(((((((( رابطة ملاك الاف جي( الوحش )))))))

[Haz_1]

أخوي GMC 511 ... انا معي 2012 ماشي 170 الف ..

أغير زيت القير وفلتر القير كل 62 الف او 64 الف متى ما فضي .. اهم شي بعد ال 60 الف ..

وكان معي اخوي قبل 2008 .. ما يغيره الا كل 80 الف مع انه راعي سرعه ونفود .. وباع الموتر على رجال نعرفه واستخدمه وباعه على واحد ثاني نعرفه بعد وللحين الحمد لله الموتر ماشي ولا به خلاف ..

كان سواقتك هاجده وموب راعي سرعه وجلد بالموتر .. غيره كل 80 الف او 70 الف ..

الوكاله بيقولون لك كل 40 الف .. ما عليك منهم

[Haz_1]

اللي يسألون بالنسبه للمساعدات واليايات ..

أنا عن نفسي مركب ورى ياي استرالي من الرمايه .. أقل أرتفاع اللي هو 4 سم .. ومساعدات جيب لاندكروزر موديل 97 وتحت ..طبعا المساعد توديه لأي ورشه يقص الحلقة حقت مساعد الوكاله ويلحمها لك بالمساعد الجديد لأنه يكون قصير اذا ركبت الياي الاسترالي .. فـ يلحمون الحلقة عشان يطول شوي ..

والمساعدات الاماميه مركب مساعدات مونرو الواحد ب 180 والاثنين ب 360 .. ومركب كعكات 1.5 سم ..

والحمد لله مرتاح بالموتر لي سن ونص على هالحاله .. مشيت عليه تقريبا 120 الف من ركبت هالمساعدات واليايات .. خطوط وبران ونفود ومطامر ولا شكيت منه شي الحمد لله ...

وأتمنى أني افدتكم ..

[Haz_1]

الأخوان اللي يسألون عن مسمار الثلاجة ... الأف جي من 2007 إلى 2009 فيه مسمار ثلاجة ويشيلونه عشان ما يخبط .. لأنه يطيح ..

ومن 2010 إلى 2014 كبسوا مسمار الثلاجه أو شالوه بعد .. اهم شي ما فيه خطر منه ان شا الله ماعليه خوف ..

[Haz_1]

والأخوان اللي يسألون عن الكفرات ..

أنا من ناحيتي فكيت موتري وكاله 2012 .. ويوم مشى تقريبا 40 الف فكيت كفرات بلده وركبت يوكوهاما 265/65/17 .. ومرتااااح عليهن الحمد لله خطوط وبران وشعبان ونفود .. كل شي =جربته عليهن .. وجلسن معي سنه وغيرتهن وركبت طقم جديد نفس النوع والمقاس .. ومرتاح عليه الحمد لله ..

عندي انه أفضل من الدنلوب مع اني كنت من المؤيدين للدنلوب بشده ... بس اليوكوهاما اريح والين وارخص حتى ..

وتقبلوا تحياتي ..

[Haz_1]

واللي يسألون عن ثقل الدركسون بالاف جي موديل 2008 او غيره ..

المشكله غالبا من بلف الدركسون .. طبعا جميع الورشات او الوكاله يقول لك البلف ما يغير لحاله .. تغير الدوده كامله ما ادري بكم أظن ب 6000 ..

لكن في سوري بالصناعيه القديمه شااطر بالحيل بشغله .. متخصص بالدوده والدركسون بسس .. رحت له قبل سنتين بموتر اخوي 2008 وقال لي البلف خربان .. العضيب قالوا لي تغير الدوده كامله ... وهو رهم لي بلف دودة حق كورلا .. وجلس الموتر مع اخوي سنه ونص بعده وباعه واعرف اللي شراه ما شكى منه ابد الحمد لله ..
كلف كله شغل يده مع البلف مع كل شي ب 450 ..

وصف الورشه للي يبغاها عموما أف جي ولا غيره عنده مشكله بالدركسون ..

وانت رايح للصناعيه القديمه .. على امتداد مخرج 17 اذا جتك الصناعيه يسار خلها وامش لين تجيك اشاره اللي فوقها كوبري البطحا أظن .. ديور وامش لين يجيك بنك الراجحي يسار .. ادخل مع اللفه المقابله له يمينك .. وامش لين تجيك ورشه صفرا يسار ع زاويه صغيره .. هذي هي .. اظن مكتوب عليها هيدروليك او كذا .. ما اذكر من زمان رايح لها انا ...

واتمنى أفدتكم ..

[Haz_1]

وبالنسبة للي يسألون عن الصوت بالزجاجة الأمامية ببعض الأفجيات عند السرعه ...

هذي حلها بسيط جدا .. تروح للسالم للزجاج او بعض محلات الزجاج غيره يمكن يسونها ... يفك لك القطعه اللي فوق القزازه الامامية , ويعبيها سيليكون ويطبقها ثانيه .. ويروح الصوت ويضبط الموتر ...

وسلامتكم ..

[Haz_1]

وبالنسبه للي يسألون عن الرباعي بالقير العادي ..

فيه واحد يقول افصل التراكشن ويفاحط ومدري وش .. لا التراكشن ماله دخل بالرباعي .. ولا حتى الفرارات ..
الرباعي فيه تروس أظن يفكونها بعض الورشات .. اذا فكوها يصير دفع خلفي دايم ..
ولا فيه ضرر ان شا الله اعرف اكثر من واحد فاكينه من زماان ولا شافوا منه شي والموتر ماشي معهم الحمد لله ..

[الهواوي_1]

احتاج تلبيسة شنطة رملي في الرياض....اللي يعرف يعلمني مشكور لاني مالقيت الا اسود

[منفلوط]

حاب اغير كفرات الاف جي

وش تنصحوني به اي نوع

[منفلوط]

احتاج تلبيسة شنطة رملي في الرياض....اللي يعرف يعلمني مشكور لاني مالقيت الا اسود

شريتها من الغرابي بــ 180 ريال لونها رملي

[منفلوط]

وبالنسبة للي يسألون عن الصوت بالزجاجة الأمامية ببعض الأفجيات عند السرعه ...

هذي حلها بسيط جدا .. تروح للسالم للزجاج او بعض محلات الزجاج غيره يمكن يسونها ... يفك لك القطعه اللي فوق القزازه الامامية , ويعبيها سيليكون ويطبقها ثانيه .. ويروح الصوت ويضبط الموتر ...

وسلامتكم ..

الله يسلمك احجز عند الوكالة فرع الملز او مخرج 18 بالرياض
ويغيرون القطعه كاملة لانه اذا فكيتها ورجعتها بيرجع الصوت مره ثانيه
هذا عيب الوكالة معترفه فيه وتصلحه مجانا

[Abo gssar]

مطلوب كفر بيف قودريش حجري مستخدم
مقاس 17 285 70
المراسلة على الخاص

[قناص 2020]

للبيع صاجة اف جي 2012 بحاله جيده بسعر 800 ريال

[قناص 2020]

الموقع المدينه المنورة

[زياد فارس]

شباب بشتري اف جي 2010 رقم 2
ومحتاج نصايحكم تكفووووووووووون...
صاحبه يقولي فيه رجه خفيفه مع العلم ان عليه كفرات بالون ؟؟
ماهي عيوبه و مميزاته عطونا اي شي تعرفونه بعالم الاف جي لاهنتو
بانتظاركم ...