مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ما شاء الله عليك يا خوي عبدالسلام مؤرخ أغذية
ولكن بالنسبة للفار ترى حتى الآن ممكن يطلع لك فار يابس حتى في عبوات فاخرة مثل باب الهند العبوة الورقية .. الجراذي والفيران تعتبر صوامع الحبوب جنة الله على ارضه
تحياتي لك واشاركك نفس مشاعرك تجاه الذكريات << تراك وطيت على جرح
بسم الله الرحمن الرحيم
خروج عن الموضوع
اخي كثير من شبابنا هالحين يحسبون الدنيا من طلعت فيها الليز والببسي والسندويش والمطاعم والكهرباء والبلاي ستيشن ومكيفات ال جي وسيارات الأتوماتيك ........ ايامنا كنت اقف عند شباك مقصف المدرسة للفرجة فقط وليس للشراء ههه ههه , في الشتاء لا نعرف شيء اسمه بالطو او كوت لأنه لا وجود لهذه الأشياء , كنا نلبس عدد من الثياب بحسب شدة البرد , ولم نكن نتذمر من الحر , ومن يركب حمار يفتخر وكأنه راكب جيب بانثر في وقتنا هذا , ومع هذا كنا نافعين ونساعد اهلنا بالعمل , احياناً لا نجد غداء فنغمس التمر باللبن هالحين يقولك ابغا شوكلاتة بونتي ومارس وقوطي ما أدري وش اسمه , الله لا يغير علينا .
الحقيقة كتبت كلام طويل حول ذكريات الماضي , لكني مسحته
عبدالسلام ضيف الله الشلاش
انا اسمحولي عندي اضافه
التمن العراقي الاولين ياكلونه مع لحمة البعير واغلبهم مع لحمة الهرش يعني الكبير
اوالبكرة يقولون لانه يكون اطعم
اخوي عبدالسلام والاخ الاطلسي ولا يهونون بقية الشباب كلاً بأسمه
على طاري الهرش والبكرة خذ هالقصة اللي كان ( ابناء ) الأولين يتناقلونها تعبيراً عن امتنانهم لحياة الرغد التي يعيشونها قياساً بما عاناه آبائهم
القصة معروفة ويتندر بها الناس ولكن كتبها احد الاعضاء القداما في منتديات الاقلاع عندما كان في عزه قبل عشرة سنوات تقريبا وانقلها كما كتباها كاتبها ( المعري ) باسلوبه
الله المستعان ويحفظها من نعمة ولا يغيرهاالسلام عليكم ورحمة الله وبركاته .
الله يسلم الجميع ، هذي سالفة طريفة ، من كان فيه فلاح أموره وسط جاء الصيف والماء قلّ في الركية ، والتمر عليه خطر من العطش ،أموره ماهيب بالحيل .
دخل الديرة يصلي الجمعة وعزمة واحد من التجارأهل الدكاكين اللي يبيعون الأرزاق ـ العيش والرز والهيل والقهوة ألخ .. وافق وقلط عنده عقب الصلاة وتقهووا وسولفوا وبعد شوي جاب الغدا ، والى الغدا هاك الكبسة اللي يشم ريحها اللي في السوق من زينها ،تغدوا والحمد لله على النعمة ـ ومنول ماهنا رز مثل هالحين أشكال وأصناف اللهم لك الحمد ماتدري وش تشتري ـ كان فيه رز اسمه رز بن رصيص ، وفيه نوع أمريكي حبتة كنها حبة اللقيمي ،وفيه حصا وعودان يعني مهوب نضيف ،المهم الرجال استانس وقال للتاجر ، ياأبو محمد من وين لكم هالرز ؟ قال هذا تونا جايبينه من الرياض ، تبي منه ؟ قال الفلاح : ودي بقطمة ـ كيس صغير ـ .قال مايخالف ،
خذ الفلاح الرز وراح لعياله مبسوط جايب لهم رز جديد ، ووصى أم عياله تحط الغدا منه باكر ، ويوم جا يتغدى مع عياله ، ماش ما صار مثل الرز اللي عند التاجر، قال :أنت يامره متأكدة أنك حاطة من الرز اللي جبت أمس ، قالت : أيه أصلا رزنا الأول قاضي من أسبوع .ـ لاحول ولاقوة الا بالله ـ جاء في باله أن التاجر ياغاشه أو غلطان وعطاه من نوع ثاني ـ
