السامري و الهجيني و القصائد المشهوره في المناسبات

[راعي بر]

اشكركم ياشباب على هذا الموضوع والردود الجميلة واحب ان اقول لكم ان قصيدة يا طير ياخافق الريش لفهد بروسلي .



وشكراً لكم

[عاشق الصحراء]

شكرا للاخ راعي بر لاضافة المعلومة ان القصيدة لفهد بو رسللي.
>
>
>
و الان مع هذه الهجينيه الي تصلح اذا كنت ناوي لك مقناص و داعس
مع لك خط بري ما به مطبات و لا به رقاله و لا جرفه ,,,حاط رجلك و
فاتح الدريشه ( النافذه) و مطلع يدك على جنب( يعني منسجم )و زاجن
هالهجينيه و الزين بعد اذا كان معك واحد حسه زين و يواجبك(يعني
يردد و راك ) هلا ..هلا

للشاعر( حمد المعمر) او(دهيمش المعنى) او (زيد المطيري)








[poet font="Simplified Arabic,4,blue,normal,normal" bkcolor="coral" bkimage="" border="outset,4,deeppink" type=1 line=200% align=center use=ex length=0 char="" num="0,black" filter=""]
تو ما شافت غزير الزين عيني=طارت الغدفة و شفت اللي تحتها
الجدايل فوق متنه سبحتين=يا صباح الخير يا نور طخمتها
بس عذروب الحبييب شارتين=مع سواد عيونها طول رقبتها
لعن ابوك اخذي ذلولي و ارحميني=عندكم تخلف و لا عند ورثتها
يا علي ما شفت حالي يا ضنيني=من هنوف شايت القلب شلعتها
ليتني ما شفت وضاح الجبيني=يعلم الله يا علي حالي خذتها
عين ريمن ذيروها مسلحين=قادت الغزلان و الريم تبعتها
شافت القناص يدرق بالبطين=سمعت البارود بالخايع رمتها
شبه حمرا ربعت بالقريتين=سلفت قدم المظاهير و تلتها

[/poet]

[عاشق الصحراء]

شكرا يا ابو تركي على تلبية طلبي و جعل الموضوع غير مثبت
و ذلك للنفع و الفائدة ,كما اتفقنا, و حتى يكون للموضوع نوع من
التجدد و الحيوية.
و شكرا لك على الاهتمام و حسن الاشراف.

[هاوي مقناص]

عز الله صح السانكم والسان راعيين القصايد ، والله انها من اجمل القصايد التي تصلح للمقناص والرحلات،

وابي منكم يالربع تكفون ، قصيده ، كان جدي يقصدهالله يرحمه، ودورت عليها وما لقيتها ، اللى يقول فيها يالربع

وماني حافظ الا ها البيتين 0


يوم جيت اضمه صيح يبي امه ********* يالعن ابو امه عيط عليه0


وان شاء الله انكم تعرفونها وتكتبونها ، با اسرع وقت يالربع تكفون

ودمتم غانمين سالمين


اقبلو تحياتي : هاوي مقناص 0

[المسفهل]

القصيدة يا أخ هاوي مقناص لشاعر مجهول .. وتختلف أبياتها باختلاف الرواة .
والقصيدة مما يغنى بالسامري على أكثر من طاروق وهي من القصائد ذات الجرس الخفيف والإيقاع الرنان :

[poet font="Times New Roman,4,black,bold,normal" bkcolor="transparent" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter=""]
ياعيسى باحي..صبري ومزاحي=من حب المجمـ.. ــول اظْبيٍٍ لاح

ياعيى كنه..من حور الجنة=زباد وخنة.. مسك فواحِ

ياعيسى أشوفه..خضب اكفوفه=ياكن اردوفه.. نقيان الضاحي

نطحني يردي..والمقطع وردي=ياكن المورد.. يسقى به عوده

نطحني مارق..والعمر مفارق=ياكن البارق.. لميع خدوده

نطحني مياح..عجاج الأرياح=ياكن التفاح.. زمة انهوده

إن جيت أخمه..صاحت تبي أمه=لا رحمت أمه.. عيت عليه

إن جيت أشيله..ملاني نيله=ياويش الحيلة.. يابو خزرية

[/poet]

[هاوي مقناص]

السلام عليكم 0

عز الله انك جبتها بالملي ، ومشكوووووووووووووور ، وصح السانك ، اخوي المسفهل وما قصرت يالغالي

وكثر الله من امثالك ،يوم انك جبتلي هالقصيده ، يا بعدي 0

ودمت غانم سالم


اقبل تحياتي :هاوي مقناص 0

[المسفهل]

لا شكر على واجب ياأخي هاوي مقناص . .

