تجربتي بعد تحويل قير الفتك من اوتو الى عادي + استفسار

[PATHFINDER 4]

علعموم اذا بغيت اي شي اخوي ابوسعود انا حاضر والله ييسر امرنا وامرك

تحياتي لكــــ

تسلم والله , ماتقصر ياخلفهم

[PATHFINDER 4]

انا كلفتني الشغله 6000 ريال ومع الرجيع بعد بس اشوى ان الرجيع مخبط

الا ماقلت وش جنسية اللي مسك موترك؟ وكم يوم جلس الموتر عندهم ؟

[ابوطاقية]

اولا حياك الله بمنتداك وبين اخوانك
اذا بتغير كارونه خلفيه لازم تغير الاماميه لان عدد السنن تختلف بالعربي مايمشي الموتر
اذا بتتنازل عن السرعه بالطرق السريعه ركب كارونه محشوره وهي تعطيك ظغط ممتاز للتطعيس
اذا بتستخدم نفس الكرونه الي على الموتر الحين للتطعيس يبرد عزم الموتر ماتطلع فوق وخاصه اذا انت محمل
الحل الوحيد كلتش
فيه كلتش لورى يركبونه اهل المرهمات قوى جدا وعيبه الوحيد يمكن يكسر قيرك والا الكرونه من قوته لانه يحول تقريبا 95% من قوة المكينه على القير بينما الكلتشات العاديه تحول تقريبا 50% من قوة المكينه للقير
الكلتش موجود فقط بالدمام عند واحد اسمه باعاصم وقيمته تقريبا 500 ريال
كذلك فيه كلتشات رياضيه كثيره افضلها Ram بس يعيبه غالي سعره
وبعده كلتش Zoom
والاخير سنتر فورس

للامانه جميع المعلومات عن الكلتشات اخذتها من موضوع لي سابق استفسر عن الكلتشات الممتازه بمنتدي تطعيس وافادوني الاخوان اسامه والامبراطور وانور وجميعهم مشرفين هذا والله اعلم

[ابوحمد666]

الله يبارك لك فيه
بس ما قلت القير اللي انت مركب موديل كم؟
بعدين سمعت من ناس واجد ان قير الباترول العادي من موديل 97 ونازل يركبونه على الفتك وخاصه اذا كان سابقا اوتو ويطلع العزم قوي جدا
تحياتي لك

[ساري 111]

بس عندي سؤال اخير وش دخل الكارونه الاماميه يالذيب ؟؟

اذا غيرت الخلفيه لازم تغير الاماميه بنفس المقاس عشان اذا شغلت الدبل ماتختلف دورة الكفرات الاماميه عن الخلفيه

وعندك الصمعاني بتشاليح بيريده يمدحونه وممكن تاخذ ارقامه من سوبر فتك

[BaHaR]

الا ماقلت وش جنسية اللي مسك موترك؟ وكم يوم جلس الموتر عندهم ؟

هلا ابوسعود جنسيته يماني بس اللي شغال في الموتر هندي وجلس الموتر عندهم تقريباً 4 ايام

[BaHaR]

اولا حياك الله بمنتداك وبين اخوانك
اذا بتغير كارونه خلفيه لازم تغير الاماميه لان عدد السنن تختلف بالعربي مايمشي الموتر
اذا بتتنازل عن السرعه بالطرق السريعه ركب كارونه محشوره وهي تعطيك ظغط ممتاز للتطعيس
اذا بتستخدم نفس الكرونه الي على الموتر الحين للتطعيس يبرد عزم الموتر ماتطلع فوق وخاصه اذا انت محمل
الحل الوحيد كلتش
فيه كلتش لورى يركبونه اهل المرهمات قوى جدا وعيبه الوحيد يمكن يكسر قيرك والا الكرونه من قوته لانه يحول تقريبا 95% من قوة المكينه على القير بينما الكلتشات العاديه تحول تقريبا 50% من قوة المكينه للقير
الكلتش موجود فقط بالدمام عند واحد اسمه باعاصم وقيمته تقريبا 500 ريال
كذلك فيه كلتشات رياضيه كثيره افضلها Ram بس يعيبه غالي سعره
وبعده كلتش Zoom
والاخير سنتر فورس

للامانه جميع المعلومات عن الكلتشات اخذتها من موضوع لي سابق استفسر عن الكلتشات الممتازه بمنتدي تطعيس وافادوني الاخوان اسامه والامبراطور وانور وجميعهم مشرفين هذا والله اعلم

الله يحييك وبعد كلامك هذا خلاص ان شاء نويت اركب كلتش رياضي بس ماقلتي وين ممكن احصلها في الرياض
ويليت تعطيني رابط الموضوع اللي في منتدى تطعيس ولا عليك امر

[BaHaR]

الله يبارك لك فيه
بس ما قلت القير اللي انت مركب موديل كم؟
بعدين سمعت من ناس واجد ان قير الباترول العادي من موديل 97 ونازل يركبونه على الفتك وخاصه اذا كان سابقا اوتو ويطلع العزم قوي جدا
تحياتي لك

