رابطة ملاك ارمادا

[الأسطول]

السلام عليكم:
جزاك الله خير اخوي الاسطول على ردك .....
الحقيقة انك ريحتني الله يريحك دنيا واخرة.. وانا يومني انشد الاخوان (وهم ما يقصرون) ما ودي اقول للصيانة شي الا لين اكون متأكد مية بالمية انه عطل وااااضح
اخاف يقعدون يفكون ويربطون والموتر ما فيه الا العافية... ثم يحوسونه واقعد بعدين اقول ياليت......
ومثل ما تفضلت هم يزرفون من الدراهم ويخرفونك خرف بس مالك الا تدفع وتقول الشكوى لله
اما بالنسبة لسالفة الVIP فاعتقد ان فيها مبالغة شوي من بعض الناس... لانه كيف يحط الواحد بذمته انه يحمل شخص تكاليف ماليه او غير ماليه بغير وجه حق ... يمكن يكون صيانتهم لك عليها ولا هنا حرص على مصلحة الزبون بلحيل ... لكن مسألة فك وتركيب اشوفها قوية شوي ......
وبيض الله وجهك اخوي

وعليكم السلام ووجهك أبيض

نقول إن شاء الله اللي عندك ماهو عطل
وأنا ما أقدر أفيدك بأن الدبل اللي عندك صوته طبيعي أو لأ
لكن وصفت لك اللي يصير معي في حال استعملت الدبل والدبل الثقيل وبالنسبة لي وتقديري أن الصوت اللي يصدر منه طبيعي
والله أعلم

[ال-رايق]

السلام عليكم ورحمة الله وبركاته : مساكم الله بالخير
يالله حي الاخوان جميع
ابشركم رحت للوكالة عشان فحص 40000 لموتري ارمادا LE 2010
ولازادو على الموتر شي كل الشكاوي لم يتم حلها واخذو تسعمية ريال اجور الفحص وقالوا رح لهلك
وابشركم انهم كسرو درج النظارات بعد
وشوي ويتهموني اني انا اللي كسرته
الزبدة يالربع ما نستغني عن فزعتكم .....
ما عاد ابي من الوكالة شي ااااابد ...... ابي افهم شي واااااااحد بس
الدبل الثقيل عندي(((( أحيااانا ))))ما يشبك على طول لازم تحرك شوي ورى والا قدام عشان يشبك وذا شبك تحس بالموتر ردحة قوية ...... واذا بغيت تفصله يفصل لكن الخفيف ما يفصل تقعد اللمبه حقت الدبل تأشر(اللي بالشاشةالاربع كفرات) لين اتحرك ورا والا قدام شوي ويفصل.....هل هالشي طبيعي
اللي عنده خبر يالربع لايبخل علينا ... والله اني طالع من الصيانة واقول في نفسي اشوى انهم ما فككوا الدبل ,,هذولا ما عاد اثق فيهم ابد ...
جيدين في لهب الدراهم وبس.... والا الشغل ما من شغل..


وسلامتكم

ابو جمانه
أنا سألتك ولا جاوبتني(هل توقف الموتر تماما وتفضي القير قبل تعشيق الدبل الثقيل)
اما الريحة مرة على الخفيف ونسيته وامشي فوق 140 وطلع ريحه بسيطة
اما مايفصل لو بعد فتره فهذي علمها عند الله.
اما الاربع كفرات وصفها كلاتي:
((اذا الامامية ومربع الدبل اللي بين الاماميات والخلفيات فاضي))اعتبر الدبل مفصول نهائيا خفيف وثقيل..مع العلم ان الخلفيات على طول مربعها مليان.
((اذا جميعها مليانات الخفيف شغال))
اذا فيه حرف w4مولع الثقيل شغال.
-----------بالنسبة للنتعة الخفيفة مع طقة بسيطة -عادي- خصوصا اذا رجلك ماهي على الفرامل.
وانا قلت لك كم مرة انظر للحرارة او اندعس تحت هل الحرارة عالية مارديت علي.
------واذا انت في الرياض ممكن اقابلك ولا يهمك.
حاول تراسلني على الخاص --سيارتي نفس موديل سيارتك ((انا وانت اعدلاء))
والسلام عليكم.

