(((((((( رابطة ملاك الاف جي( الوحش )))))))

[عبودي سدير]

عبدالعزيز ماقصرت عز الله انها نصيحه طيبه جزاك الله خير
طلال نجد الله لايهينك وين السيارات انا ب الرياض ياليت تدلني الله يوفقك
معليش ياطلال ما اقدر ارسل لك لان مشاركاتي ماوصلت 50

الله ييسر اموركم يارب

[أطلال نجد]

هلا بأخوي عبودي سدير
أبشر بعزك , بس لا تنسى الدلالة (:

العنوان :- معارض الشفا
بالنسبة للسيارة الأولى ..
وأنت على شارع المعارض الرئيسي بعد هوندا
يجيك معرض الفليج للسيارات الأمريكية تدخل بعده على طول
يصير وجهك غرب تمشى قدام لما يجيك المسجد على يمينك وبعده معرض السياري تعاداه وتأخذ أول ملف يسار يصير معرض تويوتا اللي بالزاوية على يمينك ثالث معرض على يمينك بعد تويوتا أسمه معرض العجمي .

السيارة الثانية
توجد في المعرض اللي بعد العجمي مباشرة على يمينك عند معرض المطيري .

موفق خير

[شقران نجد]

السلام عليكم ياشباب .....

وش رايكم كن الموتر نازل من قدام وش تشورون علي فيه اغير له يايات استراليه وأركب مساعدات vx-r

انتظر شوركم يالقروووم

[عبودي سدير]

اطلال نجد غالي والطلب رخيص



ابروح المعرضين اليوم واشوف المواتر والله يكتب اللي فيه خير

وراح نتواصل ياا طلال نجد اذا تم الشرء

[AbdulRahman N]

السلام عليكم ياشباب لو سمحتم أبي منكم نصيحه
اشري اف جي 2010 أو اصبر واشري 2011
وعموما الـ اف جي تنصوح بشرائه
أنا شبابي وأحب البر
اتمنى ردكم السريع

وشكراً لكم

[AbdulAZiz M]

السلام عليكم ياشباب .....

وش رايكم كن الموتر نازل من قدام وش تشورون علي فيه اغير له يايات استراليه وأركب مساعدات vx-r

انتظر شوركم يالقروووم

نصيحتي ركب له مساعدات اولد مان من عند محلات الرمايه ثباتها أحلا من يايات الوكالة وترفع لك وجه الموتر ولا يخليه يهابد في البر

السلام عليكم ياشباب لو سمحتم أبي منكم نصيحه
اشري اف جي 2010 أو اصبر واشري 2011
وعموما الـ اف جي تنصوح بشرائه
أنا شبابي وأحب البر
اتمنى ردكم السريع

وشكراً لكم

انتظر 2011 يمكن فيه تغيرات ما نعلم عنها واذا كان نفس 2010 انصحك تشتري 2010 لانه بيكون سعره ارخص من 2011

من ناحية السيارة
معي من سنتين ولا شفت اروع منها راحه في المدينة وفي السفر خفيفه ما تقدر تقارنه بثقل الجيوب الكبيرة قطع غياره متوفرة لان اغلبها للبرادو

صغر التانكي نسبياً يعيب عليه لكن تأقلمت معاه

التانكي يشيل 72 لتر يمشيك في الخط 450 كم وفي المدينة تقريبا 420 كم أشوف صرفيته على حجم التانكي مناسب جداً وللمعلومية موديل 2010 صرفيته أقل شوي من 2009 لان المكينة غيروا في نظامها بحيث انه زاد فيها عدد الأحصنه وقل التورك شوي توفيراً للوقود

[AbdulRahman N]

مشكور اخوي عبدالعزيز على النصيحه

النية انشاءالله 2010 لكن بصبر إذا فيه تغيير بـ 2011 يستاهل

والسعر بعد ينزل شوي

لكن تنصحن بــ اف جي رقم 1 أو 2

والفرق ينهم صاجه + الوهك +دفلوك

ومعاليش لو اشغلتك

[كن كن]

أنا غيرت زيت السيارة ونظف الهندي منظم الهواء المهم يوم رحت للبيت وجلست ساعة وشغلت السيارة ادوس على البنزين والسيارة تكتم لما أدعس تروح الكتمه مدري وش منه فكيت فلتر الهواء وركبته ثانية ونفس الحكاية بس لما امسك الخط يروح كل شيء ياليت تفيدوني

[صصعفق]

أنا غيرت زيت السيارة ونظف الهندي منظم الهواء المهم يوم رحت للبيت وجلست ساعة وشغلت السيارة ادوس على البنزين والسيارة تكتم لما أدعس تروح الكتمه مدري وش منه فكيت فلتر الهواء وركبته ثانية ونفس الحكاية بس لما امسك الخط يروح كل شيء ياليت تفيدوني

هلا وغلا

العشر المباركه يالغالي

شف الي صار معك صار معي بالملي

انا غيرت
البواجي و فلتر الهوا لأن عمرهم مخلص عندك نفس الشي اذا الموتر ماشي اكثر من 50 الف

