موسوعة الغاز مكشات

[الهيثم]

[poet font="Simplified Arabic,4,teal,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياللي تقول انك اتعرف المقاصيد=وش مقصدي في كلمتي وفهموها
عشقت لي والعشق مابه مناقيد=بنتٍ وابارمز لسمها وعرفوها
سميها يمشي على قافر البيد=وباشارته طلعت اعدود اوردوها
[/poet]

وتقبلوا تحياتي ,,,,,,

[السمح]

لغز حلو وجميل .. ويعطيك العافية على هذا التفاعل ..

طيب نجي لحل اللغز وش رايك يالهيثم إن اسمها :

[c]...... نــــــورة ...... [/c]

[المجًفل]

السلااااااااااام عليكم جميعاً ومساكم الله بالخير


عندي رمعه وابي ارمعها

ماتكون( مزنه)

[السمح]

هو علم وإلا حلم .. معقولة هذا المجفل يالله حيه يالله حيه .. وينك والله فقدناك .. لعنبو بليسك ما نيب مصدق إنك رجعت .. ياهلا والله ومسهلا بالغالين ..
وترى حلك يبدو لي إنه صحيح ولله شكل مزنه أزين من نورة .. وتكفى يالهيثم قل له إنه صح تراه مهوب سهل في حل الألغاز أعرفه زين ..
وش تبي عاد يالمجفل أكثر من هالترحيب وتوسطنا لك عند الرجال إنه يقول صح على حلك وشف إن ما قال صح ترا بنشوف له سنع .. قصدي لا تغيب عنا ترانا بحاجتك ..

[الهيثم]

الاخوة الافاضل تحيه طيبه
اخوي السمح اقولك رمعتك بدون زعل وين نوره وين اللغز فكر زين في المقصود ! فعلاً المطلوب اسم حبيبه.
اما بالنسبة لخوي المجفل فياه الله بين اخوانه والله ودي أقوله أن حله صحيح علشان خاطرك يالسمح وحبك له وعودته بعد فتره الغياب وشهادتك إنشاءالله في محلها لانه جنب القده "يعني ماهوب بعيد حول الحروه " وراح يجيب حله المرة الثانية أما هالمره ماله لوا وخيرها بغيرها .
وتقبلوا تحياتي ,,,,,,

[الهيثم]

عذراً على الخطأ المطبعي

أما بالنسبة لخوي المجفل فحياه الله بين أخوانه

أكرر اعتذراي ياأخي المجفل

ولك تحياتي,,,,,

[مخاوي الذيب]

السلام عليكم
اخوي الهيثم عندي رمعة
اعتقد الجواب هو الديمة
وان كان الجواب غلط عندي رمعة ثانية وهي الغزال

[الهيثم]

الاخ الفاضل مخاوي الذيب
السلام عليكم ورحمة الله وبركاته ,,,,
ودي اقول صح السانك بس تعرف القوانين ! مالك لوا لا ديمه ولا غزال . وإذا تبغاني اغششك قرب اذنك وابشر بعزك .

ملاحظة /
ياخواني فكروا في البيت الاخير وفي معنى العد , وراح تجيبون الحل إنشاءالله .

وتقبلوا تحياتي ,,,,,,,,,

[عاشق الصحراء]

اعتقد اسم نوع من النمل.
و سلامتكم.

[المجًفل]

الف شكر لخوي السمح على هذا الترحيب والف شكر على مايقوم به من اعداد وتنظيم رائع لهذا المنتدى

يعطيك العافيه اخوي الهيثم على هاللغز وابي ارمعلي رمعه وعلا وعسى ان تصيب

ماتكون( مي)

[الهيثم]

الاخ الفاضل عاشق الصحراء بعد التحيه
رمعتك ماهي يم سنع ومشكور على المحاولة
ولك تحياتي

[الهيثم]

السلام عليكم ورحمة الله وبركاته

الله يعافيك والشر مايجيك ياخوي المجفل

بالنسبة للرمعه " مي " مالك لوا وخيرها في غيرها

ولك وافر الشكر ,,,,,,,

[المجًفل]

مساكم الله بالخير مايكون الحل ثرياء

[مخاوي الذيب]

السلام عليكم ورحمة الله وبركاته
الاخ الهيثم انا بحثت عن معنى (اعدود ) ووجدت انمفردها عد ان معناها البئر في الصحراء
فاذن الجواب هو البئر او احدى مرادفاته

[عاشق الصحراء]

هلا و الله براعي اللغز العلمي .
الظاهر لغزك يبيله اخصائي جيولوجي و عالم في طبقات الارض.
انا قلت نمل لان النمل يستدل بنثيلته اذا كانت بها ثرى او رطوبة.

على كل حال لغز جامدكيف البدو يستدلون ان هذا المكان
تحته ماء يعني وش الاشارة شجرة خضراء و الا اييييييييش