حياك الله اخوي
بداية قبل الشراء أنصحك والاخوة الكرام بــ الإستخارة والله يكتب لي ولكم اللي فيه الخير
يليه ضع امام عينك قول : القناعة كنز لا يفنى
أخيرا حضوري للمناقشة وبنفس الوقت أفضفض عن همومي شوي وشيء يتك بالقلب.
.
.
حقيقة وامر مسلم به مسألة السيارات توافيق من الله (عزوجل) ، أعرف من اشترى الكروزر واقتنع به وارتاح واعرف من اشترى الباترول واقتنع به وارتاح ايضا واعرف من اشترى جيب كيا واقتنع به ولله الحمد مازال مرتاح وغير كذا من جيوب ، وكذلك اعرف خلافهم من يذم ويسب بالوكيل والسيارة حتى وهي جديدة وللاسف يبيع سيارته بخسارة وهي جديدة لغرض شراء أخرى وهات من الخساير والله يعينه .
.
.
نظرة واقعية ،، أخوي التويوتا بغض النظر عن التجارب السيئة اللي نسمع عنها الآن او نقرأها مما يمر به البعض يميزه انه موتر جلد واستخدام وانك تلقى قطع غياره بكل ديره مع وجود اكثر من موزع وان مالقيت الاصلي عبرت حالك بالتجاري والا من التشليح ميزته السوق يدعمه والمستهلكين يشجعونه وعلى قولة الشياب "شيك بمخباك" شف المعارض وشف اسعار الكروزرات الـ 98 كيف والـ 97 كيف والـ 2006 و 2007 كيف حتى الجديد وهو مستعمل .
اما النيسان ومن تجربتي الخاصة للـ 4500 و الـ 4800 يميزه قوته وصبره بالذات الفتك عزم ونشاط خيالي لكن مشكلته الاساسية قطع الغيار والصيانة تخيل مرة حدث عندي خلل بنظام التكييف حاولت اصلح المشكلة ما حصلت قطع بالديرة "الزلفي" ولا حتى ببريدة ولا عنيزة لا أصلي ولا تجاري حتى التشاليح مالقيت فيها لنفس موديل السيارة ، تخيل جيت على الموتر للرياض ورحت للوكالة ونفس الوضع مالقيتها وبالاخير مالي الا لحام الومنيوم وليت الشغل زين لكن الله المستعان ، اضف إلى ذلك ابغى سير لمكينة الـ4500 وإسأل أهل هالمكينة عن السير الواحد العريض تخيل جابوه طلبية من جدة والموتر وقف 3 أيام علشانه حليت مشكلته باني حولت نظام السيور إلى النظام القديم مثل 2001 ونازل ، أيضاً قطعة صغيرة مع عمود الكرنك طلبوها من الشرقية من الجبر ، خراطيش راديتر لما طلبتها قالوا ما فيه إلا بتبوك بالطقاق لقيت بالرياض لا وتجاري ، والحمد لله هذاه الموتر معي ومن وكالته إلى الحين ، لكن حقيقة وبغض النظر عن تجارب الآخرين الجيدة أو السيئة يعني مازلت أقول من واقع تجربتي أنا أقول وكيل نيسان صاحب عرض فقط يعني يكحل كل شيء بعينك سيارات صغيرة أو كبيرة اما ما بعد البيع انسى لا ضمان ولا غيره ولا تصدق هالخرابيط حتى اقسام الصيانة سيئة وحجوزات تقل فنادق وغيره على لا شيء حتى ان كانوا بيصلحون شيء على الضمان دوك لطعه وانتظار وقت و أحد أقربائي جلس موتره تقريباً 3 أشهر بالصيانة وموتره جديد 2009 وبالاخير طلبوا القطع من جده ومن بريدة ومن الجبر بالدمام ويالله خلص موتره بالاخير باعه وهو متحسر وبخساره اكثر من 25ألف ريال وهو جديد ما مشى والله يخلف عليه بالخير ، النيسان كان اول شيء والى الآن شيء لكن موديلات 97 ونازل ما شاء الله تبارك الله ولا أفضل منها حتى أسعارها مستعملة كيف وقارنها بالجديد تلقاها عوضت قيمتها قبل سنين .
.
.
أرجع واعيد واقول هذا من واقع تجربتي وبعض من حولي ممن يعزون علي وليس من الخيال ، اعتذر على الإطالة والله المستعان .