تفضل هذي تجربة احد الاخوان:
السلام عليكم
بداية ارى انه من الخطأ الحكم على السيارة دون تجربتها ،لاني ارى كثير من الاخوان يعذرب بالسيارة ومتأكد انه ماجربها وماذبحنا الى ( يقولون)
ثانيا: انا من ملاك الباترول الجديد ٢٠١١ (٣٢٠) دفلوك ( ماشاء الله)
مطلعه من الوكاله من سنه تقريبا ومحافظ على صيانته (١٠٠٠كم ، ١٠٠٠٠، ٢٠٠٠٠، ٤٠، ٦٠)
والان الموتر ماشي فوق ال ٨٠ ماشاء الله تبارك الله كل نهاية اسبوع طالع للبر صيف، شتاء ، قنص ، اوقات المطر اطلع يومياً
الموتر لا يعلا عليه من ناحية الرساوة في البر او الخط ، تحكم كامل بالسيارة
لم اجرب اي موديل سابق من النيسان كنت من ملاك الاند لكن بطل الدروب اقولها وبدون تعصب اثبت جدارته وبقوة والله ان استعمالي للموتر خشن بزيادة بعض الاحيان ولا اشتكيت من الموتر ابدا الا تغيير جلب عامودالتوازن تقطعاً من كثر الطرد العزل فيه ممتاز جدا لا تنسيم ولا هم يحزنون ولا يخفى عليكم ان درايش البطل زجاج مدبل وهذا سر العزل الفائق
احد المرات ذهبنا لاحد الشعاب الوعره بالبطل وشاص ودخلنا احد الشغايا الى ان انقطعت السكه والله ان الشاص مع انه دفلوك الى ان بعض المطالع لا يصعدها الا بصعوبه والبطل ماشاء الله لا يحفر ولا شي ، ووالله اني لا اقول هذا الكلام تعصب لكن حتى انا ماتوقعت انظمة التعليق فيه بهذا الشكل الفائق طبعاً الموتر لم ارفعه ولا شي وكاله ، لكنه ماشاء الله رفيع
ووالله ان المواقف كثيره
طبعا بالنفود لا تنشد نشاط وقوة وخفة نفس وحيث ان الصدام رفيع وقريب من الكفرات انزل من السيوف سلام سلام ولا تفكر بصدمته بالرمل
والله السوالف واجده وانا انصحك بهذا الموتر وبشدة
وكانك تبي اي معلومه ارسل لك رقمي عل الخاص
طبعا مركب عليه تانكي ١٠٠ لتر والغزب ماقد نزلت
واحتري اليايات تنزل عند الرمايه لي شهر وانا طالبها ويقولون في الباخره جايه
بالنسبه لصرفيه البنزين
اسمحلي الي يقول يصرف والله انه مايدري عن الموتر
الموتر اعبيه ٧٥ (٩٥) تقريبا والتانكي فاضي مره
يمشي بالخطوط من ٨٠٠ الى ٩٠٠ ماتعدى ١٢٠
وداخل المدينه ٦٠٠ الى ٧٠٠
والي يقول انه يصرف يبحث عن صرفيه بطل الدروب بالنت
في تجربه له اول ماطلع الموتر من دبي للرياض بدون اي تعبيه؟؟؟
كيف تقولون انه يصرف
والحراره حمد لله ماعرفها والبطل فيه ايضا مروح اضافيه تشتغل عند الحاجه للتبريد عل المكينه
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة محترف8800
رد: رابطه محبي وعشاق وملاك جيب باترول 2010 الجيل الجديد
