رابط ملاك الربع التويوتا...صور...ترهيم...استفسارات...ابداع...الخ

[قناص*07]

رابط ملاك الربع التويوتا...
صور...
ترهيم...
استفسارات...
ابداع...

من موديل 1985 الى 2010

اتمنى من الجميع التفاعل والمشاركه

[قناص*07]

اولا نبدا
هل تعلمون بوجود علبه لتجمع الاتربه وورق الشجر اسفل فلتر الهواء لجميع انواع اللاندكروزر.ويجب تنظيفها كل فتره

[امير الرمال]

كيف الحال اخوي قناص


انا من المهتمين بالجيب الربع وحسب خبرتك ابغى اعرف وش سبب الصفير في الجيوب مع العلم ان صفير الجيب من اسباب اعجابي به


ولك تحياتي وانتضر مشاركاتي القادمة ان شاء الله

[قناص*07]

كيف الحال اخوي قناص

انا من المهتمين بالجيب الربع وحسب خبرتك ابغى اعرف وش سبب الصفير في الجيوب مع العلم ان صفير الجيب من اسباب اعجابي به

ولك تحياتي وانتضر مشاركاتي القادمة ان شاء الله

هذي طال عمرك الدبه الخلفيه بس ابو جميل ما عاد يجيبها وغير رقمها برقم الجيوب الجديده 2000 وانت طالع

[فواز الوايلي]

السلام عليكم أخواني .. عندي استفسار بخصوص شاشة الربع 2016 كيف احول العداد للشاشه ؟!

[mr.end]

اولا نبدا
هل تعلمون بوجود علبه لتجمع الاتربه وورق الشجر اسفل فلتر الهواء لجميع انواع اللاندكروزر.ويجب تنظيفها كل فتره

وين بالتحديد
؟؟

[سقفاوي]

هل تعلمون بوجود علبه لتجمع الاتربه وورق الشجر اسفل فلتر الهواء لجميع انواع اللاندكروزر.ويجب تنظيفها كل فتره

وبسم الله ...
وهذاااا اول استفسار ... وين احصل هالعلبه ... يعني غير الفلتر نفسه اناااا دايم انظف الفلتر بالهووواء عند كل تغير الزيت هل هذاااااا المقصوووود ؟؟

وووووووووشكرااا ...

[قناص*07]

وبسم الله ...
وهذاااا اول استفسار ... وين احصل هالعلبه ... يعني غير الفلتر نفسه اناااا دايم انظف الفلتر بالهووواء عند كل تغير الزيت هل هذاااااا المقصوووود ؟؟

وووووووووشكرااا ...

نعم
وايضا تحت علبة الفلتر من الخارج يوجد علبه دائريه ولها كلبس يجب فتحها وتفظيفها كل فتره

[abofahd55]

سجل ربع سعودي

ولي عوده قريبا ان شالله

[أبو حرب 111]

قناص طال عمرك انا عندي ربع موديل 91 بس عزمه ماش ويحن
اذا عندك خبره ابي اشيل الحنه وازيد عزمه
مع العلم الكلتش جديد والمكينه ورده ولك جزيل الشكر

[قناص المخواه]

قناص طال عمرك انا عندي ربع موديل 91 بس عزمه ماش ويحن
اذا عندك خبره ابي اشيل الحنه وازيد عزمه
مع العلم الكلتش جديد والمكينه ورده ولك جزيل الشكر

اخوي ال91 مكينته 12 بلف اكيد عزمه بيكون شوي تعبان بالنسبه للحنه بعد الغسيل البستم شحم والدي عمو الدبل وعب زيت دفرنسات امامي وخلفي وتدعي لي

[قناص*07]

اخوي ال91 مكينته 12 بلف اكيد عزمه بيكون شوي تعبان بالنسبه للحنه بعد الغسيل البستم شحم والدي عمو الدبل وعب زيت دفرنسات امامي وخلفي وتدعي لي

كلام اخوي صحيح
اذا ما ضبط تاكد من الكرونه انها سليمه
بالنسبه للعزم ترى مافيه حيله
غير بواجي ام راسين واوزن الديلكو 100 % عند خبير وتاكد من اسلاك البواجي سليمه والكربريتر.
هذا كل الاجتهادات لل 12 بلف بس لا تدور توفير بنزين بعدها


ههههههههههههههههههههه

[جرهد]

قناص طال عمرك انا عندي ربع موديل 91 بس عزمه ماش ويحن
اذا عندك خبره ابي اشيل الحنه وازيد عزمه
مع العلم الكلتش جديد والمكينه ورده ولك جزيل الشكر

السلام عليكم

أنا كان معي ربع موديل 91م وعانيت من نفس المشكلة

المشكلة موجودة في الأوتوماتك حق المروحة الي أمام الماكينة

لو تلاحظ أنه أما يكون ثابت >> يعني لو تحاول تحرك المروحة بإيدك والسيارة
طافية تجد أنه ما يتحرك ،،،، وفي هذه الحالة لازم تغير طبرنمبة الماء كلها وتخليها
تناسب أوتوماتيك غير ثابت للمروحة الأمامية

أو ...... يكون الأوتوماتيك ثقيل جدا عند التحريك باليد

وفي هذه الحالة لازم تغير الأوتوماتيك فقط لآخر يكون أخف

وسوف تجد الأتوماتيك أنواع متعددة وأرقام

وعليك بالنوع الي تكون حركته خفيفه

طبعا بعد تغيير الأتوماتيك راح تلاحظ أن صوت الحنة اختفى

وكذلك عزم السيارة بيكون أفضل بكثير

أيضا ....... من الأفضل تغيير الكنداسه إلى الموديلات من 92 وما فووووق


بالاخير سوف تلاحظ ارتفع بسيط جدا بالحرارة لايذكر أبدا إذا كنت شايل البلف

وإذا كان البلف موجود كل الامور بتكون طبيعية
وبالتوفيق

[خلوني أفكر]

قناص طال عمرك انا عندي ربع موديل 91 بس عزمه ماش ويحن
اذا عندك خبره ابي اشيل الحنه وازيد عزمه
مع العلم الكلتش جديد والمكينه ورده ولك جزيل الشكر

ركب لك فرارات ويخف عزمه وتروح الحنه .!

[ثلبوتي]

يعطيكم العافية ..

الا من يعلمني كيف الغي الفصله اللي عند سرعة 170