رابطة ملاك السيكويا

[نديم القمر]

السلام عليكم

اتمنى من الأخوان المشرفين وضع قسم خاص للإستفسارات والمواضيع وما يكون قسم السكويا على شكل موضوع واحد متعدد

الردود والصفحات .

أكيد الموضوع هذا في حلول كثيرة لكن البحث فيها صعب لكثرة الصفحات والردود لكن لوكانت على شكل مواضيع اتوقع

بتكون اسهل بكثير .

[خشير الذيب]

السلام عليكم ورحمة الله وبركاته
اخواني الكرام . الشهر عليكم مبارك اسأل الله ان يتقبل من الجميع الصيام والقيام
اخواني ارغب في تركيب سله خلفية للسيكويا 2015 لمتد وابحث عن افضل سله ومكان يبيعها بالرياض
وماهو الحل لترفيع السيارة من الخلف خاصه اذا ركبت سله خلفيه .
وارغب في نصحكم ومساعدتي لذلك وبيض الله وجوهكم
هل الافضل تركيب كعكات اويايات

الحل في ترفيع السياره من الخلف هو تركيب بالونه تحميل اللي تجي داخل اليايات وتتعبا هوا مع التحميل

[الفارس333]

السلام عليكم
يا اخوان ارغب في صيانة موتري خارج صيانة تايوتا واطلب من الاخوان اللي في تبوك اللي يعرف لي ورشة ممتازه وشغلهم ممتاز اويكون اشتغل عندهم موتره يساعدني
موتري سكويا 2014
تغيير زيت القير مع الفلتر وزيوت الدفرنسات شاكراً ومقدراً

[الباحث_6610]

السلام عليكم ورحمة الله وبركاته
صبحكم الله / مساكم الله بالخير
ابشركم شريت سكويا 2015 نص فل دبل
الله يرزقنا واياكم الصحة والعافية والبركة
انتظر وصول السيارة والله يعينكم راح ارفع ضغطقكم
بالاسئلة
لاني اخاف اخرب السيارة باستعمالي الخاطئ
حفظنا الله واياكم من كل مكروه
اخووووووكم. / الباحث_6610
ابو تركي

[سعود 33]

ooooooooooh

[ابوسعدالعبيدي]

سلام عليكم
الله يسعد مساكم جميعآ والله يكتب لكم جميعآ خير هذه الجمعه والمسلمين آجمعين
يسعدني ويشرفني الانظمام لكم

[الباحث_6610]

سلام عليكم
الله يسعد مساكم جميعآ والله يكتب لكم جميعآ خير هذه الجمعه والمسلمين آجمعين
يسعدني ويشرفني الانظمام لكم

حياك الله يالغالي بين اخوانك تشرفنا فيك

[أبو الجادل]

السلام عليكم
اخواني انا عضو جديد أبشركم شريت سيكويا 2015 ستاندرد
بعد ما مشيت 500 كيلو ولعت لمبة تشك إنجن وديته للوكالة طلع حساس الشكمان السياره مافيها شي مشيها ممتاز وعزمها كذلك قالي المهندس بما ان السياره مافيها تقطيع ولا شي المشكله بسيطه جدا طلبو لي الحساس علشان يغيرونه عالضمان قالي المهندس كمل مشي لين توصل 1000 كيلو علشان تدخله الوكالة مره وحده وتكون القطعه واصله وش رأيكم يا شباب افيدوني

[راعي الرائد]

السلام عليكم ورحمة الله وبركاته
اخواني أعضاء المنتدى أرجو مساعدتي وإبداء مرئياتكمً لدي سياره سكيويا مديل 2012 ذهبت عليها الي القصيم قبل أمس وأوقفتها عند السكن وفي المساء أردت استخدامها فلم تشتغل تدق سلف بدون شغل أحضرت كهربائي وفحص الفيوزات سحب احد الفيوزات وأعاده اشتغلت واستكملت عليها مشاويري خلال تلك الليله وغدا وأثناء العودة وقبل الرياض ب50 ك طفت السياره وانا ماشي فجئه لبقت وفزعوا أهل الطيب والمروه دون جدوى احدهم احضر بنزين ورشه علي البخاخات واشتغلت وأخيرا حملتها علي سطحه الي ألَّبيت ولم يتم إصلاحها حتي الان حبيت اسمع مرئياتكمً قبل الذهاب الي الورش فبماذا تنصحوني جزاكم الله خيرا

[kamalhome]

أخي الكريم شيك أسلاك البطارية خصوصا السلك المجب لازم يكون مشدود وتأكد بإذن الله سيارتك ما فيها إلا العافيه

[راعي الرائد]

أخي الكريم شيك أسلاك البطارية خصوصا السلك المجب لازم يكون مشدود وتأكد بإذن الله سيارتك ما فيها إلا العافيه

شكرًا علي تجاوبك عملنا كل التشييكات الممكنه وأخيرا حملتها الي الوكالة وتبين ان العطل في قاعدة الفيوزات

[kamalhome]

سبحان الله صارت معي نفس المشكله وطلع أنه برغي سلك الموجب للبطاريه مرخي شوي ولما شديته اشتغلت السياره أحسن ما يكون والحمد لله رب العالمين

[Labvideos]

السلام عليكم يا شباب .ومسائكم الله بالخير.
عندي استفسار بسيط. السيارة سيكويا 2015 ماشيه 5000 فقط
وش الزيت المناسب لمكينه السيارة. وكم علبه تاخذ مع السيفون وبدونه.
وايش رائيكم في بترومين a1 اللزوجه5w30.
وشكرا لكم.

[الباحث_6610]

السلام عليكم يا شباب .ومسائكم الله بالخير.
عندي استفسار بسيط. السيارة سيكويا 2015 ماشيه 5000 فقط
وش الزيت المناسب لمكينه السيارة. وكم علبه تاخذ مع السيفون وبدونه.
وايش رائيكم في بترومين a1 اللزوجه5w30.
وشكرا لكم.

انصحك بزيت تويوتا 10W-30 SAE هذا اللي يناسب السكويا والتغيير كل 10000كم
طبعا هذه النصيحة جايبها من كتالوج سكويا صفحة453

[الباحث_6610]

شكرًا علي تجاوبك عملنا كل التشييكات الممكنه وأخيرا حملتها الي الوكالة وتبين ان العطل في قاعدة الفيوزات

حمدااا لله على السلامة
بس الغريب وش اللي احرق قاعدة الفيوزات