المشاركة الأصلية كتبت بواسطة رياح الربيع
يعطيك العافيه اخوي الفضيل على طرح مثل هذه المواضيع الشيقه اللي تذكرنا وتذكر اللي مالحق على هذي
الاحداث .. الجميله منها والسيئ منها ....
بنسبه لي أنا كنت وقت 1402 عمري سنتين
ماأذكر شي فيها ... بس دايم يذكرها أخواني الكبار لنا
وأذكر الوالد الله يرحمه ويغفرله وجميع موتى المسلمين .. كان وقتها يقول جاي من الظهران بطياره وتأخر
عن دخول منطقة القصيم لوجود عاصفه رعديه ورجعت الطياره الرياض بسبب قوة الامطااااار
وأذكر سحابة 1413 كانت قبل العصر تقريبا بساعه أشوفها وأنا بالبيت ضخمه جدا وتتحرك بسرعه
ونزل منها مطر وبرد كان يصب صب وجلس ربع ساعه تقريبا يشتد ويخف شوي
بعدها طلعت برا أشوف الشوراع غرقانه وبيتنا تقول تحول شارعنا لوادي كل شي يمر من عندك من قوة السيل
هذا أخر مطر غزير بقوه أذكره
بعدها ماشفت وديان الحاره تمشي مثل مامشت ذيك السنه
مع العلم ان بيتنا ماكان حوله لا شعيب ولا غيره ... بس من قوة السيل كان ينزل علينا بقوه ...
وأذكر عام 1418 سنة الربيع والجميع يذكره ... مايجي أسبوع الا وهي امطرت عندنا ماشاءالله
لكن للمعلوميه ... أذكر أيام الابتدائيه كانت الامطار ذيك السنين 1406 الى 1410 تقريبا وعمري وقتها صغير باأول أبتدائي
كانت الأمطااااار جميله وتطول كثير .. تجلس ثلاث وأربع أيام مانشوف الشمس والامطار تهطل ديمه على كيف كيفك
والبرد والصقيع كان يشقق الأيدين من شدته... وتذكرون اللي مايهمه نفسه ويبي ينبسط يجيه ( المشق بيديه ورجليه )
يخليك تكره البرد اذا جاك
وقصة المطر 40 يوما
سمعنا عنها ذيك الامطار ( ليتنا لاحقنا عليه )
والســـــــــــــلام ختام ....