رابطه محبي وعشاق وملاك جيب باترول 2010 الجيل الجديد

[Mosaa2000]

سؤال يا اخوان ، ايهما افضل جنط ١٨ او ٢٠ ، افكر اغير من جنط ١٨ الى ٢٠ تأيدون ولا لا . وشكرا لك م .

[اابوشوق]

سؤال يا اخوان ، ايهما افضل جنط ١٨ او ٢٠ ، افكر اغير من جنط ١٨ الى ٢٠ تأيدون ولا لا . وشكرا لك م .

جميعها مناسبه والجنط 20 ارسى واثقل من 18 وافضل شكل

بس تجنب الجنوط الصينيه

[لسان الحقيقة]

جنوط 20 اجمل وارسى على السيارة بحكم عرضها لكن لاتنسى ان فئة LE اللي تجي عليها جنوط الـ 20 شد بلد نظام التعليق فيها هيدروليك ويمتص الصدمات بشكل أفضل من نظام التعليق العادي الموجود في فئة SE .

المغزى : راح تفقد بعض الراحة لو ركبت جنوط 20 , وراح تثقل السيارة في النفود وفي الديرة نوعاً ما بحكم كبر حجم الجنط , وتكلفة تغيير الكفرات راح تكون أكثر بحكم كبر الجنط ..

وفقنا الله وإياك لما يحب ويرضى

[Mosaa2000]

ابو اشواق ، ولسان الحقيقة . الف شكر لكما على التوضيح .

[alm7amy]

السلام عليكم ورحمة الله وبركاته

اخواني الاعزاء ...

سمعت ان الباترول هو نفس الارمادا من ناحية المواصفات
هل هذا الشي صحيح ؟؟


انتظر اجاباتكم وخبراتكم بس بدون تطنيش

[لسان الحقيقة]

علمنا وش سمعت بالضبط وش المواصفات اللي يشتركون فيها ويختلفون ..!

[ددسن 2008]

وعليكم السلام ورحمة الله وبركاته

ما فيه بينهم الا المكينه فقط

قير - دفرنس - هيكل - منظر خارجي داخلي <<<<<<<< ما فيه تشابه

[turkiq]

ان طلع معك شي غير المكينة علمنا
الاشاعة هذي مصدرها ناس نزل عليهم الباترول الجديد نزول الصاعقة
وحبوا يفهمون العالم ان الباترول مجرد سيارة شبيهه بألارمادا للتقليل من امكانياته في البر
ولا دروا اصلاً ان هالارمادا يمكن الافضل بفئته في البر

الباترول الجديد يجمع كل تاريخ الباترول في البر واكثر + التقنيات والرحابة ومزايا الفخامة المنافسة

[alm7amy]

أنا استخدمت الارمادا وفيها عيوب مااعجبتني مثل صوت طقه في المقصات الاماميه
وسئلت وقالو عيب مصنعي في المساعدات الاماميه رغم ان عمود التوازن وجلد المقصات سليمه
كذالك جربتها في الرمل ثقيله وغير انسيابيه وأخاف ان الباترول تكون فيه هذه العيوب ؟

[turkiq]

أنا استخدمت الارمادا وفيها عيوب مااعجبتني مثل صوت طقه في المقصات الاماميه
وسئلت وقالو عيب مصنعي في المساعدات الاماميه رغم ان عمود التوازن وجلد المقصات سليمه
كذالك جربتها في الرمل ثقيله وغير انسيابيه وأخاف ان الباترول تكون فيه هذه العيوب ؟

بالنسبة لضعف المساعدين الامامية ما اعتقد انه يعد عيب اذا ما عرفنا ان الارمادا تكاد تخلو من اي عيب اخر ... اقصد انه هالعيب يعد لا شي .

اما ثقل الارمادا في البر فأسمح لي ما اتفق معك .. السيارة فيها عزم ما تحتاج معه لكل الدعسة ... انما لو افترضنا ثقل الارمادا مثل ما ذ كرت.. شوف معي هالمقطع واعتقد انه معبر جدا عن مدى
ثقل او خفة الباترول الجديد في الرمل

[لسان الحقيقة]

يالربع فيه صوت صرصرة يطلع من جهة الكبوت اذا مشيت خارج الاسفلت ( تراب / رمل )
وسمعت انه من البلاستيك اللي عند المساحات
احد قد يحل مشكلة هالصرصرة ؟
الموتر طبعا بطل 2010

[عبدالله -]

نصيحه لوجه الله

اللي عنده فلوس الباترول 2011 فل كامل نصييحه لا يدور غيره

انا جربته

قوه 400 حصان

خفيف زي الريشه وبتنصدم اذا انت اول مره تسوقه لانه مو باين على شكله انه خفيف

بالبر شي جبار ، طبعا انسى شي اسمه تنسيم الكفرات هذي خلاص راحت موظته بالباترول الجديد

ومساعداته شي خنفشاري يعني بالرادميه ما تحس بي شي الا سرعه 100 بعدها اكيدد بتحس

وجهة نظر

[Mosaa2000]

يا اخوان ممكن افادة لتركيب تانكي ماء لبطل الدروب ، وش افضل طريقة او محل في القصيم متخصص بهالأمور . وشكرا لكم .

[تميم2222]

السلام عليكم و رحمة الله و بركاته
أخوي تميم2222 و لا يهون زوار و قراء و أعضاء المنتدى

الرابط هذا لقيته في الموقع هنا و يمكن يفيدك
http://mekshat.com/vb/showthread.php?t=364906

بالنسبة اذا انت تبي تركب الخزان تركيب لو تنزل تحت الموتر بتلاقي غطا فايبر و من فوقه مساحة فاضية من جهة الشكمان و الجهة المقابلة له بس مشكلتها ان توصيلها بالخارج للتعبية بيكون صعب و بتحفر كثير
انا رأيي الشخصي انصح تاخذ من ذا الخزانات الجاهزي اللي تنحط داخل الموتر.
لنسبة للأولى 115 لتر ما عندهم لاني رحت و شريت لي وحدة. اكبر حجم متوفر عندهم 105 لتر بنفس سعر الـ 115

و في الاخير اتمنى لكم التوفيق

جزاك الله الف خير .. مكثور على المعلومه الخير وقد تم تركيب التانكي بالحفره وصاير مسح يعني ما كن معك تانكي بالسياره والحمد الله ^___^

[تميم2222]

يا اخوان ممكن افادة لتركيب تانكي ماء لبطل الدروب ، وش افضل طريقة او محل في القصيم متخصص بهالأمور . وشكرا لكم .

محل عروق الشمال ..يجهزه لك .. وشغل عدل وبتوفيق