر دق خصوصا دنقل وحوله((يسمونه ربعنا كبد الموتر)) هذا لازم ابو الرشاقة يجي تحت ويبرح على شان مايدقر وقد صارت معي تراديد منها مرة بال85 واللي اطلعه شايب معه جمس عبّارتين والله اني ابرح لاسفل الجمس وارجع ابرح لموتري لين طلع بعد الغثاء واجر ان شاء الله لنا ولك.

الحاصل السيارة ما شاء الله فيها عزم ماهو سهل بس في هالمواقف تحتاج انك
ما تغفل عن الامور البسيطة اللي تساعدك بعد مساعدة الله

صحيح لكن ماعندنا مثل موترك عادي عندنا يختلف النظام بين الارمادا والتيتان--’’’’’على العموم ماورى كلامك تعقيب اخوي تركي والساعة المباركة يوم لقيناك,,تحياتي

[turkiq]

ابقاك الله اخوي ارمادجي .. ومنورة بأهلها دايماً
يعلم الله اني ما قصدت اعقب على كلامك .. انا بس شفتكم تتكلمون عن الدبل
ومباشرة تذكرت هالمعلومة اللي سبق وقريتها في الكتلوج وكتبتها قلت انبه الجميع ..
ولا الله يجزاك خير انت من اعمدة الرابطة استفدت ولا زلنا نستفيد منك

كنت احسب ان قير الارمادا تيبترونك مثل التايتان