اخوك/ال-رايق
ارمادجي سابقا

[ابو جمااانة]

ابو جمانه
أنا سألتك ولا جاوبتني(هل توقف الموتر تماما وتفضي القير قبل تعشيق الدبل الثقيل)
اما الريحة مرة على الخفيف ونسيته وامشي فوق 140 وطلع ريحه بسيطة
اما مايفصل لو بعد فتره فهذي علمها عند الله.
اما الاربع كفرات وصفها كلاتي:
((اذا الامامية ومربع الدبل اللي بين الاماميات والخلفيات فاضي))اعتبر الدبل مفصول نهائيا خفيف وثقيل..مع العلم ان الخلفيات على طول مربعها مليان.
((اذا جميعها مليانات الخفيف شغال))
اذا فيه حرف w4مولع الثقيل شغال.
-----------بالنسبة للنتعة الخفيفة مع طقة بسيطة -عادي- خصوصا اذا رجلك ماهي على الفرامل.
وانا قلت لك كم مرة انظر للحرارة او اندعس تحت هل الحرارة عالية مارديت علي.
------واذا انت في الرياض ممكن اقابلك ولا يهمك.
حاول تراسلني على الخاص --سيارتي نفس موديل سيارتك ((انا وانت اعدلاء))
والسلام عليكم.

اخوك/ال-رايق
ارمادجي سابقا

هلااااا والله باخوي ارمادجي
ههههههههه صدز انك رايق
وراك غيرت النك هداك الله ...... عموما كلك ملح وقبله ان كنت ارمادجي والا رايق
ابشرك اني رشيق مثل اغزال واندعست تحت الموتر وجسيته طلع بارد لا حراره والا هم يحزنون
بعدين الثقيل ما اشبكه الا الموتر واقف تماما وفاضي
ومن كلام اخوي الاسطول كن الوضع طبيعي
يعني ريحني شوي
واحب اضيف شي النتعةاللي اقول تراها قويه شوي
ويمكن قوتها من شبكة الدبل والموتر يتحرك شوي
والا وش رايك يالذيب
شكلك انت وراي وراي لين افكك الدبل صامولة صامولة...هههههههههه
وجزاك الله خير اخوي وما نستغني الله يبارك فيك ولا يهينك

[ال-رايق]

هلااااا والله باخوي ارمادجي
ههههههههه صدز انك رايق
وراك غيرت النك هداك الله ...... عموما كلك ملح وقبله ان كنت ارمادجي والا رايق
ابشرك اني رشيق مثل اغزال واندعست تحت الموتر وجسيته طلع بارد لا حراره والا هم يحزنون
بعدين الثقيل ما اشبكه الا الموتر واقف تماما وفاضي
ومن كلام اخوي الاسطول كن الوضع طبيعي
يعني ريحني شوي
واحب اضيف شي النتعةاللي اقول تراها قويه شوي
ويمكن قوتها من شبكة الدبل والموتر يتحرك شوي
والا وش رايك يالذيب
شكلك انت وراي وراي لين افكك الدبل صامولة صامولة...هههههههههه
وجزاك الله خير اخوي وما نستغني الله يبارك فيك ولا يهينك

تسلم تسلم الله يرفع قدرك عند ربك

سؤال؟؟؟؟؟؟؟؟؟؟؟؟؟؟؟؟
والظاهر اني قلبتها تحقيق
هل مسوّي تعديلات مثلا كعكات او اي شي يسبب في رفعة العمود.لأن القير مع الكعكات يجعّص.
---حاول كل يوم تعشق وتمشي به على الازفلت مسافة قريبة بدون سرعة .. وهل اذا تحطه على الاوتو ثم فصلته ما ينفصل ..تسل وش وراك.
وبالنسبة للمعرّف غيّرته ياخي عشان بعض الربع يسألني خصوصا اللي مايعرفون الارمادا
تحياتي

[ابو جمااانة]

