حرارة با الشروكي الله يعين ؟

[فايق ورايق]

السلام عليكم ورحمه الله وبركاته


السيارة الاولى

السياره راكب فيها مراوحة كهرباء وحساس مرسيدس وبلف كابرس بس الحراره اذا مشيت توصل الربع واذا وقفت عند اشاره تتعدى النص وبالطعوس توصل للاحمر بمؤشر الحرارة

بس ملاحظة المروح الثنتين تشتغل مع السلف يعني حساس المرسدس مالة دور بالموضوع .

================================================== ====

السيارة الثانية

وجربنا سياره ثانية شروكي داخل الديره و عند الااشارة و بالطعوس ماشاء الله ثابتة على النص

وهو مركب مراوح كهرباء موب يلعب مثل السيارة الاولى

نبي نضبط الاولى مثل الثانية

والسيارتين فيهم مراوح كهرباء وبلف كابرس وحساس مرسيدس75
تحياتي

[_دربيل_999]

أخوي المراوح ليست كل شيء,,
هناك دورة الماء في المبرد هل هي سلسلة..
إذا كان هناك سدد في مجرى الماء هذا يعيق حركة الماء داخل الراديتر وتصير بطيئة وتسوي الحرارة,,
تأكد من نظافة الراديتر ودفع طرمبة الماء,,
تحيتي لك..

الروقي

[فايق ورايق]

أخوي المراوح ليست كل شيء,,
هناك دورة الماء في المبرد هل هي سلسلة..
إذا كان هناك سدد في مجرى الماء هذا يعيف حركة الماء داخل الراديتر وتصير بطيئة وتسوي الحرارة,,
تأكد من نظافة الراديتر ودفع طرمبة الماء,,
تحيتي لك..

الروقي

مشكووووور

اللي يملك اضافة يشرفني بأضافتي

[خبيرخسائر]

الله يعينك اخوي
قد يكون وليس اكيد خراديش المويه
تنسفط عندما يحتر الموتر
تاكد منها لان الخراطيش الاصليه ياتي في وسطها حديد ملتوي على شان ماينصفط الخردوش

نقطة ثانيه قد يكون السير مرتخي وماتدفع الطرمبه لانها غير مشدودها

[سوبر VTC]

افتح غطاء الاديتر
ودس بنزين خل الابنص على 2 او 2.5
هل يدور الماء ام لا ؟
اذا نزل الماء فمعناته انه يدور
اذا ما تحرك فالطرمبة خربانه مجيمة
و اللي اهم من هذا تسييخ الاديتر ضروري جدا جدا جدا
وش نوع الاديتر ؟ رصة او رصتين ؟
اذا كان السلندر وسخ من الطين
فان البلف احتمال كبير جدا مايفتح يجيم بسبب ترسبات الطين
و بالتالي يحتمي الموتر
لانه ربما انه يفتح لكن ما يفتح بالكامل
على كلام الاخوان
تاكد من عدم رخاوة السير

[الوشاح]

نقطة مهمة لابد يكون الأديتر المونيوم رصتين زي شد البلد
لأنه النجاس مايبرد المكينة نهائيا ..
ولايضيق خاطرك تبي تحصل المشكلة إن شاءالله

[فايق ورايق]

شكراااااااااااالكم
جميعا

جاري تطبيق حلولكم وسوافيكم بمايستجد

تحياتي

[رفيع المقآم]

طيب يالغالي رح وخلهم يسيخون الرديترمع المكينه بـ80 وعب ماء اخضر ولا احمر المهم شيك على البلف يمكن ما يفتح بعدين شف المروحه للي على السير يمكن ما تفر بالشكل المطلوب شف كلتش المروحه وان شاء الله ما ترتفع ثاني مره