((((( بيع وطلب السيارات بهذه الخيمة هل هو بيع وطلب او استهبال ؟؟؟؟ )))))

[.أبوعبدالرحمن]

كلام سليم ابو عبد الرحمن الله يجزك خير

الله يسلمك وشاكر لك مرورك يالغالي

[.أبوعبدالرحمن]

صدقت وكلامك على متمه

للاسف استهبال في كل المواقع

ماعمري شفت سياره مع راعيها يبي فيها سعر اغلى من المعارض الا في مواقع النت مافيه واحد منهم صاحي ويبي يبيع بالمعقول لانهم عارضينها يوقول اذا جابت الحد او ادون منه بشي بسيط بعته واذا ما جابت خليتها عندي لانه في الاصل ماصمل على البيع

اجل بالله اول موضوع ادخله في هاذا الموقع يقولك هدد 2007 ماشي فوق ال90 الف حد ب 160 والله لوه اصفار ما ادفع عليه هالقيمه حتى الي مهتوي الموتر مهوب دافعهاعليه الا اذا كان اصفار

والي يزيد الطين بله < على قولة القذافيه> انه في المعارض واحد ماشي دون ال50 بنفس المواصفات واللون ذهبي حاده ب 145 او ادون بكم الف ويشرطه لك بدي ومحركات وبسم راعيه وكاله وكفراته كفرات وكالته و الموتر من تركب فيه تقول ماشاء الله جديد مابان انه مستعمل ابد حتى مراتبه الخلفيه على صفطة الوكاله وبقراطيسها ((ما اقول الا الله يرزق راعيه ويحفضه من العين)) الموتر ماشاء الله عليه لاكن قيمته مهيب معقوله ابد
و المشكله الموتر على وقته فل كامل خليجي على 140 الف وشلون يستعمل السياره ويبي يتكسب من وراها 20 الف هاذا اذا كان شاريها جديده صراحه هالعالم مدري وشلون تفكر اكيد جاهم ماجا القذافي 200%

ما ادري هالي يعرضون مواترهم باسعار خياليه هم جاهم ماجا القذافي ولا يحسبون خلق الله ملقطين دراهمهم من الشارع

صدقت يالغالي ،، وفعلا ناس ما تدري كيف تفكر ولا تفهم بالبيع والشرا بأي شيء

[مطر وسم]

أحب أضيف إلى ردي السابق : أني بصراحة بديت أكره البحث عن سيارة بهالمنتدى بسبب عدم المصداقيه والجديه في عرض السياره للبيع . أجل واحد عرض جيب للبيع موديل 2006 في هذا المنتدي ووصل السوم 121000 وأنا زودت السومه 122000 وأنا والله العظيم اني صامل . ومير يجي واحد ويقول 135500 . وأصلا السياره شاريها راعيها بـ 130000 ، أنا ما احسد الشخص ومعروف كلن حلاله عنده غالي . بس اللي يبي يزود يكون بالشيء المعقول وأن يراعي ذمته في الشراء من عدمه . لأنه للمعلوميه لا يجوز رفع سعر السلعه وأنت ما عندك نية في الشراء . أرجو أني قد وضحت وجهة نظرلي وشكرآ..

صدقت ابو هاجوس
ترى اللي يزودون هذولاء هم في ثلاث حالات
1- اما راعي السياره وخاش المنتدى بأسمين او ثلاثه (انتبهو للاشكال هذي) ويزود بالسلعه محد يدري
2- او خوي لصاحب السلعه يخش بعد اتفاقهم ويجلس يزود وله المقسوم مو بس بالسيارات بأكثر شي معروض للبيع
3- او انه خشيم مره بأسعار السيارات مايدري وين الله حاطه وفلوسه واجده مايهمه كم يدفع

انا سبق فتحت موضوع زي موضوعك بس ماحصلت تجاوب من الاخوان
صراحه صرت اخاف اشري سياره من المنتدى

