رابطة ملاك ارمادا

[Dr.Banned]

مشكور والله يعطيك العافية على الفيديو...
احب اذكر بشغله وهي ان اتجاه السهم في الفلتر لازم يكون للاسفل..

العفو حبيبي

ولاهنت على الاضافه المهمه فعلا راحت عن بالي

لازم يكون اتجاه الاسهم اللي في جنب الفلتر لتحت عشان مرور الهواء

لاهنت على التقرير والنصيحة ’’ وفيه من سبق وقال مثل قولك لكن ماش بعض الناس وانا اولهم لأننا نعمل في شركة((بعدين كل يوم بكرة)).

الله يكون بعونكم

لازم تستعجلون عليه لأن اذا انسدت الثلاجه مشكله

يبي لها فك وخربطه توجع الراس

حاول انك ماتشغل المكيف او الهوايه قدر الامكان طالما انك مابعد ركبته

اشوف العيار مضبوط ولكن المفروض ان يكون اتجاه العيار الى الاسفل

حتى تاخذ قراءة صحيحه .. وممكن بعض انواع الزيوت ما تكون 1 لتر بالتمام يصير بها نقص

راح اخذ صوره ثانيه ان شاء الله اذا فضيت وهو متجه لأسفل

الزيت عند الخدمه السريعه اسمه فووكس ومكتوب على العلبه 1 لتر

سابقا كانوا يحطون لي كاسترول جي تي اكس ان ماخاب ضني

كلها 1 لتر و 30w10

الله يعطيك العافيه اخوي Dr.Banned

كلامك صحيح بخصوص فلتر المكيف ومهم لا هنت

سبق وان طرحت هالمشاركه منذو مبطي

ولكن ما شفت تفاعل !

مع ان الامر بسيط ورخيص ويوفر عناء كبير في المستقبل

لك جزيل الشكر ..

يمكن للحين ما يعرفون مدى اهمية الفلتر

وللمعلوميه الاغلبيه ماراح يركبونه لأن باعتقادهم ان السياره جديده وباقي فلترها نظيف

مادروا ان مافيه فلتر اصلاا

وهنا الغاء او تفعيل قفل الابواب

الطريقه هذي جربتها 20 مره وللمعلوميه الطريقه مذكوره في كتلوجات الارمادا

الكاتلوج الصغير تحديدا حق المواصفات مشروحه فيه

ولآكن ماظبطت معي نهائيااااا مهما سويت

يعطيك العافيه يالغالي على مشاركتك

[ارمااداا LE]

هلااا وغلااا اخوي Dr.Banned

يمكن عندك خلل او انك ما طبقتها صح ..

لاني جربتها ونجحت معي .. ولحد امس القريب مسويها ونجحت بالتفعيل والالغاء

ركز على الطريقه صح وتجي معك باذن الله

عافاك الله ومن يقراا

[Dr.Banned]

هالحين بطلع واجربها

يآرب تظبط

[Dr.Banned]

للأسف ماظبطت

يمكن الموديل يفررق

واحد من الشباب معه 2011 LE ومفعله فيه من يوم شراه

انا 2009 LE وحاولت ولا ظبطت

طفيت الموتر وفتحت الباب وخليته 10 ثواني تقريبا وسكرته

حطيت على وضعية ON بدون ما اشغل الموتر

ظغطت على زر قفل البيبان وعلقت عليه لين انكسر اصبعي ولا حصل شيء

جربت اسويها على وضع ACC ونفس الشيء

جربت اعلق على زر فتح البيبان بدل قفلها ونفس الشيء

اتوقع الحركه ذي موجوده في موديلات 2010 وفوق

مع انها موجوده عندي في الكاتلوج بس مانفعت

[اليوسف نجد]

تحية طيبة للجميع
يا اخوان عندي مشكله بسيطه لاكن عورة راسي معي ارمادا فل كامل 2006 معي من الوكالة وصيانته في الوكاله
لما احط الموتر في الدي او الار والسياره واقفه ترج رجه خفيفة واضحه الدركسون والمقاعد وذا مشيت تروح بس في الوقفه والان عايدي مافي رجه ومكنيكي الوكاله يقول عايدي
من يفيدنا مسويتلي قلق