تسلم تسلم الله يرفع قدرك عند ربك

سؤال؟؟؟؟؟؟؟؟؟؟؟؟؟؟؟؟
والظاهر اني قلبتها تحقيق
هل مسوّي تعديلات مثلا كعكات او اي شي يسبب في رفعة العمود.لأن القير مع الكعكات يجعّص.
---حاول كل يوم تعشق وتمشي به على الازفلت مسافة قريبة بدون سرعة .. وهل اذا تحطه على الاوتو ثم فصلته ما ينفصل ..تسل وش وراك.
وبالنسبة للمعرّف غيّرته ياخي عشان بعض الربع يسألني خصوصا اللي مايعرفون الارمادا
تحياتي

السلام عليكم
صبحكم الله بالخير جميع
ياهلا والله باخوي الرايق
شكلي والله اتعبتك .... انا وهالدبل
لكن الشكوى لله مالي الا الله ثم انتم....
انا ياطويل العمر في مكان بعيد عن الورش ويكلف على الواحد انه يروح لورش لان الدعوى فيها ممشى فوق المية كيلو... هذا من جهه
من جهه ثانية اللي بالموتر في الدبل والواحد ما يستخدم الدبل يوميا يالله بالسنة حسنة
والموتر ما عليه يمشي ممشى طيب ما نقدت عليه بشي
قلت عاد اطرح الموضوع هنا لعل ان الامر طبيعي .. وهو ان شاء الله طبيعي على ما ذكر اخوي الاسطول
اما بالنسبة للتعديل على الموتر فانا ما عدلت شي ابد الموتر شد بلد
ومشكلته في الثقيل بس اما الخفيف والاوتو ما فيهن الا العافية الحمدلله
وشاكر لك اهتمامك الله يبارك فيك ولا يهينك

[ارمااداا LE]

تسلم يديك

هالحركه حلوه واستخدمها من فتره

السلك مشتريه بـ 5 ريال من سوق الجوالات في السويدي طبعا صيني لاكن قايم بواجبه

استخدمه مع الجوال + جهاز MP3 سوني + آيباد

وتقدر تستخدمه مع اي جهاز فيه منفذ دائري بنفس المقاس

يعيبه انك ماتتحكم بالملفات من ازرار الدركسون

لازم تستخدم الجوال نفسه عشان تغير الملفات الصوتيه

موجود عندي سلك زايد ما احتاجه اللي بجنوب الرياض ويبيه يمرني وياخذه بلاش بشرط ما يستخدمه في سماع اغاني ومعاصي

ذنوبنا كافيتنا

هلااا والله اخوي الدكتور

سلمت ولا هنت


صحيح هو مجرد توصيل صوت .. يعني بدل ما تستخدم سبيكر الجوال او سماعة الاذن
تشبكه على سماعات الموتر

هذا رابع موضوع اشوفه عن تاهو تضرب مكينته وهو توه جديد

الله يستر علينا وعلى مواترنا

صدقت الشغله رخيص في رخيص

الفلتر الاصلي يفرق عن التجاري ريالات فقط يعني مايتعدى 10 ريال

والزيت بعض الناس يغلطون ويحطون 20W50 ابو نكبه وتروح مكاينهم بسبته

اسمعوا كلام الخواجات تراهم أخبر

والله الوضع مؤسف والسبب قلة الاهتمام بالتعليمات وقلة الحرص على المنتج النظيف

ولا هو شرط يوكن او تاهو كل المواتر معرضه لهذي المشكله ولكن كثرة انتشار هالنوع
من المواتر ساعد على انتشار الاخبار

انا استعملت زيت ماق1 10/40 غالي ولا هو موجود ومنتشر

واستعملت زيت بترومين 10/30 اشوفه زين وسعره مقبول = 16 ريال العلبه
وهاليومين رحت عليه الكويت وجيت غيرته ممتاز ما تغير لونه ولزوجته فيه
وانا اغير الفلتر مع كل تغيير زيت .. وفلتر الهوا لابد يكون نظيف لان لا صار مبطي
ما يفلتر صح ويبدى يتغير لون الزيت




عافاك الله ومن يقراا

[ارمااداا LE]

تسلم على كل حال.

