((((( بيع وطلب السيارات بهذه الخيمة هل هو بيع وطلب او استهبال ؟؟؟؟ )))))

[سفاري959]

اول شيء الله يعطيكم العافية والله يبيض وجيهكم

وثاني شيء اخوي سفاري من ناحية المبالغة انا عارف اني مبالغ وكل اللي ردوا عارفين اني مبالغ لكن بالغت عشان توصل الفكرة بسرعة وتكون سهلة للمتلقي

وعلى العموم يكفيني مرورك يالغالي

اخوي ابو عبدالرحمن اشكرك على اخلاقك وسعه صدرك واكرر انا معك في كل اللي قلته لكن لا يزال المنتدى بخير ما دام فيه رجال مثلك وشرواك ولا يهونون باقي الاخوان الله يجزاك خير اخوي

[قطب 999]

المفروض يكون فيه فورمه لعرض السياره تتضمن جميع المعلومات والصور ولا يتم انزال الاعلان الا بعد اطلاع مشرف الصفحه على الاعلان والتاكد من جميع محتوياته ويحذف الذي لا يستوفي الشروط

[.أبوعبدالرحمن]

شاكر لكم مروركم الله يوفقكم


هلا بك اخوي سفاري شرواك الطيب ولا عليك زود


واكيد المنتدى فيه ناس طيبين ويفيدون ويستفيدون لكن المشكلة اللي توه طايح في بيع السيارات وشراها


ولا اعيب على اللي يبيع ويشتري بذمة وضمير لكن المشكلة اللى حاط الذمة والضمير ورا ظهره

[ولد وايل]

عندي ددسن 85 مفصول عداده كله مرشوش يابوعبدالرحمن
وامبير الحراره مايشتغل

بحط اعلان بقول انا ثاني اسم والموتر مخزن


هههههههههههههههههههه

فديت راسك

[aooa]

فعلا نشوف مثل هذه الاعلانات ... لا والمصيبه ان الناس تطلب صور للموتر المعلن عنه

وبعد طول انتظار يجيك بصوره مصورها الساعه 12 بالليل ما تشوف شيء ويقول البدي على الشرط عدى صدمه بالمقدمه والركن الخلفي يمين والمكينه تنقص ... وما ادري وش الفائده من المدح وبعدين تطلع الحقائق غير .. وفيه واحد فوت علي شراء سياره لان اعلانه كان مغري جدا موتر من صورته انه نظيف وكلام راعي ويوم شفت الموتر للجنب للي ما صوره مصدوم وما بعد سمكره ..

[برج المعيدي]

تسلم يمينك ويعطيك العافيه
كفيت ووفيت

[سعود27]

كفيت ووفيت ...... ومشكلة بعض الناس يشري سيارة وكالة ويكرفها كرف الوووويل ويعرض الموتر بسعر حول سعر الوكالة عيني انت لاشريت الموتر بعده بتصلح وتحط إلا وصلت قيمة الوكالة ... واتوقع أن أغلب ألي يعرضون المواتر الشريطية ويبي يتكسب ولاسمت موتره قال شكلك شريطي لأن كلن يسوف الناس بعين طبعه..

[فهد 707]

والله انك ماقصرت يابعدي والله انك صادق يجيك مطفي النور شاري موتره قبل عشر سنين
بخمسين الف ويبي فيه الحين 49 ههههه
مشكووووور يالغالي

[مانع التميمي]

البلا و الله كل البلا

في بعض الاعضاء

تلقاء السياره تنسام ب30 الف يرد ببرود أسوم ب13 الف وتراي صامل ويكتب بعد بعد المعاينه
طيب في ناس سايمين ب30 وش هالرد البايخ


والله ياكثر هالاشكال في المنتدي بشكل كبير موجودين واتحداكم ينزل موضوع ماتلقا فيه رد من هالاشكال

ولا تلومون أي عضو يعصب منهم

وأشكرك على موضوعك الحساس

[مضاد]

كلام في الصميم

[هموووس]

وعليكم السلام ورحمة الله

بصراحة هنا نجد سومات لاكن لو بغينا نبيع ندور راعي السومة وما نلاقه
ولا قبل فترة نزلت جيبب اند كروزر مخزن ماشي 160 الف موديل 93
وانسام من الموقع 20 الف
الحمد لله بعته حراج تحت المكرفون جاب ضعف السومة وزيادة ذي لاكن هنا محتقرين
السومة وبخسو سلعتي
والله المستعان

[الكابتن]

كلام عين الصواب

[مستر فيصل]

السيارة وكاله قيمتها 120 الف 2010
ونفس السيارة 2006 ب99 الف ولا يبي يبيع بعد

اصلا مغفل لو اشتريها مستعمل بنفس قيمة الوكالة
ولكن الطمع والضحك على العقول

[.أبوعبدالرحمن]

الله يعطيكم العافية على المرور والتفاعل معي


اخوي ولد وايل اسوم بريال شرط المعاينة والفحص والتجربة لمدة 3 سنين

هههههههههههههههههههههههههههههههههه

[ادولف هتلر]

اشكرك اخوي على طرحك للموضوع ........

انا كعضو صغير في المنتدى ... اشوف انه لابد من ادراة المنتدى وضع شي حازم فعلا..

((لايزعلون مني المشرفين هذا كلام ونقد هادف واراء من اخوان مشاركين لك بادارة هذا المنتدى ))


اولا : انا اشوف التقصير سببه الاول المشرفين ليه؟ ::
المشرف لازم يكون حاضر بكل موضوع يطرح ويضع نموذج للبيع ونموذج للطلب ونموذج للاستفسار .. وبعد ماينزل الموضوع يدخل عليه ويشوف مطابق للشروط او لا اذا غير مطابق يحذف ويرسل للعضو رساله خاصه تبين سبب الحذف وطريقة انزال موضوع صحيح.

للاسف شفت اكثر من مشرف سبق ان دخلو على مواضيع بيع وشراء وبخسوا سلعة المعلن وثاني شفته منزل موضوع بيع سلعه وكل من سام بسعر مااعجبه قال انت وش عرفك انت وانت ...

يعني المفروض يكون المشرف قد المسؤوليه .. واذا كان عندهم نقص يجيبون زود ....


......................

بالنسبه للمقترحات :
1- وصف السياره (( مخزن )) لابد من انه بشرط ماتكون السياره ماشيه اكثر من 5000 كم حتى لو موديلها قديم مايحط مخزن.

2- اذا نزل الاعلان لازم يتواجد المعلن شبه يومي يرد على الاستفسارات او ليش ينزل اعلان .

3- تكون هناك مدة محدده لاعلان يعني شهر بالكثير وبعدها يحذف الموضوع ..
4- الاعلان الذي لايوجد به صورة السلعه يحذف .. (( تسوم على عماها مايصير))
5- الردود في الاعلان تكون فقط للاستفسار عن السلعه او سومها فقط .. وتمنع المشاركات مثل (( موفق .. للرفع.. الله يوفقك .. الله يرزقك )) الي يبي يدعي يدعو له بظهر الغيب احسن.
.................................................. .........

اخواني والله ان المنتدى عزيز علينا وانا حاطه الصفحه الرئيسيه ماودنا يصير بعض التصرفات الي تكرهك بالمنتدى .
انا اشوف اي عضو مسؤول عن الموضوع هذا اذا شاف اي تصرف ينسخ الرابط ويقتبس الرد المقصود ويرسله للمشرف ..


(( اختلاف الاراء لايفسد للود قضيه ))



تحياتي لكم