*{.. نثرية الحمام المشوي بالخلطه السريه ..}*

[ألأطلسي]

السلام عليكم ورحمة الله وبركاته
اسعد الله مسائكم بكل خير
حياكم الله كلاً بإسمه ,,
يسرني من خلال هذا الموضوع أن اقدم لكم هذهـ الطبخه
الخاصه بالحمام مع اضافة الخلطه السريه
وهذهـ المقادير الاساسيه
ملعقه كبيرهـ لكل من
1/بهارات .. كمون .. زنجبيل .. ماجي ابيض .. ملح
2/ليمون اسود .. ثلاث حبات ماجي .. فلفل احمر .. بصل .. هيل .. قرفه
3/علبة طماطم .. طماطم .. زيت زيتون ..

وهذهـ كشنة الحمام
بهارات .. كمون .. زنجبيل .. ماجي .. بصل .. طماطم .. ملح

ثم أضفنا البهارات على الحمام

وهذهـ كشنة الطماطم الخاصه (السريه ) للرز

ثم نحمس البصل بالزيت ونتركه يحمر

ثم نضع البهارات والطماطم بعد مايتحمر البصل وتكون بهذا الشكل

وهذهـ صورة الحمام بعد ماطبخناهم لمدة ربع ساعه

واخرجنا الحمام ووضعنا الرز في القدر

واضفنا الكشنه بالخلطه السريه

تستاهل يارعد

وهنا نقمر الحمام على الجمر ..~

وهذا الرز بعد الطبخ .. وتركناهـ لمدة ثلث ساعه

وهذا الشكل النهائي للرز صورهـ مقربه (ويلك ياللي تعادينا )

واقلط ياعجاااااااااااااااااج

وهذهـ صورهـ عن بعد علشان (تقرب يالكايف)

بس لاتاخذ صحن الحكاكه لانه (خاص)

والمعذرهـ على قلة الصور لان الدنيا مطر

والجو مايساعد

على الجلوس في البيت والشعبان تمشي

وفي الختام

ارجوا ان تنال هذهـ الطبخه على استحسانكم

وبانتظار ردودكم وملاحظاتكم

اخوكم/ابو عبدالرحمن

[زايــ ابومحمد ــد]

0
0
وعليكم السلام ورحمة الله وبركاته
اخوي الغالي .. ابو عبدالرحمن .. يسعدني جدا ان أكون اول من يرد على احد مواضيعك الراااائعه
ماشاء الله تبارك الله .. .. تسلم يالغالي وتسلم ايديك .. حميمات مقمراااات .. ونثريه جنااااان
الله يجعله بألف صحه وعافيه
0
0

تحيــ زايـ ابومحمد ــد ــــاتي

[«نجم الخير»]

الله يعطيك الصحة والعافية
شغل حلو ومرتب جعله مهابيط العافية ان شاء الله
تقبل مروري ودمت بألف خير

[أبومنصور]

ياهلا ومسهلا بأبو عبدالرحمن
وش هالزين ما شالله ... حميمات على الكيف
بس افتك من الماجي وطع شوري خصوصاً مع الحمام
وانت ادرى من يالغالي
الحمام بالذات بهار وبصل بس عشان ما يروح الطعم الأصلي
تسلم يمينك واشوى اني شبعان يوم ارد



اخوك: أبو منصور

[LLAMA]

يعطيك الف عافية مجهود تشكر عليه
تحياتي

[انا مسلمة]

يعطيك العافية اخوي

[تلاشت]

ما شاء الله تبارك الله
يازين الشغل اذا صار مرتب
يازين الطبخ اذا كنت معطيه حقه
ويازين شغلك وش اقول وش اخلي
اتكلم عن الفلفل ولا عن الليمون الاسود ولا الماجي

سلمت ايديك يابو عبدالرحمن
وترا الصوره هذي محجوزه لي

[أبو مشعل]

السلام عليكم ورحمة الله وبركاته

ما شاء الله عليك بلهناء و العافيه عليكم

افتح باب السوم علي صحن الحكاكه شيك مفتوح...........

الله يسلم اليدين الي سوت الطبخه ولي أخذت الصور الحلوه

تقبل مروري

اخيك في الله

ابو مشعل

[رســــــلان الوجه]

حي الله أبو عبدالرحمن الله يسامحك كان اكتفيت بالصور اللي داخل القدر
يعني مو لازم تقديم وتصوير الصحن
يارجال عشاي بدري الليله الله لايعيق بشر
ماشاء شغلك كلك زين في زين ترتيب وصور واضحه ومقادير بس الماجي مثل ماقالوا الاخوان افتك منه
بس يأبو عبدالرحمن وين مرقة الحمام ؟

يعطيك العافية على النثرية اللي رنتها تضرب بالمخيخ
وبالعافية عليكم

[الكايف 1]

وعليكم السلام ورحمة الله وبركاته
حياك الله وبياك وجعل الجنة مثواك
ماشاء الله تبارك الله
وش خليت وش خليت
قالوا ايش قالوا خيمة الطبخ طفت عقب المسابقه الا بامر الله ماتطفا وامثالك موجودين
طبخة بالدماغ الله يسلم اليدين اللي طبخنه
الله يجعله مهابيط العفا يارب العالمين
ماحطيتلي بويديه من هالمرقه لانه تروح للراس على طول

الله يجزاك الجنه ووالديك والمسلمين اجمعين
تقبل مروري

[مقناص 20]

ماشاء الله عليك يا ابو عبدالرحمن
من قدك ومن يطولك فنان واستاذ يالغالي
يامن العافيه ان شاء الله
نثريه غيييييير مع الحمام والصحن الاخير يرن بالراس
تسلم الايادي والله
والف شكر
وتقبل تحياتي وتقديري

من مواضيعي
(( نثرية جرجس على الحطب ))

[عاشق السيل]

كفووووووووو يالذييييييييييييييييب !!!

ماشاء الله تبارك الله بدت تطلع الإبداعات والحركات وخاصة التماسيح الحمر !!!

ياجعلها بألف صحة وهنا على قلبك يابوعبدالرحمن ،،

بانتظار جديدك المشوق وتقبل مروري وتسجيل إعجابي يالغالي .....

[ألأطلسي]

0

0
وعليكم السلام ورحمة الله وبركاته
اخوي الغالي .. ابو عبدالرحمن .. يسعدني جدا ان أكون اول من يرد على احد مواضيعك الراااائعه
ماشاء الله تبارك الله .. .. تسلم يالغالي وتسلم ايديك .. حميمات مقمراااات .. ونثريه جنااااان
الله يجعله بألف صحه وعافيه
0
0

تحيــ زايـ ابومحمد ــد ــــاتي

هلا والله ابومحمد لاهنت على الرد
اسعدتني باطلالتك على الموضوع
وبيض الله وجهك على التفاعل والتشجيع
شرف لي حضورك ياغالي
دمت بود
اخوك الصغير
بوعبدالرحمن

[رســــــلان الوجه]

عندي تعليق بسيط بالنسبة للمقادير

طبعاً وجهة نظري أنا
أن أفضل طماطم هي المعلب اللي بطبخة أبو عبدالرحمن وأفضل بكثير والف مرة من المعجون والصلصة وله طعم ولذه ونكهة باينه في الاكل
عكس المعجون والصلصة فانها علاوة على البندورة تحتوي على زيوت


أبو عبدالرحمن بالساحل محرومين من هالفلفل الكبير
اللي عندنا قرون صغيرة مايجمل


بارك الله فيك
وأعذرني على الاضافة ونحن هنا للاستفادة من أخواننا في قسم المطبخ

[ابورايف]

الله يعطيك العافيه