!!!...تركيب خرائط المملكه التفصيليه على جوال الباندا...!!!

[((( الحر)))]

اخواني اعضاء وزوار منتدى مكشات

السلام عليكم ورحمة الله وبركاته

اقدم لكم طريقه سويتها شخصيا وهي تركيب خرائط المملكه التفصيليه على جوال نوكيا 6600( الباندا)
وصراحة هذي الطريقه خدمتني كثير من خلال الرحلات والتنقلات لوجود الخريطه بالجوال واي وقت تقدر تفتحها وتتفرج عليها وتاخذ المعلومات الي تبي سواء الطرق او المسافات او الفياض او الجبال او الاوديه بدون ما تحمل معك اوراق وصفحات او حتى اطلس المملكه.

واليكم الطريقه...؟؟؟-

بعد مانزلت خرائط مكشات من رابط موضوع اخوي محب البر هذا
http://www.mekshat.com/vb/showthread.php?t=20188

وعن طريق البلوتوث ارسلتها لجوال الباندا وفتحتها وصارت بالشكل هذا



بعد كذا سويت لها تكبير بالضغط على رقم 5 بالجوال

وتكبرت بحجم 12.5% مثل هالصوره


ومن ثم كبرتها مره ثانيه بالضغط على رقم 5 ايضا



وصارت بحجم 25% مثل الي بالصوره



وبعد ماكبرتها مره ثالثه


وصلت الى حجم 50% وصارة على هذا الشكل
وهذي ثلاث صور للخريطه بالحجم الكبير ..واضحه جدا بالجوال حتى للي شوفه لك عليه

1- العرمه والطوقي


2- شمال الرياض والمسافات واضحه على الخريطه


3- هذي خريطه لروضة ام المصران بالصمان


التشويش الي بالصور قد يكون من التصوير ولاكن بالجوال واضحه تماماً

بعد كذا ماعليك الا انك تحرك الذراع الي بالوسط على اي اتجاه وتمشى بالخريطه للمكان الي تبي

وخطوط الازفلت والمسافات والشعبان والوديان واضحه مره
بالامكان ان ترسل جميع خرائط المملكه الى جوالك اذا كان حجم ذاكرة الجوال مناسب ويستوعبها
وتفتح اي خريطه حسب المنطقه الي ناوي تروح لها
وايضا ترسل الخرائط الى اي جهاز ثاني بواسطة البلوتوث شريطه ان يكون 6600 ( بالباندا)لان هذي الخرائط ماتشتغل على اجهزه الجوال الاخرى او بالصح ماتكون واضحه
طبعا ... لايوجد احداثيات على الخرائط

ارجو ان تكون هذه الطريقه تخدم الجميع حتى الي مالهم بالبر والمكاشيت

وافر تحيتي للجميع... اخوكم...((( الحر)))... ابو محمد

[مشغول]

الله يعطيك العافية اخوي (((( الحر ))))

فكرة والله حلوه

تم تحميل الخطريطة واضحة وممتازة

احب اذكر انك ترسل الخريطة عن طريق IR مب البلوتوث .


وشكرا لك

[ابو دحيم]

مشكووووور اخوووي

على الموضوع

[صقر عليه]

أخوي الحر
هل اقدر انزل خارائط المدن كلها ومايضر الجهاز
ولك الشكر على مجهودك

[كشات وماشي]

تسلم اخوي على هالطريقة

فكرة ممتازة جدا

وسوالي لويمحت
هل أستطيع تنزيلها على جوال الدمعة مثل مايسمونه؟

ولك تحياتي والاعضاء المنتدى الكرام،،،

[ابو ســــاره]

فكرة رائعة اخوي الحر تسلم وجزاك الله خير .
وبعد اذنك ابرد على الاخوان
اتصور تنزل جميع الخرايط لانها على هيئة صور والجهاز يشيل مئات الصور .
ونفس الشي 7610 الي هو الدمعة تنزل على هيئه صوره عادية

وما نقول الا الله ينور عليكم يا المكشاتيين .