شال القطمة وراح للتاجر في دكانه ، وقال : ياأبو محمد الرز ماصر مثل اللي غديتني منه أخاف أنك غلطان وعطيتني غيره ، قال أفا عليك أنا ما أغش أبد ، هذا مثل اللي في بيتي ، قال الفلاح : بس طبخنا منه وما جا مثل اللي عندك ، قال التاجر : أخاف أنكم ماعرفتوا تطبخونه ؟ قال وشلون : قال :الله يسلمك إلى بغيتوا تطبخون الرز ، جب لك قطعة هاك الفقار من حاشي سمين وعليها شوي من الشط ، وقطعوها صغيرات ، ثم احمسوا الشحم شوي ، ثم حطوا عليه اللحم ، وحطوا عليه بصل وطماط ، وليمون أسود ودارسين ، وشوي بهارات ، وخلوه يجي ربع ساعة ، ثم حطوا عليه ماء فايح ، وخلوه الين تستوي اللحمة ، ثم اغسلو الرز وكبوه عليه ، وخلوه على جمر يجي نصف ساعة ، وان حصل تحطون عليه الى ظهر الرز شوي زبيب فهو أحسن ، واذا ما طلع مثل اللي عندي فرجعه ،،، الفلاح ـ فاق خشته ويتمطق ـ قال يابو محمد : لو هاللي تقول عندنا لو نحط عليه ( جلّة ) مهوب رز كان طلع زين ، بس من وين لنا كل هاللي تقول !!الحال يعلم بها الله !!!!
الله يعطيك العافيه يابو فهد
رجعتنا للماضي
الأخ الغالي / عبدالسلام الشلاش
يا هلا ويا مرحبا فيك
الله يعطيك العافيه ومجهود تشكر عليه
فيه بعض الردود بننقلها لخيمة السوالف الشعبيه
الله يجزاك بالخير وبانتظار طبخه من يدينك وشرط الرز تمن
تقبل تحيتي
بارك الله فيك يالغالي
موضوع اكثر من رائع
ولاقصرو بعض الاعضاء في الشرح
اللهيعطيك العافيه
والف شكر لك
وتقبل تحياتي وتقديري
من مواضيعي
(( نثرية جرجس على الحطب ))
بسم الله الرحمن الرحيم
شكراً لردودكم
اخي ألأطلسي الأولين والتالين يأكلون التمن , ولكنه مع لحم الغنم يكون ازين .
الأخ عشة الحمام القصة جميله , وفيها دلاله على ان الرز بحد ذاته لايطلع طعمه زين الا مع اشياء اخرى تضاف اليه , قصتك هذي تذكرني بقصة اثنيين واحد اشترى كوسه والآخر اشترى لحمه , ويوم جو يتغدون قال صاحب الكوسة تشوف هالكوسه وشلون زينت طعم غدانا , فقال صاحب اللحمة لو تطبخ اللحمة مع فاس وترشف المرق ستقول يازين مرقه هذا الفاس , لقد صدق صاحب اللحمة
اخينا نوايا قلب العراقي والتايلاندي يجي مكسر اما البنقلاديشي حبوبه سليمه .
الأخ غياض حائل اشكر مرورك ويهمني معرفتك شخصك ارسل لي رسالة خاصه اذا اردت .
الأخ رعد الصحراء الله يعافيك , وانقل ماتريد , اما مسالة طبخه من يديني هذاك اول هالحين ما اعرف اشخط الشخاط .
الأخ مقناص 20 نورت الموضوع وبارك الله فيك
عبدالسلام ضيف الله الشلاش
يابعد حيي يالتمن والله ان له وحشة وشهوة خاصة لكن وين يلقي الزين هالايام تقبل تحياتي
بسم الله الرحمن الرحيم
اخينا ابو مشعل اليوم رحت وحصلت الرز , شف الشارع اللي غرب القشله اللي عليه الطواحين وانت بأتجاه الشمال , قبل ما ينتهي جدار القشله بحوالي 50 متر فيه شارع شبه مسدود على يسارك تحصل التمن في المحلات اللي تفتح جنوب رابع او خامس دكان , وسعر الكرتون ابو 10 كجم 110 ريال .
عبدالسلام ضيف الله الشلاش
أها بس خلّك من الرزيز وخلّك معنا بالنباتات .................... دعابة من اخوك الصغير
ماشاء الله عليك اللي عاجبني فيك
الدقّة في القياس
دمت أخي بخير وعليك بالعافية
ننتظر جديدك يالغالي
اخوك
الذين يشاهدون الموضوع الآن: 1 (0 من الأعضاء و 1 زائر)