القصدير على الفحم

[راعي الحمره]

السلام عليكم ورحمة الله وبركاته


يا خوان هذي الطريقه لذيذه جدا حيث انها تصير على طريقة القصدير الورقي او الي على شكل اطباق
وانا افضل الاطباق الانها ارتب , تضع الصيده مثل الحمام او الدحاريج او الحجل إلخ .... او يكون وياك
دجاج , وطبعا تبهر الدجاجه وتضع معجون الطماط وبعض البطاط والبصل والطمام ولا تنسى الملح
آخر شي تصب ربع لتر ماي بس على الطرف على شان ما تسيح البهارات من الدجاجه وتضعه
على الفحم لمده 45 دقيقه وتنجب , وعلها عوافي انشالله .


مع تحيات اخوكم راعي الحمره

[المسفهل]

مشكور ياراعي الحمره على هذا الطبق اللذيذ وياليت تدعونا الكويت

على طبق حجل ثم تشرح لنا على الطبيعة

ومشكور مرة أخرى وتسلم أياديك يالغالي

[راعي الجيوب]

تسلم ياراعي الحمره على هذا الطبخة

[راعي الحمره]

السلام عليكم ورحمة الله وبركاته


شباب حبيت في هذا الموضوع اني اتكلم عن طرقه سواها واحد من الشباب طبعا بالقصدير بس من غير فحم او فرن , هذا الشاب في طريقه للبيت ظبط القصدير
وفتح كبوت السياره وحط القصدير عند المينيفول , ولما وصل البيت بعد 40 دقيقه
كان الطبق جاهز , هذي الطريقه مظحكه بس توفي بالمطلوب وعساه عوافي
انشالله .

مع تحيات اخوكم راعي الحمره