رابط ملاك الربع التويوتا...صور...ترهيم...استفسارات...ابداع...الخ

[نبض الرووح]

ممكن اعرف طريقه تشغيل ازرار الجوال بالربع من يسار الدركسون

[ع ــقــاب]

ممكن اعرف طريقه تشغيل ازرار الجوال بالربع من يسار الدركسون

مافهمت قصدك , لايكون تبي طريقة اقتران الجوال مع بلوتوث السيارة اذا كان تبيها رد لي خبر عشان اصور لك كتلوج التعليمات

[hgsvphkd]

السلام عليكم ورحمته وبركاته

قلت مالي الا استشير هالمكشاتيه انا راعي طلعات وروحات وسجات وعزبتي على قدي
رايكم فيه يصلح للستخدام اليومي بالبلد علمن مغير انا والمعزبه
وسعره 131 الف
ياليت اللي مجربه كيف عزمه مريح ولا مغير مناقز ياليت اللي يفيدنا يكون مجرب الموتر وبكل امانه يعطينى السلبيات والايجابيات

يصلح لعزام اما عايله انحش

[hgsvphkd]

بعنا واحد موديله 2012 بـ 90 الف خسراه 26 الف
ممشاه 9000 فقط

والسبه ازعاجه مع الخط وينسيم هواء ويدخل الغبار

هههههه

ماياخذه الا المنتهي

والله لو انك جواء بيتك خايف عليه من الناس بش شلق الشراع وياخذون كل الي به


اخبر واحد من الشباب كذا بالاستراحه وربي كل ششي ماخوذ مسجل دقمه المفتاح

وجهاز وكل شي


ان كان قصدك ماده خذ لك بوليسي يالبيه عليه


افضل منه بـ1000 مرره

[الجيب صاحب]

السلام عليكم,ياشباب عندي استفسارين تراودني على طول وهو1) بالنسبة للربع والشاص والجكسار خلينا نقول كلهم 6سلندر وموديل2006 ,,هل فيه فرق في المكينة والقير والدبل والدفرنسات,,,,2)دبل نيسان جنزير ودايما يعطل ؟؟؟فمن يعطينا خبر دبل الكبسولة,,ياليت ياخواني الجواب يكون بالتفصيل,,الله يخلي لكم عيالكم ومن تحبون.أخوكم ابوعلي ,,,

السلام عليكم ياشباب ماحد رد وانا منتظر الرد الشافي من أهل الخبرة مثلكم وشرواكم,,لا عدمناكم.

[ابوراكان تبوك]

السلام عليكم,ياشباب عندي استفسارين تراودني على طول وهو1) بالنسبة للربع والشاص والجكسار خلينا نقول كلهم 6سلندر وموديل2006 ,,هل فيه فرق في المكينة والقير والدبل والدفرنسات,,,,2)دبل نيسان جنزير ودايما يعطل ؟؟؟فمن يعطينا خبر دبل الكبسولة,,ياليت ياخواني الجواب يكون بالتفصيل,,الله يخلي لكم عيالكم ومن تحبون.أخوكم ابوعلي ,,,

كلهم نفس المكينة ( الشاص والربع ) لكن الجكسار القير والكوارين لا اعلم لكن الدبل تروس وليس جنزير للشاص والربع والجكسار ومتأكد مليون بالمية

الدبل جنزير في الباترول قديم وجديد

وتويوتا بس الاف جي

[نبض الرووح]

مافهمت قصدك , لايكون تبي طريقة اقتران الجوال مع بلوتوث السيارة اذا كان تبيها رد لي خبر عشان اصور لك كتلوج التعليمات

ايوا طال عمرك البلوتوث

ومشكووووور

[BLAZER91]

السلام عليكم ورحمة الله وبركاته

كيف اخبار الشباب ان شاء الله انكم طيبين


عندي استفسار بخصوص دبة الرصاص حقت الربع والشاص من موديل 2003 الى 2009 ودي الغيها ومادري هل احد من الشباب جرب ولغاها من فتره وش الفرق الي صار معاه في السياره
هل ولعت لمبة المكينه بسبب الحساس لانه بينلغي

ياليت تفيدونا لانه ناوي افكها وخايف تسبب مشاكل معي

[ابوراكان تبوك]