الله يهدي الجميع الى مايحبه الله ويرضاه

ولكم تحياتي

[أبوريما 10]

http://www.mekshat.com/vb/showthread.php?t=427594


لايفوتك ,,

[abdulrahmanfd]

الله يجزاك خير اخوي وجبتها ع الجرح..
تدري وش اللي يضيق الصدر ببعض مواضيع الإعلانات ، لا قال لك على سبيل المثال موتر موديله 97 وإلا 2000 ومخزن وبالاخير يقول العداد 300 ألف أكثر أو أقل ما ادري كيف يفهمون فكرة التخزين..؟ وهل كل موتر مخزن مرغوب أو لا..؟ وأشد من كذا شف مطلبه بالموتر وإلا حدهـ ، وإلا يجيك واحد معاه موتر فوق الـ 2008 مثلاً وللتنازل وتلقاه دافع دفعة أولى كبيرة وموتره ماشي واجد فوق الـ 100ألف ويبغى دفعته وإلا جزء كبير منها يعني تجلد الموتر وتبغى تلصقه بظهر غيرك ومع ذلك تبغى دراهمك كلها "شين وقوي عين" يبقى أولاً وأخيراً إنه كلن حر بسلعته إن شاء الله يحرقها.. وإلا على قولة واحد من الشباب " خللها"..

[.أبوعبدالرحمن]

صدقت ابو هاجوس

ترى اللي يزودون هذولاء هم في ثلاث حالات
1- اما راعي السياره وخاش المنتدى بأسمين او ثلاثه (انتبهو للاشكال هذي) ويزود بالسلعه محد يدري
2- او خوي لصاحب السلعه يخش بعد اتفاقهم ويجلس يزود وله المقسوم مو بس بالسيارات بأكثر شي معروض للبيع
3- او انه خشيم مره بأسعار السيارات مايدري وين الله حاطه وفلوسه واجده مايهمه كم يدفع

انا سبق فتحت موضوع زي موضوعك بس ماحصلت تجاوب من الاخوان
صراحه صرت اخاف اشري سياره من المنتدى

الله يهدي الجميع الى مايحبه الله ويرضاه

ولكم تحياتي

وأضف الرابع / ورع لعب عليه أبوه وقال ببيع السيارة وخذا حد من أبوه اللي يطقطق على الورع وجاك المسكين وكتبه لك ،،،


وشكر لك على المرور

[.أبوعبدالرحمن]

http://www.mekshat.com/vb/showthread.php?t=427594


لايفوتك ,,

أخوي أبو ريما شكرا لك على المرور

[.أبوعبدالرحمن]

الله يجزاك خير اخوي وجبتها ع الجرح..
تدري وش اللي يضيق الصدر ببعض مواضيع الإعلانات ، لا قال لك على سبيل المثال موتر موديله 97 وإلا 2000 ومخزن وبالاخير يقول العداد 300 ألف أكثر أو أقل ما ادري كيف يفهمون فكرة التخزين..؟ وهل كل موتر مخزن مرغوب أو لا..؟ وأشد من كذا شف مطلبه بالموتر وإلا حدهـ ، وإلا يجيك واحد معاه موتر فوق الـ 2008 مثلاً وللتنازل وتلقاه دافع دفعة أولى كبيرة وموتره ماشي واجد فوق الـ 100ألف ويبغى دفعته وإلا جزء كبير منها يعني تجلد الموتر وتبغى تلصقه بظهر غيرك ومع ذلك تبغى دراهمك كلها "شين وقوي عين" يبقى أولاً وأخيراً إنه كلن حر بسلعته إن شاء الله يحرقها.. وإلا على قولت واحد من الشباب " خللها"..

ههههههههههه 300 الف ومخزن ، وما يفقع المرارة إلا هذي

والله لو مديله 82 خلاص القطع اللي في السيارة أُستهلكت يعني تبي تغير


الله يحييك أخوي