على طاري الارطى ..
حدثت قصة لي لن أنساها ..
القصة طويلة ولكن سأحاول أن أختصرها لكم ..
كنا في رحلة داخل النفود وكان معنا شخص لم يخرج الى البر في حياتة الا نادراً المهم في أول ليلة لم يتذوق طعم النوم .. ومن الغد كان مزاجة متخربط سألتة عن حالتة قال مرتفع معي القولون ..
فقلت في نفسي ..ليش ما أسوي فية مقلب ؟؟؟
فقلت لة يمدحون هدب الارطى للقولون ويقولون يد بيد
قبل ما أنهي كلامي الا هو وسط الارطى ياخذ من الهدب ويعلك ..
ضحكنا شوي على الموقف .. وتركناه المهم رجع لنا الرجال مبسوط مزاجة ..
قلت غريبة ... هاه وشلون الوضع
قال مضبوط ..وين الفراش أبي أنام
لقينا واحد من الشيبان اللي عندهم خبرة بالطب الشعبي ..
قلت لة يابو فلان وشو علاج القولون ؟؟
قال لاتروح بعيد العلاج قريب .. هدب الارطى .. أعلكة وماتشوف الشر بأذن الله ..
فقلت سبحان الله ... رب ضارة نافعة
المهم ما أدري هل صدفت معة والا أن الارطى علاج لبعض أنواع القولون !!!!