~{ رابطة ملاك لاند كروزر vxr-gxr-gx-g}~

[برق1431]

ياشباب وش ارخص محلات بيع قطع غيار الاندكروزر

يالحبيب ... للمعلومية الموزعين للوكالة في الغالب يكونون أرخص من الوكالة نفسها .... والفرق بين الموزعين يسير بحدود 10 ريال تقريباً وتوفر بنزين الدوران على المحلات .... وبالتوفيق

[برق1431]

ياجماعة الربع عند صديق لي ( يايات vxr وكالة ) موديل 2005 اللي له نظر يسوم .... والله يرزق الجميع من واسع فضله

[باسم الرياض]

السلام عليكم
سجلووووووني معكم
جيب جي اكس وارد قطر موديل 2001
مكيفين ثلاجه فتحه قير عادي

[المساجدي]

السلام عليكم ورحمة الله
اخواني حفظكم الله ورعاكم
عندي gxr 2006 الون ابيض
فيه حكات من الجهة الايمين كامل
وابي اصبغ السيارة كاملة وذلك
حتى ما تختلف لون السيارة عن بعضها
ابي اوديها الوكالة بس كم تتوقعون انها تكلف ؟
واذا في ورشة محترمه اتمنى انكم تدلوني عليها
ولكم شكري وتقديري للجميع

لا ياخوي وش الى تصبغ كامل حرام عليك والله ان يطيح في كبدك محد يشتريه بيحسبونه مقلوب
رش الجنب الايمن كامل واذا انت من الشرقيه قلي وادلك على ورش محترمه ولا ارسللي صورة الموتر من اليمين واعلمك وش تسوي
والوكاله انحش عنهم فيه ورش برا افضل منهم وبربع السعر

[توتاري]

انا اقول من رائي يخليه على ماهو اذا الحاكات بسيطه

وياخوك ترى الموتر لا رش الناس تخاف منه يحسبونه منقلب حتى لو رشيته جنب واحد

حاول انك ماترشه وبتتعود عليه

جاراً لي موتره 2010 لاندكوزر الجنب الايسر كامل محكوك بجدار ولده عليمي جاء بيلبق الموتري واخذ الجادر معه الله يصلحه

ويقوا مافكرت ارشه ابد بخليه على ماااهوو

[قطن]

السلام عليكم عندي ستفسار عن السله الخلفيه لاند كروز وين اجدها هل هي امينه اولا تنصحوني فيها

[مجنون عسل]

أخوي المساجدي حياك الله وبياك ...
انا من اهل الشرقية يالغالي
اي والله تكفى دلني على ها الورشة
جيت الى الوكاله قالو لي نصلح لك الجهة اليمنى كاملة 9000 ريال والشغلة والله ما تسوى
قام يتفنن السمكري حق الوكالة يقول هذا هنا فيه طقه ولازم تتعدل الرفرف الامامي لازم تغيره
الازياج كامله العتلة اللي تحت الباب المهم خرجت من عندهم وانا اقول انتظروني الى ان اجي اسمكرها عندكم
اتمنى افادتي عن الورشة اللي تعرفها وهل شغلهم مضمون للاهمية
وشكراً

[المساجدي]

مجنون عسل هلابك اكثر بين اخوانك ودامك من الشرقيه تدلل وانا اخوك وعقبال ما نشوفك ونتعرف عليك ان شاء الله

شف حبيبي بخصوص الورش عندك الناجم في طريق الخبر الدمام لايعلى عليها بس غاليه جدا

وعندك الى انا اصلح فيها ومجربها ومضمون شغلهم ان شاء الله

فيه ورشه بخضرية الدمام اسمها القارات

ووصفها وانت نازل من الدماام على طريق الجبيل تجيك ورشة سهم المعروفة لف من بعدها يمين وامش شوي تلقا ورشة القارات يمينك لوحتها كبيرة

اسأل عن قايد الشايب راعي الورشه وخله هو يسعر لك لان فيه واحد ثاني يسعر مهبول يصلخ بالاسعار فلذلك احرص على قايد


اتمنى انني افدتك واى خدامات انا حاضر و لايردك الا الكيبورد ^_^

[مجنون عسل]

مجنون عسل هلابك اكثر بين اخوانك ودامك من الشرقيه تدلل وانا اخوك وعقبال ما نشوفك ونتعرف عليك ان شاء الله

