خيمة البيرق .....

[محامي المفخرة]

السلام عليكم


سؤال الله لا يهينكم ..........
سمعت الكثير عن خيمة البيرق لكني لم أراها

أين أجدها ...؟
سعرها هذا العام ....؟
كيفية عملها ...؟


وهل تنصحوني بها أو يوجد أفضل منها ................؟؟؟؟؟

[البتار2011]

الحقيقة لم اجربها ....

لكن يفيدونك الاخوان ....

[لاتكب البيالة]

السلام عليكم
البيرق

خيمة البيرق يا طويل العمر به ميزتين اعطتها شعبية عالية الاولى سهولة نصبها الثانية اتساعها من الداخل يعني تحس انك بغرفه
لكن به الكثير ممن العيوب حيث انه اولا غالية والقاضي كل ماله يزود وان مريت القاضي قبل يومين وشفته اسعاره غالية يوم قلت غالية قال تبي ترتفع بعد اذا دخل الموسم كنه يقول تبيه بهالسعر ولا اصبر لما نرفعه
طبعنا السعر اللي شفته 3*3 طبقة بقل من 1000 بشوي واغلاهن 5*5 تفوق الفين
ايضا فيها من العيوب ما نوقش بالمواضيع ممكن تبحث عنه
لكن تبي نصيحتي اذا تبي خيمة 4*4 خذ من التميمي واذا تبي 4*3 او 3*3 خذ مثل توافق فصله ولا تاخذه منهم لانهم رافعينه بالسماء
هذا رايي وتجربتي واتمنى لك التوفيق

[البتار2011]

لاتكب البيالة ,,,,,جزاك الله خير ...

[محامي المفخرة]

الاخ لاتكب البيالة ..... مشكووور وماقصرت

الله يعطيك العافية... مجهود تشكر عليه

[(((.ابوتميم .))))]

محلات التميمي وينهاا فيهاا ؟؟؟؟؟

[محامي المفخرة]

نسيت لا أسألك (( لاتكب البيالة ))

محل التميمي وين مكانه بالضبط الله لا يهينك....؟؟

[لاتكب البيالة]

التميمي محله بالغرابي بسوق الخيام
طبعا الخيام اللي عنده تجي مثل التقليدية شكلة ام عامود لكنه قطعه وحده 3*3 او 4*4
3*3 ما انصح به لان العامود يضيقه اما 4*4 ممتازة وبه 8 اعمده مع الاطراف اربع زوايا و4 بينهن

[محامي المفخرة]

لا تكب البيالة ......الله لا يهينك ....

[جواد النفود]

عندك خيام توافق - التميمي - المرباع..
شراع تنزاني..ومعزولة عن المطر..سهلة الفك والتركيب..
أما خيمة البيرق فصناعتها صينية ولا تخلو من العيوب مثل التسريب بالإضافة لسعرها المبالغ فيه..

[راع العوجاء]

عزيزي
البيرق تمتاز بسرعة نصبها فقط ويعيبها في المقام الاول سعرها المرتفع وضيق مساحتها لانها على شكل هرمي واذا كنت ترغبها يوجد لدى السنيدي نفس الشكل مع تعديلات مثل اضافة شراع جانبي يلصق بها والسعر نصف سعر البيرق ولم اجرب الاثنتين ولكن رأيتهما

اخوك
ابو سعد

[سرهيد]

السلام عليكم

البييرق من الخيام الجيدة ولكن اسعارها لا ادري عنها هذه السنة بالضبط كم هي

لكن مثل ما قال من سبقني انها سريعة التركيب ثابتة وشكلها جميل جدا

لكن يعيبها دخول المطر من الجوانب اذا كان الباب مفتوحا وقد حللت الامر بشراء شراع بلاستيك اضعه على الجوانب يمنع دخول المطر ..

واتمنى من موردها تلافي هذه المشكلة

وبامكان المرور على محلهم الكبير في مخرج 15 ووجهك للشرق ويكون مسجد الراجحي على يمينك وتحصل المحل قبل رابع اشارة على يمينك تقريبا

تقبل احترامي

[القنـاص2008]

والله احنا جربناها عدة مرات وممتازة جدآ كان قيمتها 1600 ريال واخذناها من القاضي روح للقاضي وشوفها يمكن تعجبك تقبل مرورى

[bader358]

السلام عليكم


البيرق ممتازه في شكلها وسهلة في تركيبها --- لم اجربها ولكن كل التقارير تؤيدها وفي من اصحابي من يستخدمها لأكثر من سنتين ويقول لو بيغير البيرق ما راح يشتري الا بيرق جديده

على العموم انا قبل دقيقتين اتصلت على رقم القاضي في الدمام (طريق الدمام الخبر 038573595)

يقول

البيرق 4*4 طبقتين = 1550 ريال وزنها تقريباً 53 كلج

البيرق 5*5 طبقتين = 1830 ريال ما سألت عن وزنها لكن اعلى من 53 كلج


بالتوفيق

[الذيب مصلوخ]

البيرق 3×3 طبقة واحد بـ850 ريال وهي ممتازة للغااااااااااااااية وخاصة للطلعات الفجائيه وخفيفة الوزن ووسعها من الداخل وتحملها المطر والعج بإذن الله.