15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي برونزي
السلام عليكم ورحمة الله وبركاته.
يالربع موتر رفيقي (جكس آر 2001) خبطت مكينته اليوم . ولا يدري وش يسوي؟؟ هل هو يوضب المكينة وإلا يشتري مكينة تشليح؟؟ ووين أفضل ورشة بالرياض أو بالقصيم لتوضيب مكاين الجيوب؟؟
تكفون فزعتكم بالمشورة يالربع ترى مااستغني عنكم.
أحاديث صحيحة وردت عن الرسول -صلى الله عليه وسلم- فيها خير كثير:(من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر) متفق عليه(من قال: لا إله إلا الله وحده لا شريك له، له الملك، وله الحمد، وهو على كل شيء قدير، عشر مرات، كان كمن أعتق أربعة أنفس من ولد إسماعيل) متفق عليه(من قرأ {قل هو الله أحد} عشر مرات بنى الله له بيتا في الجنة) صححه الألباني
وش يدريك ان الموتر يبي توضيب ؟
التوضيب افضل
خصوصا اذا كان شغل الورشة مضبوط و ثقة
توجد ببريدة ورش ثقة
ان بغيت ارقامهم علمن
اذا التوضيب كامل يكلف حول ال4500
اعتقد و العلم عند الله ان موترك نص توضيب
خصوصا اذا كان الراس سليم
طيب
وش نوع التخبيط ؟
هل دارت السبيكة ؟ هل احتمى ؟ هل انشعر الراس ؟
هل انشعر الراس من عند البلف ؟ هل قوس الراس ؟
موفق
مكشاتي فضي
الله يعينه مشكله التخبيط
مكشاتي فضي
ورشة خالد العقيل ب الرس
ابو صالح رجال تقه اذا كنت حوله لاتتعداه ابد
والله يعنيك طبعا توضيب اصرف لك الا اذا المكينه اللي من التشليح وكااااااااااااله وحقت موديل 2006 اقل شي طبعا
مكشاتي برونزي
المشاركة الأصلية كتبت بواسطة سوبر VTC
وش يدريك ان الموتر يبي توضيب ؟
التوضيب افضل
خصوصا اذا كان شغل الورشة مضبوط و ثقة
توجد ببريدة ورش ثقة
ان بغيت ارقامهم علمن
اذا التوضيب كامل يكلف حول ال4500
اعتقد و العلم عند الله ان موترك نص توضيب
خصوصا اذا كان الراس سليم
طيب
وش نوع التخبيط ؟
هل دارت السبيكة ؟ هل احتمى ؟ هل انشعر الراس ؟
هل انشعر الراس من عند البلف ؟ هل قوس الراس ؟
موفق
أخوي سوبر والله ماأدري عن نوع التخبيط . السيارة انطفأت فجأه بعد ماسمعنا صوت كأنه صوت تفويت في المكينة والميكانيكي ماأمداه يفحصها البارح بالليل واكتفى بفحص سريع ويقول احتمال المكينة صلبت أو خبطت، واليوم تظهر نتيجة الفحوصات (صار تحليل زواج).
لكن عندي سؤال: هل الـ 4500 شامله لشغل اليد والقطع؟ (لاتستغرب كثرة اسئلتي ترى حدي ددسن
تحياتي لك
مكشاتي متقدم
الافضل انه يشري مكينة من التشليح اذا لقى شي نظيف اورخيص واتوقع مكينة الاند ماتعدى 10الاف مع الرجيع , واذا وضب الموتر عند واحد كويس فهو ممتاز
مكشاتي متواصل
اخوي عندي لك ورشة بالرياض مدحها لي واحد والصراحة ماادري وش شغلها لكن الظاهر انه زين ودهـ لمهم والله يكتبلك الخير انا سالت عن توظيب مكينة الربع قالوا قطع وكالة وشغل عدل بـ6500 بس الظاهر ان قيمتهم غلاها على سنع وهذي ارقام جوالاتهم:
0509133869
0566068434
مكشاتي برونزي
اشكركم إخواني على تعاونكم ومساعدتكم.
أخوي سوبر vtc أرجو إنك تزودني بأرقام الورش . ولك رسالة على الخاص.
وأشكر الإخوة على تفاعلهم ومساعدتهم وحمانا الله وإياكم من كل شر.
مكشاتي برونزي
أخوي سوبر vtc أرجو منك تزويدي بأرقام الورش بشكل عاجل...
اتاسف اشد الاسف على التاخر في الرد
لك رسالة على الخاص
موفق
مكشاتي برونزي
أسفك مقبول ووصلت الرساله، جزاك الله خير على مساعدتك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
