رابطه محبي وعشاق وملاك جيب باترول 2010 الجيل الجديد

[abu danh]

يسعد ايامكم

بأشارككم بمقطع تجريبي للباترول


وبصراحه انصدمت في سعره 260 الف ريال للفل كامل ..؟

ولكن عن امكانيات وقوه ومواصفات فهو افضل من الجيب لكزس

[جيب العشه]

مشكورين يا شباب على مشاكاتكم

واتعذر عى قلت اهتمامي بهذي الرابطه بسبب زياده الاشغال هالايام

لا كن انتضروني بالجديد والطيب

ولكم مني اطيب التمنيات بالتوفيق

[- النشمي -]

مشكورين يا شباب على مشاكاتكم

واتعذر عى قلت اهتمامي بهذي الرابطه بسبب زياده الاشغال هالايام

لا كن انتضروني بالجديد والطيب

ولكم مني اطيب التمنيات بالتوفيق

كفو وبيض الله وجهك وبانتظار جديدك

[الوزير2]

طيب الربع نفس الشكل والا !!!!!!!!!!!!!

[الحرالنداوي]

خربوه وبس صار حق زينه

[الوزير2]

خربوه وبس صار حق زينه

لا وبعد السعر نااااااااااااااااااااااااااااااااررررررررر
ياليتهم ما يقطعون الشكل الأول يصير يجي معه باسم آخر وبسعر في متناول الجميع ويصلح للبر ويبقى هالشكل الجديد للي يبي التنيضخ .............

[502المميز]

مقارنه بين النيسان 2010 الجديد والكزس 570

الرجاء كل شي بالعقل بس خلونا نقارن ماراح نخسر شي

الكزس

570

الباترول الجديد

المحرك 5700 360 حصان

المحرك 5600 400 حصان

القير 6 نسب

القير 7 نسب

اوضاع القيادة شارع ورملة

اوضاع القيادة شارع رملة جبال ثلوج

الاطارات 20

الاطارات 20

الليتات عادي

الليتات زينون

فتحة يو اس بي+6سيدي

فتحة اي بود ويو اس بي وذاكرة 9 جيجا و 6سيدي

الثلاجة تفتح طرف واحد

الثلاجة تفتح طرفين امام وخلف

شاشة ترفيه واحدة

شاشتين ترفيه مع سماعات بلوتوث لكل شاشة

الشكل الخارجي عائلي

الشكل الخارجي شبابي

الداخلية الكزس 9من10

الداخلية 8من 10

الدبة تفتح وتغلق كهربائيا

الدبة تفتح وتغلق كهربائيا

ثلاث كميرات

خمس كميرات

رادار امامي

ردار امامي ورادار علوي لحفظ المركبة في مسارها

السعر 360 ألف ريال

السعر 260 آلف ريال

ولااحد يقول شوف السعـر لما تجي تبيع لازم تكون الكزس اكثر لانك دافع 100 ألف ريال زيادة
من وجهة نظري الباترول الجديد تفوق على الكزس وهذي هي الحقيقة

ربي أوزعني أن أشكر نعمتك التي أنعمت علي وعلى
والدي وأن أعمل صالح ترضاه وأصلح لي في
ذريتي إني تبت إليك وإني من المسلمين

[ملف علاقي]

مشكورين علي الطرح الجميل وإن شأالله يكون الباترول الجديد حسب التوقعات مايكون مقلب زي الكزز والله يااخوان مايسوي قيمته مافيه من الفخامه إلا اسمه وشكلنا بندفه المعارض ونجرب الباترول تصدقون يااخوان كل يوم طالع لي مشكله حتي الوكاله طفشانين من كثرة اعطاله انا موتري توه ماشي 46000الف تعطل معي الهيروليك صارمن حاله يرفع وينزل جلس اسبوع باالوكاله وجا بعدها الفتحه صارت ماتسكر وإن سكرتها ترجع تفتح ثم القير صار يغير السادس علي طول بعد الخامس ثم مشكلت مثبت السرعه لا شغلته مسك بريك لازم تلغي حساس الرادار والله يعين كل يوم مشكله والله اني صرت معاد اتوهق اسافر عليه والي اعظم من ذلك استقبال لكزز عند ابوجميل سعوديين واخلاقهم خايسه كنك مستاجر السياره موشاريها نصيحة اخو لاحد يتوهق يشتريه . موفقين ...

[الوزير2]

طيب ماحد جاوب علي !!!!!!!!!!!!!!!!!!!!!!!!
هل هذا الشكل خاص ام عام بمعنى بهالسعر الغالي تملك باترول والا تقعد . والا زي التويوتا هذه فئة وماهوشكل الربع واسعارة ؟؟؟؟؟؟؟؟؟؟؟؟

[نفود حائل]

الاخ الوزير2
الخبر الاكيد ان الربع والشاص النيسان بينزل بنفس الشكل القديم
والمشكلة انه بينزل 4500 مهوب فتك
واعتبر انها سقطة لشركة نيسان
واشكر للجميع

[فورد]

من شكله باين تقليد للتويوتا

[حرنا بك]

الفل وعرفنا سعره باقي الاقل مواصفات يعني من كم تبدا الاسعار؟

[جيب العشه]

السلام عليكم ورحمه الله وبركاته


حيا الله كلن باسمه

كلن من دخل هذه الرابطه وشارك فيها واعضاء المنتدى اعتذرله اشد لاعتذار على قل اهتمامي بهذه الرابطه وقلت مشاركتي في هذا الوقت . . .

سوف اطرح بعض المعلومات والاسعار

والان باطرح الاسعار في السعوديه:
SE Type 1 بـ 175 ألف و طراز أعلى بـ 178 ألف

SE Type 2 بـ 181 ألف و طراز أعلى بـ 184 ألف

SE Type 3 بـ 196 ألف و طراز أعلى بـ 199 ألف

أما الموديل ذو الـ 400 حصان فأسعاره كالتالي :

LE Type 1 بـ 213 ألف و طراز أعلى بـ 216 ألف

LE Type 2 طراز واحد بـ 223.500 ريال

LE Type 3 طراز واحد فقط بـ 239.500 ريال

الـ VVIP سعره بـ 300 ألف ريال ، و وصلت منه عدد 17 سيارة للرياض و بيعت بالكامل

الخبر اللي مانبي متأكد منه هو ان السعودي مواصفاته أقل من الخليجي ، لكن هالشي بنتأكد منه اذا وصلت السيارات ان شاء الله

سعر السيتي اوبشن ما بعد جا لأن السيارة راح تجي في مايو ان شاء الله

الـ LE Type 3 يجي منه طرازين و الطراز الأعلى هو اللي فيه أنظمة السلامة المتقدمة مثل مثبت السرعة الذكي و نظام الانحراف عن المسار LDP و نظام الفرملة الذكي IBA و نظام التحكم بالمسافة DCA و نظام AVM للرؤية المحيطية ، و اعتقد و العلم عند الله انه ما راح يجي للسعودية

تراها اكيد

هذي الاسعار وباقي المعلومات بالطريق

وابشرو بالخير . . .

[جيب العشه]

ياشباب هذي عشر دقايق من المغامره باترول و لاند كلوزر

http://www.youtube.com/watch_popup?v=Me30sXH18N8

[نفود حائل]

الف الف شكر لك يا ( جيب العشه )
وشكرا على المعلومات والفيديو

بس عندي سؤال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل سوف يستمر الفتك القديم بالانتاج - اقصد - الصالون
لاني سمعت ان 2010 بينزل شكلين ؟؟؟؟؟؟؟؟