وين ألقى حبل السحب الأصلي

[أبو يحيى]

السلام عليكم ورحمة الله وبركاته ,,,,
تقبل الله من الجميع صالح الأعمال.

من يدلني على حبل سحب أصلى للسيارات المغرزة والمتعطله ويكون دقيق والظاهر إن لونه أصفر.

ومن يفيدني أيضاً : عندي GXR 2005 ولكن الحساس حق الريوس شغال على طول. هل هو كذلك ولا فيه بونه؟

[الحسي]

السبته الأصلية أو ( البيطة ) هي الانجليزية الصنع حسب علمي ، وأكثرها صفراء اللون ، وقد انتشر الآن سبت أماراتية رخيصة ولابأس بها ، لكنها لاتصل لقوة الانجليزية .

أذكر أن سبتة 10 متر في 6طن سعرها 250 ريال .

[وهبى]

السلام عليكم


نفس ماذكر اخى فزاع

وكل حاجتك ستجدها عن السنيدى فى بريده وانا رأيت احسن الانواع عنده وعنده اللون الاصفر على طلبك
ارجو انى وفرت عليك الجهد


اخوك
ابوبندر الحربى

[أبو يحيى]

بيض الله وجوهكم يا النشاما.

[معمرها]

......)(بسم الله الرحمن الرحيم)(........



.............)(السلام عليكم ورحمة الله وبركاته )(.............
اخي (( أبو يحيى))
شوف هذا الرابط
#$$^%^ حبل لسحب $%%%$^%&



شـــكـــراُ

[راعي الفزعه]

الاخ ابو يحيى
اذا كنت ساكن في الرياض فعندك (العوشن لمواد البناء والعدد ) او اي محل كبير لمواد البناء تحصل عنهم سلاسل مختلفت الاحجام وتنباع حسب الطول الذي تبغاه من متر الى عشرين متر وتركب عليها شناكر في الاطراف وبذلك يكون عندك حبل سحب قوي من الحديد وارخص واحسن ...

[أبو يحيى]

الله يجزاكم خير

[خطــاب]

السلام عليكم
اخوي ابو يحيى على البركه الموتر والله يعطيك خيره ويكفيك شره
انا نفس شاري GX-R 2005 واذا طقيت الريوس اشتغل الحساس وخذ انواع الازعاج.
احيانا يعلق الحساس يعني انك قريب مرررررررررررررة من اي جسم وعلى وشك تصدمه واذا التفت زين وتمقلت ودورت مالقيت شي وراي!!!!
اذا لقيت حل لمشكلتنا ارحوا ان ترسل لي على الخاص فضلا لا امرا وجزاك الله خير

[ابو ســــاره]

تحية عطره للجميع ،،،
ولا يهون رد الاخوان ،،،
اي شي تحتاجه من هالامور والعدة عليك بشارع الريل في الرياض فيه جميع العدد ولادوات وباسعار ارخص بكثير من محلات الرحلات والاماكن العامة.
انا شريت قبل شهرين تقريباً حزام سحب طوله عشره متر بقوة ستة طنه ومتانه رقم 3 تقريباً هو انسب ما وجدت بحدود تسعين ريال . وصناعته ممتازه .

[عليم العطش]

انا اشتريت قبل 5سنين من محلات اللحيدان بشارع الريل بالرياض متخصص بجميع انواع السبت والوايرات والسلاسل والأهواك وامور السحب والتحميل اذا رحت له تبي تلقى طلبك عنده (أ رقد وآمن)

تحياتي
عليم العطش

[أبو يحيى]

مشكلتي يالربع إني بالجبيل, وما عندنا محلات متخصصة بمثل هالشغلات على الرغم من إن أهل الجبيل نشاما ويحبون الكشتات والمخيمات إلخ ....... لكن الحل إني أزرق يالرياض (الحديثي) أو بريدة وما أدراك ما بريدة (السنيدي).

ولكل من شارك أو حاول بالمشاركة جزيل الشكر.

[cayenne]

ابو يحيى ..

لا تروح لا للرياض ولا لبريده ..

رح للخبر محل الرمايه عندهم وايرات ماركة ARB >> اسمها كذا على ما اضن ..

وانواع واشكال فيه 8 طن وفيه 15 طن وفيه 20 طن .. والشركة هذي استراليه وسمعتها على مستوى العالم

في الشغلات ذي ..

[ولدالديرة]

شف انا رحت لشركة عبدالله هاشم في جدة طريق المدينة

وجدت عندهم انواع كثيره منها:

1-حبل سمك وسط نايلون المتر 4 ريال وهذا جيد

2 --حبل سمك اكبر شوي نايلون 8 متر سعره 260 ريال

اخذت من الاول شفته جيد

انصحكم تزورونهم وتري عندهم تخفيض

مشكورين

[عروان]

يا أخوان حبال السحب و الرفع مصنفة من أدوات السلامة.

يعني اذا تبونهن روحو لمحلات السلامة اللي يبيعون طفايات الحريق و يقومون بتعبئتها, ويبيعون ونوش السحب حقت المباني, يبيعون سلاسل الرفع و الشناكر هم نفسهم يبيعون وكيابل السحب بأحجام مختلفة و حمولاات مختلفة.


يا أبو يحيى بما أنك من الجبيل, دور عندك محلات السلامة مثل العطيشان تراه مشهور و فروعه واجد. أو أكيد تزرق للدمام في يوم من الايام. مر على شارع الملك سعود منطقة محلات الزينة اللي عند تويوتا. في محل العطيشان للسلامة و جمبه محلات ثانية نفس التخصص. تلقى عندهم اللي تبي.


أو روح داخل الدمام, خل مبنى البريد و البرق والهاتف على يدك اليمين و اتجاهك شمال روح لين تجيك الاشارة و على يسارك بنك الراجحي, تلقى على شارع الملك سعود اللي يتقاطع مع الشارع اللي أنت عليه محلات عدد و أدوات السلامة, هذولا عاد عندهم اللي ما تتخيله. طب و تخير.

[الجبيري0]

السلام عليكم
مساء الخير للجميع بالنسبة لطلبك يابو يحي موجود بالدمام حسب وصف الاخ عروان ,وتحديدا عند مؤسسة محمد العمري عندهم انواع واشكال غريبة الوايرات بمقسات عديدة والأحزمة (السبت)طبعا الاصفر والازرق وافضلها من واقع تجربة الهولندي(الاصفر)وتم سحب كثيرا من السيارات وفيها قوة تحمل عجيبة واخيرا اتمنى بان تجد الذي تريده والسلام عليكم