القير اللي انا مركبه موديل 2007 ومن ناحية 97 عشان يركب يبيلك شغل واجد لأن فيه اختلاف في مكان عصا القير
وما اتوقع انه اقوى من 2007

[BaHaR]

اذا غيرت الخلفيه لازم تغير الاماميه بنفس المقاس عشان اذا شغلت الدبل ماتختلف دورة الكفرات الاماميه عن الخلفيه

وعندك الصمعاني بتشاليح بيريده يمدحونه وممكن تاخذ ارقامه من سوبر فتك

اها فهمت قصدك الله لا يهينك

نداء الى سوبر فتك او اي واحد يعرف رقم الصمعاني يرسله لي عالخاص

[moafaq999]

عليك msd واسلاك بواجي صفر وبواجي براسين او اربع روس
يدبل عندك الكهرباء ويدبل القوه والعزم يعني (( ولا نقطة بنزين يمديها تروح )) يعني احتراق تفجير 1000%

تفبل تحياتي

[سوبر VTC]

الصمعاني يركب لك قير عادي
يعطيك زود 1000ريال
بشرط
ان قير موترك التماتيك نظيف
طبعا هو كسبان
و انت كذلك كسبان
احد الاعضاء خرب عليه باترول فتك طبعا قير عادي
ركب له قير ياباني كامل عند الصمعاني ب2400
المميز صلح القير عنده
على هذا الرابط

قيــــر الفتــــــك (( عـــادي )) اصبح تالفــاً فمــــا الحـــــل ؟؟؟

[التعـ King ـديل]

اول شي حياك بين اخوانك بهالمنتدى الكبير والله يعينك دام موترك فتك كل العنصريين هناك بيردون عليك باامور مالها دخل بالموضوع

ثاني شي تشليح الحربي ماعليه كلام اعرفه من عام 2004 غيرت عنده مكينه باترول وشغلهم مضبوط ومحترفين ونصوحين

بالنسبه لموضوعك انت تبي عزم وكلتش رياضي حدد لي موقعك على الخاص وابشر بالارقام اللي تسر خاطرك ان شاء الله

[PATHFINDER 4]

وركبت قيره كامل والحذاف والعلبه والظفيره والدعاسات فرامل + كلتش والديكور
وركبها وشغله 100% ماشاء الله عليه والصور قريباً

بانتظار الصور أخوي BaHaR

[BaHaR]

عليك msd واسلاك بواجي صفر وبواجي براسين او اربع روس
يدبل عندك الكهرباء ويدبل القوه والعزم يعني (( ولا نقطة بنزين يمديها تروح )) يعني احتراق تفجير 1000%

تفبل تحياتي

حياك الله اخوي والله انك هيضتني بس اللي عندي كويلات

وانت تقصد MSD الجهاز اللي يقوي الكهرب صح ولا انا غلطان ؟

اذا كان هو اللي تقصده وين احصله ؟ والبواجي اللي تقول عليها وش اسمها ؟ وين احصلها؟

الصمعاني يركب لك قير عادي
يعطيك زود 1000ريال
بشرط
ان قير موترك التماتيك نظيف
طبعا هو كسبان
و انت كذلك كسبان
احد الاعضاء خرب عليه باترول فتك طبعا قير عادي
ركب له قير ياباني كامل عند الصمعاني ب2400
المميز صلح القير عنده
على هذا الرابط

قيــــر الفتــــــك (( عـــادي )) اصبح تالفــاً فمــــا الحـــــل ؟؟؟

اجل طلع صحيح هالكلام والله بيض وجه الصمعاني اذا هذي اسعاره

بس ترى القير حقي القديم مخبط

هقوتك لو اني رايح للصمعاني كم بياخذ علي < ترى مهوب متحسف

اول شي حياك بين اخوانك بهالمنتدى الكبير والله يعينك دام موترك فتك كل العنصريين هناك بيردون عليك باامور مالها دخل بالموضوع

ثاني شي تشليح الحربي ماعليه كلام اعرفه من عام 2004 غيرت عنده مكينه باترول وشغلهم مضبوط ومحترفين ونصوحين

بالنسبه لموضوعك انت تبي عزم وكلتش رياضي حدد لي موقعك على الخاص وابشر بالارقام اللي تسر خاطرك ان شاء الله

الله يحيك كنق التعديل

والحربي مضبوط وانا طحت عليه صدفه والحمد لله شغلهم تقول وكاله

وموقعي الرياض وترى ما أقدر ارسل على الخاص انت خابر لازم تكون مشاركاتي فوق خمسين والله يبارك فيك ماتقصر

وش رايك بسالفت الكوارين اغيرها ولا لا ؟؟ واذا فيه احد تعرفه يضبطها ياليت تعطيني عنوانه عالخاص

دام موترك فتك كل العنصريين هناك بيردون عليك باامور مالها دخل بالموضوع

وين تقصد هناك لا يكون موضوعي ملطوش وانا مدري

[BaHaR]

[/center]

بانتظار الصور أخوي BaHaR

ابشر في اقرب فرصه ان شاء الله