ونحن في الخدمة في كل ما نستطيع فعله وينفع الإخوة..

ودمت لأخيك المسفهل .

[المسفهل]

ومما يغنى على طواريق السامري قول الشاعر سعد بن عبد الله الخريجي :




[poet font="Times New Roman,4,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
قل لي هلا يا نور عيني واحييك=لا تخلي المعنى يذوب ابشفاتك

أشهد برب الكون ما ني بناسيك=يافرحتي برضاك عقب ازعلاتك

احتاج لك ارفق عسى الله يخليك=النفس ما تقدر تواجه اسكاتك

لو كنت نجمة بالسما صرت أراعيك=لو كنت وردة قمت أحاضي نباتك

وين الدلال اللي عرفته امحليك=وين الحنان اللي يجمل صفاتك

هونك على قلبٍ يحبك ويغليك=لا تُودِع الفرحة اتودع حياتك
[/poet]

[الهيثم]

السلام عليكم ورحمة الله وبركاته
هذه هجينية للشاعر ابراهيم الطويان ولها قصه :-
كان الشاعر ابراهيم الطويان من شعراء عنيزه يحمل بضاعه من الخضار لرجل يدعى "منقاش" بسيارته ولكن حدث ان تعطلت سيارته في الصحراء فمر به سائق شاحنه من نوع "عنتر" يدعى "الحرابي" فطلب منه أن يحمل الخضار معه , فرحب ولما أراد الطويان دفع ثمن النقل رفض الحرابي وطلب هجينية تطرد النعاس عن عيونهم ثمناً له فقال الطويان :
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
العنتر اللي ركب منقاش=حس الحرابي ببوديه
من وردته مادخل بقراش=ولا مرنوه العليميه
هو منوة اللي نوى المطراش=يسري حوال الشبيكيه
سلم على العذب يامنقاش=ياعنقها عنق ريميه
الخط منهم نبي ببلاش=ومن عندنا فيه خرجيه
[/poet]
ولكم تحياتي

[عاشق الصحراء]

السلام عليكم و رحمة الله و بركاته عدنا اليكم يا احبائنا.


من الاغاني السامريه لاحد شعراء اهالي البديع ( الافلاج )

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=350% align=center use=ex length=0 char="" num="0,black" filter=""]
يا ابن سالم ترى قلبي عليكم حزين=و السبب صاحبي زعلً و لا ارضيتناه
صاحبي ينقش الحنا بكف حسين=مثل نقش المطوع بالقلم و الدواة
بو نهيد صغير ما لهجه الجنين=مثل بيض القميري لاجي في حشاه
صاحبي غصن موز و الهوى به يلين=ليت من هو بعالي الغصن يقطف جناه
صاحبي يحسب اني عنه ادور حتين=حالف ما نوى قلبي و لا اطريتناه
في ضحى العيد عدوني مع الميتين=مثل بعض الضحايا قدمت للذكاة
يا هل الغي حياكم نجر الونين=و نتشاكى جميع لا سقى الله الحياة
آه من ونة تودع ضلوعي طحين=ما يجبّر ضلوعي كود والي سماه
طير يا الي ترفرف فوق دار الخدين=خبر امي ترى المجمول حصلت اناه

[/poet]

[عاشق الصحراء]

عندما شدى الفنان علي عبد الستار بهذه القصيدة ...اشارة كل الاصابع الى
الشاعر سعد الخريجي انه العطاء الوثاب و الحب و الابداع في ذات هذا الشاعر.







