( رابــــطة ملاك البـاتـرول الربـع)

[العايد999]

اذا في تجمع عطو ادارة المنتدى خبر لكي يكون هناك تنسيق بين الاعضاء

[عاشق 2المقناص]

ابسجل معكم قريب ""
كلها كمن يوم ويطلع الموتر نت المعرض
سجل عندك ربع 2009 شدبلد
ادعولي بالبركه ""

[تميمي 1414]

سجل عندك باترول ربع 2000 شد بلد 4500

[باسم الرياض]

السلام عليكم ياهل الجيوب
استفساار
الجيب 2003 سفاري فل كامل فتحه وغيره من المواصفات
طبعا ربع كم سعره تقريبا للنظيف وهل هو بخاخ او كل الجيوب نفس الموديل كلبليتر

[عاشق التوام]

سجل يابو عابد مشاء الله تبارك الله باترول ربع سلقه أبيض 97 على ماهو عليه من اخترعه الياباني ماغير الجنوط والكفرات تغيرت

[راصد عنيزواي]

طيب والي معوه باترول سوبر سفاري ربع موديله 1995 مكينته شد بلد 4200 يدخل معكم ؟

[باترول4200]

شباب احد يفيدنا عندي باترول ربع كم يجيب بالسوق بالوقت هاذا

[الجروووح]

السلام عليكم


ياشباب مفكر بالسفاري 2009 باب واحد ربع ستاندر سلقه وش رايكم يا الربع ؟


أبي العيوب بأمانه و بدون تعصب .

[مخاوي المكشات]

السلام عليكم


ياشباب مفكر بالسفاري 2009 باب واحد ربع ستاندر سلقه وش رايكم يا الربع ؟


أبي العيوب بأمانه و بدون تعصب .

+1

ياليت أحد فيدنا وخاصه في قطع الغيار وصرفية البنزين في موديلات 2009 (يعني كم يقطع مسافه داخل البلد وكم يقطع على الخطوط واي فئه من البنزين 91 أو 95 وإذا شديت على عزمه في الرمل بالتفصيل الممل) وكيف عزم الموتر في وقت الشدايد .
لاني ناوي ادخل معكم في هذه البرابطه المشرفه .

والله لا يهينكم يا شباب تبي العلوم اللي تسر.

[sulaiman.fj40]

مرحبا بالاخوان وانشاالله بدايه طيبه ومفيده ويتم تبادل الخبرات واعطاء النصائح والمشاركه في حل مشكلات الباترول الربع.احب انضم للرابطه وموتري نيسان باترول ربع موديل 96 شد الوكاله بدون اي اضافات .وفق الله الجميع.

[سهيل تميم]

سؤال الله يعافيكم :

وش افضل مركه (تكايه ) الي بين مقعد السائق والراكب ووين تباع..انا وي بشي مثل الجيب الصالون..

[كلاسيكو]

سجل واحد نفر احم اقصد واحد باترول ربع
موديل 98
ماكينة 6 لترول (دينالي )

خوش استعمال

[dr7004]

سجل ربع باترول 82 قديم شوي؟؟؟ بس ها خذ حديد وصدام فولاذي
اتمنى من الادارة تثبيت الموضوع لتعم الفائدة

[عاشق 2المقناص]

مسااااااااااء الخير
وشلونكم طيبين ""

ابي ارفع الموتر وخايف من رجة العمود .. وش الحل
علما بان الموتر ربع 2009 (ياي استرالي او كعكات ) ماهو الافضل

[حبل الوريد]

يا شباب انا ناوي ان شاء الله على واحد من 2007 وطالع

لكن الناس خوفون يقولون يشرب البنزين شرب مهوب صاحي ولاهو لم سالفه

وبديت اعدل النظر للهيلكس

المطلوب منكم يالربع كم تعبونه (91) أو (95)

واذا فللته كم يمشي