عندي مشكلة في الباترول 2004حجم المكينة 4800وهي عبارة عن دخان ازرق كثيف بعد التشغيل مباشرة وينقطع بعد مشوار بسيط ارجو المساعدة
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
عندي مشكلة في الباترول 2004حجم المكينة 4800وهي عبارة عن دخان ازرق كثيف بعد التشغيل مباشرة وينقطع بعد مشوار بسيط ارجو المساعدة
اخوي هذي جلد بلوف
وتصليحه مايكلفك ولا 300 ريال
هذي وانا اخوك جلد بلوف من واقع تجربه اما تصليحه فاعتقد غالي شوي
بيض الله وجيه من رد ومن قراء
سألت عن تصليح جلد البلوف قالوا شغل يد 800 معقوله اشتغل او انتظر رايكم
والأعظم من ذلك شافه واحد قال 90% شنبر علما ان الموتر ماشي بس 190000كيلو متر
خلك من الميكانيكي وكلامه..بسألك سؤال..
هل الموتر بنقص زيت..وكم كمية النقص..وعلى مسافة كم..
وبنعطيك العلم الأكيد..
ترى أكثر ألميكانيكيين..اللي سباك..واللي دهان..وهل من مجرة..
وفقك الله,,
الروقي
والله يالروقي ينقص واعتقد نقصه كثير بالضبط مادري توي شاري الموتر
انا شاريه من القصيم وانا من حائل ومغير زيته هناك مسافة الطريق ومشاوير بسيطة ناقص حول علبة
اخوي اذا الزيت ينقص يبغى تغيير شنابر
والسلام
بورك فيك اخي ممدوح شاكر مرورك
حيا الله اهل حائل والاخوة الموجودين
غريبة 2004 وممشى قليل
جلد البلوف تنقص داخل البلد مع اللفلفة ومع المشوار الطويل عكس ذلك ماتنقص ( ما اتفلسف لكن من واقع تجربة )
شكله مثل ما ذكرو الاخوان يحتاج شنابر
تحياتي لك
اخوي
الله يطعمك من خيره ويكفيك شره
اذا كان دخان ازرق فهو ضعف بسيط في الشنبر
لو كان الشنبر تعبان مرة كان يضعف عزم الموتر
لو كان دخان ابيض فهو جلد بلوف
اهم شي تعاير الزيت في الصباح يكون كل الزيت نازل في الكرتير
اذا مشى الموتر 3000 او 2500 عاير الزيت
و علمنا
اذا كان نقص اقل من علبة انصحك ما تلمس المكينة
اذا كان اكثر
يجب تمشي بالموتر 5000الاف كيلو
و بعدين عاير عشان نطلع بحكم و تصور نهائي
و اهم شي لا تسرع على الموتر فوق اللازم مثل 160 و طالع
لان السرعه و احتكاك البساتم يقضي الزيت
و الورش المتخصصة موجودة ببريدة
ان حبيت تفحص موترك
رد في موضوع سابق
حياك اخوي
خل الموتر يشتغل 10دقائق خصوصا الظهر
همن دس بنزين دوسة وسط
اذا طلع دخان ابيض فهذه جلد بلوف
يفك الراس و تغير الجلد
احيانا اذا شغلت الموتر و هو بارد الصبح
يطلع دخان ابيض
اهم شي
اذا مشى الموتر 2000كيلو عاير الزيت
اذا كان النقص حول النص علبة
فلا تلمس المكينة
تاكد من عدم وجود تهريبات في
وجه الكرتير و وجه صدر المكينة و الصوفة اللي بين المكينة و القير
و وجه غطاء الراس
و قد يكون سبب النقص
جلد بلوف او ضعف بسيط بشنبر البستم
عموما
مر على ورشة ابو خالد الخضير بطريق خضيراء
رجال ثقة و نصوح يعطيك الحل الاكيد
و عندك بجنبه ورشة الهبيش ابو سليمان
بالتشاليح عندك ورشة ابو عبدالله الصمعاني
ان بغيت ارقام لهم علمن
غالب نقص الزيت بالباترول و الجيكسار
من جلد البلوف
موفق
ابو راكان ,VTC بورك فيكما وشاكر لكما جزيل الشكر
ولا نستغني اخوي عن ارقام الورش ويا ليت اللي يعرف ورش متخصصه بالباترول بحائل يفيدنا
لكم مني جميعا اجزل التحايا
عزيزي..
غير زيت موترك..وأمش عليه من 4000الى 5000 إستخدام طبيعي وراقب الزيت أثناء قطع هذه المسافة...
إذا النقص علبة وأقل..هذ من جلد البلوف..وإذا أكثر..ربما الشنبر ضعيف..وبادي ينضح الزيت ع البلوف أثناء عمل البستم..
انت لاتستعجل..راقب نقص سيارتك..
وفقك الله,,
الروقي
الذين يشاهدون الموضوع الآن: 1 (0 من الأعضاء و 1 زائر)