وتقبلو تحياتي

[Dr.Banned]

عادي خلها

سببها بواجي او بخاخات

تسوي تنضيف بخاخات وتغيير بواجي وان شاء الله تنحل

واذا مانحلت معناته المشكله من كراسي المكينه والقير 100%

الكراسي هي اللي تخلي الموتر يرج وهو واقف

[اليوسف نجد]

Dr.Banned الله يعطيك اعافية
توي مغير البواجي في الوكالة والبخاخات ما جيتها بس مره حطيت منظف بخاخات بعد ما اخت فتره في الاردن تعرف بانزينهم
لا كن بفحص الكراسي وفيدكم ولي عنده زود لا يقصر

[ال-رايق]

Dr.Banned الله يعطيك اعافية
توي مغير البواجي في الوكالة والبخاخات ما جيتها بس مره حطيت منظف بخاخات بعد ما اخت فتره في الاردن تعرف بانزينهم
لا كن بفحص الكراسي وفيدكم ولي عنده زود لا يقصر

حياك الله اخونا/اليوسف
اقول لك حاجه وهرج اخوي على متمّه:
انظر للطبلون وقت الهزّه شف امبير الضغط هل هو ثابت .اذا ثابت(مايطلع فوق او ينزل-للتوضيح وادري مايجهلك)..على ضوئه تعرف هل كهرباء او تفويت الخ.
ولا شيّك على الكراسي والشيالات.
تمنياتي لك ولمن يقرا بالتوفيق.

[ارمااداا LE]

للأسف ماظبطت

يمكن الموديل يفررق

واحد من الشباب معه 2011 LE ومفعله فيه من يوم شراه

انا 2009 LE وحاولت ولا ظبطت

طفيت الموتر وفتحت الباب وخليته 10 ثواني تقريبا وسكرته

حطيت على وضعية ON بدون ما اشغل الموتر

ظغطت على زر قفل البيبان وعلقت عليه لين انكسر اصبعي ولا حصل شيء

جربت اسويها على وضع ACC ونفس الشيء

جربت اعلق على زر فتح البيبان بدل قفلها ونفس الشيء

اتوقع الحركه ذي موجوده في موديلات 2010 وفوق

مع انها موجوده عندي في الكاتلوج بس مانفعت

حيااك الله اخوي Dr.Banned

ترا انا موديل موتري 2009 LE .. والآن قبل المشاركه هذي جربتها
للمره الثالثه ناجحه 100%

انت ادخل الموتر بدون ما تشغل ولا تروح مشوار
تسكر الباب طبعا القير على البارك والجلنط مشدود وتفتح السويتش عادي
بعد ما يروح صوت الجرس اضغط على قفل الابواب وليس (الفتح) لمدة 5 الى 6 ثواني ..
الى ان تشوف لفليشر يولع في الطبلون .. التفعيل يأشر الفليشر مرتين .. الايقاف يولع مره وحده
وانتهينا

وبعدين بدون هوشه وتكسير خلك ريلاكس وبالهداوه

عافاك الله ومن يقراا

[ارمااداا LE]

تحية طيبة للجميع
يا اخوان عندي مشكله بسيطه لاكن عورة راسي معي ارمادا فل كامل 2006 معي من الوكالة وصيانته في الوكاله
لما احط الموتر في الدي او الار والسياره واقفه ترج رجه خفيفة واضحه الدركسون والمقاعد وذا مشيت تروح بس في الوقفه والان عايدي مافي رجه ومكنيكي الوكاله يقول عايدي
من يفيدنا مسويتلي قلق

وتقبلو تحياتي

حيااك الله اخوي اليوسف

ما قصروا الاخوان بالفايده مشكورين

بس هل مازالت الرجه بعد التعشيق ولا راحت ؟

وانت ابدأ بالسهل مثل تنظيف البخاخ وتغيير فلتر هوا .. وبعدين الصعب
مثل كراسي قير او مكينه .. وهذولي رجتهن قويه وباينه حتى الطبلون يرج .. يعني خلها مرحلة ثانيه

بخصوص التنظيف انا بالعاده اعبي من الدريس وعندهم منظف ابو 10 ريال احط علبتين مع الفل تانك