السلام عليكم ورحمة الله وبركاته

كيف اخبار الشباب ان شاء الله انكم طيبين


عندي استفسار بخصوص دبة الرصاص حقت الربع والشاص من موديل 2003 الى 2009 ودي الغيها ومادري هل احد من الشباب جرب ولغاها من فتره وش الفرق الي صار معاه في السياره
هل ولعت لمبة المكينه بسبب الحساس لانه بينلغي

ياليت تفيدونا لانه ناوي افكها وخايف تسبب مشاكل معي

ناقشناها في الصفحتين السابقتين والشباب ما قصروا

[BLAZER91]

ناقشناها في الصفحتين السابقتين والشباب ما قصروا

صادق يخوي شفتها بس ماوضحتو هل لها تاثير على الحسساسات والكمبيوتر وهل تولع بعدين لمبة المكينه بعد ماتشيلها

[ابوراكان تبوك]

صادق يخوي شفتها بس ماوضحتو هل لها تاثير على الحسساسات والكمبيوتر وهل تولع بعدين لمبة المكينه بعد ماتشيلها

اذا ولعت افصل اصبع البطارية

واذا استمرت مر اقرب كهربائي يطفيها بالكمبيوتر

[الجيب صاحب]

كلهم نفس المكينة ( الشاص والربع ) لكن الجكسار القير والكوارين لا اعلم لكن الدبل تروس وليس جنزير للشاص والربع والجكسار ومتأكد مليون بالمية

الدبل جنزير في الباترول قديم وجديد

وتويوتا بس الاف جي

السلام عليكم ومساكم الله بالخير جميعا ,بيض الله وجهك يابو راكان وربي يحفظك ومن تحب,,ياخوي انت ذكرت ان الربع والشاص سواء بالنسبة للمكينة (طيب وبالنسبة للقير والدفرنسات )لأنه حقيقة لو كل المحركات سواء هذا يعني ان الربع شئ خيالي.وحبيت أضيف معلومة بسيطة وهي ان الدبل في نيسان من87 ونازل الى 80 يجي تروس ونفس نظام تويوتا يجي الدفرنس الخلفي والأمامي والدبل كلها في الجهة اليمنى على خط واحد وهو سبب قوتها ,,واما نيسان رجعت الدفرنس الخلفي للوسط من شان الياي اليمين يضايقة وجود الدفرنس الخلفي في مكانه القديم .والسلام عليكم.

[ابوراكان تبوك]

السلام عليكم ومساكم الله بالخير جميعا ,بيض الله وجهك يابو راكان وربي يحفظك ومن تحب,,ياخوي انت ذكرت ان الربع والشاص سواء بالنسبة للمكينة (طيب وبالنسبة للقير والدفرنسات )لأنه حقيقة لو كل المحركات سواء هذا يعني ان الربع شئ خيالي.وحبيت أضيف معلومة بسيطة وهي ان الدبل في نيسان من87 ونازل الى 80 يجي تروس ونفس نظام تويوتا يجي الدفرنس الخلفي والأمامي والدبل كلها في الجهة اليمنى على خط واحد وهو سبب قوتها ,,واما نيسان رجعت الدفرنس الخلفي للوسط من شان الياي اليمين يضايقة وجود الدفرنس الخلفي في مكانه القديم .والسلام عليكم.

وعليكم السلام ورحمة الله وبركاته

الله يجزاك خير ع الدعوات الجميلة ولك مثلها

صحيح بالنسبة للربع والشاص القير والمكينة نفسه بالضبط الدفرنسات اتوقع ان فيها اختلاف لكن لا اعلم بالضبط
البترول مافي حياتي شريته او استخدمة بس المعلومة المتأكد منها ان الدبل جنزير من 97 وتحت وهذا كلام ميكانيكي سعودي صديق لي شغلته الجيوب وبالذات النيسان

حياك الله ومنك نستفيد

[BLAZER91]

اذا ولعت افصل اصبع البطارية

واذا استمرت مر اقرب كهربائي يطفيها بالكمبيوتر

الله يعطيك العافيه

[أبو صاروخ]

ممكن اعرف طريقه تشغيل ازرار الجوال بالربع من يسار الدركسون

تم ضاغط على الاثنين لمدة 5 ثواني بتسمع صوت رنه من السياره بعدين اشبك الجوال مع السياره والرمز هو 1234