[poet font="Simplified Arabic,4,crimson,normal,normal" bkcolor="transparent" bkimage="backgrounds/24.gif" border="solid,4,blue" type=2 line=350% align=center use=ex length=0 char="" num="0,black" filter=""]
يا ناس احبه.. و احب اسمع سواليفه=صوته يشتت هموم.. عايش فيها
يامر و ينهى و انا دايم على كيفه=أرجي ورود الهوى تنبت باراضيها
لا غاب عني يعيش الفكر مع طيفه=و ان صار عندي حياة الحب الاقيها
مسكين قلب شكى غيبة مواليفه=عزى لعله تعذر من يداويها
ظل ظليل علي و غصونه مريفه=شمعة زماني عسى الله ما يطفيها
أمسلم نظرته لاهل الهوى زيفه=و يطيح قلب من غصون نبت فيها
لا من ضحك لي خذت قلبي تواصيفه=و لا من زعل عفت أنا الدنيا و ما فيها
لجل ان أحبه و احب اسمع سواليفه=صوته يشتت هموم ..عايش فيها

[/poet]

[عاشق الصحراء]

و هذه السامرية للشاعر ضويحي بن فهد الهرشاني.


[poet font="Simplified Arabic,4,blue,normal,normal" bkcolor="orange" bkimage="backgrounds/8.gif" border="double,4,deeppink" type=2 line=200% align=center use=ex length=0 char="" num="0,black" filter=""]
راعي القرن الاشقر شد قلبي و تله=تلة السيب غيصه من بحور الظلام
ليتني شذرة زمام على مبسمٍ له=فوق خد تكاشف مثل برق الظلام
أو زرار بثوبه غاطي لبة له=فوق فرع النهود و حدر طرق اللثام
كن بعيونه الخزرات جمع و سلة=عسكر الروم حمران الوجيه الطغام
صاحبي و ان ذبحني بالهوى فدوة له=ذبح خلي حلال و ذبح غيره حرام
حب خلي بقلبي ما تعدى محله=كود برق الصبيحية تعدى سنام
قلت يا صاحبي ما هو بذالحب كله=كثرة الحب يضهدني و يبرا عظامي
قال لي مدمج الساقين خله لعله=منك انا مونس حر المودة شمام
عنز ريم تقود الصيد دقه و جله=عذبت ناقل البندق سريع الولام
ما تجي في ملاقيفه و لا مدهل له=حذرة الصيد ما تصطي عليها المرامي
صاحبي بالضماير باني منزل له=قصر خلي عمار و قصر غيره هدام
صاحبي ما هرج له في جلس بالاظله=و لا يطاوع خاربين الذمام
لي حبيب ليا قابل حديثه ما امله=كود امل اللبن من در هجنا السنام
يا وجودي عليهن وجد من فاطر له=غره النوم عنها في فروع المظامي
في الحتيفه خلاوي و الدحل ما يدله=ما حواليه من يعطيه حمض الاعلام
فوقها قربته و نعوله و مزهب له=و حام دون الدحل عمس معيف و عامي



[/poet]

[ساري نجد]

سلاااااااااااااام

وش هالزين ما شاء الله

ابشروا بالقصيد ساااامري وهجيني وكل شي بس اصبروا على شوي
بس عندي استفسار صغينون: وشلون احط القصيده في برواز مزركش ؟؟؟ هل هي في خصائص اضافة الموضوع او وشلون بالضبط؟؟

وسلاااااااااااااااام

[عاشق الصحراء]

هلا .. هلا .. و غلا بالاخ ساري نجد شرفت المنتدى و يسعدنا تواجدك معنا .
و يسعدنا ان تتحفنا بما لديك من مشاركات .

اما بالنسبة للاستفسار عن منسق الشعر..فنعم هي في خصائص اضافة الموضوع
و لكن المشرف السمح اعد موضوع في اعلى خيمة القصص و الاشعار بعنوان
( منسق الشعر في جميع خيام مكشات) و هذا الموضوع فيه الخطوات لتنسق
الشعر ببرواز مزودة بالصور, فقط اتبع خطوات السمح و سوف تعرف له.

تقبل تحياتي.

[راعي الكشتات]

[poet font="Traditional Arabic,5,white,bold,italic" bkcolor="crimson" bkimage="backgrounds/20.gif" border="ridge,6,coral" type=0 line=350% align=center use=ex length=0 char="" num="0,crimson" filter=""]
تلعب بقلبي على كيفك=انته سبب كل غربالي
تستنفد الصبر يا حيفك=وتزيدني غبن وهبالي
من كبر هجرك وتصنيفك=طويتني وانطوت حالي
يضرني منك تسويفيك =في هجرفه مالها تالي
اثرك شديد على ضيفك=يا غالي ما معه غالي
[/poet] (لشاعر الامير المرحوم خالد بن احمد السديري