شف حبيبي بخصوص الورش عندك الناجم في طريق الخبر الدمام لايعلى عليها بس غاليه جدا

وعندك الى انا اصلح فيها ومجربها ومضمون شغلهم ان شاء الله

فيه ورشه بخضرية الدمام اسمها القارات

ووصفها وانت نازل من الدماام على طريق الجبيل تجيك ورشة سهم المعروفة لف من بعدها يمين وامش شوي تلقا ورشة القارات يمينك لوحتها كبيرة

اسأل عن قايد الشايب راعي الورشه وخله هو يسعر لك لان فيه واحد ثاني يسعر مهبول يصلخ بالاسعار فلذلك احرص على قايد


اتمنى انني افدتك واى خدامات انا حاضر و لايردك الا الكيبورد ^_^

اخي في الله المساجدي حفظك الله ورعاك
اسأل الله ان يجعل ما تقدمه في خدمة اخوانك والقائمين على الموقع والاعضاء وجميع المسلمين زيادة في الحسنات ومحواً لسيئات .... آآآمين
شكراً لإفادتك وراح اروح للورشه ولك فائق احترامي وتقديري

[المساجدي]

اخي في الله المساجدي حفظك الله ورعاك
اسأل الله ان يجعل ما تقدمه في خدمة اخوانك والقائمين على الموقع والاعضاء وجميع المسلمين زيادة في الحسنات ومحواً لسيئات .... آآآمين
شكراً لإفادتك وراح اروح للورشه ولك فائق احترامي وتقديري

جزاك الله خير على الدعوات الطيبه

طمني وش سويت

[aziz221]

السلام عليكم اخواني هذي اول مشاركة لي واتمنى من اهل الخبره في الاندكروزر لاني انشاء الله بشتري واحد بس محتار بين
vxr او gxr طبعا وارد عبداللطيف ولكم مني جزيل الشكر

[المساجدي]

السلام عليكم اخواني هذي اول مشاركة لي واتمنى من اهل الخبره في الاندكروزر لاني انشاء الله بشتري واحد بس محتار بين
vxr او gxr طبعا وارد عبداللطيف ولكم مني جزيل الشكر

حياك الله اخوي عزيز بين اخوانك في المنتدى وشرفتنا بتواجدك بيننا
وبخصوص الاستفسار رأيي انك تاخذ ال vxr مايبيلها كلام مواصفات ولا اروع والفرق على ما اعتقد 35 الف بينه وبينgxr3 v8
اما الgxr حرام تسوق 195 الف واخر شي الكرسي هندل(يدوي) ومافيه تحكم بالدركسون ومافيه شاشه معلومات في الطبلون و...و...و...الخ
وقبل لا انسى الف مبروك مقدما وزين ما اخترت

[aziz221]

حياك الله اخوي عزيز بين اخوانك في المنتدى وشرفتنا بتواجدك بيننا
وبخصوص الاستفسار رأيي انك تاخذ ال vxr مايبيلها كلام مواصفات ولا اروع والفرق على ما اعتقد 35 الف بينه وبينgxr3 v8
اما الgxr حرام تسوق 195 الف واخر شي الكرسي هندل(يدوي) ومافيه تحكم بالدركسون ومافيه شاشه معلومات في الطبلون و...و...و...الخ
وقبل لا انسى الف مبروك مقدما وزين ما اخترت

الله يسلمك اخوي وتشكرات على المشوره والله هذا تفكيري بس انا يوم الجمعه كنت في المعارض وكم معرض قالي اذا منتب مستعجل اصبر خلال شهر بتنزل اسعارها وش الراي

[العابر سبيل2]

اخوي الفاضل انا بنصحك نصيحة دامك بتدفع 195000 ريال في gxr والله ان الموتر مايستاهل هذا المبلغ لانه لايوجد فيه اي مواصفات تذكر بل عادي عادي جدا جدا جدا جدا جدا جدا
تبي سيارة مواصفات كامل وتمجدك في السفر والركوب وتتحكم بكل شي من الطاره وانت مرتاح
علــــــيك ب vxr والله انه يستال الفلوس اللي فيه وانا مثلك قد احترت قبل ان اشتري الفي اكس ار قبل ايام وحمدت الله اني ماتورطت مع gxr وخذ وارد عبد اللطيف جميل تراة ممتاز خاصة 2010 وفقك الله

[راعي الهدد 7]

السلام عليكم
انا ابي انضم للرابطه المميزه
سيارتي هدد 2007 والملقب بـ:ذويـبـان.
وارد البريمي قير عادي, سبيرين اللون أبيض لؤلؤي
واتمنى التقدم لهذه الرابطه