~{ رابطة ملاك لاند كروزر vxr-gxr-gx-g}~

[ابوفهد06]

اخوي عبرود انصحك في ورشة العضيب تخصص لاندكروزر في الصناعيه القديمه في الرياض
ياخذ فحص 200 ريال واذا بتصلح عنده يطيح قيمة الفحص اي ورشه تساله ممكن يقولك عن مكانهم
وتقبلو مروري اخوكم ابو فهد

[عبرود]

مشكور اخي ابو فهد

[سيد القصر]

لاند كروزر 2007 لميتد فل اوبشن لون أبيض لؤلؤي
وارد عبداللطيف

[الشقردي 449]

ارحب بالجميع وأتشرف بانظمامي لكم
أنا معي جي اكس ار 2007 فل كامل قير عادي قطري ( ونش - دفلك - ست سيديات -
سبير علاق - )
واقول. جيب لاند كروز لامن شفت خطه $ رسم ياباني كثر فيه الشخاطي

[مغتراب]

السلام عليكم ورحمة الله وبركاته لكل رابطة ملاك لاندكروزر وكيف حالك انشاء الله بخير .
وحبيت اسجل معكم واستفيد من خبراتكم ولدي GXR 2005 فل كامل .

وحبيت اسئل عن ريموت الونش كم سعره جديد وكيف احصل عليه هل يوجد محلات تبيعه بسعر ارخص من الوكاله .

وعندي استفسار اخر بخصوص الديفدي اشتغل معي لكن بدون صوت كيف يعمل الصوت مع العلم انه شد بلد وكاله .

ومعليش كثرنا عليكم بالاسئله وشكراً .

[مغتراب]

للرفـــــــــــــــــــع

[ابوفهد06]

اخوي ذيب الريان احب اشكرك
لكن يليت تشوف واحد من الشباب الي يكون متواجد دئم في المنتدى

[بدر الشويلعي]

سجلوني معطم يالذيابه
موتري v x r م / 99 وارد عبداللطيف اللون فضي فل كامل

ودامي سجلت عندي سؤال

فيه صوت صرير كانه صوت شي منحل مسمار او صاموله يطلع الصوت مع البطناج والارض الغير مستويه وخاصه القار القديم الله يعزكم يجي ويروح كان الصوت بمقدمة السياره وبالخلف ايضا ورحت البنشر وقال فيه تيل تجي على القماشات تثبتها وشتريتها للامامي لاكن الصوت الي بالخلف مالقيتله حل لانه ماله تيل وكل مهندس اروحله يقول هذا الصوت بكل الجيوب الي ابلشكل هذا

تكفون الي يعرف وينه فيه الصوت او مارن عليه يعلمني ترى والله فليت السياره من الصدام للصدام بكل ميزان ولا حصلت الصوت وينه فيه

عاد ابي فزعتكم

اخوكم بدر

[ذيب الريان]

يامرحباااا باللي سجلوا كلٍ باسمه ياهلا ومرحبااا واللي عنده سؤال باذن الله العيال موب مقصرين معه الله يجزاهم خير اهل فزعه بيض الله وجيهم .........

[ذيب الريان]

السلام عليكم ورحمة الله وبركاته لكل رابطة ملاك لاندكروزر وكيف حالك انشاء الله بخير .
وحبيت اسجل معكم واستفيد من خبراتكم ولدي GXR 2005 فل كامل .

وحبيت اسئل عن ريموت الونش كم سعره جديد وكيف احصل عليه هل يوجد محلات تبيعه بسعر ارخص من الوكاله .

وعندي استفسار اخر بخصوص الديفدي اشتغل معي لكن بدون صوت كيف يعمل الصوت مع العلم انه شد بلد وكاله .

ومعليش كثرنا عليكم بالاسئله وشكراً .

بالنسبه للريموت حق البلد بالوكاله 1500 ريال ولا ريموت ونش الوورن الامريكي 200 ريال

الديفدي والله معرف له

موفق اخي

[ذيب الريان]

سجلوني معطم يالذيابه
موتري v x r م / 99 وارد عبداللطيف اللون فضي فل كامل

ودامي سجلت عندي سؤال

فيه صوت صرير كانه صوت شي منحل مسمار او صاموله يطلع الصوت مع البطناج والارض الغير مستويه وخاصه القار القديم الله يعزكم يجي ويروح كان الصوت بمقدمة السياره وبالخلف ايضا ورحت البنشر وقال فيه تيل تجي على القماشات تثبتها وشتريتها للامامي لاكن الصوت الي بالخلف مالقيتله حل لانه ماله تيل وكل مهندس اروحله يقول هذا الصوت بكل الجيوب الي ابلشكل هذا

تكفون الي يعرف وينه فيه الصوت او مارن عليه يعلمني ترى والله فليت السياره من الصدام للصدام بكل ميزان ولا حصلت الصوت وينه فيه

عاد ابي فزعتكم

اخوكم بدر

باذن الله العيال بيفزعون معك مايقصرون

[فيصل الذيب]

gxr v8موديا 2008 اللون اسمنتي

[نديم المجره]

ياخوان انا صاحب جيب لاندكروزر 2009 Gxr-v8 ولم استخدم الدبل حتى تاريخه
حيث يوجد فيه اربع ازرار اعتقد انها تستخدم للغراز واحد جنب القير وواحد يسار المكيف واثنان تحت الدركسون يمين
ولا اعرف ايهم يستخدم اولا وهل تستخدم منفرده اومجتمعه وماهو دور كلا منها
علما بأنني سلكت طرق رمليه ورباضات ولم احتاج إلى استخدامها مع العلم ان ضغط الهواء 35
افتوني مشكورين والا بعته ورحت لرابطة آخرى

[ذيب الريان]

ياخوان انا صاحب جيب لاندكروزر 2009 Gxr-v8 ولم استخدم الدبل حتى تاريخه

حيث يوجد فيه اربع ازرار اعتقد انها تستخدم للغراز واحد جنب القير وواحد يسار المكيف واثنان تحت الدركسون يمين
ولا اعرف ايهم يستخدم اولا وهل تستخدم منفرده اومجتمعه وماهو دور كلا منها
علما بأنني سلكت طرق رمليه ورباضات ولم احتاج إلى استخدامها مع العلم ان ضغط الهواء 35

افتوني مشكورين والا بعته ورحت لرابطة آخرى

السلام عليكم

مرحباً فيك بين اخوانك

بالنسبه للدبل في اللمواتر الجديد يكون دفع رباعي الى سرعة 100كم بعدين يفصل الدبل من نفسه

لاكن الازارير الي انت عديتها باذن لله يجي ذيب يعلمك عنها....

ولك تحياااااتي,,,,,,

[ذيب الريان]

gxr v8موديا 2008 اللون اسمنتي

الله يعطيك خيره ويكفيك شره

الله يحييك بين اخوانك ياهلا و مرحبااا