لو خيروك بين هذه الثلاثة مواتر وش بتختار (اتمنى احتساب الاجر والافادة)

[taag1]

انتبه اخوي من سيارات الصالات لأنهم يغيرون ممشاها بسهوله وحاول تشيك عليها عند مواقع التشييك مثل (كارفيكس.....) برقم الشاصي
الموجود بالسياره والله يكتب لنا ولكم الخيره

[سيف الظفير]

السلام عليكم

انا اريد استخدام فقط يعني سيارة لي وللزمن ..

معروض علي ثلاث سيارات..

الاولى اكسبلورر امريكي بطاقة جمركية لم يستخدم هنا مرتبتين ليس فيه مكيف خلفي فوق انما تحت عند التكايات

اللون ابيض ماشي 137 الف ميل سعره 45 الف

الثاني نفس السيارة الاولى ماعدا اللون فضي والبدي فيه حكات بسيطة واثر رمل او حصمات معلمة في كم موقع في الموتر ماشي 66 الف ميل وسعره 45 الف

الموتر الثالث تاهو ماشي حول المية ومواصفاته وبوديه طيب وسعره 50 الف

اتمنى الافادة فأنا محتار وخاصة مع الاكسبلورر ناس كثير تحذرني تقول ان فيه مشاكل في القير في كل الموديلات التي سبقت 2007 هل هذا صحيح...؟؟

مارأيكم اخواني !

كم موديلاتها يالغالــــــــــــي !!!

وانصح بالتاااهو

[ام صتمه 87]

وش الصالة ..

وتراهم أحياناً يعدلون في الممشى ..

[فهد1415]

الله يجزاكم خير احبابي الكرام

ماقصرتم الله يكتب لكم الاجر

ووالظاهر اني بستخير وآخذ التاهو

الموديل 2004

والاكسبلورر 2006 بدون دبل

الصالة مزادي بين مخرج 13-14

[الشميسه]

تبي نصيحة اخو يالغالي انحش عن الامريكي وان كانك صامل التاهو ارحم لك

[اورنس الشرق]

عليك بالتويوتا والنيسان..

[التميمي 333]

اقول انحش من الامريكي وخلك على الياباني لك ولزمن ولا بعد سعر فيه

[$سهام الليل$]

قبل ماتشتري تأكد من السيارة مرشوشه وثاني شي وهو ضروري ينساه اكثر من يشتري الأستخدام وهو هل السيارة دخلها ماء وذلك بتأكد من الطبلون من الداخل واسفل الفرشات لأن اكثر اجزاء امريكا تتعرض إلى اشد الفيضانات في العالم مثل كارثة جدة من بعدها خاصة المعارض من السيارات اللي تعرضت لكارثة السيول تجد الكامري قبل 50ألف وبعد 30ألف هذا لتذكير يالربع

[لكزس_جيب]

الله يكتب لك السيارة اللي تريحك وتغنيك يارب عن أي سيارة غيرها..
وجهة نظري .. حاول تتأكد من كل الأشياء والملاحظات اللي قالوها الشباب ولا تنس تأخذ أحد المتخصصين في شراء وبيع السيارات من أحد المعارض مقابل مبلغ مالي وخليه يشوف السيارات ويعطيك رايه إذا كان فيها أي عيوب مخفية .. لأن الرأي الآخر مفيد بعد ..
المهم لو أنا كنت اللي بشتري أتوقع أني باخذ التاهو ..
موفق خير وأنا أخوك ..

[سفاري959]

انصحك نصيحه اخو عليك بالياباني تراه ابرك من ناحيه الاستخدام وعند البيع لو تاخذ باجيرو فل 2005 او 2006 بحدود الاسعار هذي تراه اصرفلك وان كنت معزم على واحد من السيارات اللي ذكرتها انصحك بالتاهو والله يكتب لك اللي فيه صالح وخيره تقبل مروري

[فهد1415]

استخرنا الله

وأخذنا بشوركم وشور الاجواد شرواكم وشرينا التاهو..وان شاء الله بكره استلم السيارة

اعجز عن شكركم على هذا التفاعل والنصائح الله يجزاكم بالخير
ويكتب لكم الاجر ولا نستغني ابد عن نصائحكم

بالنسبة للرش والصدمات والغرق واللعب في العداد فتقرير الكارفيكس يفضح لك كل هذا ويعطيك الحالة الحقيقية لموترك في امريكا والحمد وجدتته مطمئن

وفحصتها عند الغروب وحصلنا اشياء بسيطة ولكن الحمد لله المحركات من قير ومكينه وديفرنس كلها سليمة بحمد الله.

دعواتكم يالربع وهذا الموقع هدية لكم لمن اراد حالة السيارات المستورده من امريكا

http://www.arabvin.info/index.htm

[ابونويصر]

التاهو أفضل على ماأعتقد

[عاشق السيل]

أرجح التاهو ،،

وبالتوفيق يالغالي ....

[برنس 500]

الله يعطيك خيرة ويكفيك شرة

[جوبتير]

التاهو شيخ واتحدى من يقول غير ذا الكلام ،، من واقع تجربه سنتين انشهد انه سياره عز بشرط النظافه واما غيرها فهو منزل متحرك وخصوصا اذا كان ثلاث مقاعد