موسوعة الغاز مكشات

**مخاوي الذيب** · 22/06/2002, 04:00 AM

3- اللغزالثالث :
كاتب اللغز السمح
أبنْشــــــد اللــي كـلْ لغْـزٍ يهـــمّـه ........ اللي يحـــل اللــغـــز دايـــم تمـــامِ
ويش الغلام اللي لْصـــدرك تضـمّه ..... ولا مـــقصـــدك تقديــرٍ واحـتـرامِ
يفــزع لكم كان الخـطـر حــلْ بأمّـه ...... وفِعْل السبب مطلوب يا ابن الكرامِ

4- اللغزالرابع :
كاتب اللغز السمح
انشدك عن طفل تحبه رجاجيل
....................................... طفل نحيل الجسم بالجاه ممنوح
شالوه من حضن امّه الورع بالحيل
........................................ وامه على فرقاه ما تبذل النوح
فيه الرضا لله من جيل لا جيل
........................................ يمشي مع الحيين لكن بلا روح

**مخاوي الذيب** · 22/06/2002, 04:03 AM

الاجابات
3- اللغز الثالث
الجواب الصحيح هو حزام الأمان من قبل المجًفل
4- اللغز الرابع
الجواب الصحيح هو المســــوا ك. من قبل بارود

**مخاوي الذيب** · 22/06/2002, 04:06 AM

5- اللغز الخامس :
كاتب اللغز (السمح)
يـا ويـش بـنـت دايـمٍ ترفـــع الراس
......................................... كلٍّ لها من النــاس راســه يوطــيه
ترفع جميع الروس من خلقة الناس
......................................... ومن تــرفــعه ربــّـه يميته ويحييه

6- اللغز السادس
كاتب اللغز( المجًفل)
اسألك عن شي(ن) ثمين(ن) ومدفون--- شين ثمين وتكره الناس شوفه
حي مع الحيين وان ضاع يبكون----- وان شافه الرجال يزاد خوفه

**مخاوي الذيب** · 22/06/2002, 04:10 AM

الاجابات

5- اللغز الخامس
الصحيح هو المخده الوساده من قبل سنجار10 و المجًفل
6- اللغز السادس
الجواب الصحيح هو الدم من قبل السمح

**مخاوي الذيب** · 22/06/2002, 04:13 AM

7- اللغز السابع
كاتب اللغز المجًفل
ياويش بنتً مالها سو وذنوب_-_-_والناس من شر البشر عذبوها
ميقافها ماياقفه لابس الثوب_-_-_ ترضي جميع رجالها لابلوها

8- اللغز الثامن
كاتب اللغز المجًفل
انشدك عن بنتين متوالفاتي_ _ _ قامن مقام انثى وذكر في عملهن
بنتين عند اللازمه حاضراتي_ _ _ به من يجالسهن وبه من طردهن

9- اللغز التاسع
كاتب اللغز المجًفل
انشدك عن عذراء عيشته راس رجال،،،تاكل وماكولها مانفعها
رجالها من أحمر الدم ماسال،،، ياعونة الله مايحس بوجعها

**مخاوي الذيب** · 22/06/2002, 04:17 AM

الاجابات

7- اللغز السابع
الجواب الصحيح هو الشارة اللي تنحط للرماية أو الهدف من قبل السمح

8- اللغز الثامن
الجواب الصحيح هو دله الشاي ودله القهوه من قبل غالي الأثمان

9- اللغز التاسع
الجواب الصحيح هو براية القلم الرصاص من قبل غالي الأثمان

**مخاوي الذيب** · 22/06/2002, 04:20 AM

10 - اللغز العاشر
كاتب اللغز المجًفل
انشدك عن رجلً سرق غالي المال 0000 تحت ظلام الليل محداً يشوفه
وهـرب وغرب مامعه ربع مثقال 0000 ولا شال حمل ولا تحمل كلوفه
وعلى مغر الناس ياخذ تجوال 0000 وطعم الحرام يدخله وسط جوفه

11- للغز الحادي عشر
كاتب اللغز السمح
أنشدك عن هولة وساعٍ عيونها
قوية القدرة صغير مقاسها
عرضها بطولها لاناظرْت زولها
ست عيونها واصبعين براسها

12- اللغز الثاني عشر
كاتب اللغز السمح
ويش بنتين على روسهن عدة عيال = هن خوات وكل وحدة تشيل عيالها
وحدة يوصف بها الطيبين من الرجال = واختها ما هوب فال النشامى فالها

**مخاوي الذيب** · 22/06/2002, 04:24 AM

الاجابات

10 - اللغز العاشر
الجواب الصحيح هو الباعوض النامس من قبل المجًفل

11- للغز الحادي عشر
الجواب الصحيح هو بطّارية السيّاره من قبل عاشق الصحراء

12- اللغز الثاني عشر
الجواب الصحيح هو اليدين (اليمنى و اليسرى)و العيال هن الاصباع من قبل عاشق الصحراء

**مخاوي الذيب** · 22/06/2002, 04:27 AM

13 - اللغز الثالث عشر
كاتب اللغز السمح
ويش رجل كل ما قام طنب فالصياح = يقضي اللازم وهو مقفي ومقبل يصيح
مستعد بالمساء للمصايب والصباح = فاتح بطنه وفيه يحذف ميت وجريح

14- اللغز الرابع عشر
كاتب اللغز السمح
يابنـت يـا للـي منـزلَـه بالطـويـلات
تنزل خطر فـي ماضْيـات السنيـنِ
تمشي ولا تقطع بمشيَهْ مسافات
وان ركبهـا الراكـب تـجـر الحنـيـنِ

