مثبت السرعة للباترول لايعمل

[ابوعبدالله00]

السلام عليكم لاهل الخبرة مشكورين
عندي مثبت السرعة للباترول 2000 لا يعمل من يوم شريته مع العلم ان القير تماتيك اللي يعرف كهرائي
او ورشة تقدر تفيدني لا يقصر وله مني الدعاء الرجاء رقم التلفون او وصف واضح مع العلم ان موقعي في الرياض .
ولكم مني جزيل الشكر

[ابوعبدالله00]

افا افا ولا واحد من الاخوان عنده معلومة

[A.B.A]

السلام عليكم

أخوي جرب منت خسران

جيب بخاخ حق المسامير المجيمة wd-40
الأزرق ورش على ازرار التحكم بالسرعة وأن شاء الله بيفيدك


وأذا تمت المهمة رجاء خاص دعواتك لاتحرمنا منها

[سوبر VTC]

حياك
عندك ورشة التركي ابو صالح تخصص نيسان باترول
بالصناعية القديمة
بجانب مركز ترايستار
عنده كهربائي سعودي سليمان الخطيب
موفق

[abu-nasr]

السلام عليكم
اخوي في كثير من الناس اذا كان توه شاريه واول مره يستخدم الباترول مايعرف يشغل مثبت السرعه للباترول يعتقدون ان مثبت السرعه يشتغل من الدركسون فقط ؟ ويعتقد انه خربان
لكن فيه تحت التحكم في الانوار فيش لازم قبل تشغيله يكون على On وتولع لمبه على نفس الفيش علشان يكون شغال .
توضيح بسيط .
اخوك ابو ناصر

[ابوعبدالله00]

اخوي A.B.A
اخوي سوبر
مشكورين ولكم مني خالص الدعاء بالتوفيق في الدنيا والاخرة
اخوي abu-nasr اخوي ابو ناصر
تصدق ان كلامك صحيح ان اشوف فيش تحت فتحة المكيف الجانبية يم السواق وفيها لمبة ولا ادري وش سالفتها شكلها للمثبت ابجرب رحم الله والديك واياك عن النار وادخلكم فسيح جناته انت ومن تحب .

[محسن اليامي]

تصدق ان كلامك صحيح ان اشوف فيش تحت فتحة المكيف الجانبية يم السواق وفيها لمبة ولا ادري وش سالفتها شكلها للمثبت ابجرب رحم الله والديك واياك عن النار وادخلكم فسيح جناته انت ومن تحب .

أخوي بوعبدالله وش صار معك في انتظار تجربتك

[رفيع المقآم]

طيب هل شيكت على الفيوزات
وارجو منكم ان تدعو لعمي ترى يطلبكم الحل

[رفيع المقام]

قد يكون أحد الفيوزات ضارب

عندي اكسبلورر.

كان البوري والمثبت لا يعمل ورحت للفني قال لازم نفك الدركسون وو الخ..
قلت بنفسي..

خلني اشيك على الفيوزات.
اخذت سكروب فحص الفيوزات مع الفيوزات (بريالين تخيل ) وشيكت عليها طلع واحد من الفيوزات مايعمل.
بدلته..
وصار تمام..

فيه أشياء بسيطة وتافه... ولا تتطلب لا جهد ولا وقت وخوينا يقول لازم نفك الدركسون.

لعب بالعقول.