وجربت زيت الخلط سافا حق المواطير والدبابات ممتاز ينظف ويزيت بنفس الوقت
تحط 500 ملي مع فل تانك بنزين 95 طبعا


هذا شكله ::






وجربت القاز اكثر من مره على الددسن وليس الارمادا ممتاز ينظف بس يبس الجلد
لازم تلحقه بزيت سافا .. والامور طيبه بفضل من الله


وفيه نوع متسوبيشي بس انه غالي ممكن 60 ريال ما جربته

سافا مقبول وجيد وما منه مضره باذن الله وقيمته 5 ريال
تحصله عند محلات تصليح الدبابات صناعه سعودي

الله يسهل امرنا وامرك ومن يقراا

[Dr.Banned]

حيااك الله اخوي Dr.Banned

ترا انا موديل موتري 2009 LE .. والآن قبل المشاركه هذي جربتها
للمره الثالثه ناجحه 100%

انت ادخل الموتر بدون ما تشغل ولا تروح مشوار
تسكر الباب طبعا القير على البارك والجلنط مشدود وتفتح السويتش عادي
بعد ما يروح صوت الجرس اضغط على قفل الابواب وليس (الفتح) لمدة 5 الى 6 ثواني ..
الى ان تشوف لفليشر يولع في الطبلون .. التفعيل يأشر الفليشر مرتين .. الايقاف يولع مره وحده
وانتهينا

وبعدين بدون هوشه وتكسير خلك ريلاكس وبالهداوه

عافاك الله ومن يقراا

جربتها الحين للمره العشرين ولا ظبطت

اتوقع المشكله من الطبلون

عندي العداد مفصول لأن صيانتهم اللي كل 5 الاف كيلو ياخذون عليها تقريبا 350 ريال

وفرع فوكس نفسه اللي يسوي الصيانه لنيسان يقدر يسويها لي بـ 190 ريال لاكن مايختم لك الدفتر حق الضمان

لذلك فصلت العداد وصرت اسوي الصيانه عند فوكس بنص السعر على ان الموتر خارج الضمان

ومتى ما واجهتني مشكله شبكت العداد رحت للوكاله وصلحوها لي على الضمان زي السلام عليكم

بجرب اشبكه واشوف ان شاء الله تظبط

[ارمااداا LE]

جربتها الحين للمره العشرين ولا ظبطت

اتوقع المشكله من الطبلون

عندي العداد مفصول لأن صيانتهم اللي كل 5 الاف كيلو ياخذون عليها تقريبا 350 ريال

وفرع فوكس نفسه اللي يسوي الصيانه لنيسان يقدر يسويها لي بـ 190 ريال لاكن مايختم لك الدفتر حق الضمان

لذلك فصلت العداد وصرت اسوي الصيانه عند فوكس بنص السعر على ان الموتر خارج الضمان

ومتى ما واجهتني مشكله شبكت العداد رحت للوكاله وصلحوها لي على الضمان زي السلام عليكم

بجرب اشبكه واشوف ان شاء الله تظبط

حيااك الله اخوي Dr.Banned

اذا عرف السبب بطل العجب ..!ا

الله يسهل امرك اخوي ويا ليت تشبكه وتخليه مثل ماهو .. خوفي انك داخل بالمحظور والنهي

اتمنى انك تسأل عن شرعية فصل العداد بغرض تقليل الصرف .. وعلى ضوءه تواصل او لا

انا سمعت ولا ادري ان فصل العداد يخرب القير والكمبيوتر بعد فتره .. والله اعلم

والعداد يعلمك كم سرعتك وكم مشيت من كيلو عشان تغيير الزيوت والصيانه الاخرى

كذلك لو بغيت تبيع الموتر المشتري يكون على بيّنه وانت بري الذمه

حتى الشركة اعتقد تعرف ممشى الموتر بدون عداد لان الكمبيوتر فيه عداد يحفظ المسافات

وعلى افتراض ان هالشي غير وارد وصلحو لك الموتر هل تتوقع ان هالفعل جائز شرعا ؟

الله يوفقنا واياك ومن يقراا

[Dr.Banned]