15- اللغز الخامس عشر
كاتب اللغز السمح
ياويــش رجل كان للنــاس جَــمّاع ....... وهو يتعب الطِّرقي وييبس شنونه
وتالي زمانه سَـلْمه المعتبر ضـاع ....... وقاموا إلى حـلْ: الوطـن يتركونه

**مخاوي الذيب** · 22/06/2002, 04:29 AM

الاجابات

13 - اللغز الثالث عشر
الجواب الصحيح هو سياره الاسعاف من قبل عــنــود الـصيد

14- اللغز الرابع عشر
الجواب الصحيح هو محالة السواني الي على مقام البير من قبل عاشق الصحراء

15- اللغز الخامس عشر
الجواب الصحيح هو الصيف من قبل جوال^البراري

**مخاوي الذيب** · 22/06/2002, 04:32 AM

- اللغز السادس عشر
كاتب اللغز السمح
أبا أنشد من عطاه الله ذكا ومْحِبٍّ للالغاز
----------------------------- عن اللي تولد من أبْوَهْ وتبعــد ما تجي يَمّـه
ما دامه حي أبوها ، تفيد الناس ما يعتاز
---------------------------- والى منّه فنى تفنى . يا عـارف اللغز سـمِّـه

17- اللغز السابع عشر
كاتب اللغز السمح
انشدك عن بنت تلمع كالصقيـل = عند نور الشمس لامـن صابهـا
مستحيل الكـذب يلحقهـا بدليـل = من يحب الزين يحسب حسابها

18- اللغز الثامن عشر
كاتب اللغز السمح
أنشدك عن سيفينٍ وَسْط الميادين
------------------------ وقــت اللـقـا يــا كـثـر مــا يِشهَـرَنّـا
واللي شهرهـن ماشـي بالقوانيـن
------------------------ والْـوانـهـن مـــع الـبـشــر يـعـرفـنّـا

**مخاوي الذيب** · 22/06/2002, 04:36 AM

الاجابات

16- اللغز السادس عشر
الجواب الصحيح هو المال و زكاته من قبل عاشق الصحراء

17- اللغز السابع عشر
الجواب الصحيح هو المراية من قبل ابو نجود

18- اللغز الثامن عشر
الجواب الصحيح هو الكرت الأصفر والأحمر في المباراة من قبل ابو نجود

**مخاوي الذيب** · 22/06/2002, 04:37 AM

19- اللغز التاسع عشر
كاتب اللغز السمح
أنشدك عن رجلٍ نزل بين ثنتين = له عندنا حِشْمه وأيضـا كرامـه
سِمـيّـه فـيـه الـرجـال مْسمّـيـن = أهْل الشجاعه والوفا والشهامه

20- اللغز العشرون
كاتب اللغز الوان الطيف
انشدك عن راع رعى له رعية ******* ما يفرح الا يوم ياتي ذهابها
فزولها الفزيع مع كل نية ******* ولا يكره الا من لقيها وجابها

21- اللغز الحادي والعشرون
كاتب اللغز الهيثم
ياللي تقول انك اتعرف المقاصيد = وش مقصدي في كلمتي وفهموها
عشقت لي والعشق مابه مناقيـد = بنتٍ وابارمز لسمها وعرفوهـا
سميها يمشي على قافـر البيـد = وباشارته طلعت اعدود اوردوها

**مخاوي الذيب** · 22/06/2002, 04:41 AM

الاجابات

19- اللغز التاسع عشر
الجواب الصحيح هو الخشم من قبل دهن العود

20- اللغز العشرون
الجواب الصحيح هو " اللغز " او الألغاز اللي نطرحها على الغير من قبل الوان الطيف

21- اللغز الحادي والعشرون
الجواب الصحيح هو صنتــه من قبل مخاوي الذيب

**مخاوي الذيب** · 22/06/2002, 04:44 AM

22- لغز والشاطر منكم يحله
كاتب اللغز الهيثم
أنا بنشدك عن جملة بنـاتٍ مالهـن مثيـل
----------------------- لهن حكمٍ قويٍ للبشر نمشـي علـى شانـه
بعضهن يجبرك غصبٍ ولونـك قـوي حيـل
----------------------- ومن لايفتهـم مضمونهـا مافـاد iiعصيانـه
توارثها البشر فالوقت جيـلٍ يعقبـه جيـل
----------------------- اتساوي راعي الصحراء مع اللي جوف دكانه
من دور عليها ميل ماحصّـل عليهـا ميـل
---------------------- وهي ماتقـرب الكيـال والمكيـال iiميزانـه

23- لغز ومين يحله
كاتب اللغز راعي الجيوب

ابنشدك عن ورع في بطن امه مسدوس,,,,,,,,, اسود سواد الليل من دون عمه
اليا ذبحت امه طلع مثل جاسوس,,,,,,,,,,,,,واليا طلع علم على ذابح امه

24- خذ هذا الغز
كاتب اللغز راعي الجيوب
يمشي مع المخطى ويترك اهل الطيب,,,,,,,,واهل العقل لاجالهم يمدحونه

تفعيل العضوية	إرسال كود التفعيل	مركز تحميل الصور	باحث قوقل لمكشات	الرصد الجوي	رادارات المناطق	إستعادة كلمة المرور
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

الموضوع: موسوعة الغاز مكشات

أدوات الموضوع

عرض

معلومات الموضوع

الأعضاء الذين يشاهدون هذا الموضوع

ضوابط المشاركة