مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اسعد الله اوقاتكم جميعا ... عندي استفسار لو تكرمتو ... حاولت امس ادخل احداثيت موقع في ال جي بي اس الباترول وجدت ان خانات الارقام ناقصه حيث انه في الشاشه الشمال خانتين ثم خانتين ثم خانتين بعد ذالك ينتقل المؤشر لخانات الشرق وهي كذالك خانتين ثم خانتين ثم خانتين ... بينما الاحداثيات المعروفه الشمال خانتين ثم خانتين ثم ثلاث خانات وكذالك خانات الشرق
... من عنده علم يفتيني جزاه الله خير .
ماجربت ادخال احداثيات الى الان
بس طرق ادخال اﻻحداثيات كثيره
السبع خانات اللي تتكلم عنها هي خانتين درجات ثم خانتين دقائق ثم ثلاث خانات عشريه من الدقائق
او
خانتين للدرجات وخانتين للدقائق وخانتين للثواني ثم خانه عشريه للثواني والخانه السابعه ليس لها داعي ﻻنه ليس لها تأثير كمن يقول المسافه بين جده والرياض الف كيلو واثنين مليميتر
اتوفع الباترول وساتاكد لاحقا فيه خانتين درجات وخانتين دقائق وخانتين ثواني بدون خانه عشريه
غدا ان شاءالله عندي تشييك الالف كيلو. ادعو لي الله ينصرنا عالحمراني ﻻيلعبو في الموتر
حصلت صدام حديد اسود استرالي سعره 4500 مع التركيب
ﻻزم ينشال الصدام البلاستك
مدري ايش رايكم
ياجماعه أنا عندي رجه بالموتر
كانت خفيفه وتقوى بعد سرعه 140
و رحت رصصت الكفرات وصارت الرجه أقوى من أول
هل للميزان الإلكتروني علاقه بالرجه .؟؟
ولا وش الحل يالربع والكفرات ميشلان ومالها 5 شهور والجنط 20 حق البلد
اللي يسأل عن جنوط 20 للباترول و ال 18
انا جربت 20 ماينفعن بالبر أبد خاصة الصخور ,, فيهن قساوه تكسر لك الموتر تكسير
أما بالرمله أموره زينه بس تنسم ماتنسم كله واحد رابض رابض بالرباضات والله يعينك على التكسير والحرحره
اتوقع 18 أفضل بكثير من ال 20 بالنسبة للبر والمدينه والخطوط وهذا عشان الكفر حقه مرن موب مثل ال 20 لاضربت
عيون القطط يوضح بالحيل و تحس بالطاره فيها
طالما زادت الرجه اكيد ميزان الترصيص مهو مضبوط. الاسهل رح لميزان ثاني واذا ما نفع دور على ورشه متخصصه في الباترول وانا ابحث قريت عن ورشه في الرياض متخصصين في رجة الباترول
وقتها ما كان عندي ااباترول وماكنت ناوي اشتري وما حرصت احتفظ باسم الورشه
اذا انت متاكد من الترصيص وان الكفرات مافيهن تحبيل او تمويج. ابدا بالاسهل وشوف هل الرمانات الاماميه فيها جال وذلك برفعها وسحبها للخارج
الله يعطيك العافيه يابو هشام
انا راح أبحث عن السبب و احط تجربتي هنا ليستفيد الجميع
شكراً على توجيهاتك طال عمرك و راح اشيك إن شاء الله
قرأت في المنتدى اﻻسترالي ان نيسان اصدرت اعلان بان الهوبات التي صنعت قبل تاريخ معين مصنوعه من ماده ﻻ تتحمل الحراره العاليه وبعد فتره يصبح فيها تلويح. وسيقومون باصدار تبديل لهذه الهوبات.
طبعا اذا صار الهوب مهو سطح واحد يعني فيه تلويح فهذا يعني رجه تحسها في الدركسون ماتفرق عن رجة الترصيص.
طبعا المخرطه ما تجيب هذا النوع من الخلل اﻻ اذا كان تلويح بسيط مثل ما يحصل في كل السيارات تقريبا.
لذلك يجب الكشف على الهوب في المخرطه اذا كان فيه تلويح يتم تغييره حتى لو بنفس النوع الى ان يقوم الحمراني بتبديل الهوبات .
لم يوضع رابط في المنتدى اﻻسترالي وﻻ توجد معلومات اخرى وفي حال توفر معلومات اضافيه سأضعها هنا
السلام عليكم ورحمة الله وبركاته
احد مرت عليه مشكلة تعليق ازرار المكيف في باترول 2012 اذا ضغطت الازرار في توزيع الهوا مايرجع
علق علي ثلاثة ازره من اللي حول فرار المكيف
احد عنده حل جزاكم الله خير
الذين يشاهدون الموضوع الآن: 1 (0 من الأعضاء و 1 زائر)