رابط ملاك الربع التويوتا...صور...ترهيم...استفسارات...ابداع...الخ

[الدوسي الاصيل]

موتري مافيه مثلث ،

لكن الهواء يجي من فوق الباب على ماأظن ، والزجاج الخلفي مسكر بارك الله فيك ..

اقصد الزاويه العليا وليس بالمثلث

اذا كانت راكبه تمام
راجع صفحه 2 وتلقى الحل في الرد رقم 18 و 20

[الدوسي الاصيل]

كيف حالكم يأهل الأرباع

وش اخباركم ان شاء الله طيبين دوووم مو يوم


المهم اخواني

عندي الجيب لما اشغلة خصوصا بعد ما يجلس تقرباً 4 س طافي الا حظ دخان اسود مثل التكتيمة
عند بداية التشغيل وبعدها يروح والشكمان من داخل اسود كربون على حيلة..
علماً ان كان معي جيب قبلة شكمانه من الداخل اشقر

طبعاً الموتر الّي بالتوقيع
2006
البنزين الّي استخدمة91

طبعاً فيه شباب يقولون لي كربون

طبعاً الطرق التي اسلكها بأستمرار لاتتجاوز 200 ك يمكن كل اسبوعين مره او مرتين والسرعة عادية لاتتعدى 140 في غالب الأحيان واذا مشيت بالبر برضوا مافي طرق بعيده كلها قريبه 40 ك وحولها..

والشباب يقولون امرشه بتروس وكل شي يروح وهذا الحل مو عاجبني لو يقعد\ يدخن على طول ههههه
جد والله التروس ماتفيد السيارة بشي ان ماجابت العيد ماتفيد..

عموماً انا جاء على بالي احط منظف مع البنزين وامرشه مع خط يمكن يتصفى شوي..

وانتم وش تشورون علي

عن اذن اخوي قناص *07 تراني باسبقك بالاجابه

اخوي ولد الحويطات:
شيك الحساسات اللي فوق البخاخات ومنظم الهواء
تراها السبب 100 % في الدخان الاسود قد يكون البنزين يصب بغزاره في بداية التشغيل وهذا عطل في الحساسات
او عدم تنظيم دخول الهواء مع كمية النزين وهذا يكون من المنظم


هذا وسلامتك واتمنى يكون جواب كافي ووافي

[عبدالله الموسي]

جمل الله حال اخوي

الدوسي الاصيل

على الإفادة الرائعة وسأبحث عما ذكرت ان شاء الله

شكرا مليون

[قناص المخواه]

للاخوان اللي عندهم خبره بالموديلات الجديده وش الافضل 2006 واللا الجديد؟؟؟

وا2006 المكينه راس واللا راسين؟؟؟

[أبو حرب 111]

السلام عليكم يا اهل الربوع انا معاي ربع 85 وسراحه ازعجني صوت الحنه وش الحل ابي اركب مراوح بس المشكله الراديتر عريض ووين الورشه المتخصصه في تركيب المراوح مع العلم انا ساكن بالرياض وهذا جوالي اذا سمحت الاداره بعرض الرقم 0500555223 ابو سعود ارجو انكم تساعدوني ولكم مني جزيل الشكر

شوف اخوي اول شي جرب مراوح الفورد الجديد من 2003 الى اضن 2006 لانها تجي صغيره
واذا ماركبت ركب حقت لكزس تراها جدا ممتازه لك ولازمن وركب قدام الرديتر خلف الشبك مروحه صغيره تشتغل مع المكيف
وراح تشوف الفرق وتقول وداعا للحنه
وشكرا

[محمد-الرس]

أنا استغرب من بعض الناس -يبيع سيارة فاخرة وشبه جديدة مثل كامري أو هايلكس يعني ماكملت سنة ويشري ربع 2011 أخر موديل -ما أدري هل هي قويةحيل ولا بس كذا حب للسيارة؟؟؟

