عاجل جداً تكفون أبي إكسسورات روعه للجيب جي أكس أر 2010 فل كامل بريمي

[المذهـــــــب]

لاسلام عليكم ورحمة الله وبركاته

أخواني المشرفين والأعضاء والزوار
بعد توفيق الله تم شراء جيب جي أكس فل كامل بريمي 2010 ما شاء الله تبارك الله الله يطعمني خيره ويكفيني شره قولو ما شاء الله قبل كل شيئ
إخواني أنا ودي أكمله بإكسسورات من جميع النواحي مثل السنيدي والغرابي وأنا موقفه بالمضله وأبي أعرف أفضل طريقه للتوقيفه مده طويله يعني أسبوع أسبوعين 0 وأطلب تكفون فزعتكم الله لا يحرمني منكم وش الإكسسورات الحلوه للجيب
الله لا يحرمني منكم ويخليلكم ولديكم وأن يرزقكم الله جيوب لكزس وأنتظر ردكم
والسلام عليكم

[المذهـــــــب]

وش دعوى ولا واحد رد علي
أكيد أنا ما لي داعي في هذا المنتدى
ولا حتى تعبير
أو مرور
ولكن الله يسامحكم
ويسامح المشرفين قبل كل شي

[alyaesu_ss]

مرحبااا .... ما شاء الله الله يعطيك خيره ويكفيك شره يارب .

[ابو العز بلس]

هلا بك


طيب انقز للغرابي وفر المحلات وبتحصل كل شيء ان شاء الله
وان كانك راعي بر لا تركب شيء

[ابوعمر1397]

شف السليماني والعليان في الغرابي وفرع العليان الكبير في خريص