وش رايكم بالشد فوق الباترول ؟

[ابونايف الروقي]

السلام عليكم
شباب وش رايم في الشد الي يركب فوق السياره بس ماهو الكبير الفضي ( السله ) لا الي اقصده مثل الي يجي في الجمس شد بلد او يجي احيانا في الاندكروزر ولونه اسود ويجي على طول التنده من الامام الي الخلف وبينها وصل صغيره انا فكرت اركبه على الباترول وش تنصحونني فيه وايش افضل شي ووين احصله انا في الرياض وهل هو عملي ام لا ؟ وكم يتحمل ثقل ؟ وهل يحتاج الي تخريق السياره ؟ وسلامتكم وشكرا للجميع .

[الشقردي]

على حسب اللي فهمت منك
فاللي تقصد يحتاج الى تخريم في سقف السيارة

وأعتقد انك تفصل واحد حديد على لون السيارة أفضل وأقوى
ولو تدخل كلمة سلة أو شبك في البحث الخاص بالمنتدى تلقى الجواب الشافي

[الربذي]

نصيحة اخوي ليس عملي
انا معي باث فيه الاسود الي تقول علية مايتحمل الشد افضل شي سلة فوق السيارة حديد وبنفس لون السيارة ومنظره حلو مرة

[غواص الاحلام]

[font=Tahoma]أخوى ترى ان شريته ازعل عليك مثل مازعلت على روحى يوم توهقت به.

خلاخل والبلا من داخل.وانصحك بالشبك اللى يفصل مع شكل السيارة ويسمونه البقلاوة ويصبغ بنفس لون السيارة

وفتحات المسامير يضعونها حسب المواقع الموجودة فى كل سيارة.والله يعينك تدور ورشة جيدة واسأل عنها وشف عينات من شغلهم[/font]

[ابونايف الروقي]

السلام عليكم ... شكرا على تعاونكم وردودكم شقردي شكرا على التعليق اخوي الربذي الي انا اقصده زي الي يجي في الباثفندر وانت تقول ما يتحمل بس عموما انا ما راح احط عليه اشياء ثقيله بس فرش النوم وشكرا على التعليق وشكرا على التعليق ياغواص الاحلام وجزاكم الله خير على المعلومات ...

[ابونايف الروقي]

شباب وين اهل الفزعه والمكاشيت عطونا الي عندكم

[saag]

البقلاوة يفصل عند اهل الورش شكلة جميل جدا ومتناسق مع شكل السيارة وبنفس اللون ومساكاته مخفية ويمكن شيله باي وقت بدون اثر للتخريم وقوي بالمرة ويتحمل الشد والوزن وسعره رخيص
سالت عنه في بريدة ( طريق عنيزة ) عند الحدادين قرب اشارة النجر بحدود 350 ريال مع الدهان والتركيب

[طاوي البيد]

السلام عليكم ورحمة الله وبركاتة
انا معي سفاري 91 اربع ابواب فصلت سلة على السيارة حديد ممتازة جدا جدا ووالله العضيم اني ارتحت جدا من العفش وغيرة وفصلتها تقريبا ب500 ريال ولعلي ان شاء الله انزل صور لسلة وللملومية انها تركب على 99 ووفوق ز

[الطعس الذهبي]

فيه نوع حلو قلص لاصق بالسيارة تفكة وتركبة