غيرهم وماجاك عندي
لالالالالالالالا تخاف الفوجي بطل وقد المشاكل

بس
باذن الله تروح المشكله

انتضرك بالجواب

[كن كن]

الله يعطيك العافية اخوي صصعفق وجاري ان شاء الله تغيير المذكور

[مهدينو]

ياشباب مسجل الاف جي عندي مو راضي يطلع السيديات ولا يدخلها شالحل

[ابو عقلين]

كل عام وانتم بخير ومن العايدين قبل الزحمة / الحمد لله شريت واحد منقاوي اللون وياهو توهقت عند اول تغييرة للزيت والفلتر وكالعادة ابو يمن فكك الصاجة الاولى والثانىة قسم بالله قعدت عند ابو يمن قرب الساعتين عشان يركب الصاجات زي ما كانت وما عرف من القهر شلتهم ورحت للصناعية الثانية وكلفنى 250 ريال تركيبهم بعد ما بوش مساميره ابو يمن ولحام واكسجين ودعـثة تقول ورشة،، عشان تغيير زيت واللفلاتر لل2010 .... والله ياجماعة كرهت الاف جي 4 ساعلت عشان تغيير الزيت والفلتر ساعتين بالمحطة وساعتين بالورشة تكلفة جميع الفلاتر والزيوت 300 واصلاح الصاجات كما كانت 250 المجموع 500 المرة الجاية بأغيرها بالوكالة لانهم غيرولي بالمرة الاولي ب 550 وخذوا ساعة بس .
الزبدة حد عندة طريقة سهلة لتغيير الزيوت لأبو صاجتين اي اقتراح... قسم بالله كرهت الاف جي بسبة الصاجات الي تحت النجدة ... واحد خبر يقدر يفك هاللغز العجيب....

[ابو عقلين]

سلام ان كان قصدر طفاية السجاير تراها سائل عنها بالوكاة حول 130 ريال حقت الياريس اما حقت الهايلكس ب 139 وتراها تركب لأنها طفاية متنقلة ونفس المقاس اما حقت الأف جي حول 150 قبل الخصم وارخص طفاية فيكم ياتويتا حقت الياريس حول المية وعشرين بعد الخصم وكالة ، ملحوظة تر تقدر تلاقيها بالغرابي ارخص آمل ان كنت افدتك ,, سلام

[ابو عقلين]

السلام عليكم ورحمة الله وبركاته

يأهل الخبرة

شرينا fj 2010 ولله الحمد بعد حيرة بينه وبين البرادو لكن غلب الاف جي عندي لأنه رياضي أكثر ، لكن حصلت فيه عيب وهو أنه يتعلق على طول بسبب انخفاضه

المهم ما أطول عليكم سؤالي هو:

ماهي الطريقة المناسبة لرفعه دون حدوث أضرار ؟

وفقني الله وإياكم لما يحبه ويرضاه

والله كلامك ما عليه غبار .. اتوقع الكعكات ترفع الموتر 4 انشات من الشاص ، من خبر مواقع الترهيم الأجنبية الكعكات مايمدحونها وعوضا عنها يرهمون سست ام غاز عبارة عن ثلاث انابيب وسستة وتقدر تعايرها بالهواء والله اعلم بس المشكلة قطع الترهيم والتعديل ما هيب متوفرة محلياُ بعنب يبلك تحويل للدولار واجور شحن ناهيك عن اجور تركيب ، بس انا عندي اقتراح زيارة للإمارات اسبوع وبتلاقي كلش وورشهم طب وتخير انا عن نفسي رايح ان شاء الله هناك واب اعدل كلش بمكان واحد والقطه طب وتخير وكل محل قطع يقول الزود عندي وان شاء الله باحطلكم تقرير عن التعديلات المستقبلية ، ليه لاني طفت وسعيت كل الورش وقطع الغيار ؟؟؟ !!!!! دااااااجين يقوة

[ابو عقلين]

حبيت احط تحذير بسيط لاصحاب fjوهو الارباق يطلع اذا نطيت للك نفود او سيفت كثير
لانه واحد من اخوياي طلع ارباق على جنب وهو يسيف بالنفود عاد من باب الحيطة
اقرب كهربائي وامصع سلك الارباق بالفل كامل 2009 يجي فاصل جنب حقت المرايه
ونأسف للاطالـــــــــــــــــــــــه

انا اشهد وانا اسيف ودق خشم الموتر بالأرض وطلع الجني (الإير باق) ياوالله اني انخرعت من صوتة حسبت ان ان الماكينة انفجرت ولا انو حد كان يضرب بالشوزن على صيدة ورحت للوكالة للتصليح قالولي 16.000 الف ريال ايه ستة عشر الف ريال ومع الطقاق واللجة والتأمين عيا يصلح لي الموتر ويقولو ان التأمين مايشمل الطعووووووووس مع اني جليب ورقة تقرير من المرور رسمية .... والله عجيبة الحين قاعد ادور شركة تأمين تضمن السيارة موهب طرق عايديه ،،، جبال وجميع الطرق الوعرة ... ياهل الخبر وين شركات التأمين للي تشمل كلش........ بر .... جبل... بحر.. جو ... قمر ... شمس ليل .... نهار... قايلة ....... يعنى كلش