ماشاء الله يازين هالموتر يارب ترزقني بواحد قولو امين
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ماشاء الله يازين هالموتر يارب ترزقني بواحد قولو امين
السلام عليكم
اسعد الله .. صباحكم .. مسائكم بالخير والبركه
يالربع ودي أسألكم عن أنظمة مانع الإنزلاق في الإف جي
لما تكون ماشي في الطعوس بالدبل الخفيف وتحمل المكينة يعطي صوت جرس وبعدها تسمع طقة في القير وبعدها يشبك مانع الانزلاق ويضعف عزم السيارة وبعد شوي يفصل لأن الطعس صار سهل
لو فصلت نظام مانع الانزلاق مرة مو اريح لأننا ماعندنا ثلج ولا طين بكثرة
وبعد مدري ويش فايدة A- trak
لاني خليته مفصول وارتحت من إزعاجه
هل اللي سويه صح
السلام عليكم ..
يا الربع بسألكم انا لقيت اف جي قير عادي امريكي 6تغييرات بس مدري وش عيوبه عارضه واحد ويبي فيه 68 ألف واحس سعره رخيص ليش؟؟؟؟؟؟؟؟ وكيف استخدام الموتر لاني ناوي اشتريه مررره وتوني مكلم راعيه وللأسف مركب عليه هدرز ولون السياره اصفر بعد بس مدري وش عيوبه ووش رايكم اخذه والا لا؟؟؟؟
وانا سمعت انه دفع رباعي مستمر مو زي التماتيك !!!
ارجو الرد سريعااااااا
دول الخليج من زمان أغلى من السعوديه في الإف جي مثلاً 2010 كان يباع في البازعي عندنا بأكثر من 133.000 ريال وعبداللطيف جميل في حدود الـ 120.000 إلى 122.000 عموما ما نزل عندنا 2011 لحد الآن واتوقع سعره راح يكون 128.000 وما راح يوصل 130.000
جزاك الله ألف خير يا قناص
لكل سيارة مميزات وعيوب تقدر تقول الإف جي 70% استخدامه بري و 30% للمدينة بينما البرادو 60% مدينة و 40 % للبر الإف جي يتفوق على البرادو في أنظمة الأوف رود
طبعاً البرادو موديل 2009 وتحت تقدر تقول 90% قطع غياره هو والإف جي واحد
البرادو دفع رباعي مستمر 70% من الدفع للكفرات الخلفية و 30% للكفرات الأمامية واذا شغلت الدبل الخفيف تصير 50% أمام و 50 % للخلف
الإف جي دفع رباعي جزئي يعني خلفي واذا شغلت الدبل الخفيف تصير الأربع كفرات تدور
عموما البرادو انا اشوفه ممتاز بس يعجبني الإف جي أكثر ونصيحتي استأجر الإف جي واستأجر البرادو وشوف اللي ترتاح له أكثر وكلها ما فيها قصور
الله يرزقك من واسع فضله
مانع الإنزلاق لا تفصله خارج البر نهائيا لا هو ولا التراكشن كنترول كلها مهمه وما تعرف فائدتها إلا اذا احتجت لها
اذا سيارتك موديل 2008 تقدر تركب فاصل من ورشة سوافي في الرياض أو ورشة العثيم في بريدة وانصحك في الأخير شغله وكالة يصير مثل 2009 و 2010 لأن سوافي اذا رجعت شبكت التراكشن ومانع الإنزلاق لازم تطفي السيارة وتشغلها ع شان تطفي اللمبات بالطبلون بينما العثيم لا
الـ a-trac يفيدك اذا تعلق أحد الكفرات وصار يدور بالهواء بدوره يبدأ يقفل الكفر المعلق عن طريق الفرامل وتتحول القوة للكفر الثابت في الأرض وهذا فيديو يوضح
صحيح دفع رباعي مستمر بس في أنواع من وارد أمريكا ما فيها دبل فيها نظام شبيه بعمل الدبل اسمه LSD
عموما ما انصحك بوارد أمريكا إلا اذا كان جديد أو استخدام واحد تعرفه لأن اكثر اللي تجي من أمريكا مفجره وملعوب فيها
الأمريكي ارخص من السعودي ولا الخليجي وهذا معروف لكن ما يمنع تفحص السيارة بالكامل
بس ما قلت انت تبغاه للتطعيس بس ولا سيارة استخدام يومي .. ؟
هلا عزوووز ..
الله يعافيك يارب ..
انا ابيه للبر والاستخدام اليومي .. بس تبي الصراحه استخرت واحس اني ماارتحت للموضوع !!
الاف جي من جنبها ولا عجبني
8
8
حتى ردك من جنبها وما اعجبني
بالنسبة للي يستفسرون عن fjكثر السؤال عن استخدامة وهل هو عملي هل هو مريح وشلونه بالنفود وش وقعة بالخط انا اقول لكل من بغى يشري موتر لازم يجرب اجار احد من اخوياك المهم لازم تجرب ليس على fjفقط بل جميع انواع السيارات لانه بختصار ماراح تستفيد فايدة كاملة والتجربة خير برهان ولما اختلاف الاذواق لبارت السلع
وشــــــــــــــــــــــــــــــــــــــــــــــكر اً للجمـــــــــــــــــــــــــــــــــــــيــــع
مبه احد منكم ركب بوالين اسيام ابي نصيحة للكفرات
ما انصحك في أسيام لأنه غالي وثاني شيء ثقيل ولكنه أأمن من باقي البوالين
ركب ماكسس 8 غاط لأن كثير ركبوه على الإف جي وما واجهوا مشاكل
ابرفع الموتر ولا ادري ارفعه بالكفرات او كعكات اوغيره الى الحين اشاور
للبيــــع
اغراض اف جي
1- تانكي مصلح عند السوافي 90 لتر بقيمة ( 1100 ريال )
2- دعامية المميز بقيمة ( 500 ريال )
3- شراع خلفي بالشنطة مفصل تفصيل خاص للاف جي بقيمة ( 300 ريال )
القيمة الاجمالية ( 1900 ريال )
البيــع لكامل الاغراض فقط
بقيمة 900 ريال فقط غير قبل للتفاوض بتاتا ..
الموقع : الرياض
جوال : 0555447008 ابو نجر
وراه ماتحط صور عشان تختصر العنوة وهل التانكي المنيوم والا استيل
والشراع الخلفي وش نوع قماشة
الذين يشاهدون الموضوع الآن: 1 (0 من الأعضاء و 1 زائر)