هلااا بك اخوي ابو مهند <<<<<<<<<< مبروك النك الجديد لايق عليك الرايق

[ارمااداا LE]

السلام عليكم ورحمة الله وبركاته ...
كيف الاخوان جميعاّ انشاء الله اموركم طيبه لي فتره عن المشاركه بهذا الموقع الجميل ومع هالوجيه الطيبه
حبيت اخذ رائيكم بشغله شفت ارمادا مسوي حركه عجبتني كثير وهي تركيب أضائه اسفل ابواب فوق دعاسة الركوب وتشتغل مع فتح وتقفيل الباب ولك الخيار تخليها والعه على طول بس انا خليته مع فتح وتقفيل الباب فقط ا وكان معاي واحد من الشباب وحلف اركبها وابغا رائيكم فيها ولا عليكم امر ودمتم ......

وعليكم السلام ورحمة الله وبركاته

حياك الله اخوي armada2007
هلااا بك ... ذكرتنا بايام التجمير سابقا
اول كانوا التريلات يحطون لمبات حمر داخل الرفارف وتشوف بطن الرفرف احمر
وبعدين تطورت وصارت ازرق وابيض ودلوا اصحاب التكاسي يحطونها
واهل العراوي والعربيات لما وصلت السيارات الصغار

حاليا الموجود شريط انوار ليد وتركبه وين ما تبي ..

عموما اللي انت سويته حلو مع حركة الباب فقط

الله يعطيك العافيه ومن يقراا
سلمت ..

[ال-رايق]

هلااا بك اخوي ابو مهند <<<<<<<<<< مبروك النك الجديد لايق عليك الرايق

أدري بتزعلون شوي عشان اسم المزيونه
لكن انتم كما هي على البال
--------
والله يبارك فيك على العموم
----------تحياتي وتقديري
وسلم على هبوب -الله لايهينك وزورونا -البرد راح

[ارمااداا LE]

السلام عليكم

حياا الله كلن باسمه

صار لي زرقه اضطراريه هاليومين للكويت وكفرات الموتر شد بلد ولا بغيت اروح عليهن موسوس منهن مع انهن جدد

المهم واروح ادور كفرات وكلن يقول جنط 20 يجيب الله مطر !! لفيت الوكالات المعروفه ما فيه
دنلوب يوكوهاما كوبر تويو .. لقيت قوديير بس الارتفاع 50
ولقيت البرجستون والميشلان بس الاسعار هبال !! حول 1800 الكفر !!!
موديل 2012

وش السواة ؟ واروح شارع الضباب عند الموزعين واحصل 2011 الشهر الرابع

الميشلان 1050

القوديير .... حصلت ارتفاع 60 ..... 900 ريال ما عجبني شكله وكذلك ما يمدحونه

بريجستون 1120 .. عجبني شكله واخذته وصلخونا بـ 4480 يا بلاش

وش نسوي غصبن على البل تركب جاريات السفن .. ونسأل الله سبحانه الخيره والبركه

وهذي صورتهن ::











على فكره جنط 18 متوفر كفرات اللي تبي .. بس جنط 20 وارتفاع 60 وفوق صعب

اتمنى اني افدتكم في المعلومه

هلااا بكم ..

[ارمااداا LE]

أدري بتزعلون شوي عشان اسم المزيونه

لكن انتم كما هي على البال
--------
والله يبارك فيك على العموم
----------تحياتي وتقديري
وسلم على هبوب -الله لايهينك وزورونا -البرد راح

هلااا والله ابو مهند ... لا يهمك دربك سمح والقلوب شواهد الله يسلمك

وهبوب ضرب فيوزه اليوم اوله بويرد ثم حار ثم عج ثم رعود ومطر والحين صار برد

ومجحرين تقول ضبان خخخخخ هبل بنا الجو تشوف سبع فصول في يوم ياالله لك الحمد

الله يحييك ومن يقراا

[ارمااداا LE]

ذكرت اني ركبت فلم حمايه في الغرابي ... لاني رحت الشركات واسعارهم فوق ما يسولفون الا من فوق الالف

لقيت الماني 350 وصيني 250 ... وقلنا ما فرقت ركب الماني

طيب هالحين قضينا من الانوار والصدام وباقي الواجهه ..