[قناص*07]

الجيب شيخ
وركابت الجيب من ركابت الضمر

اللي راكب الجيب كنه راكب قعود حر اصيل
بالاضافه ان قيادته غير بالصحراء والاسفلت

[عبدالله الموسي]

الجيب شيخ
وركابت الجيب من ركابت الضمر

اللي راكب الجيب كنه راكب قعود حر اصيل
بالاضافه ان قيادته غير بالصحراء والاسفلت

ما ازيد على كلامك شي يالغالي

الا المقولة الشهيرة

الّي مايعرف الصقر يشوية..

والّي يدري يدري والّي مايدري مايدري

[الدوسي الاصيل]

الجيب شيخ
وركابت الجيب من ركابت الضمر

اللي راكب الجيب كنه راكب قعود حر اصيل
بالاضافه ان قيادته غير بالصحراء والاسفلت

والله صادق
والجيب مثل الخوي وقت الشدايد





تحطه على يمناك
خاصة تويوتا

[الدوسي الاصيل]

الجيب شيخ
وركابت الجيب من ركابت الضمر

اللي راكب الجيب كنه راكب قعود حر اصيل
بالاضافه ان قيادته غير بالصحراء والاسفلت

والله صادق
الجيب كنه خوي وقت الشدايد



تحطه على يمناك
خاصة تويوتا

[راع المعنا]

السلام عليكم ورحمة الله

يالله حيي راعيين الربووع . من زمان والله ودنا نجتمع ويكون لنا رابطة مثل باقي الناس

والله يجزى راعي الفكرة خيير اخوي قناص

انا معي ربع 2010 وياليتكم تقبلونا معكم نفيد ونستفيد ,,,,,,,

[علاوي المكاوي]

أنا ركبت جيب 2009 في المعارض وأنا أول مرة أركب محل السواق لكن لاحظت الجيب ضيق مكان أرجل السواق وحاولت أرجع المقعدة للخلف ورجعت حاجة بسيطة هل فيه حل لهذا الضيق لأنه بصراحة نكد عليه شوي وماحسيت إني ماخذ راحتي في الجيب.

أنتم وش رأيكم؟

[راع المعنا]

أنا ركبت جيب 2009 في المعارض وأنا أول مرة أركب محل السواق لكن لاحظت الجيب ضيق مكان أرجل السواق وحاولت أرجع المقعدة للخلف ورجعت حاجة بسيطة هل فيه حل لهذا الضيق لأنه بصراحة نكد عليه شوي وماحسيت إني ماخذ راحتي في الجيب.

أنتم وش رأيكم؟

طال عمرك هذي حلاة الجيب تحس انك قريب من كل شي وانك متمكن من السيارة بشكل ممتاز

بعكس بعض الجيوب اللي يجيك مرتبته نازله باللحيل وكل شي بعيد وماتشوف مغطي علييك الطبلوون

[قناص المخواه]

أنا ركبت جيب 2009 في المعارض وأنا أول مرة أركب محل السواق لكن لاحظت الجيب ضيق مكان أرجل السواق وحاولت أرجع المقعدة للخلف ورجعت حاجة بسيطة هل فيه حل لهذا الضيق لأنه بصراحة نكد عليه شوي وماحسيت إني ماخذ راحتي في الجيب.

أنتم وش رأيكم؟

لا ياعزيزي تأكد يمكن مارجعته للاخر

ويمكن اذا كانت المراتب اللي ورى طوليه ومو منزله صح ومافيه مجال ترجع المرتبه للاخير

اللي اعرفه ان مكان السواق برحه ينفع للي طوله مترين

[قناص المخواه]

ممكن نسوي استفتاء بسيط يا اخوان ؟؟؟؟

وش الاجمل والاكشخ والرزه اكثر ؟؟؟؟

((((جيب ربع تويوتا )))) أو ((((جيب ربع نيسان))))