النيه مو غش المشتري مستقبلآ

النيه اخذ حقي من الوكاله

سرقونا في الصيانات وسرقونا في قطع غيار المفروض يركبونها على حسابهم

واقرب مثال فلتر المكيف يكلف سعره مع التركيب اكثر من 100 ريال وهو اصلا المفروض على حسابهم

صيانات كل 5 الاف كيلو بمبلغ وقدره والشغله كلها زيت وفلتر اقدر اسويها بنص السعر وحاليا صيانة 20 الف سعرها تقريبا 1600 وهي زيت وفلتر وشد كم صاموله

غير كذا الحمراني معروف انه حرامي وصيانته زفت وماغير يلطع بك بالمواعيد

لي تجارب سيئه معهم سابقا

قلت مالي الا افصل العداد واصير اغير الزيت بفرع فوكس ارخص لي بوااجد

واذا احتجت الضمان رحت لهم على ان الموتر باقي على الضمان لأن صيانة 15 الف مسويها عندهم ومختومه بالدفتر

وصيانة 20 الف باقي عليها 3 الاف كيلو وفصلته عندها

رحت اكثر من مره وصلحوا لي الاعطال والعداد مفصول ولا من شاف ولا من درى

خلك ذيب وخذ حقك تراك دافع في الموتر فوق 160 الف مو مبلغ بسيط

انت تتوقع انه حلال انهم يسرقوننا عيني عينك ؟ مثل ماسرقونا نسرقهم ناخذ حقنا يالغالي

الله يوفق الجميع

[اليوسف نجد]

السلام عليكم
طول الله اعماركم على الطاعة قولو امين
تم الكشف على الموتر وكان سبب الرجه كراسي المكينة طبعا الوكاله يقول المكنيكي الامر عايدي وكل السيارات كذا وغسلت يدي منه وكشفت على الموتر في الصناعية واكدلي انه كراسي المكينة ووراني ارمادا ثاني نفس المشكله وزينها له
اما من ناحية مكنيكي الوكاله الله يخلف علينا جيته مره يفحص الموتر كان عندي طقطقه خفيفه لا اكلت مطب وبكل ثقه قال اذرعت التوازن وعطاني رقمه وقال ازينها لك عند البيت برى الوكاله قلت والله زين وارخص وخت القطع وقلت ادق عليك لا فضيت المهم كان راكب معي احد الزملا وسمع صوت الطقه وقلتله السالفه المهم تحداني ان الصوت هذا صوت جلد عمود التوازن وامش اثبتلك ومرينا ورشه في الصناعيه وطلعت جلد العمود وكلفتني الجلد من الوكالة 30 ريال وتركيبها برى 20 ريال بغيت ارجع وصفقه
والله يعين على الوكالة
المهم طال اعماركم جانا سافي ونا ماسك خط وكل وجه الموتر وش تشورون علي
ارش الوجهيه معني سويت تلميع ما غير شي والموتر والله تحت البايكه من الوكالة

[ارمااداا LE]

الله يوفق الجميع

حيااك الله اخوي Dr.Banned

وش ورطني في هالسالفه انا اقول في مثل هالامور اتبع مبكيك ولا تتبع مضحكك
الله يثيبك القصد تذكير ونصيحه والمثل يقول حطها برقبة عالم واطلع منها سالم
كلامك صحيح بتعامل الشركات والوضع عام طبعا وفي كل شي ..
ونا برأيي ولا افرضه على احد .. ما اشوف سرقه بمعناها .. انما استغلال واحتكار
وهذا لا يعني اننا نخالف ونتبع السوء بالسوء .. بل نتبع السوء بالاحسان
ولحية المغلوب بالجنه بمعنى ان تكون مظلوم خير من ان تكون ظالم ..
ونيتك صافيه بإذن الله ونحسبك كذلك ولا نزكي على الله احد .. قلبناها محاضره

بخصوص الصيانه سبق وكلمتهم وقلت لهم انا من حريملاء كيف الطريقه والتعامل مع المشوار
قالوا ما فيه مشكله تعال كل عشره آلاف وضمانك ساري بس غير زيتك من مركز معتمد لدينا

وحاليا اعتقد ان الضمان انتهى والامور طيبه بفضل من الله ولا احتجنا للصيانه

الله يوفقنا واياك ومن يقراا