لكن الشبك والمرايات الجانبيه والجنوط كيف السبيل والحل ياا ولد ؟؟؟


قال راعي المحل فيه حل يفيدك .. قلت وشهو ؟ قال بخاخ ربل مدري مطاط

وبكم ؟ قال 20 ... قلنا عطنا واحد

وفعلا رشيت منه قبل لا امشي والنتيجه فعاله وممتازه

اول ما ترش سايل شفاف مثل الجل وبعدين ينشف ويصير طبقه عازله زي الربل او المطاط
لا فركته بيدك يطلع بسهوله او مع الغسيل ولا يترك اثر

انا جربته على الشبك والمرايات طبعا كلهن المنيوم وكذلك رشيت الجنوط والعلامات الجانبيه واللوحه الاماميه

وامس غسلت الموتر وما شاء الله ما تغير شي ابد ولله الحمد

وهذي صورته










على فكره ساهر عطاني عكس بمدخل الدمام قبل مفرق ابو حدريه
ومره ثانيه ونا جاي بمدخل الدمام وانت جاي من الكويت
ومره ثالثه قبل محطة لتر اول طريق الرياض من الدمام

وحتى الساعه لم تظهر عندي مخالفات على الكمبيوتر مع ان سرعتي 150
مدري هم متسامحين معنا او ان هاللي رشيته له اثر على الرادار ؟!


على العموم حنا يهمنا السافي لا يلعب بالموتر
واشوف ان الامور مثل ما راحت جت ولا تغير شي ولله الحمد

لذلك انصح فيه وبشده

وسلامتكم ..

[Dr.Banned]

السلام عليكم

حياا الله كلن باسمه

صار لي زرقه اضطراريه هاليومين للكويت وكفرات الموتر شد بلد ولا بغيت اروح عليهن موسوس منهن مع انهن جدد

المهم واروح ادور كفرات وكلن يقول جنط 20 يجيب الله مطر !! لفيت الوكالات المعروفه ما فيه
دنلوب يوكوهاما كوبر تويو .. لقيت قوديير بس الارتفاع 50
ولقيت البرجستون والميشلان بس الاسعار هبال !! حول 1800 الكفر !!!
موديل 2012

وش السواة ؟ واروح شارع الضباب عند الموزعين واحصل 2011 الشهر الرابع

الميشلان 1050

القوديير .... حصلت ارتفاع 60 ..... 900 ريال ما عجبني شكله وكذلك ما يمدحونه

بريجستون 1120 .. عجبني شكله واخذته وصلخونا بـ 4480 يا بلاش

وش نسوي غصبن على البل تركب جاريات السفن .. ونسأل الله سبحانه الخيره والبركه

وهذي صورتهن ::











على فكره جنط 18 متوفر كفرات اللي تبي .. بس جنط 20 وارتفاع 60 وفوق صعب

اتمنى اني افدتكم في المعلومه

هلااا بكم ..

وعليكم السلام

يالله صبآح خير

لي فتره ابي اغير كفراتي وشفت ردك وسبب لي عقده نفسيه

من البدايه وانا خايف من موضوع الكفرات لأن الوالد قد غيرها بموتره كلفته 6 الاف وكسور اظاهر

انا كفراتي حقت الوكاله ميشلان الاماميه تتقشر النقشه حقتها

والخلفيه ماعليها تتمسح بحكم اللي يجيها من علوم

اتوقع سوء التخزين يلعب دووور

انا طول الوقت موقف الموتر وقليل استخدامي له والهواء على 30 تقريبا

يمكن هذا اللي خلاها تتقطع

الله يعيننا بس

شكلي بفك الجنوط واركب حقت ددسن اطقم لها كفرات جديده بـ 600 ريال وابد

[Dr.Banned]

ذكرت اني ركبت فلم حمايه في الغرابي ... لاني رحت الشركات واسعارهم فوق ما يسولفون الا من فوق الالف

لقيت الماني 350 وصيني 250 ... وقلنا ما فرقت ركب الماني

طيب هالحين قضينا من الانوار والصدام وباقي الواجهه ..