[((( الحر)))]

اخوي ...... مشغول....
مشكور وبارك الله فيك... وكلامك صحيح انها ايضا ترسل عن طريق الوصله IR
ولاكن البلوتوث اسرع
وطريقة البلوتوث هي تركيب وصله بلوتوث على جهاز الكمبيوتر ويصير مثل الجوال يرسل ويستقبل مع الاجهزه ومدى البلوتوث الخاص بالجهاز 100م يعني اكثر من الجوال.
=========================

اخوي .........ابو دحيم......
الله يسلمك ومشكور على مرورك

[((( الحر)))]

اخوي .... صقر عليه

بارك الله فيك وشكرا على تفاعلك مع الموضوع
بالنسبه لخرائط المملكه التفصيليه الموجود بالرابط احجامها متفاوته ولاكنها ماتعدى 800كيلوبايت وحجم ذاكرة الجوال 128ميقابايت يعني تاخذ بالراحه
======================

اخوي..... كشات وماشي
بارك الله فيك وشكرا على مرورك
بالنسبه لجوال الدمعه فالغريب فيه انه بعد ما تكبّر الخرائط تصبح غير واضحه مره ولا تقدر تستفيد منها لدرجه انك ماتشوف الطرق من التشويش مادري وش السبب
=====================

هلا بالشيخ .......ابو ساره
مشكور يالغالي على ردك وتمون يالغالي بس جوال الدمعه مايقبل شف ردي السابق
بارك الله فيك

[ملبد]

جهد وتوضيح تشكر عليه يابو محمد
------
الفترة الماضية تقول إنك مشغول ولا تلقى وقت تحك راسك ..
وأثرك ( مشغول ) بالباندا..

[ابو ســــاره]

صدقت يا خيي والله اني حست الدنيا وفلان وعلان الي ان لقيت واحد بالعمل معه وصلة بلوتوث وارسلتها للجوال بس مع الاسف ما وضحت مع ان حجمها صغير بالحيل 760 كيلو بايت يعني بحجم صورتين عاديات بالجول جوالي الدمعه الي نثر من عيني دمعه !!!

[أبو نايف]

شكرا لك اخي الكريم ((( الحر))) على هالفكره الرائعه

و الصور طلعت واضحه جدا على الجوال

وهذي الصور ملتقطه من الجوال مباشره













الخريطه واضحه جدا بس ما قدرت اكبرها 100% يقولي الذاكرة لا تكفي

بس 50% كافيه جدا

اكرر شكري لك أخي ((( الحر)))
أخوك
أبو نايف

[محب الشمال]

ما شاء الله عليك اخوي الحر
والله يوفقك ويعافيك
اخوي كيف انزل الخريطه من الجهاز على الجوال
اخوك عليمي في النت والجوالات
هل يعني فيه حاجه اركبها في الكمبيوتر تطلع ذبذات وتوصل للجوال
اخوي اذا ما فيه طبعاً احراج عليكم
والله يحفظك ويرعاك

[ابو وطبان]

اخوي الحر لازلنا ننتضر تعلمنا مما علمك الله فلا تبخل علينا اكرمك الله

[((( الحر)))]

طريقه ارسال الخرائط من الكمبيوتر الى الجوال

افضل طريقه لذلك هي طبعا ان تشتري وصلة بلوتوث خاصة بجهاز الكمبيوتر وقيمتها حوالي 120ريال وتلقاها عند محلات الكمبيوتر وتشبكها بالجهاز ويصبح جهاز الكمبيوتر مثل الجوال ترسل منه كل شي مثل الصور والخرائط ويستقبل من جوالك ايضا ومدى البلوتوث في هذه الوصله 100متر

بعد كذا ترسل الخرائط الى الجوال ويستقبلها على شكل رساله بلوتوث تفتحها وتحفظها بالذاكره

نصيحه للي ماله بتثبيت البرامج والتعاريف على الكمبيوتر ان ياخذ جهازه الى محل الكمبيوتر ويخليه يركب لك البلوتوث ويثبته وانت وافق مايبي وقت..ويعلمك ايضا كيف ترسل... وترى الدعوى سهله بالحيل جربها مره وتعلمه بسرعه

ملاحظه ماله داعي ترسل كل الخرائط للجوال مره وحده ارسل الي انت بحاجته وحسب المنطقه الي انت فيها...

تحيتي...... اخوكم.....((( الحر)))...!!!

[رحال الخبر]

الاخ ابو الفناتك
((( الحر)))
ماشالله عليك والله عندنا من الخرايط والصور كميات لكن لم تخطر ببالي هاالفكرة الله ينور دربك بالايمان
وعندي دمعة المطور ولماحطيت الخرايط تقول ماشالله كانها جهاز القارمن
الله يزيدك من فضله وينور عليك وشكرا على المعلومة المفيدة
ولك كل الهلا والسلام