لكن الشبك والمرايات الجانبيه والجنوط كيف السبيل والحل ياا ولد ؟؟؟


قال راعي المحل فيه حل يفيدك .. قلت وشهو ؟ قال بخاخ ربل مدري مطاط

وبكم ؟ قال 20 ... قلنا عطنا واحد

وفعلا رشيت منه قبل لا امشي والنتيجه فعاله وممتازه

اول ما ترش سايل شفاف مثل الجل وبعدين ينشف ويصير طبقه عازله زي الربل او المطاط
لا فركته بيدك يطلع بسهوله او مع الغسيل ولا يترك اثر

انا جربته على الشبك والمرايات طبعا كلهن المنيوم وكذلك رشيت الجنوط والعلامات الجانبيه واللوحه الاماميه

وامس غسلت الموتر وما شاء الله ما تغير شي ابد ولله الحمد

وهذي صورته










على فكره ساهر عطاني عكس بمدخل الدمام قبل مفرق ابو حدريه
ومره ثانيه ونا جاي بمدخل الدمام وانت جاي من الكويت
ومره ثالثه قبل محطة لتر اول طريق الرياض من الدمام

وحتى الساعه لم تظهر عندي مخالفات على الكمبيوتر مع ان سرعتي 150
مدري هم متسامحين معنا او ان هاللي رشيته له اثر على الرادار ؟!


على العموم حنا يهمنا السافي لا يلعب بالموتر
واشوف ان الامور مثل ما راحت جت ولا تغير شي ولله الحمد

لذلك انصح فيه وبشده

وسلامتكم ..

تسرعت شوي الله يهديك

الغرابي كل اللي عنده صيني

يقول لك صيني ولا الماني

تقوله الماني راح جاب لك الصيني وابد

صحيح ان اسعار زيبارت ودرايف 7 والشركات الباقيه مرتفعه حدود 1500 ريال

لآكن شغل 100% لاتشيل همه لا تغيير لون ولا تقشع ومن هالخرابيط

ضمان 10 سنين بجيبك وكل 6 شهور تروح لهم يسوون تلميع وفحص للعازل ببلاش

موفق يالغالي

[ارمااداا LE]

وعليكم السلام

يالله صبآح خير

لي فتره ابي اغير كفراتي وشفت ردك وسبب لي عقده نفسيه

من البدايه وانا خايف من موضوع الكفرات لأن الوالد قد غيرها بموتره كلفته 6 الاف وكسور اظاهر

انا كفراتي حقت الوكاله ميشلان الاماميه تتقشر النقشه حقتها

والخلفيه ماعليها تتمسح بحكم اللي يجيها من علوم

اتوقع سوء التخزين يلعب دووور

انا طول الوقت موقف الموتر وقليل استخدامي له والهواء على 30 تقريبا

يمكن هذا اللي خلاها تتقطع

الله يعيننا بس

شكلي بفك الجنوط واركب حقت ددسن اطقم لها كفرات جديده بـ 600 ريال وابد

هلااا وغلااا اخوي الدكتور

الله يعين الجميع .. وش نسوي ما لك الا خشمك لو كان عوج

دامك داخل الديره مش حالك باللي عندك .. ولا بغيت تسافر جدد واحسبها من ضمن المصاريف

حتى الددسن كفراته غاليه قبل شهر مركب نوع كوبر بـ 510 ريال جنط 16 ما فرقت

الحين الميشلان اللي فكيتهن تسام من عندي بـ 1000 ان شاء الله يجيبن زود ونعوض شوي

تسرعت شوي الله يهديك

الغرابي كل اللي عنده صيني

يقول لك صيني ولا الماني

تقوله الماني راح جاب لك الصيني وابد

صحيح ان اسعار زيبارت ودرايف 7 والشركات الباقيه مرتفعه حدود 1500 ريال

لآكن شغل 100% لاتشيل همه لا تغيير لون ولا تقشع ومن هالخرابيط

ضمان 10 سنين بجيبك وكل 6 شهور تروح لهم يسوون تلميع وفحص للعازل ببلاش

موفق يالغالي

والله شقولك اشوف الربع اللي حولي مركبين على ألف .. وبعضهم ألف ونص
وما شفت زود اللون قالب ومشهبات

ولو كل سنه اغير لمدة خمس سنوات تساوي حق تركيب واحد من هالشركات
ولا اظن اني ابغيرها كل سنه .. يعني كل سنتين ان الله احيانا معقول .. اهم الواجهه سليمه

ولا يفوتك هالبخاخ تراه ممتاز ويكفي لسفرتين او ثلاث

حيااك الله ومن يقراا
سلمت ..